#💐संत महंत🙏 #✍️भक्ती संदेश #🌻आध्यात्म 🙏 #🙏भक्ती सुविचार📝. .ll ज्ञानेश्वरीतील ज्ञानामृत चिंतन ll . ------------------------------------------ . 'श्रीकृष्ण हे साक्षात परब्रह्म आहेत. परब्रह्म म्हणजे अंतीम तत्त्व. ते परमधाम पवित्र व पावन आहे. तो परमपुरुष स्थिर आहे. ते परमधाम पवित्र व पावन आहे. ************************************************* . तरी होसी तु परब्रह्म l जे या महाभूतां विसवते धाम l . पवित्र तू परम l जगन्नाथा ll . **************[ ज्ञानेश्वरी १०/१४९]************** . ------- अर्थ ------ . .तरी हे भगवंता, आपण साक्षात परब्रह्म आहात, सर्व प्राणिमात्रांचे विश्रांतिस्थान असून अत्यंत पवित्र आहात ------ विश्लेषण -----. . भगवंतांनी भक्तियोग सांगितल्यावर अर्जुनास खूपच आनंद झाला व तो श्रीकृष्णास म्हणाला, 'भगवन्, सर्वोत्कृष्ट तेजोमय व परम पवित्र असे परब्रह्म तूच आहेस. शाश्वत, दिव्य, आदिदेव जन्मरहित व व्यापक अशा प्रकारचा पुरुषही तूच आहेस. सर्व ऋषी, देवर्षी, नारद, असित, देवल, आणि व्यास म्हणतात व तू स्वतः देखील असेच सांगतोस.'भगवान श्रीकृष्ण म्हणजेच परब्रह्म, व्यास व नारद हे ख्यातनाम आहेत. . असित देवल हे महान ऋषी होऊन गेले. वेदातील अनेक सूक्ते यांनी रचली. सोमाची प्रशंसा यांनीच केली. मानवी जीवनाचा प्रवास प्रेयसाकडून श्रेयसाकडे, प्रवृत्तीकडून निवृत्तीकडे झाला पाहिजे असा दिव्य संदेश यांनीच सूक्तातून दिला आहे. . श्रीकृष्ण हे साक्षात परब्रह्म आहेत. परब्रह्म म्हणजे अंतीम तत्त्व. ते परमधाम पवित्र व पावन आहे. तो परमपुरुष स्थिर आहे. ते परमधाम पवित्र व पावन आहे. तो परमपुरुष म्हणजे देव व क्षेत्रजांच्या पलीकडचा आहे. शाश्वत म्हणजे चिरंतन परमात्मा आहे. आदिदेव म्हणजे सर्व देव व प्राणिमात्रांच्या आधी असलेला, अज म्हणजे अजन्मा व विभु म्हणजे अनंत व सर्वव्यापी भगवंत होय. ज्याची सर्व ऋषी, मुनी, संत व साधु, आत्मज्ञानी व महापुरुषांनी तोंड भरून स्तुती केली आहे असा तो भगवंत होय. . . ll राम कृष्ण हरी, माऊली ll