#😳 'എന്‍റെ അശ്ലീലദൃശ്യം അവന്‍റെ കയ്യില്‍’; യുവാവിനെ കൊന്ന് കത്തിച്ച് അമൃത 😳 ലിവ് ഇന്‍ പങ്കാളിയായ യുവതിയും മുന്‍ കാമുകനും ചേര്‍ന്ന് കൊലപ്പെടുത്തിയ യുവാവിന്റെ പക്കല്‍ കൂടുതല്‍ യുവതികളുടെ അശ്ലീല വീഡിയോകളുണ്ടെന്ന് പൊലീസ്. ഡല്‍ഹിയില്‍ കൊല്ലപ്പെട്ട രാംകേശ് മീണയുടെ ഹാര്‍ഡ് ഡിസ്‌ക് പരിശോധിച്ചതോടെയാണ് 15-ലേറെ സ്ത്രീകളുടെ സ്വകാര്യദൃശ്യങ്ങള്‍ പൊലീസ് കണ്ടെടുത്തത്. തന്റെ സ്വകാര്യദൃശ്യങ്ങള്‍ പകര്‍ത്തിയതിന്റെ പകയിലാണ് രാംകേശ് മീണയെ കൊലപ്പെടുത്തിയതെന്നായിരുന്നു മുഖ്യപ്രതിയായ അമൃത ചൗഹാന്റെ മൊഴി. അമൃതയും രാംകേശ് മീണയും ഇക്കഴിഞ്ഞ മേയ് മാസം മുതലാണ് ഒരുമിച്ച് താമസം ആരംഭിച്ചത്. ഒരുമിച്ച് താമസിക്കുന്നതിനിടെ രാംകേശ് മീണ തന്റെ നിരവധി നഗ്നദൃശ്യങ്ങള്‍ പകര്‍ത്തിയെന്നും ഇവയെല്ലാം ഹാര്‍ഡ് ഡിസ്‌കിലാക്കി സൂക്ഷിച്ചെന്നുമാണ് യുവതി പറഞ്ഞത്. ഇക്കാര്യമറിഞ്ഞതോടെ ഹാര്‍ഡ് ഡിസ്‌കില്‍നിന്ന് ദൃശ്യങ്ങള്‍ നീക്കാന്‍ ആവശ്യപ്പെട്ടു. എന്നാല്‍, ദൃശ്യങ്ങള്‍ നീക്കംചെയ്യാന്‍ രാംകേശ് മീണ തയ്യാറായില്ല. തുടര്‍ന്നാണ് തന്റെ മുന്‍ കാമുകനായ സുമിത് കശ്യപിനെ വിവരമറിയിച്ചത്. ഇതുകേട്ടതോടെ രാംകേശ് മീണയെ ഒരു പാഠം പഠിപ്പിക്കണമെന്ന് സുമിത് കശ്യപ് പറഞ്ഞു. തുടര്‍ന്നാണ് സുഹൃത്തായ സന്ദീപ് കുമാറിനെയും കൂട്ടി കൊലപാതകം ആസൂത്രണംചെയ്തതെന്നും ഒക്ടോബര്‍ അഞ്ചിന് രാത്രി കൃത്യം നടത്തിയതെന്നും യുവതി മൊഴിനല്‍കിയിരുന്നു. നെയ്യും വൈനും മൃതദേഹത്തിലൊഴിച്ചു, ഗ്യാസ് സിലിന്‍ഡര്‍ തുറന്നിട്ട് തീയിടുകയായിരുന്നു. ക്രൈം വെബ്‌സീരിസുകളുടെ സ്ഥിരം പ്രേക്ഷകയായിരുന്ന അമൃതയ്ക്ക് കൊലപാതകം നടത്താന്‍ ഇത്തരം സീരിസുകളും പ്രചോദനമായെന്നും പൊലീസ് പറഞ്ഞു.