മനസിൻ മിഴി... 🩷 ബ്ലാക്ക് ഷർട്ടും മുണ്ടുമാണ് വേഷം..ഉള്ളുള്ള ചുരുണ്ട മുടിയാണ്  അത് വൃത്തിയായി ചീകി വെച്ചിട്ടുണ്ട്.. കഴുത്തിൽ ഒരു സ്വർണ്ണത്തിന്റെ കുരിശു മാല.. ഒരു കയ്യാൽ മുണ്ടിന്റെ തുമ്പ് പിടിച്ചിട്ടുണ്ട്.. കയ്യിൽ ഇടിവള... കണ്ടാൽ ഒരു അച്ചായൻ ലുക്ക്‌ ഒക്കെ ഉണ്ട്.. മസ്സിൽ ഉള്ള ബോഡി അല്ലേലും നല്ല ഫിറ്റ്‌ ബോഡി ആണ്.. കാണാനും ഒരു ചന്തമൊക്കെ ഉണ്ട്....പക്ഷെ പറഞ്ഞിട്ടെന്താ കാര്യം കാട്ടുമാക്കാന്റെ സ്വഭാവംഅല്ലെ... അവൾ   പടികൾ ഇറങ്ങി വരുന്ന അല്ലെക്സിയെ നോക്കി  ഊറി ചിരിച്ചു... കാട്ടുമാക്കാൻ നിന്റെ മാറ്റവൻ... അതും പറഞ്ഞു തന്നെ തുറിച്ചു നോക്കുന്നവനെ കണ്ടപ്പോഴാണ് പറഞ്ഞത് ഉച്ചത്തിലായെന്ന് അവൾക്ക് മനസ്സിലായത്... ദൈവമെ എന്നൊന്ന് വിളിച്ചു ദക്ഷ ലാമിയുടെ പിന്നിലേക്ക് വലിഞ്ഞു... ചാച്ചെ..... അയ്യോടാ.. ചാച്ചേടെ ലാമി പൊന്നു ഇവിടെ ഇരിക്കുവാരുന്നൊ...... ലാമി ചിരിയോടെ അലെക്സിയുടെ കഴുത്തിലേക്ക് മുഖം ഒളിപ്പിച്ചു... ചാച്ചെ എബിടെ പോവാ... ചാച്ചെ പുറത്തു പോയേച്ചും വരവേ... വരുമ്പോ ലാമിക്കു എന്ത് വേണം...ലാമിയെ കൊഞ്ചിച്ചു കൊണ്ട് അലക്സി ചോദിച്ചു.. ഐക്രീം.... ഐസ്ക്രീം വേണോ പൊന്നിന്.. മേടിച് തരാവെ.. ചാച്ച പോയിട്ടു വരുമ്പോ മേടിച്ചു തരാവേ.... അമ്മച്ചി ഞാൻ ഒന്ന് പുറത്ത് പോയേച്ചും വരാം.......  അല്ലെക്സി സൂക്ഷിച്ചു പോണെടാ... അല്ലെക്സി ജീപ്പിന്റെ അടുത്തേക്ക് നടന്നു പോകുന്നത് കണ്ടു  അമ്മച്ചി പുഞ്ചിരിയോടെ പറഞ്ഞുതും... അമ്മച്ചിയെ ഒന്ന് കെട്ടിപ്പിടിച് കവിളിൽ മുത്തം കൊടുത്ത് അല്ലെക്സി ജീപ്പിന് അടുത്തേക്ക് നടന്നു.... അവൻ പോയ വഴിയേ ദക്ഷ നോക്കി നിന്നു...... ബാക്കിയെല്ലാവരും എന്ത് പാവമാ..  ഈ കാട്ടുമാക്കാൻ മാത്രമെന്താ ഇങ്ങനെ ആയതു.... ജീപ്പിന്റെ സൈഡ് ഗ്ലാസ്സിലൂടെ അലെക്സി തന്നെ നോക്കി നിക്കുന്ന പെണ്ണിനെ കണ്ടതും അവന്റെ മുഖം കൂർത്തു...കാണിച്ചു തരാമെടി കള്ളി നിന്നെ.... ആ ജീപ്പ് ഗേറ്റും കടന്നു പോയി... