തിരുവോണം സമുചിതമായി ആഘോഷിച്ച മലയാളക്കരയുടെ ഓണാഘോഷങ്ങള്‍ക്ക് ഏതാണ്ട് പരിസമാപ്തി കുറിക്കുകയാണ്. ചിങ്ങമാസത്തിലെ അത്തം നക്ഷത്രം മുതല്‍ തുടങ്ങുന്ന മലയാളികളുടെ ഓണാഘോഷം ചതയം നാളോടെയാണ് പര്യവസാനത്തിലേക്ക് നീങ്ങുന്നത്. പക്ഷേ, ഓണാഘോഷം പൂര്‍ണമാകണമെങ്കില്‍ ഉത്രട്ടാതി വരെ കാത്തിരിക്കണം. ഉത്രട്ടാതി വള്ളംകളിയോട് കൂടിയാണ് മലയാളികളുടെ ഓണക്കാലം പൂര്‍ത്തിയാകുന്നത്.
ചതയം നാളിലാണ് നാലാം ഓണം ആഘോഷിക്കുന്നത്. നാലാം ഓണം പൊടിപൂരമെന്നാണ് പഴമക്കാര്‍ പറയാറുള്ളത്. ഓണാഘോഷങ്ങളുടെ സമാപനമെന്ന രീതിയിലാണ് ഇങ്ങനെ പറയപ്പെടുന്നത്.
നാലാം ഓണം ''നക്കിയും തുടച്ചും'', എന്നൊരു പഴഞ്ചൊല്ലുമുണ്ട്. അതായത് പൊന്നോണ നാളിലും അവിട്ട നാളിലുമൊക്കെ വെച്ചുണ്ടാക്കിയ വിഭവങ്ങള്‍ കഴിച്ച് തീര്‍ത്തേ, അക്കൊല്ലത്തെ ഓണത്തെ പറഞ്ഞു വിടാവൂ എന്ന് പഴമൊഴി അര്‍ത്ഥമാക്കി തരുന്നു.
ആശംസകൾ ##ചതയം #ചതയം ദിനാശംസകൾ. #ഇന്ന് ചതയം #ചതയം #🌸ചതയം ദിനാശംസകൾ
