BG (ISKCON) 13ശ്ലോകം 5 സർവ്വക്ഷേത്രങ്ങളുടേയും (bodies) ജ്ഞാതാവായ ഭഗവാന്റേയും, തദധീനനായ ക്ഷേത്രജ്ഞനായ ജീവാത്മാവിന്റേയും, കർമ്മക്ഷേത്രങ്ങളുടെ സ്വഭാവത്തിന്റേയും യഥാർത്ഥ ചിത്രമാണിത്. വേദാന്തസൂത്രത്തിലും (ബ്രഹ്മസൂത്രത്തിലും) ഈ സത്യം കണ്ടെത്താനാകും. ഋഷിഭിർബഹുധാ ഗീതം ചന്ദോഭിർ വിവിധൈഃ പൃഥക് ബ്രഹ്മസൂത്രപദൈശ്ചൈവ ഹേതു മദ്ഭിർ വിനിശ്ചിതൈഃ ഋഷിഭിഃ - ഋഷികളാൽ; വിവിധൈഃ – വിവിധങ്ങളായ; ഛന്ദോഭി - വേദ മന്ത്രങ്ങൾകൊണ്ടും; പൃഥക് - പ്രത്യേകം; ബഹുധാ -ബഹുപ്രകാരത്തിൽ; (തഥാ) - അപ്രകാരം; വിനിശ്ചിതൈഃ – സുനിശ്ചിതങ്ങളായ; ഹേതുമദ്ഭിഃ – യുക്തിയുക്തങ്ങളായ; ബ്രഹ്മസൂത്രപദൈഃ ച ഏവ – ബ്രഹ്മസൂത്ര പദങ്ങളെക്കൊണ്ടും; ഗീതം - വിവരിക്കപ്പെട്ടിട്ടുണ്ട്. പ്രവർത്തനമേഖലയേയും അതിന്റെ ജ്ഞാതാവിനേയുംകുറിച്ചുള്ള ജ്ഞാനം വിവിധ വൈദിക കൃതികളിലൂടെ ഋഷീശ്വരന്മാർ നൽകിയിട്ടുണ്ട്. വിശേഷിച്ച് വേദാന്തസൂത്രത്തിൽ കാര്യകാരണ സഹിതം ഇത് സമർത്ഥിക്കപ്പെട്ടിരിക്കുന്നു. ഈ ജ്ഞാനം ഉപദേശിക്കുന്നതിനുള്ള സമുന്നതമായ ആധികാരികത പരമദിവ്യോത്തമപുരുഷനായ കൃഷ്ണനു തന്നെയാണുള്ളത്. എങ്കിലും സാധാരണ വഴക്കമനുസരിച്ച പണ്ഡിതന്മാരും മറ്റു പ്രാമാണികരും എല്ലായ്പ്പോഴും ആധികാരികത്വമുള്ളവരെ പിൻതുടരാറുണ്ട്. ജീവാത്മാവിന്റേയും പരമാത്മാവിന്റേയും ദ്വൈതാദ്വൈതഭാവങ്ങൾ വിവാദവിഷയമായതിനാൽ പാമാണികഗ്രന്ഥമായ വേദാന്തസൂത്രത്തെ മുൻനിർത്തിക്കൊണ്ട് കൃഷ്ണൻ ഈ വിഷയത്തെ പരാമർശിക്കുന്നു. പല മഹർഷിമാരുടേയും അഭിപ്രായമനുസരിച്ചാണിത്, എന്ന് കൃഷ്ണൻ ആദ്യമേതന്നെ പറയുന്നു. ശ്രീകൃഷ്ണ ഭഗവാന് പുറമേ വേദാന്തസൂത്രരചയിതാവായ വ്യാസദേവനും ഒരു ഋഷിവര്യനാണ്. വേദാന്തസൂത്രം ദ്വൈത ഭാവത്തെപ്പറ്റി പൂർണ്ണമായി വിവരിച്ചിട്ടുണ്ട്. മറ്റൊരു മഹർഷിയാണ് വ്യാസദേവന്റെ പിതാവായ പരാശരൻ. മതാധിഷ്ഠിതങ്ങളായ തന്റെ കൃതികളിലൊരിടത്ത് അദ്ദേഹം പറയുന്നു. ‘അഹം ത്വം. ച തഥാന്യേ’ . ഞാനും നീയും മറ്റു വിവിധ ജീവികളും എല്ലാം ഭൗതികശരീരങ്ങൾ സ്വീകരിച്ചിട്ടുണ്ടെങ്കിലും അതീന്ദ്രിയസത്തകളാണ്. നമ്മുടെ കർമ്മഭേദങ്ങൾക്കനുസരിച്ച് പ്രകൃതിയുടേതായ തിഗുണങ്ങൾക്ക് വശപ്പെട്ടു പതിതരായിത്തീർന്നു. ചിലർ ഉത്കൃ ഷ്ടതലങ്ങളിലാണ്, ചിലർ താഴ്സന്നതലങ്ങളിലും. രണ്ടും അജ്ഞാനത്താൽ നിലനിൽക്കുന്നു, എണ്ണമറ്റു ജീവിവർഗ്ഗങ്ങളിൽ പ്രത്യക്ഷപ്പെടുന്നു. എന്നാൽ പാതിത്യം പറ്റാത്ത പരമാത്മാവിനെ പ്രകൃതിയിലെ ത്രിഗുണങ്ങൾ ബാധിക്കുകയില്ല. ദിവ്യവുമാണിത്. വേദങ്ങളിൽ, വിശേഷിച്ച് കഠോപനിഷത്തിൽ ആത്മാവും പരമാത്മാവും ശരീരവും തമ്മിലുള്ള വ്യത്യാസത്തെ വിശദമായി പ്രതിപാദിച്ചിട്ടുണ്ട്. പല മഹർഷികളും ഈ വിഷയം വിശദീകരിച്ചിട്ടുണ്ട്. അവയിൽ പ്രമുഖസ്ഥാനം പരാശരനാണെന്ന് ഗണിക്കപ്പെടുന്നു. ‘ഛന്ദോഭിഃ’ എന്ന പദം വിവിധ വൈദികസാഹിത്യങ്ങളെ സൂചിപ്പിക്കുന്നു. ഉദാഹരണമായി ഒരു യജുർവേദശാഖയായ തൈത്തരീയോപനിഷത്ത് പ്രകൃതി, ജീവാത്മാവ്, പരമപുരുഷൻ എന്നീ വിഷയങ്ങളെപ്പറ്റി വിവരിക്കുന്നുണ്ട്. മുമ്പ് പറഞ്ഞതുപോലെ കർമ്മരംഗമത്രേ ക്ഷേത്രം. ക്ഷേത്രജ്ഞരാകട്ടെ രണ്ട് തരത്തിലുണ്ട്; വ്യക്തിഗതജീവസത്തയും, പരമാത്മാവും. ‘ബ്രഹ്മപുച്ഛം പ്രതിഷ്ഠ’ എന്ന് തൈത്തരീയോപനിഷത്ത് (2.9). ഭഗവച്ഛക്തിയുടെ ഒരാവിഷ്കാരമാണ് അന്നമയമെന്നത്. അന്നത്തെ ആശ്രയിച്ചിരിക്കുന്ന ജീവിതം. ഭൗതികതയിലുള്ള പരമപുരുഷസാക്ഷാത്കാരമാണിത്. പിന്നെ പ്രാണമയം - അന്നമയസാക്ഷാത്കാരത്തിനപ്പുറം നിരപേക്ഷിതത്ത്വത്തെ ജീവലക്ഷണങ്ങളിൽ അഥവാ ജീവനുള്ള രൂപങ്ങളിൽ സാക്ഷാത്കരിക്കാം. ജ്ഞാനമയത്തിലാവുമ്പോൾ ജീവലക്ഷണങ്ങൾക്കുമപ്പുറം വിചാരം, വികാരം, ഇച്ഛ എന്നിവയുടെ സാക്ഷാത്കാരമായി. പിന്നെയുള്ളത് വിജ്ഞാനമയമെന്ന