അമ്മ ഭാഗം 3 "നിനക്ക് എണ്ണ വേണമെങ്കിൽ നിന്റെ കെട്ട്യോനോട് വാങ്ങിക്കാൻ പറയണം .... അല്ലാതെ .... ഇവിടെ വന്നല്ലാ .... ചോദിക്കേണ്ടത് ... " കെട്ടിച്ച് വിട്ടാൽ പിന്നെ നിനക്കിവിടെ സ്ഥാനമില്ലാ .... നിന്റോനോട് നിന്റെ കാര്യങ്ങൾ നോക്കാൻ പറയണം .... ഉറഞ്ഞുതുള്ളിക്കൊണ്ട വൾ പറഞ്ഞപ്പോൾ ......... നിന്ന നിൽപ്പിൽപ്പോലും ഞാനൊന്ന് തുള്ളി പ്പോയി ........ എന്റെ മനസ്സ് മന്ത്രിച്ചു ഇവൾ ..ഇവൾ .....എന്റെ അനിയത്തി തന്നാണോ ...... ഞാൻ പല സഹോദരിമാരെയും കണ്ടിട്ടുണ്ട് .....അവർക്ക് പരസ്പരം കാണാതിരിക്കാൻ പറ്റാത്തതിന്റെയും ഒന്നിച്ച് കണ്ടാൽ തല്ല് കൂടുന്നതും പിണങ്ങിയാൽ കെട്ടിപ്പിടിച്ച് കരഞ്ഞ് പിണക്കം തീർക്കുന്നതും ...പിന്നീട് ഒരുമിച്ച് കൊത്തം കല്ല് കളിക്കുന്നതും സാറ്റ് കളിക്കുന്നതും ഒക്കെ എന്റെ പല കൂട്ടുകാരികളും വികാരനിർഭരമായി പറയുന്നത് കൊതിയോടെ ..... അടുത്തിരുന്ന് ഞാൻ കേട്ടിട്ടുണ്ട് ....... എന്റ നിയത്തിയും എന്നെങ്കിലും എന്നെ കൂടപ്പിറപ്പായി അംഗീകരിച്ചിരുന്നെങ്കിലെന്ന് മനസ്സ് കൊണ്ട് കൊതിച്ചിട്ടുണ്ട് അവൾക്കിഷ്ടപ്പെട്ട വളകളും മാലകളും ഒക്കെ ഒരു ചേട്ടത്തിയുടെ അധികാരത്തോടെ കൊണ്ട് നടന്ന് വാങ്ങിക്കൊടുക്കാൻ മനസ്സേ റെ ആഗ്രഹിച്ചിട്ടുണ്ട് ....... ജീവിതത്തിലെ ഒരിക്കലും നടക്കാത്ത ചില കൊച്ചു കൊച്ചു സ്വപ്നങ്ങൾ. അവൾ നിന്ന് വിറയ്ക്കുന്നത് കണ്ടപ്പോൾ ....... ഞാനെന്റെ മനസ്സോട് തന്നെ ചോദിച്ചു..... അതിനിപ്പം എന്താ ഇവിടെ ഉണ്ടായേ.......... വീട്ടിൽ പത്തിരുപത് ലിറ്റർ എണ്ണ ആട്ടി വച്ചത് കണ്ടപ്പോൾ ...... അറിയാതെ അമ്മയോട് ഒന്ന് ചോദിച്ചു പോയി ..... അമ്മേ എനിക്ക് തലയിൽ തേക്കാൻ ഒരു കുപ്പി എണ്ണ തന്ന് വിടുമോ....?...... കെട്ടിച്ച് വീട്ടിട്ട് ഒരു വർഷാകുന്നു ......... ഇന്നലെയാണ് അമ്മായിയമ്മയുടെ തനി സ്വരൂപം ഒരു തുള്ളി വെളിച്ചെണ്ണയ്ക്ക് കണക്ക് പറഞ്ഞ് കൊണ്ട് പുറത്ത് ചാടിയത് .......... ചൊവ്വയും വെള്ളിയും മാത്രമേ ...... തലയിൽ എണ്ണ വയ്ക്കാൻ അനുവാദമുള്ളൂ ..... തല കുറച്ചൊന്ന് പാറിപ്പറന്ന് നിൽക്കുന്നതായി തോന്നിയപ്പോൾ ...... കുറച്ച് എണ്ണയെടുത്ത് ഇന്നലെ തലയിൽ വച്ചു ന്നുള്ളത് സത്യാ ....... പെങ്ങൾടെ കുഞ്ഞിനെ എണ്ണ തടവിക്കൊണ്ടിരിക്കുകയായിരുന്നു അപ്പോൾ അമ്മായിയമ്മ ......... ഞാൻ എണ്ണ തലയിൽ വയ്ക്കുന്നത് കണ്ടതും അവർ എന്റെ നേരെ ഉറഞ്ഞ് തുള്ളി ...... "നീയല്ലെ ഇന്നലെ എണ്ണ തലയിൽ വച്ചത് പിന്നെ ഇന്നും നിനക്ക് തലയിലെണ്ണ തേക്കണോ.... വെറുതെയല്ലാ..... ആട്ടിക്കൊണ്ടന്ന് ദിവസങ്ങൾക്കുള്ളിൽ എണ്ണ തീരുന്നത് ....... ആ വാക്കുകൾ എന്റെ നെഞ്ചിൽ തീയായ് വന്ന് പതിച്ചു..... ഒരു പക്ഷേ ..... തീ പൊള്ളിയാൽ പോലും ഇത്ര വേദന കാണൂലാ......... കൂടാതെ അത് തൊലിപ്പുറത്തെ മാത്രമേ ... പൊള്ളിക്കു.... അകത്തേക്കെത്തില്ലാ...... പക്ഷെ ഈ വാക്കുകൾ പൊള്ളിച്ചത് എന്റെ സപ്ത നാഡികളെയും ആയിരുന്നൂ ........ എനിക്കറിയാം എണ്ണയെങ്ങിനാ തീരുന്നതെന്ന് ....... 5 പെൺ മക്കളാണ് അമ്മയ്ക്കുള്ളത് 3 ആൺ മക്കളും ..... അതിൽ രണ്ട് പേരെ കെട്ടിച്ചു ..... രണ്ട് പേർ നേഴ്സ് .... ഒരാൾ വീട്ടിൽ തന്നെ ഉണ്ട് ..... കെട്ടിച്ച് വിട്ട മക്കളും നേഴ്സ്മാരും എണ്ണ ആട്ടിയതിന്റെ പിറകെ വന്ന് അവരവരുടെ ഓഹരി എണ്ണ കാച്ചിയും അല്ലാതെയുമായി കൊണ്ട് പോകും ........ ബാക്കിയുള്ള എണ്ണയാണ് അടുത്ത തേങ്ങയിടൽ വരെ ..... ഇവിടെ ഉപയോഗിക്കുന്നത്....... അതാട്ടെ കടുക് വറുക്കണമെങ്കിൽ അമ്മ പാത്രത്തിലൊഴിച്ച് തരും എണ്ണ ....... അല്ലാതെ നമ്മളെ കൈ കൊണ്ട് തൊടീച്ചിട്ടില്ലാ..... ഇതിപ്പം ..... മോനെ കുളിപ്പിക്കാനെടുത്തതിൽ നിന്ന് കുറച്ച് കയ്യിലൊഴിച്ച് തലയിൽ തേച്ചു ന്നുള്ളത് സത്യാ .... അതിന് ഇമ്മാതിരി ..... വർത്താനം എന്റെ ദൈവമേ.... ഞാൻ തലയിൽ കൈ വച്ചിരുന്നു പോയി ..... ഏത് സമയത്താണൊ ദൈവം എന്നെ പുറം ലോകം കാണിച്ചത് ....... ആ സമയത്തെ ഞാനത്ര കണ്ടങ്ങ് വെറുത്ത് പോയി ..... " മകം പിറന്ന മങ്കയാ പോലും ..... "ഇതിലും ഭേദം വല്ല മങ്കി യായെങ്കിലും പിറക്കുന്നതാ ....... അച്ഛന്റെ അമ്മാവൻ വിഷുവിന് എല്ലാർക്കും കൈനീട്ടം തരും 25 പൈസയും ഒരപ്പവും അതായിരുന്നു കണക്ക് ഒരു കയ്യിൽ 1 രൂപ മാറ്റി വച്ചിട്ടുണ്ടാകും ....... കൈ നീട്ടത്തിനായി ഞാൻ ചെല്ലുന്നതും നോക്കി ....... എന്നെ കാണുമ്പഴേ അകത്തേക്കോടും. എന്റെ ഭാഗ്യമുള്ള കുട്ടി വന്നുലൊ..... ഇതാ കൈനീട്ടം ന്ന് പറഞ്ഞ് ഒരു രൂപയും ഒരു ഉണ്ണിയപ്പവും കൈയിൽ വച്ച് തരാറുണ്ട്.... ഞങ്ങൾ അച്ഛന്റെ സഹോദരൻമാരുടെയും സഹോദരിമാരുടെയും അമ്മാവന്റെ പേരക്കിടാങ്ങളും ഒക്കെയായി 22 കുട്ടികൾ ഉണ്ടായിരുന്നു.....