ചൈന വീണ്ടും ഇന്ത്യയുടെ മുഖം നോക്കി പ്രഹരിച്ചിരിക്കുന്നു. 2020 ലെ ഗൾവാൻ സംഘർഷത്തിന് ശേഷം ചൈന ഇന്ത്യയുടെ ഭൂമി കൈയ്യേറി എന്ന് നിരവധി തവണ രാജ്യത്തോട് പറഞ്ഞത് ബിജെപി നേതാവ് സുബ്രമണ്യൻ സ്വാമിയാണ്. "ചൈന ഞങ്ങളുടെ 60 കിലോമീറ്റർ കൈയ്യേറി" എന്ന് ലോക്സഭയിൽ വിളിച്ചു പറഞ്ഞത് ബിജെപിയുടെ അരുണാചൽ ഈസ്റ്റിലെ എംപിയും. എന്നിട്ടും നമ്മുടെ 56 ഇഞ്ചുകാരൻ ഒരക്ഷരം വായ തുറന്ന് പറഞ്ഞില്ല. ഇപ്പോൾ ഇതാ സമൂഹ മാധ്യമത്തിൽ ഇന്ത്യൻ പൗരത്വമുള്ള ഒരു സ്ത്രീയുടെ വെളിപ്പെടുത്തൽ. 14 വർഷമായി യുകെയിൽ ജീവിക്കുന്ന Pem Wang Thongdok ലണ്ടനിൽ നിന്ന് ജപ്പാനിലെ ഒസാക്കയിലേക്ക് പോവുകയായിരുന്നു. ഇതിനിടയിൽ ചൈനയിലെ ഷാങ്ങ്ഹായ് വിമാനത്താവളത്തിലൂടെ ട്രാൻസിറ്റ് ചെയ്യുന്ന സമയത്തു ചൈനീസ് ഇമൈഗ്രെഷൻ ഉദ്യോഗസ്ഥർ അവരെ തിരഞ്ഞുപിടിച്ച് ക്യൂവിൽ നിന്ന് പുറത്തിറക്കുന്നു. ഉദ്യോഗസ്ഥർ നിരത്തിയ 'കണ്ടെത്തലുകൾ' കേട്ട് അവർ ഞെട്ടിപ്പോയി. "നിങ്ങൾ അരുണാചൽ പ്രദേശിൽ ജനിച്ചു എന്നാണ് പാസ്പ്പോർട്ടിൽ പറയുന്നത്. അരുണാചൽ എന്ന് ഇന്ത്യ വിളിക്കുന്ന സ്ഥലം ഞങ്ങളുടെ സംഗ്നാൻ ആണ്. ഇന്ത്യ അനധികൃതമായി കൈവശം വെച്ചിരിക്കുന്ന ഭൂമി. സംഗ്നാനിൽ ജനിച്ച നിങ്ങൾക്ക് ചൈനീസ് പാസ്സ്പോർട്ടിന് അപേക്ഷിക്കാം, അല്ലാതെ ഇന്ത്യൻ പാസ്സ്പോർട്ടിന് അർഹതയില്ല. കാരണം, ചൈന ഇരട്ട പൗരത്വം അനുവദിക്കുന്നില്ല. ഇക്കാരണത്താൽ നിങ്ങളുടെ ഇന്ത്യൻ പാസ്പോര്ട്ട് അസാധുവാണ്". ഒടുവിൽ 18 മണിക്കൂർ നേരത്തെ പ്രയത്നത്തിന്റെ ഫലമായി ഒരുവിധം അവർ ചൈനയിൽ നിന്ന് തടി രക്ഷിച്ചെടുക്കുന്നു. കൂടാതെ, മേലാൽ ഇന്ത്യൻ പാസ്സ്പോർട്ടുമായി ചൈനയിൽ വരരുത് എന്നൊരു താക്കീതും. വിവരം ട്വിറ്ററിൽ വൈറലായതോടെ ഇന്ത്യയുടെ വിദേശകാര്യ മന്ത്രാലയം ചൈനയെ 