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 ആ....... അവൾ അവൾ ഇവിടെ ഇല്ലന്നോ.... ഡാ പന്ന കഴു**** മക്കളെ നിന്നോടൊക്കെ പറഞ്ഞതല്ലേ അവൾ ഇവിടേം വിട്ടു പോവാതെ നോക്കണമെന്ന്.... രുദ്രൻ ദക്ഷയുടെ മുറിയിൽ നിന്നു അലറി വിളിച്ചു.... ടാ മോനെ.. ചെമ്മീൻ ചാടിയ മുട്ടോളം പിന്നേം ചാടിയ ചട്ടീല്... എവിടേം വരെ പോവാന അവളു... അവളുടെ തന്തേടെ പല ബിസ്സിനെസ്സും ഇപ്പോൾ നമ്മുടെയാണ്..  എന്നിട്ടും ആ എരണം കെട്ടവളേക്കൊണ്ട് നിന്നെ കെട്ടിക്കണം എന്നു വിചാരിച്ചതു അവളുടെ പേരിലുള്ള സ്വത്തു കണ്ടിട്ടാ.. കണ്ണെത്താ ദൂരത്തോളം അവളുടെ തന്ത അവൾക്കു വേണ്ടി വസ്തു മേടിച്ചു ഇട്ടേക്കുവാ.. ഇന്നതിനൊക്കെ പൊന്നു വിലയാ.ഇന്നതിനൊക്കെ പൊന്നും വിലയാ...... അത് കൂടി വിട്ടു കളയാൻ ഈ ദേവസ്യയ്ക്ക് മനസ് വരുന്നില്ല... അതും കൂടി ഒന്ന് കിട്ടിയ കോടിശ്വരാണ് നമ്മൾ... അതുകൊണ്ട് വിട്ടു കൊടുക്കില്ല ആ പുന്നാരമോളെ... തേടി പിടിക്കും അവളുടെ സകല സ്വത്തും നമ്മക് കിട്ടി കഴിഞ്ഞു തെരുവിലേക്ക് എറിയും. അവളെ... അതും പറഞ്ഞു ദേവസ്യ ചിരിച്ചുകൊണ്ട് രുദ്രന്റെ തോളിൽ തട്ടി അവനുമൊന്ന് ചിരിച്ചു... .. രണ്ടു ദിവസത്തിൽ കല്യാണമാ... കിട്ടിയിരിക്കണം അവളെ എവിടുന്നായാലും രുദ്രൻ തന്റെ കൂട്ടാളികളോട് അലറി.... ••••••••••••••••••••••••••••••••••••••••••••••••••••••• ദക്ഷ...കുറച്ചു നിമിഷങ്ങൾ കൊണ്ട് അവൾ അമ്മച്ചിക്കും സ്റ്റെലയ്ക്കും  ലാമിക്കുമൊക്കെ പ്രീയപ്പെട്ടവളായി മാറി... അടുക്കളയിൽ രാത്രിയിലെ കറിക്കുള്ള അരിഞ്ഞു കൊണ്ടിരിക്കുമ്പോഴായിരുന്നു പുറത്തൊരു കാർ വന്നു നിന്നത് .. അമ്മച്ചിയെ ആൽബി വന്നെന്നു തോന്നുന്നു... അമ്മച്ചിയും സ്റ്റേല്ലയും ഹാളിലേക്ക് നടന്നു.. അയ്യോ എന്റെ ആൽബിച്ചാ വന്നു.. എനിച് പോണം.. ലാമി ദക്ഷയെ നോക്കി പറഞ്ഞതും തേങ്ങ ചിരകിക്കൊണ്ടിരുന്നത് നിർത്തി അടുക്കള സ്ലാബിൽ ഇരുന്നു ഗോതമ്പു പൊടിയിൽ കളിച്ചോണ്ടിരിക്കുന്ന ലാമിയെ ഒരു ചിരിയോടെ  ദക്ഷ താഴേക്കു ഇറക്കി... പെട്ടെന്ന് ഹാളിലേക്ക് ഓടി പോയ കുഞ്ഞി പെണ്ണ് തിരിഞ്ഞോന്നു