അതിൽ എനിക്ക് മാത്രം 1 രൂപ തരുമ്പോൾ മറ്റുള്ളവർ പരസ്പരം പതം പറഞ്ഞ് അസൂയയോടെ നോക്കാറുണ്ട്....... മകം പിറന്ന മങ്കക്ക് വല്യമ്മാവന്റെ കൈ നീട്ടം എന്നും പ്രിയപ്പെട്ടതായിരുന്നു... ജീവിതത്തിലെ ചില വിലപ്പെട്ട നിമിഷങ്ങളല്ലെ അതെല്ലാം അറിയാതെ ഓർത്ത് പോയി ........ എന്റെ തലയിൽ തേച്ച് തേച്ച് ഭർത്താവിന്റെ വീട്ടിലെ എണ്ണ മുഴുവൻ തീരണ്ടാ..... അതോണ്ടാണ് സ്വന്തം വീട്ടിൽ എണ്ണ കണ്ടപ്പോൾ ഒരു കുപ്പി എണ്ണ ചോദിച്ചത്...... അറിയാതെ പറ്റിയ കയ്യബദ്ധം ...... ഇനി മേലാൽ ചോദിക്കില്ല .....എന്ന് ...... എന്റെ മനസ്സിനെ പറഞ്ഞ് പഠിപ്പിച്ച് ഞാനാ പടിയിറങ്ങീ....... പിറകീന്ന് അമ്മ വിളിച്ചതായി തോന്നിയോ........ അറിലാ....'' തിരിഞ്ഞ് നോക്കാതെ ...... നടന്നു ...... നിറഞ്ഞു വന്ന കണ്ണുനീർത്തുള്ളികൾ കവിളിലൂടെ ഒരു നീർ ചാല് തീർക്കുന്നതും ..... അവ നേരെ എന്റെ നെഞ്ചിലെ തീയെ അണയ്ക്കാൻ ശ്രമിക്കുന്നതും ...... ഞാനറിഞ്ഞു ...... മറ്റുള്ളവരുടെ മുൻപിൽ ഒന്നിനും കൈ നീട്ടുന്നതെനിക്കിഷ്ടമില്ലായിരുന്നു.... ഒന്നുമില്ലെങ്കിൽ മുണ്ടു മുറുക്കിയുടുക്കണം എന്നാണെന്റെ അമ്മാവൻമാർ എന്നെ പഠിപ്പിച്ചിട്ടുള്ളത് ...... പക്ഷെ ..... രണ്ട് വീട്ട്കാരെയും മറ്റുള്ളവരായി കാണാൻ സാധിക്കാത്തത് കൊണ്ടാവാം ...... അവരുടെ മുൻപിൽ കൈ നീട്ടിയത് .... കല്യാണം കഴിഞ്ഞതിന്റെ ആറാം മാസം തന്നെ കയ്യിലുണ്ടായിരുന്ന തൊഴിലും ഭർത്താവ് വഴക്ക് കൂടി കളയിച്ചിരുന്നു......... എന്നെയാരും നോക്കുന്നതിഷ്ടമല്ലാന്നും ..... രണ്ടാണുങ്ങൾ ടെ ഇടയിൽ നീ പണിക്ക് പോകുന്നത് അംഗീകരിക്കാൻ കഴിയില്ലാന്നും പറഞ്ഞ് കല്യാണം കഴിഞ്ഞതിന്റെ രണ്ടാം മാസം മുതൽ വഴക്കിടാൻ തുടങ്ങിയപ്പം ....... സ്വസ്തമായ ജീവിതത്തിന് വേണ്ടി കയ്യിലുണ്ടായിരുന്ന തൊഴിലും ഉപേക്ഷിച്ചു.... പകരം ഒരാളെ കണ്ട് പിടിച്ച് തന്ന് അവളെ പഠിപ്പിച്ചിട്ട് പൊയ്ക്കോന്ന് അവര് പറഞ്ഞപ്പം ഒരാളെ കണ്ട് പിടിച്ച് എല്ലാം പഠിപ്പിച്ച് കൊടുത്ത് അവിടന്ന് പടിയിറങ്ങിയതാ...'' അവളിന്ന വിടത്തെ സെക്രട്ടറി സ്ഥാനത്തായി.... മുമ്പുണ്ടായിരുന്ന സെക്രട്ടറിക്ക് വേറെ ജോലി കിട്ടി പ്പോയി ..... അന്ന് രാജി വച്ചില്ലായിരുന്നെങ്കിൽ എന്ന് മനസ്തപിച്ച് തുടങ്ങി.... മാസാമാസം അവൾ നല്ലൊരുതുക ശമ്പളമായി വാങ്ങുന്നത് കണ്ട് നിൽക്കാനാണ് എന്റെ വിധി .....എന്റെ വീട്ടിന്റെ അയൽപക്കത്തുള്ള പെൺകുട്ടിയെ തന്നെയാണ് ഞാനന്ന് കണ്ട് പിടിച്ച് ജോലി ഏൽപിച്ചത് .....അത് കൊണ്ട് വിശേഷങ്ങളൊക്കെ അറിയുന്നുണ്ടായിരുന്നു.. .... ഇനി അതേക്കുറിച്ച് പറഞ്ഞിട്ട് കാര്യമില്ല ല്ലോ ....... മനസ്സ: മാധാനമാണല്ലൊ മനുഷ്യന് ആദ്യം വേണ്ടത് ...... അതിന് തടസ്സം ജോലിയാണെങ്കിൽ അത് ഉപേക്ഷിക്കുക തന്നെ ...... ഇത് അന്നത്തെ തലമുറയുടെ ..... കാഴ്ചപ്പാട് ..... ഇന്നത്തെ കാലത്തായിരുന്നെങ്കിൽ .... ഞാൻ ജോലി വേണോ ഭർത്താവ് വേണോ എന്ന് ചോദിച്ചാൽ തീർച്ചയായും ജോലി മതി.... ഭർത്താവില്ലേലും ജീവിക്കാം ... എന്ന് തീരുമാനിച്ചേനേ.... പിന്നെ ഒരു കാര്യവും ഭർത്താവിന് മുന്നിൽ അവതരിപ്പിക്കാൻ കഴിയില്ല .....എന്റെ വീട്ടിലെ അവസ്ഥ പറഞ്ഞാൽ പരിഹസിച്ച് ചിരിക്കും ..... ഇനി അമ്മായിയമ്മ കാട്ടിയത് പറഞ്ഞാലൊ ..... നിനക്കവരെ സോപ്പിംഗിൽ നിർത്താനറിയാത്തതിന്റെ കുഴപ്പാ....നിന്നെ കല്യാണം കഴിച്ചൂന്ന് പറഞ്ഞ് എന്റെ വീട്ട്കാരെ തള്ളിപ്പറയാനൊന്നും എനിക്ക് പറ്റൂല.... നീ അറിഞ്ഞും കണ്ടും നിന്നോണം ..... പിന്നെ അറിയാലൊ ....എന്റെ ചേട്ടൻ ഈ വീട്ടിൽ കാട്ടിക്കൂട്ടിയ തൊക്കെ ഞാൻ നിന്നോട് പറഞ്ഞിട്ടുണ്ടല്ലൊ..... അത് കൊണ്ട് അവർ അങ്ങിനെ കാണിച്ചു ഇവർ ഇങ്ങിനെ കാണിച്ചു എന്നൊന്നും പറഞ്ഞ് എന്റടുത്തേക്ക് വന്നേക്കരുത് ....... കഷ്ടം എല്ലാ സങ്കടങ്ങളും മനസ് തുറന്ന് പറയാൻ ...... ഇങ്ങോട്ട് സ്നേഹിക്കുന്നതിന്റെ ഇരട്ടി അങ്ങോട്ട് സ്നേഹിക്കാൻ .... അങ്ങിനെ എന്തൊക്കെ കിനാക്കളായിരുന്നു വിവാഹം ഉറപ്പിച്ചപ്പോൾ ഇതിപ്പം കമാന്ന് മിണ്ടാൻ നമ്മുടെ വിഷമങ്ങൾ പങ്ക് വയ്ക്കാൻ ..... ഇവിടെയും ആരുമില്ലാ .... (തുടരും ) #📔 കഥ #📙 നോവൽ