'പ്രതിഷേധം' അറിയിക്കുന്നു. അതിന് ചൈനീസ് വിദേശകാര്യ വക്താവ് നൽകിയ മറുപടിയാണ് ഏറെ ചിന്തനീയം. "ഞങ്ങൾ വേണ്ടവിധം അന്വേഷിച്ച ശേഷമാണ് നടപടിയെടുത്തത്. അരുണാചൽ പ്രദേശ് എന്ന് ഇന്ത്യ വിളിക്കുന്ന പ്രദേശത്തെ ചൈന അംഗീകരിക്കുന്നില്ല, ചൈനയുടെ പ്രദേശമായ സംഗ്നാനിൽ ജനിച്ച ഒരാൾ ഇന്ത്യൻ പാസ്സ്‌പോർട്ട് കൈവശം വെക്കുന്നത് ഞങ്ങളുടെ പാസ്സ്‌പോർട്ട് നിയമങ്ങളുടെ ലംഘനമാണ്. തല്ക്കാലം ഒരു താക്കീത് മാത്രം നൽകി ഞങ്ങൾ അവരെ വിട്ടയച്ചു എന്ന് മാത്രം" ചൈനീസ് വിദേശകാര്യ വക്താവ് മാവോ നിംഗ് വളച്ചുകെട്ടാതെ കാര്യം പറഞ്ഞു. സുഹൃത്തുക്കളേ, നിങ്ങൾ ചിന്തിക്കുക, തകർന്നു തരിപ്പണമായി, പട്ടിണികൊണ്ട് പണ്ടാരമടങ്ങി എന്ന് സംഘികൾ ദിവസവും നിലവിളിക്കുന്ന പാകിസ്താൻകാർക്കും അഫ്ഗാനിസ്ഥാൻകാർക്കും ലോകത്തിലെ ഏറ്റവും ദരിദ്രരാജ്യങ്ങളായ മൊസാംബിക്കിന്റെയും ബുറുണ്ടിയുടെയും സൊമാലിയയുടെയും പൗരന്മാർക്കും ഒന്നുമില്ലാത്ത ഗതികേടിൽ ഇന്ത്യക്കാരെ എത്തിച്ച വിശ്വഗുരു സംഭവം അറിഞ്ഞതായി പോലും നടിക്കുന്നില്ല. നമ്മുടെ മോഹൻലാലിൻറെ കാലിൽ ഒരു മുള്ളു കൊണ്ടാൽ അപ്പോൾ ആശംസയുമായി ട്വിറ്ററിൽ പ്രത്യക്ഷപ്പെടുന്ന മോദിജി തല്ക്കാലം ലോകം മുഴുവൻ കൈപ്പിടിയിലാക്കിയ ക്ഷീണത്തിൽ വിശ്രമത്തിലാണ്. ഡോ. മൻമോഹൻസിങ്ങിന്റെ നയതന്ത്രത്തെ ബിരിയാണി ഡിപ്ലോമസി എന്ന് പരിഹസിച്ച വിദ്വാനാണ് ഇപ്പോൾ പത്തായത്തിൽ ഒളിച്ചിരിക്കുന്നത് എന്നതാണ് ബഹുരസം. ഏതായാലും ബിരിയാണിയേക്കാൾ വളുവളാന്നുള്ള സാധനമാണല്ലോ ന്യൂഡിൽസ്. അപ്പോൾ നമ്മുടെ മോദിജിയുടെ ചൈനീസ് ഡിപ്ലോമസിയെ ഞാൻ 'മണകുണാഞ്ചൻ ന്യൂഡിൽ ഡിപ്ലോമസി' എന്ന് വിളിക്കുന്നതിൽ നിങ്ങൾക്ക് എതിർപ്പുണ്ടോ സുഹൃത്തുക്കളേ? #🔶 BJP #🗳️ രാഷ്ട്രീയം #🔴 എൽഡിഎഫ് #🔵 യുഡിഎഫ് #🙏 രാഹുൽ ഗാന്ധി