#🌻आध्यात्म 🙏 #✍️भक्ती संदेश #💐संत महंत🙏 #🙏भक्ती सुविचार📝 . .ll ज्ञानेश्वरीतील ज्ञानामृत चिंतन ll . ------------------------------------------ 'ईश्वरदर्शनासाठी चित्त स्वच्छ लागते. मलीन चित्ताला ईश्वराचे दर्शन होत नाही. भक्ताचे चित्त स्वच्छ असते म्हणूनच त्याला ईश्वराचे दर्शन होते. अभक्ताचे चित्त मलीन असल्यामुळे त्याला ईश्वरदर्शन होत नाही. ************************************************* . यालागी दुष्कृती जही जाहाला । तरी अनुतापतीर्थी न्हाला l . न्हाऊनि मजआतु आला । सर्वभावे ll ***************[ ज्ञानेश्वरी-९/४२०]***************** . ------- अर्थ ------ . . याकरिता पूर्वीचा तो पापाचरणी जरी असला तरी पश्चातापरूपी तीर्थात स्नान करून मला सर्वभावाने शरण आला. . ------विश्लेषण -----. . . फक्त भक्तांवरच अनुग्रह करतो असे नाही जे भक्त नाहीत पण अनावधानाने व पश्चात्तापाने माझी भक्ती त्यांच्या हातून घडते त्या अभक्तावरही मी अनुग्रह करतो हे सांगताना भगवंत म्हणतात, 'सर्व प्राणिमात्रा मी सारखाच आहे. मी कोणाचा द्वेष करीत नाही अथवा कोणी मला प्रिय नाही. पण भक्तीने भजन करणारे माझ्या ठिकाणी असतात व मी त्यांच्या जवळ असतो. पूर्वीचा अत्यंत दुराचारी असूनही जर कोणी अनन्य भक्तीने माझे भजन करीत असेल तर त्याची सज्जनांमध्ये गणना करावी कारण तो आता आचारसंपन्न आहे. . भगवंत निःपक्षपातीच आहेत. प्रतिबिंब दिसण्यासाठी आरसा स्वच्छ लागतो. त्यावरची धूळ झटकावी लागते. तसेच ईश्वरदर्शनासाठी चित्त स्वच्छ लागते. मलीन चित्ताला ईश्वराचे दर्शन होत नाही. भक्ताचे चित्त स्वच्छ असते म्हणूनच त्याला ईश्वराचे दर्शन होते. अभक्ताचे चित्त मलीन असल्यामुळे त्याला ईश्वरदर्शन होत नाही. म्हणूनच ज्ञानेश्वर महाराज म्हणतात, 'सर्व ऐश्वर्य व कूळ यांचा डौल याप्रमाणे आहे ज्याप्रमाणे एखादे शरीर सर्व अवयवांनी पूर्ण असून त्यात फक्त जीवच नसावा. त्याप्रमाणे माझ्या भक्तीवाचून जे जगणे आहे ते पृथ्वीवरील दगडाप्रमाणे आहे. . ज्याने आपल्या आयुष्याचा उरलेला काळ माझ्या भक्तीत र्च केला आहे जरी तो पूर्वीचा दुराचारी असला तरी आता तो सर्वतोपरी उत्तम आहे कारण पश्चात्तापरूपी तीर्थात स्नान करून तो मला आता सर्वभावाने शरण आला आहे. . ll राम कृष्ण हरी, माऊली ll