*🚩आजचे _ऐतिहासिक _शिवदिनविशेष🚩* ▬▬▬▬▬▬꧁☾︎✫☽︎꧂▬▬▬▬▬▬ *⛳ श्री शिवशंभू प्रतिष्ठान महाराष्ट्र राज्य* ⛳ ▬▬▬▬▬▬꧁☾︎✫☽︎꧂▬▬▬▬▬▬ *🚩शिव कार्य हेच आमचे ध्येय आणि हेच आमचे धोरण* *************************************** https://www.instagram.com/shrishivshambhu_pratishtan?igsh=dG9ib2pubnA5dDU4 #🚩जय जिजाऊ #🚩शिवराय #🚩छत्रपति शिवाजी महाराज #📜इतिहास शिवरायांचा #🙏शिवदिनविशेष📜 ⛳ आजचे शिव'कालीन ऐतिहासिक दिनविशेष⛳ 📜 ८ ऑक्टोबर इ.स.१६५९ (कार्तिक शुद्ध तृतीया शके १५८१ संवत्सर विकारी वार शनिवार) सईबाईसाहेब यांच्या निधनाचे दुखः स्वराज्यासाठी बाजूला सारून शिवाजी महाराज जावळी परिसराची पाहणी करून प्रतापगडी दाखल! खान वळवळ करत होता त्याला अटकाव करणे गरजेचे होते. त्यामुळे मनी ठाम निश्चय करूनच राजे स्वदुःख बाजूला सारून अफजल मोहीमेसाठी प्रतापगडी दाखल. 🏇🚩🏇🚩🏇🚩🏇🚩🏇 📜 ८ ऑक्टोबर इ.स.१६६८ (अश्विन शुद्ध चतुर्दशी शके १५९० संवत्सर किलक वार गुरूवार) महाराज व अदिलशाही यांच्यात तह विजापूरच्या आदिलशहाने महाराजांबरोबर पुन्हा नव्याने तह केला. दि.१६ सप्टेंबर इ.स.१६६८ अदिलशहाने सोलापूर किल्ला व त्या खालील १८० लक्ष होनांचा मुलुख मोगलांना देऊन त्यांच्याशी तह केला. लवकरच विजापुरकरांनी महाराजांशी ही पुन् हा नव्याने तह केला. पश्चिम किनाऱ्याची सुभेदारी महाराजांना प्राप्त झाली. मोबदल्यात त्यांनी ६ सहा लक्ष रुपये खंडणी अदिलशहास द्यावी असे ठरले. इ. स.१६५९ पासून सततच्या स्वाऱ्या युद्ध शाहीस्तेखानाची स्वराज्यातील लुट आग्रा भेट आग्र्याहून सुटका या सगळ्यांचा प्रजेला प्रचंड त्रास झाला होता. अशातच पुन्हा मोहीम काढण्यापेक्षा जनतेमध्ये स्वराज्यासाठी स्थैर्य आवश्यक होते ज्यामुळे महाराजांना प्रशासकीय कामांना गती देता येणार होती. थोडी स्थिरस्थावरता आणून शिंततेचा काळ घालवणे आवश्यक होते. त्यामुळे महाराजांनी अदिलशाहिशी नव्याने तह केला. 🏇🚩🏇🚩🏇🚩🏇🚩🏇 📜 ८ ऑक्टोबर इ.स.१६७९ केग्वीन खांदेरीला पोचला मुंबईकरांना आता पक्की खबर मिळाली की दौलतखान मोठे आरमार (सुमारे २० गुराबा) घेवून खांदेरीच्या दिशेने येत आहे. तेव्हा युद्धासाठी सज्ज असे मोठे आरमार आता अनुभवी कॅप्टन रिचर्ड केग्वीन याच्या नेतृत्वाखाली खांदेरीच्या नाकेबंदिकारिता पाठवण्याचा निर्णय मुंबईकरांनी घेतला. ह्या नाविक सैन्यामध्ये रिवेंज ही १ फ्रीगेट तर होतीच शिवाय २ गुराबा (यातील एकीचे नाव डव्ह होते), ३ शिबाडे , २ मचवे होते. ह्या सर्व ताफ्यावर सुमारे २०० अधिक सैनिक तसे इतर नावाडी लोक होते. इंग्रजांना वाटत होते की हे आरमार पुरेसे आहे. तरी त्यांनी कॅप्टन केग्वीन ला आदेश दिले की दौलतखानाशी थेट झुंज करू नये अगोदर त्याला बेट इंग्रजांचे आहे हे पटवावे व त्याने न ऐकल्यास शक्तीचा प्रयोग करावा. आदेशानुसार सज्ज ताफा घेवून ८ ऑक्टोबर १६७९ रोजी केग्वीन नाकेबंदीवर पोचला. १० तारखेला त्याला खबर मिळाली की दौलतखान खांदेरीच्या दिशेने येत आहे. 🏇🚩🏇🚩🏇🚩🏇🚩🏇 📜 ८ ऑक्टोबर इ.स.