*🚩आजचे _ऐतिहासिक _शिवदिनविशेष🚩* ▬▬▬▬▬▬꧁☾︎✫☽︎꧂▬▬▬▬▬▬ *⛳ श्री शिवशंभू प्रतिष्ठान महाराष्ट्र राज्य* ⛳ ▬▬▬▬▬▬꧁☾︎✫☽︎꧂▬▬▬▬▬▬ *🚩शिव कार्य हेच आमचे ध्येय आणि हेच आमचे धोरण* *************************************** https://www.instagram.com/shrishivshambhu_pratishtan?igsh=dG9ib2pubnA5dDU4 #🚩छत्रपती संभाजी महाराज स्टेटस🙏 #📜इतिहास शिवरायांचा #🚩जय जिजाऊ #🙏शिवदिनविशेष📜 ⛳आजचे शिव'कालीन ऐतिहासिक दिनविशेष⛳ 📜 १२ ऑक्टोबर इ.स.१६५९ (कार्तिक शुद्ध सप्तमी शके १५८१ संवत्सर विकारी वार बुधवार) महाराजांनी पंताजी गोपीनाथ यांची वकिल म्हणून निवड केली! पंताजी गोपीनाथांची वकील म्हणून निवड अफजलखानाचा वकील आला मग रिवाजानुसार आपलाही वकील खानाकडे जायला हवा हे मनोमन ठरवून गोपीनाथपंथांची निवड केली. ही निवड केवळ वकील म्हणून साधीसुधी नव्हती तर खानाच्या गोटात शिरून खानाच्या छावनीचा संपूर्ण अंदाज बांधणे शत्रुपक्षाच्या मनीचे हेतू जाणता आले तर पाहावे या हेतूने ही निवड होती. आणि म्हणूनच पंताजी गोपीनाथक्षयांचे बरोबर काही हुषार हेर‌ हुजऱ्यांच्या रुपाने शिवरायांनी पाठवून आपले फासे टाकायला सुरुवात केली. 🏇🏻🚩🏇🏻🚩🏇🏻🚩🏇🏻🚩🏇🏻 📜 १२ ऑक्टोबर इ.स‌.१६७३ वाई जवळील पांडवगड किल्ल्यावर मराठा फौजेने हल्ला चढवला! चालुक्यांच्या राज्यांनतर शिलाहारांनी पन्हाळा -कोल्हापूर दख्खन या भागावर राज्य चालविले. १९९१-९२ मध्ये सापडलेल्या ताम्रलेखानुसार शिलाहार राजा दुसरा भोज याने हा किल्ला बांधला हे पुरावे आढळतात. हा किल्ला प्रथम आदीलशाहीत होता. ऑक्टोंबर १६७३ मध्ये मराठ्यांनी तो जिंकला. पुढे १७०१ औरंगजेबाने हा किल्ला घेतला. त्यानंतर शाहू महाराजांनी किल्ला पुन्हा स्वराज्यात आणला. इ.स. १८१८ मध्ये इंग्रजांनी पांडवगड आपल्या ताब्यात आणला. 🏇🏻🚩🏇🏻🚩🏇🏻🚩🏇🏻🚩🏇🏻 📜 १२ ऑक्टोबर इ.स.१६८० अश्विन शु. १, स्वराज्याचे पंतप्रधान मोरेश्वर त्रिंबक पिंगळे यांचे श्रीमान रायगडावर महानिर्वाण झाले. त्यांच्या ज्येष्ठ पुत्राचे सांत्वन करून छत्रपती शंभुराजांनी त्यांना पेशवेपद दिले. निळोपंत हे स्वराज्याचे पेशवे बनले. 🏇🏻🚩🏇🏻🚩🏇🏻🚩🏇🏻🚩🏇🏻 📜 १२ ऑक्टोबर इ.स.१६८१ छत्रपती संभाजी महाराज राज्यपदावर आल्यावर त्यांच्याविरोधात काही मंत्र्यानी कट केला होता. मंत्र्यानी या कटात सुलतान अकबराला गोवण्याचा कट केला होता पण अकबराने आपला दूत पाठवून ही गोष्ट संभाजीराजेंना कळवली. संभाजीराजेंच्या हालचालींची माहिती मुंबईकर इंग्रजांच्या एका पत्रात येते,"छत्रपती संभाजी महाराज हल्ली रायरीस आलेले आहे. त्याच्या खुनाच्या कटाबाबत ते तेथे आले. पूर्वी कळवल्याप्रमाणे थोड्याच दिवसांपूर्वी त्याने अण्णाजीपंत,हिरोजी फर्जंद,बाळाजी पंडित आणि आणखी पाच जण हत्तीच्या पायाखाली घालून मारविले. आणि असे म्हणतात की, या कटात सापडलेल्या आणखी वीस जणांना ठार मारण्यात येईल. राजा आपल्या सैन्याची जमवाजमव करीत आहे व बातमी अशी आहे की ते थोड्याच दिवसात सुलतान अकबरा बरोबर बुऱ्हाणपुरास जाण्यासाठी कूच करतील. 🏇🏻🚩🏇🏻🚩🏇🏻🚩🏇🏻🚩🏇🏻 📜 १२ ऑक्टोबर इ.स.