'இப்போது ஏற்றப்பட்ட கொடி ராமனின் கொள்கைகளை பறைசாற்றக்கூடியதாகவும், உண்மை நேர்மையை நிலைநாட்டுவதாகவும் இருக்கும்' என்று பிரதமர் மோடி, அயோத்தி பாபர் மசூதியை இடித்து கட்டப்பட்டுள்ள ராமர் கோவில் கொடி ஏற்று விழாவில் கூறி இருக்கிறார். அயோத்தியில் மசூதிக்கு முன்பு அங்கு ராமர் கோவில் இருந்ததா இல்லை பின்னாட்களில் ரகசியமாக தந்திரமாக ராமர் சிலை வைக்கப்பட்டதா என்பதை ஒருபுறம் வைத்து விடலாம். முதலில் இந்த ராமன் யார்? பிறப்பும் இறப்பும் கொண்ட ஒரு மனிதன். அல்லது நம்பிக்கை உள்ளவர்கள் மொழியில் சொல்ல வேண்டுமென்றால் பிறப்பும் இறப்பும் கொண்ட ஒரு அவதாரம். ராமன் கதையை பற்றி பேச வேண்டும் என்றால் அதில் மிக பெரிய குழப்பம் உள்ளது. எந்த ராமாயணத்தில் உள்ள ராமன் கதையை பேச வேண்டும் ? சமஸ்க்ருதத்தில் மட்டுமே 25 கும் மேற்பட்ட ராமாயணங்கள் இருக்கின்றன. ஏறக்குறைய 300 ராமாயணங்கள் பல மொழிகளிலும் இருக்கின்றன. தமிழில் பிரபலமான கம்ப ராமாயணம் மற்றும் ராமாயணத்தின் ஊற்றுக் கண்ணாகிய வால்மீகி ராமாயணத்தை மட்டுமே எடுத்துக் கொண்டு ராமனின் 'கொள்கைகள்' என்ன என்பதை அறிய முற்படலாம். ராமனின் தந்தை தசரத மகாராஜா இல்லை. ஆண் வாரிசு இல்லாத தசரதன், பார்ப்பனர்கள் அறிவுரை படி புத்திரகாமேஷ்டி யஜனத்தை மேற்கொள்கிறார். அதில் பிறந்தவர்கள் தான் ராமன், பரதன், லக்ஷ்மணன் , சத்ருகன். இதில் extra fitting ஆக, புத்திர பாக்கியம் மட்டும் இல்லாமல் ராவணனின் தொல்லையை உடன் சேர்த்து கொள்கிறார் கம்பர். மண்ணுக்கேற்ற ரீமேக் படங்களை போல. ஆக தந்தை இல்லாமல் பிறந்தவன் தான் ராமன். ராமனும் யமனும் முக்கிய உரையாடலில் இருக்கும் சமயம் அதற்காக காவல் காக்கும் லக்ஷ்மணன், துர்வாசனின் கோபத்திற்கு பயந்து அவனை உள்ளே அனுமதிக்கிறான். தன் அண்ணனின் கட்டளையை (யாரையும் உள்ளே அனுமதிக்க வேண்டாம்) மீறியதால் நாடுகடத்தப்படுகிறான். தன் அண்ணனை பிரிந்த சோகத்தில் தற்கொலை செய்து கொள்கிறான். அதனை அடுத்து ராமனும் மன உளைச்சலில் தற்கொலை செய்து கொண்டு மடிகிறான். ராமனின் பிறப்பும் இறப்பும் தான் இப்படி இருக்கிறது, சரி அவனின் கொள்கைகள் எப்படி இருக்கிறது என்று பார்த்தால், பிதாமகனின் சூர்யா சொல்வதை போல 'உன் history என்னடா இவ்ளோ கேவலமா இருக்கு' என்பதை போல தான் ராமனின் வாழ்க்கையும் இருக்கிறது. வால்மீகி