ദക്ഷയെ നോക്കി... ദച്ച വരുന്നില്ലേ.... ഇല്ല.. ദച്ച പിന്നെ വരാം ഇപ്പോൾ ലാമി കുഞ്ഞങ്ങോട്ട് ചെല്ല്.. അത് കേട്ടതും  ഒരിക്കൽ കൂടി ഓടി വന്നു സ്ലാബിൽ ഇരുന്ന കുറച്ച ഗോതമ്പു പൊടി കയ്യിലെടുത്തു പെണ്ണ് ഹാളിലേക്ക് ഓടി... അപ്പനെന്തിയേ അമ്മച്ചി.. വന്നില്ലിയോ..  അകത്തേക്ക് കയറി കൊണ്ട്  ആൽബി  അമ്മച്ചിയേ നോക്കി ചോദിച്ചു... ഇല്ലടാ.... അപ്പൻ മാർക്കറ്റിലൊക്കെ കേറിയേച്ചുമെ വരത്തൊള്ളൂ.. നീ വായോ വല്ലോം കഴിക്കാൻ എടുക്കാം അമ്മച്ചി അടുക്കളയിലേക്ക് നടന്നു പറഞ്ഞു... ടാ... എന്നാടി സ്റ്റെല്ല ചേച്ചി... നിന്റെ ചേട്ടായി വിളിച്ചോ പുച്ഛത്തോടെ സ്റ്റെല്ല ചോദിച്ചതും ആൽബിൻ  ചിരി മറച്ചു പിടിച്ചു സ്റ്റെല്ലയെ നോക്കി... പിന്നെ അല്ലെക്സി ചേട്ടായി ഉച്ചയ്ക്കൂടി വിളിച്ചേ ഒള്ളു...  ചെറിയ കള്ള ചിരിയോടെ സ്റ്റെല്ലയേ നോക്കി പറഞ്ഞതും സ്റ്റെല്ലയുടെ മുഖമൊന്നു കൂർത്തു.... അല്ലെ തന്നെ എന്നെ പറഞ്ഞാൽ മതിയല്ലോ.... കാത്തിരിക്കാൻ ഞാൻ ഇവിടെ ഉള്ളോണ്ടല്ലേ... എനിക്കറിയാടാ അങ്ങേരു എവിടാന്ന് നിനക്കറിയാന്നു  എന്നോട് നീ പറയാത്തതല്ലേ... ചെറിയ ദുഖത്തോടെ എന്നാൽ മുഖം കൂർപ്പിച്ചു സ്റ്റെല്ല പറഞ്ഞു.. എന്റെ ചേട്ടത്തി... എനിക്ക് എങ്ങനെ അറിയാന നിങ്ങടെ കെട്ടിയോൻ എവിടെ പോയെന്നു... അല്ലെ തന്നെ നിങ്ങൾടെ കയ്യിൽ ഫോൺ അല്ലിയോ ഇരിക്കുന്നെ വിളിച്ചങ്ങോട്ട് ചോദിച്ചാൽ പോരെ... ഞാൻ വിളിക്കുമ്പോ എന്നോട് പറയുന്നേ 2 ദിവസം.. അതിനുള്ളിൽ വരാമെന്നാ... ഇപ്പം എത്ര ആയി... ബിസിനെസ്സ് മീറ്റിംഗ് ആണെന്നും പറഞ്ഞു പോയിട്ട് ഒരാഴ്ച്ച ആയി... ആർക്കറിയാം വല്ല പെണ്ണുങ്ങളുടെ കൂടെ പോയോന്നു... ഇങ്ങു വരട്ടെ കാണിച്ചു കൊടുക്കുന്നുണ്ട് ഞാൻ...  സ്റ്റെല്ല കേറുവോടെ ആൽബിനോട് പറഞ്ഞു... ടാ ചെറുക്കാ.. പിന്നെ നിന്റെ ആൽവിൻ കോട്ടായിയോട് പറഞ്ഞേക്ക്... അങ്ങനെ കണ്ടവളുടെ മാരുടെ കൂടെ അങ്ങ് പോവാനാണ് ഇങ്ങേരു ബിസിനെസ്സ് ട്രിപ്പ്‌ എന്നും പറഞ്ഞു പോയതെങ്കിൽ ഈ സ്റ്റെല്ലയുടെ  തനി കൊണം കാണുമെന്നു... അത്രയും