വിശ്വാസത്തോടെ ദൈവവചനം ധ്യാനിച്ചും, പ്രാർത്ഥിച്ചും ഹൃദയത്തിന്റെ ഉള്ളിൽ ഒരു പുൽക്കൂട് ഒരുക്കിക്കൊണ്ട് ഉണ്ണി ഈശോയുടെ പിറവിത്തിരുന്നാളിനായി നമുക്ക് ഏവർക്കും ആത്മാർത്ഥതയോടെ ഒരുങ്ങാം. വിശുദ്ധ പൗലോസ് അപ്പസ്തോലൻ ഫിലിപ്പിയർക്ക് എഴുതിയ ലേഖനം 4 : 6 -7 വചനം ഇപ്രകാരം വ്യക്തമാക്കുന്നു. "ഒന്നിനെക്കുറിച്ചും ആകുലരാകേണ്ടാ. പ്രാര്‍ഥനയിലൂടെയും അപേക്‌ഷയിലൂടെയും കൃതജ്‌ഞതാ സ്‌തോത്രങ്ങളോടെ നിങ്ങളുടെ യാചനകള്‍ ദൈവസന്നിധിയില്‍ അര്‍പ്പിക്കുവിന്‍. അപ്പോള്‍, നമ്മുടെ എല്ലാ ധാരണയെയും അതിലംഘിക്കുന്ന ദൈവത്തിന്റെ സമാധാനം നിങ്ങളുടെ ഹൃദയങ്ങളെയും ചിന്തകളെയും യേശുക്രിസ്‌തുവില്‍ കാത്തുകൊള്ളും." ഈ വചനം യഥാർത്ഥമായി വിശ്വസിക്കുന്നവർ ഒരു ആമേൻ പറയുക. ഇന്നേ ദിവസം ഈ വചനം വായിച്ച്, ഇതിനെ ജീവിതത്തിൽ ഉൾക്കൊണ്ടുകൊണ്ട്, നമ്മുടെ എല്ലാ ആകുലതകളും വിഷമങ്ങളും സ്വർഗ്ഗസ്ഥനായ പിതാവിന്റെ കരങ്ങളിൽ ഏല്പിച്ച് സമാധാനത്തോടെ ആയിരിക്കാൻ നമുക്ക് പരിശ്രമിക്കാം. ഒന്നോർക്കുക; നമുക്കിടയിൽ പലവിധ വിഷമങ്ങളിലൂടെ, രോഗങ്ങളിലൂടെ കടന്നു പോകുന്ന, സമാധാനത്തോടെ ഒന്ന് ഉറങ്ങാൻ പോലും കഴിയാതെ വേദനിക്കുന്ന അനേകരുണ്ട്. വെല്ലുവിളി നിറഞ്ഞ സമയങ്ങളിൽ നിങ്ങൾ പ്രാർത്ഥനയിലൂടെ ദൈവവുമായി ബന്ധപ്പെടുമ്പോൾ, നിങ്ങളെ രൂപാന്തരപ്പെടുത്തുന്ന വിധത്തിൽ ദൈവം നിങ്ങളുടെ പ്രാർത്ഥനകൾക്ക് ഉത്തരം നൽകും അതുകൊണ്ട് ലോകമെമ്പാടും വിവിധ പ്രശ്നങ്ങളിൽ ആയിരിക്കുന്ന എല്ലാ മക്കളെയും ദൈവസന്നിധിയിൽ സമർപ്പിച്ചു വിശ്വാസത്തോടെ നമുക്ക് ഇങ്ങനെ പ്രാർത്ഥിക്കാം. "സ്വർഗ്ഗസ്ഥനായ ഞങ്ങളുടെ പിതാവേ, മുന്നോട്ട് പോകാൻ കഴിയാത്തവിധം വിവിധ പ്രശ്നങ്ങളിലൂടെ കടന്നു പോകുമ്പോൾ വിശ്വാസത്തിന് മങ്ങലേക്കാതെ അവിടുത്തെ കരങ്ങളിൽ മുറുകെപ്പിടിക്കാനുള്ള പരിശുദ്ധാത്മാവിന്റെ കൃപ ഞങ്ങൾക്ക് (എല്ലാ മക്കൾക്കും) നല്കേണമേ...ആകുലതകളെ അങ്ങേ കരങ്ങളിൽ ഏല്പിച്ച് അവിടുന്ന് നല്കുന്ന സമാധാനത്തിലും സന്തോഷത്തിലും ജീവിക്കുവാൻ ഞങ്ങളെ (എല്ലാ മക്കളെയും ) അനുഗ്രഹിക്കണമേ. അബ്ബാ-പിതാവേ, ഞങ്ങൾ സമർപ്പിക്കുന്ന ഈ പ്രാർത്ഥന കേട്ട് ഉത്തരം നൽകണമേ"... ആമ്മേൻ. ദൈവം എല്ലാ മനുഷ്യരെയും സമൃദ്ധമായി അനുഗ്രഹിക്കട്ടെ. എല്ലാവർക്കും ഒരു നല്ല ഞായറാഴ്ചയുടെ ശുഭദിനം ആശംസിക്കുന്നു. പ്രാർത്ഥനയോടെ, ബിനോജ് ബാബു, ദി ഹാപ്പി ഫാമിലി #😇 ഇന്നത്തെ ചിന്താവിഷയം #💞 നിനക്കായ്