இராமாயணத்தில், பல பெண்களுடனும் குடியுடனும் நேரத்தை கடத்தும் ராமனை, ஏகபத்தினி விரதனாய் காட்டி இருக்கிறார் கம்பர். சரி அந்த ஏகபத்தினி விரத ராமனாவது பண்பு உள்ளவனா என்று பார்த்தால் 'பூமி தாயே, என்னை நீயே ஏற்றுக் கொள்' என்று இரு கரம் தூக்கி மன்றாடும் சீதை கண் முன் வருகிறாள். ராமனுடன் வாழ்வதை விட, பூமிக்கு அடியில் சென்று விடுவதையே விரும்பி இருக்கிறாள். கட்டின மனைவியை பாதுகாக்க வழி இல்லாத ராமனை கொள்கை வீரனாய் மோடி சித்தரிப்பதில் எந்த ஆச்சர்யமும் இல்லை. பாவம் ஜசோதா பென் இந்நேரம் எங்கே என்ன செய்து கொண்டிருக்கிறாரோ! ஜாதி தகுதி இல்லாத சம்பூகன் கடும் தவம் (அந்த கால கல்வி) புரிகிறான் அதனால் சனாதன தர்மம் சீர்குலைகிறது என்று, கண் மூடி தவம் புரியும் சம்பூகனின் தலையை கொய்தவன் ராமன். அது அன்றைய நீட். ராவணன் கடத்தி செல்லப்பட்ட சீதையை, பல உயிர்களை கொன்று மீட்டெடுத்த ராமன், அவளின் கற்பை நிரூபிக்க அவளை தீயில் இறங்குகிறான். அந்த சந்தேகம் கூட அவனுக்கு எழுந்தது இல்லை. பார்ப்பனர்களின் சந்தேகம். அப்போதும் அவளின் மீதான சந்தேகம் விலகாமல், அவள் கர்பமாக இருப்பதை அறிந்து அவளை காட்டுக்கு அனுப்புகிறான் ராமன். சீதைக்கு காட்டில் குழந்தைகள் பிறக்க, அதை பற்றி கொஞ்சமும் கவலையின்றி பார்ப்பனர்கள் விரும்பும் ஆட்சியை கொடுக்கிறான். சுக்ரீவன்-வாலியின் பங்காளி சண்டையில், தனக்கு நன்மை ஏற்படும் என்ற காரணத்தினால், மறைந்திருந்து வாலி மீது வில் எரிந்து கொன்ற மாவீரன் ராமன். இறக்கும் தருவாயில் வாலி ராமன் குறித்து சொன்னவை ஒன்றே போதும் ராமனின் யோகியதையை அறிவதற்கு. அநேக ராமாயணங்களில் ராமனின் ஆட்சியை விட ராவணனின் ஆட்சியிலேயே மக்கள் அதிக நிம்மதியுடன் வாழ்ந்திருக்கிறார்கள். ராமனால் தன் அன்னை முதல் , மனைவி, தம்பி, குழந்தைகள், மக்கள் என்று எல்லோருக்கும் தொல்லைகள் தான். ராமனால் பயன் பெற்றவர்கள் யாருமே இல்லையா என்றால், ஏன் இல்லை. பார்ப்பனர்கள் சொல் பேச்சை கேட்டு, பார்ப்பனர்கள் நலனுக்காக ஆட்சி புரிந்து, பார்ப்பனர்கள் நலனுக்காகவே வாழ்ந்தவன் ராமன். பார்ப்பன பணியாக்களுக்காகவும் அவர்களுடன் கைகோர்த்துள்ள முதலாளிகளிகள் நலனுக்காக ஆட்சி புரியும் மோடிக்கு ராமனின் கொள்கைகள் அல்லாமல் வேறு யார் கொள்கை பொருத்தமானதாக இருக்கும். மோடி ஒரு நவீன ராமன். #👨மோடி அரசாங்கம்