१६८३ (अश्विन वद्य त्रयोदशी शके १६०५ रुधिरोद्रारी संवत्सर वार सोमवार) चौलच्या वेढ्यादिवशी इंग्रजांचे पत्र !! या एका पत्रातून मुंबईकर इंग्रज लिहीतात की चौलला खंबीर वेढा पडला आहे. छत्रपती संभाजी महाराजांच्या सैन्याने जवळील एका टेकडीचा ताबा घेतला असून त्यावर मराठे मोठ्या तोफा चढवून चौलवर जबरदस्त मारा करणार आहेत. सर्वांचा असा समज आहे. की तोफांचा मारा सुरू झाल्यावर किल्ला ५ पाच दिवसांपेक्षा जास्त लढवला जाणार नाही. चौलची अवस्था अतिशय वाईट झाली असून या चौलच्या वेढ्यात पोर्तुगीज हतबल झाले. 🏇🚩🏇🚩🏇🚩🏇🚩🏇 ‌📜 ८ ऑक्टोबर इ.स.१६८३ शहजादा अकबराच्या हालचालींवर पाळत ठेवण्यासाठी सिद्दी जाणार असल्याची इंग्रजांची नोंद! अफाट सैन्याबळाने छत्रपती संभाजी महाराजांच्या विरोधात अनेक आघाड्यांवर लढूनही सततच्या अपयशाने इ.स.१६८३ पावसाळ्यापूर्वी औरंगजेब बादशहाची वृत्ती हताश झाली होती. दक्षिणेच्या लढायांत त्याने आपल्या मुलांना व सरदारांना छत्रपती शिवाजी महाराजांच्या विरोधात लढताना आलेल्या अपयशाबद्दल अनेक दूषणे दिली होती. पण त्यांच्या पेक्षाही वाईट परिस्थिती औरंगजेबाची झाली होती आणि ती वेळ त्याच्यावर एका २५ २६ वर्षीय - राजाने आणली होती. त्यामुळे तो चिडखोर आणि संशयी बनला होता. पोर्तुगीज मुलूखावर छत्रपती संभाजीराजेंनी शहजादा अकबराला सोबत घेऊन स्वारी केली होती. औरंगजेबाला हे समजताच त्याने सिद्दीला डिचोलीला जाऊन अकबरावर पाळत ठेवण्यास सांगितले होते. यासंबंधी इंग्रजांची नोंद "अकबराच्या हालचालीवर पाळत ठेवण्यास सिद्दी १० दिवसांत गोव्याकडे जाणार आहे.क्वाण्डम गव्हर्नर कडून विकत घेतलेल्या जहाजावर अकबर धान्यसामग्री भरत आहे अशी बातमी आहे. 🏇🚩🏇🚩🏇🚩🏇🚩🏇 📜 ८ ऑक्टोबर इ.स.१८०४ फत्तेपुराहून कूच करून यशवंतराव मथुरेस गेले. तेथे इंग्रजांचा सरंजाम होता, तो निघून परत आग्रास आला व मथुरेस पोचल्यावर महाराज दिनांक ८ ऑक्टोबरला (१८०४) दिल्लीच्या तटबंदीखाली आले. यावेळी दिल्लीचा नामधारी बादशहा इंग्रजांचे अंकित होता. बादशहाच्या नावाचे बळ आपल्या सत्तेस जोडणे हा हेतू होता. “आपण बादशहाचे सेवक” अशा अर्थाचा नवा शिक्का यशवंतरावानी पाडला व उपयोगात आणला तो बादशहासंबंधीचा लोकादर आपल्याकडे वळावा या हेतूचा होता. दिल्लीत इंग्रजांची फौज थोडी असल्याने, दिल्ली काबीज करून बादशहास ताब्यात घेता आल्यास इंग्रजांवर कडी होईल, अशी महाराजांना आशा वाटत होती. परंतु, दिल्लीचा पाडाव करावयास यशवंतरावांना पुरेशी सवड मिळाली नाही. दिल्लीवर यशवंतरावानी बरेच लहान मोठे हल्ले करून पाहिले. दिनांक १४ ऑक्टोबरला सर्व फौजेनिशी मोठा हल्ला चढविला. हे सारे हल्ले वाया गेले आणि नवे हल्ले करावे तर इंग्रज सेनापती लांब लांब मजला मारून दिल्लीनजीक आल्याची खबर यशवंतरावांच्या कानी आली. तेव्हा त्यांनी दिल्लीचा नाद सोडला. ते यमुना ओलांडून दुआबांत घुसले. 🏇🚩🏇🚩🏇🚩🏇🚩🏇 ▬▬▬▬▬▬༒︎༒︎▬▬▬▬▬▬༒︎༒︎▬▬▬▬▬▬ ✍ *लेखन / माहिती संकलन : राहूल बोरसे पाटील.* ▬▬▬▬▬▬༒︎༒︎▬▬▬▬▬▬༒︎༒︎▬▬▬▬▬▬ *जय जगदंब जय जिजाऊ* *जय शिवराय जय शंभूराजे* *जय गडकोट* *!! हर हर महादेव !!*