പറഞ്ഞു വെട്ടി തിരിഞ്ഞു പോകുന്നവളേ കാണെ ആൽബിന്റെ ചുണ്ടിൽ ചിരിയൂറി.. അതേയ് പോലെ ആൽബിന്റെ ഫോണിലൂടെ ഇതെല്ലാം കേട്ടു കൊണ്ടിരിക്കുന്ന ആൽവിന്റെ ചുണ്ടിലും... സ്റ്റെല്ല പോയെന്നു കണ്ടതും ആൽബി പോക്കറ്റിൽ നിന്നും ഫോൺ എടുത്തു... ആൽവി ചേട്ടായിയെ.. നിങ്ങൾ കേട്ടല്ലോ പെമ്പറന്നോത്തി പറഞ്ഞേച്ചും പോയത്... വേഗം ഇങ്ങു വരാൻ നോക്ക് അല്ലെ നിങ്ങളെ ആ പെണ്ണ് വെച്ചേക്കില്ല ചിരിയോടെ ആൽബി ആൽവിനോടായി പറഞ്ഞു... പോടാ... പാവം എന്റെ സ്റ്റെല്ല കൊച്ചു... എന്നതായേലും  നീ പറയണ്ട ഞാൻ വിളിച്ചെന്നു.. അല്ലെടോ മനുഷ്യ തനിക്കെന്താ ചേട്ടത്തിയെ വിളിചു നാളെ വരുമെന്ന് പറഞ്ഞാല്..... രണ്ടു ദിവസമായി ചേട്ടായി വിളിക്കുന്നില്ലെന്ന് പരാതി ഉണ്ടല്ലോ... അവൾക്കൊരു സർപ്രൈസ് കൊടുക്കാനാടാ ഉവ്വേ.. പക്ഷെ പെണ്ണ് മിക്കവാറും എന്നെ അവിഹിതക്കാരൻ ആക്കും അതുകൊണ്ട് നാളെ തന്നെ അങ്ങോട്ട്‌ വരണം..നീ എന്നതായാലും വരുന്ന വിവരം പറയാൻ നിക്കണ്ട... ആ... പിന്നെ ചേട്ടായി.. ഇവിടെ ഒരു അഥിതി ഉണ്ട്.. ആരാ... അതൊക്കെ നാളെ വരുമ്പോ പറയാ.. ഇപ്പം റൂമിലോട്ടു ചെല്ലട്ടെ.. ആകെ  മുഷിഞ്ഞു  ഇരിക്കുവാ..ഒന്ന് ഫ്രഷ് ആയി വല്ലോം കഴിക്കട്ടെ.. അതും പറഞ്ഞു ആൽബിൻ ഫോൺ കട്ട്‌ ചെയ്തു റൂമിലേക്ക് നടന്നു.... ട്ടോ..... റൂമിലെ ലൈറ്റ് ഓൺ ചെയ്തതും കതവിന്റെ പിന്നിൽ നിന്നും ഗോതമ്പു പോടീ ആൽബിന്റെ ദേഹത്തേക്ക് എറിഞ്ഞു കുഞ്ഞി പെണ്ണ്  ചിരിയോടെ നിന്നു... അയ്യോ.... എന്നെ കുട്ടി ഭൂതം പിടിച്ചേ... കുഞ്ഞി പെണ്ണിനെ ഒന്ന് കൂർപ്പിച്ചു നോക്കി ആൽബിൻ പറഞ്ഞതും പെണ്ണൊന്നും കുണുങ്ങി ചിരിച്ചു.... നിന്നെ ഇപ്പൊ ശെരിയാക്കി തരാം..ലാമിയേ പിടിക്കാൻ ആൽബി വന്നതും  ലാമി അടുക്കളയിലേക്ക് ഒരൊറ്റ ഓട്ടം വെച്ച് കൊടുത്തു.... ലാമി പോയ വഴി ഒരു പുഞ്ചിരിയോടെ നോക്കി നിന്നു ശേഷം ബെഡിന്റെ സൈഡിലായി ഉള്ള ടേബിളിലേക്ക് ബാഗ് വെച്ച് ആൽബി ഫ്രഷ് ആവാനായി ബാത്‌റൂമിലേക്ക് കയറി... 🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹 അടുക്കളയിൽ ചപ്പാത്തി ചുട്ടെടുക്കലും കിഴങ്ങു കറിയും ചിക്കൻ ഫ്രൈ യുമൊക്കെ ഉണ്ടാക്കുന്ന തിരക്കിലാണ് പെൺ പട മൂന്നെണ്ണം.. അവരുടെ കൂടെ ഗോതമ്പു പൊടി വാരി അവിടെ നിൽക്കുന്നവരുടെ ദേഹത്തെറിഞ്ഞും സ്വന്തം ദേഹത്തേക്കെറിഞ്ഞും  കുരുത്തക്കേട് കാണിച്ചു ലാമി യും സ്ലാബിൽ ഇരിപ്പുണ്ട്... വെളിയിൽ അപ്പച്ചന്റെ കാർ വന്നതും അമ്മച്ചി ഹാളിലേക്ക് നടന്നു... അയ്യോ എന്റെ വല്യപ്പാ വന്നേ.. എന്നെയൊന്നുതാഴെ ഇറക്കെ... ലാമി നിനക്ക് നല്ല അടി കിട്ടുവെ.. ഒന്നുങ്കിൽ താഴെ നിൽക്കണം അല്ലെ അടങ്ങി സ്ലാബിൽ ഇരിക്കണം.... അല്ലാതെ പറയുമ്പോ പറയുമ്പോ  ഇറക്കാൻ എന്നെ കൊണ്ട് ആവത്തില്ല  ലാമി യേ നോക്കി ചൊടിയോടെ സ്റ്റെല്ല അത് പറഞ്ഞതും കുഞ്ഞി പെണ്ണിന്റെ മുഖം കൂർത്തു... ദച്ചേ.. ന്നെ ഒന്ന് ഇറക്കുവോ... ന്നേ കണ്ടില്ലേ വല്യപ്പാ ചങ്കടപ്പെടും അതോണ്ടാ.... കരയുന്ന പോലെ കാണിച്ചു കുഞ്ഞി പെണ്ണ് അത് പറഞ്ഞതും ദക്ഷയുടെയും സ്റ്റെല്ലയുടെയും ചുണ്ടിൽ ഒരു ചിരി മിന്നി... ദക്ഷ ലാമിയേ താഴെ ഇറക്കിയതും പെണ്ണൊരു ഓട്ടത്തോടെ ഹാളിലേക്ക് പോയി... വല്യപ്പെ... ഹാളിലേക്ക് കയറുന്ന അപ്പച്ചന്റെ അടുത്തേക്ക് ഓടിയതും അപ്പച്ഛൻ കുഞ്ഞി പെണ്ണിനെ വരുയെടുത്തു... എടിയേ.. പിള്ളാര്‌ വന്നില്ലിയോ... ആൽബിൻ വന്നു അല്ലെക്സി പിന്നെ വൈകിട്ട് പുറത്തേക്കു പോയി.. പിന്നെ ആൽവിനാണെ ബിസിനസ്സ് ട്രിപ്പ്‌ കഴിഞ്ഞു വരാൻ  ഒന്ന് രണ്ടു ദിവസം പിടിക്കുമെന്നു തോന്നുന്നു... അപ്പച്ചൻ ഒന്ന് മൂളി ശേഷം അടുക്കളയിലേക്ക് ഒന്ന് എത്തി ദക്ഷയെ നോക്കി... എടിയേ ചെറുക്കൻ പിന്നെ ആ കൊച്ചിനെ വല്ലോം പറഞ്ഞോടി... ഇല്ല മനുഷ്യാ എന്നാലും ഇടയ്ക്ക് ആ പെണ്ണിനെ ഒന്ന് നോക്കി പേടിപ്പിക്കുന്നുണ്ട് അമ്മച്ചി ഒരു ചിരിയോടെ പറഞ്ഞു... അപ്പച്ചനും ഒന്ന് ചിരിച്ചു.. അപ്പോഴേക്കും അല്ലെക്സിയും വന്നു... അയ്യോ എന്റെ ചാച്ചാ വന്നേ എന്നെയൊന്നു താഴെ വിട്.... ജീപ്പ് പോർച്ചിൽ ഇട്ടു താഴേക്ക് വരുന്ന അല്ലെക്സിയേ കണ്ടതും കുഞ്ഞി പെണ്ണ് അപ്പച്ചന്റെ കയ്യിന്നു ബഹളം വെച്ച് താഴെ ഇറങ്ങി ഓടി അല്ലെക്സിയുടെ അടുത്തേക്ക് പോയി... എവിടെ പോയിരുന്നെടാ ഉവ്വേ...