१७०७ महाराणी ताराराणी साहेब व शाहू राजे यांच्यात खेड-कडूस येथे लढाई झाली त्यात शाहूराजेंचा विजय झाला. महाराणी ताराराणीसाहेबांनी जिंकलेले सर्व किल्ले शाहू राजेंना आपसूकच मिळाले. शाहु राजेंच्या पक्षात गेलेले बाळाजी विश्वनाथ यांनी महाराणी ताराराणी साहेबांच्या पक्षातील उदाजी चव्हाण, चंद्रसेन जाधव, कान्होजी आंग्रे आदी सेनानींना शाहु राजेंच्या बाजूला वळवून घेतले. त्यामुळे शाहु राजेंचा पक्ष बळकट झाला. शाहु राजेंनी साताऱ्याला गादीची स्थापना केली आणि महाराणी ताराबाईंनी साताऱ्याहून माघार घेऊन, कोल्हापूर येथे वेगळी गादी स्थापन केली. त्यानंतर वारणेला झालेल्या दिलजमाईनुसार शाहूराजांनी कोल्हापूरच्या गादीला संमती दिली आणि मराठी साम्राज्यात सातारा व कोल्हापूर अशा दोन स्वतंत्र गाद्या निर्माण झाल्या. पुढे शाहु राजेंच्या मध्यस्थीने ताराबाईंची कैदेतून सुटका झाली. त्यानंतर त्या सातारा येथे राहावयास गेल्या. शाहु राजेंना पुत्र नसल्यामुळे त्यांनी ताराबाईंचा नातू रामराजा यांस दत्तक घेतले. ताराबाईंचे निधन ९ डिसेंबर १७६१ रोजी साताऱ्यातील अजिंक्यतारा किल्ल्यावर झाले. त्यांची समाधी क्षेत्र माहुली, ता. सातारा येथे कृष्णेच्या काठावर असून पावसाळ्यात ही समाधी नदीच्या प्रवाहात पाण्याखाली असते. 🏇🏻🚩🏇🏻🚩🏇🏻🚩🏇🏻🚩🏇🏻 📜 १२ ऑक्टोबर इ.स.१८८० वासुदेव बळवंतांचे “ सीमोलंघन" ! शके १८०२ च्या आश्विन शु. ९ रोजी भारतातील पहिले क्रांतिकारक वासुदेव बळवंत फडके यांनी एडन येथील तुरुंगांतून सुटण्याचा धाडसी प्रयत्न केला. अत्युच्च ध्येय उराशी चाळगणारा हा खंदा वीर एडनच्या तुरुंगांत काळ्या पाण्याची जन्मठेप भोगीत खितपत पडला होता. परंतु मुक्त असणारा आत्मा सारखी तडफड करी. हातांतील शृंखला तोडाव्यात, खोलीच्या भिंती पाडाव्यात, तुरंगाचे तट ओलांडावेत, असे विचार त्यांच्या मनांत वारंवार येत. आणि आश्विन शु. ९ या दिवशी त्यांच्या या इच्छाशक्तीने साकार रूप धारण केले. दुर्धर रोगाकडे लक्ष न देतां वासुदेव बळवंतांनी आपल्या अचाट शक्तिसामर्थ्याने हातांतील शृंखला खळ्कन् तोडिल्या. बंदिवान् गरुड आतां मुक्त झाला होता. त्याच्या भरारीची झेप आतां अत्यंत मोठी अशीच असणार. कोठडीच्या दाराशी आल्यावर त्यांना आढळून आले की, भक्कम अशा लोखंडी गजांच्या दारांना मोठे थोरले कुलूप आहे ! ते पाहून या मुक्त सिंहाला जास्तच चेव आला. त्यांचे बाहु स्फुरण पावू लागले. लागलीच त्यांनी दोनहि हातांनी ती दारें उखडून काढिली; आणि ती तशीच घेऊन ते तटापर्यंत आले. तटावरून उतरण्यासाठी शिडी पाहिजे होती ना! या उखडलेल्या दाराची शिडी झाली. वासुदेव चळवंतांनी ताइकन् तटावरून उडी झोंकली. रोगग्रस्त झालेल्या मुखावर स्वातंत्र्यप्राप्तीचा आनंद विलसत होता. सुटलों या यमयातनेतून, असा श्वास टाकून त्यांनी धांवण्यास सुरुवात केली. अविरतपणे धांवतां धांवतां यांना दम लागला; आणि दुर्दैवाने पहारेकऱ्यांना ही गोष्ट समजली. सरकारी घोडेस्वार त्यांचा पाठलाग करूं लागले. त्यांची आणि फडके यांची लहानशी चकमक झाली. परंतु एकटे फडके कोठवर प्रतिकार करणार ? पुनः त्यांना पोलिसांच्या स्वाधीन व्हावे लागले. त्यांचे दिव्य स्वप्न क्षणाधीत नाहीसे होऊन त्यांना कठोर अशा सरकारी यंत्रांत जखडून घ्यावे लागले. आता तर पहिल्यापेक्षा जास्त प्राप्त होणार होता. आणि फडके सर्वे भोग भोगण्यास तयार होतेच. 🏇🏻🚩🏇🏻🚩🏇🏻🚩🏇🏻🚩🏇🏻 ▬▬▬▬▬▬༒︎༒︎▬▬▬▬▬▬༒︎༒︎▬▬▬▬▬▬ ✍ *लेखन / माहिती संकलन : राहूल बोरसे पाटील.* ▬▬▬▬▬▬༒︎༒︎▬▬▬▬▬▬༒︎༒︎▬▬▬▬▬▬ *जय जगदंब जय जिजाऊ* *जय शिवराय जय शंभूराजे* *जय गडकोट* *!! हर हर महादेव !!* #🚩छत्रपति शिवाजी महाराज