ബ്രഹ്മസാക്ഷാത്കാരം. ഇതിൽ മനസ്സും ജീവലക്ഷണങ്ങളും ജീവസത്തയിൽ നിന്ന് ഭിന്നങ്ങളായി അറിയപ്പെടുന്നു. സർവ്വോത്കൃഷ്ടമായ അടുത്ത പടിയാണ് ആനന്ദമയം; പരമാനന്ദത്തിന്റെ സാക്ഷാത്കാരം. ബ്രഹ്മസാക്ഷാത്കാരത്തിന് ഇങ്ങനെ അഞ്ച് ഘട്ടങ്ങളാണുള്ളത്. ഇവ ബ്രഹ്മപുച്ഛമെന്ന് പറയപ്പെടുന്നു. അന്നമയം, പ്രാണമയം, ജ്ഞാനമയം എന്നിവയിൽപ്പെടുന്നു ജീവജാലങ്ങളുടെ കർമ്മരംഗങ്ങളെല്ലാം. ഇവയ്ക്കതീതമാണ് ആനന്ദമയമെന്നറിയപ്പെടുന്ന പരമപുരുഷൻ. ‘ആനന്ദമയോഽഭ്യാസാത്’ എന്ന് വേദാന്തസൂത്രവും ഭഗവാനെ വിവരിക്കുന്നു. ഭഗവാൻ സ്വഭാവേന ആനന്ദപൂർണ്ണനാണ്. ആ അതീന്ദ്രിയാനന്ദമാസ്വദിക്കാൻവേണ്ടി അവിടുന്ന് വിജ്ഞാനമയനായും പ്രാണമയനായും അന്നമയനായും രൂപവിസ്തരണം കൈക്കൊള്ളുന്നു. കർമ്മ ക്ഷേത്രസ്ഥനായ ജീവസത്ത അനുഭോക്താവായാണറിയപ്പെടുന്നത്. അനുഭോക്താവിൽ നിന്ന് ഭിന്നനാണ് ആനന്ദമയൻ, ആനന്ദമയന്, സ്വയം സമർപ്പിക്കുന്നതിലൂടെ ആസ്വദിക്കുന്നതിന് തീരുമാനിച്ചാൽ ജീവാത്മാവിന് പരിപൂർണ്ണത ലഭിക്കും. സർവ്വക്ഷേത്രങ്ങളുടേയും ജ്ഞാതാവായ ഭഗവാന്റേയും, തദധീനനായ ക്ഷേത്രജ്ഞനായ ജീവാത്മാവിന്റേയും, കർമ്മക്ഷേത്രങ്ങളുടെ സ്വഭാവത്തിന്റേയും യഥാർത്ഥ ചിത്രമാണിത്. വേദാന്തസൂത്രത്തിലും (ബ്രഹ്മസൂത്രത്തിലും) ഈ സത്യം കണ്ടെത്താനാകും. കാര്യകാരണസഹിതം ഔചിത്യത്തോടെ രചിക്കപ്പെട്ടവയാണ് ബ്രഹ്മസൂത്ര വാക്യങ്ങൾ. ‘ന വിയദശുതേഃ (2.3.2) നാത്മാശുതേഃ (2.3.18) പരാതുതച്ഛ്രുതേഃ (2.3.40)’ എന്നിവ അവയിൽ ചിലതാണ്. ആദ്യസൂത്രം കർമ്മക്ഷേത്രത്തേയും രണ്ടാമത്തേത് ജീവാത്മാവിനേയും മൂന്നാമത്തേത് വിവിധ ജീവഗണങ്ങളുടെ പരമലക്ഷ്യമായ സർവ്വേശ്വരനേയും സംബന്ധിച്ചവയാണ്. ##𝗔𝗗𝗩𝗢𝗖𝗔𝗧𝗘𝗠𝗔𝗡𝗢𝗝𝗚𝗨𝗥𝗨𝗩𝗔𝗬𝗨𝗥 #🆕 ലേറ്റസ്റ്റ് അപ്ഡേറ്റ് #💭 Best Quotes #Devotional #🙏 ശ്രീകൃഷ്ണ ഭജനകൾ