(അപ്പച്ചൻ) അത്.. ചുമ്മാ ഒന്ന് കറങ്ങാൻ... (അല്ലെക്സി) ഓ ശെരി....(അപ്പച്ചൻ) ചാച്ചെ...... അല്ലെക്സിയുടെ കയ്യിലിരുന്നു കുഞ്ഞി പെണ്ണ് കുറുമ്പാലെ വിളിച്ചു... ഐക്രീം മേതിച്ചോ... പിന്നെ ഇല്ലാതെ എന്റെ ലാമി കുഞ്ഞിന് മേടിക്കാതിരിക്കുവോട പൊന്നെ... അല്ലെക്സിയേ രാത്രി ആയി എനി കൊടുക്കാൻ നിക്കണ്ട കൊണ്ട് ഫ്രിഡ്ജിൽ വെക്കാം നാളെ കൊടുക്കാം ഇപ്പം എല്ലാവർക്കും ഫുഡ്‌ കഴിക്കാം വാ.. അമ്മച്ചി അതും പറഞ്ഞു ഐസ്ക്രീം മേടിച്ചോണ്ട് പോയി.. അയ്യോ.. എനിച് മേണേ... കൊണ്ടുപോവല്ലേ.. ചാച്ചെ.. എടി പെണ്ണെ ഇങ്ങനെ അലറാതെ നാളെ തരാം... ഇല്ല എനിച് വേണം... വിതു ചാച്ചെ... ഞൻ മേച്ചട്ടെ പോയി... എന്റെ ലാമി കുഞ്ഞേ നീ വഴകൊണ്ടാക്കാതെ... ഇന്നാ ഈ ഡയറി മിൽക്ക് കഴിക്ക് ഐസ് ക്രീം നാളെ കഴിക്കടി പെണ്ണെ... ഡയറി മിൽക്ക് കണ്ടതും കുഞ്ഞി പെണ്ണൊന്നു അടങ്ങി നിന്നു... അപ്പോഴേക്കും ആൽബിനും ഫ്രഷ് ആയി വന്നു... അല്ലെക്സിയും അപ്പച്ചനും കൂടി ഫ്രഷ് ആയി വന്നതും.. അമ്മച്ചിയും സ്റ്റേല്ലയും ചപ്പാത്തിയും ചിക്കൻ ഫ്രൈ യും വെള്ളവും ഒക്കെ ടേബിളിൽ കൊണ്ട് വെച്ച്... ദക്ഷേ.. അഹ് കിഴങ്ങ് കറി കൂടി ഇങ്ങോട്ടേക്കു എടുത്തേക്കണേ... സ്റ്റെല്ല വിളിച്ചു പറഞ്ഞതും ദക്ഷയ്ക്ക് എന്തോ ഹാളിലേക്ക് പോവാൻ വല്ലാത്ത പേടി തോന്നി.. എങ്കിലും കിഴങ്ങ് കറിയും എടുത്തു ഹാളിലേക്ക് നടന്നു.. അത് ടേബിളിൽ വെച്ചിട്ട് ദക്ഷ ഇങ്ങനെ നോക്കി നിന്നു... ആഹാ... ഇങ്ങനെ നിക്കാതെ ഇവിടോട്ടു ഇരിക്ക് മോളെ... എല്ലാവർക്കും കൂടി കഴിക്കാം... ദക്ഷയുടെ നോട്ടം നേരെ ചെന്നത് അല്ലെക്സിയിലേക്ക് ആണ്.. തന്നെ നോക്കി പേടിപ്പിക്കുന്നവനെ കണ്ടതും.. ദക്ഷ വേണ്ടായെന്നു തലയാട്ടി.... അതെന്നാടി കൊച്ചേ... ഇങ്ങോട്ട് ഇരുന്നേ... അമ്മച്ചി ദക്ഷയെ പിടിച്ചു അടുത്തുള്ള കസേരയിലേക്ക് ഇരുത്തി... അല്ല ദക്ഷയ്ക്ക് ഈ വീടൊക്കെ ഇഷ്ടായോ...? ആൽബിൻ ദക്ഷയെ നോക്കി ഒരു ചിരിയോടെ ചോദിച്ചു... അതെന്താ ഇവൾ ഈ വീട് മേടിക്കാൻ പോവണോ അല്ലെക്സി ഒന്ന് പുച്ഛിച്ചു ചോദിച്ചതും പറയാൻ വന്നത് വിഴുങ്ങി ദക്ഷ ഒന്നും മിണ്ടാതെ ഇരുന്നു... ഈ ചെറുക്കന് ഇത് എന്താ... എന്റെ കുഞ്ഞേ നീ കാര്യമാക്കണ്ട... പറ ഇഷ്ടായോ.. അമ്മച്ചി ദക്ഷയെ ഒന്ന് നോക്കി പുഞ്ചിരിയോടെ പറഞ്ഞു... മ്മ്... ഇ.. ഇഷ്ടായി... അത്രയും പറഞ്ഞു ഒരു ചപ്പാത്തി വേഗം കഴിച്ചു ദക്ഷ എഴുനേറ്റു.... നിനക്ക് എന്താടാ പോത്തേ.... പാവം കൊച്ചിനെങ് വിഷമം ആയെന്നു തോന്നുന്നു... അപ്പച്ചൻ അല്ലെക്സിയെ നോക്കി ചൊടിയോടെ പറഞ്ഞതും ചെക്കൻ ഒന്നും മൈൻഡ് ചെയ്യാതെ ലാമിക്കു ചപ്പാത്തി കൊടുക്കുന്ന തിരക്കിലാണ്... എല്ലാവരും കഴിച്ചു എഴുനേറ്റു.. ദക്ഷ അമ്മച്ചിയോടും സ്റ്റീലയോടും ഒപ്പം അടുക്കളയിൽ പാത്രം കഴുകുന്ന തിരക്കിലാണ്.... അപ്പച്ചനും ആൽബിനും ഹാളിൽ ഇരുന്നു എന്തോ ബിസിനസ്സ് സംസാരിക്കുവായിരുന്നു... അല്ലെസി ലാമി യെയും കൊണ്ട് ഹാളിൽ ഇരുന്നു എന്തോ കളിക്കുവാണ്... മോളെ ഇനി പോയി കിടന്നോ.. നാളെ മുതൽ കടയിൽ പോവണ്ടേ അല്ലെ... അമ്മച്ചി അത് പറഞ്ഞെങ്കിലും എല്ലാ പാത്രവും കഴുകിയിട്ടാണ് ദക്ഷ മുകളിലേക്ക് പോയത്.... ടി... ലാമി പെണ്ണെ... വാ മുകളിലോട്ടു പോകാം... എന്തിനാ ചാച്ചെ... മേണ്ട ഇവിടിരുന്നു കളിക്ക്.. എടി പെണ്ണെ... ദോ ആ പോയ സാധത്തിനെ നമുക്കൊന്ന് വിരട്ടിയെച്ചും വരാം... ദക്ഷയെ നോക്കി ചൊടിയോടെ പറഞ്ഞതും ലാമിയുടെ നോട്ടവും ദക്ഷയിലേക്കെത്തി... അന്നോ... എന്നാ ആൽബിചാചെ കൂടി വിളിക്കാം.. തത്കാലം അവൻ വേണ്ട.. നമ്മക്കൊന്നു പോയി വിരട്ടിയെച്ചും വരാം.. അതും പറഞ്ഞു അല്ലേക്സി ലാമി യെയും കൊണ്ട് മുകളിലേക്കു നടന്നു... ചെന്നപ്പോൾ കണ്ടു ബാൽക്കണി യിൽ നിക്കുന്ന ദക്ഷയെ... ടി..... പെട്ടെന്ന് പിന്നിൽ നിന്നു അല്ലെക്സി വിളിച്ചതും ദക്ഷ ചെറിയ പകപ്പോടെ അവനെ തിരിഞ്ഞു നോക്കി... Part 3 തുടരും...... ഇഷ്ടം ആവുന്നുണ്ടേൽ എനിക്കായി രണ്ടു വരി കുറിക്കണെ.... ❤️ #📔 കഥ #💞 പ്രണയകഥകൾ #📖 കുട്ടി കഥകൾ #📙 നോവൽ #🧟 പ്രേതകഥകൾ!