ദേവതാരകം, ഭാഗം: 15 കിച്ചു പരമാവധി വേഗത കുറച്ചാണ് പോകുന്നത്... “ടോ ഇതെന്താ താൻ സ്ലോ റെസിന് പോവുകയാണോ..." ആമി ചോദിച്ചു... “അത് പിന്നെ എന്റെ ആമികൊച്ചു ഇങ്ങനെ അടുത്തിരിക്കുമ്പോൾ കിച്ചേട്ടനെങ്ങനെയാ സ്പീഡിൽ പോകുന്നത്.. നമുക്ക് ഇങ്ങനെ മിണ്ടിയും പറഞ്ഞുമൊക്കെ പോകാന്നേ...." “ഇതിലും ഭേദം ഞങ്ങൾ നടന്നു പോകുന്നതായിരുന്നു..." അവൾ പുച്ഛിച്ചു... ബാക്കിൽ ആണേൽ മഹി അളിയൻ ഫുൾ റൊമാൻസ് ഇട്ടു തകർക്കുവാണ്.. “ ദുൽഖറിന്റെ ഫാനാണോ... മിഥു... “ അല്ല നിവിൻ പോളിയുടേയാ ... മിഥു നിഷ്കളങ്കമായി പറഞ്ഞു... “അങ്ങനെ വരാൻ വഴിയില്ലല്ലോ. എന്നെ കാണാൻ ദുൽഖറിന്റെ പോലെ ഉണ്ടെന്നു പറഞ്ഞപ്പോൾ ഞാൻ കരുതി... ദുൽഖർ ഫാൻ ആകുമെന്ന്.. “ദുൽഖറിന്റെ പോലെയെന്നോ.. ഞാൻ പറഞ്ഞെന്നോ.. എപ്പോൾ മിഥു അന്തം വിട്ടു ചോദിച്ചു... കിച്ചുവിനാണേൽ ചിരി സഹിക്കാൻ വയ്യാരുന്നു... “അതു പിന്നെ... ചാർളി.... മഹി എന്തോ പറയാൻ വാ തുറന്നതും.. കിച്ചു ഇടയിൽ കയറി പറഞ്ഞു... “മോളേ മിഥു... ഇവൻ എപ്പോളും ഇങ്ങനെയാണെന്നേ... രണ്ടാളെ കൂടുതൽ കണ്ടാൽ അപ്പോൾ തള്ളി തുടങ്ങും... ദുൽഖറാണ് നിവിനെപോലെയാണെന്നൊക്കെ... അതൊന്നും കാര്യമാക്കേണ്ട...” “ എന്നാലും എന്റെ മഹിയെട്ടാ. തള്ളുമ്പോൾ ഒരു മയത്തിലൊക്കെ വേണ്ടേ.... എജ്ജാതി തള്ളാണ് ഇതൊക്കെ.... ആമിയും കളിയാക്കി..” “”. ടാ തെണ്ടി.... മഹി പല്ലിറുമ്മി.. അങ്ങനെ കളിയും ചിരിയുമായി അവർ മുന്നോട്ടു പോയി... അമിയേം മിഥുവിനേം ഡ്രോപ് ചെയ്ത് അവർ തിരിച്ചു കാർ കൊടുക്കാൻ... ദേവയുടെ വീട്ടിൽ പോയി......................... **** ആ സമയം താരയുടെ വീടിന്റെ മുന്നിൽ ദേവയുടെ വണ്ടി വന്നു നിന്നു.. അവൾ പതിയെ ഇറങ്ങി സൈഡിലേക്ക് നിന്നു.. അവന്റെ മുഖത്ത് നോക്കാൻ അവൾക്കെന്തോ ചമ്മൽ തോന്നി... അവനും അതേ അവസ്ഥയിലായിരുന്നു... അവൾ ജാക്കറ്റ് ഊരിയെടുത്തു അവന്റെ നേരെ നീട്ടി... അവൻ അതു വാങ്ങിക്കൊണ്ടു പോവാണെന്നു പറഞ്ഞു....അവൾക്കു എന്തൊക്കെയോ പറയണമെന്നുണ്ട് വാക്കുകൾ കിട്ടാത്തത് പോലെ... “കയറിയിട്ട് പോകാം... അവൾ എങ്ങനെയോ പറഞ്ഞൊപ്പിച്ചു... “പിന്നൊരിക്കലാവട്ടെ.. ഇപ്പോൾ ലേറ്റ് ആയില്ലേ..... മ്മ്മ്.. അവൾ മൂളി പിന്നെ യാത്ര പറഞ്ഞു വീട്ടിലേക്കു നടന്നു... അവൾക്കു പോകാനേ തോന്നുന്നുണ്ടായില്ല... അവൾ വീട്ടിൽ കയറുന്നത് വരെ അവൻ നോക്കി നിന്നു.. പിന്നെ വണ്ടിയെടുത്തു പോയി.... വീട്ടിൽ എത്തിയപ്പോൾ കിച്ചവും മഹിയും അവിടെയുണ്ട്... കിച്ചു അവനെ കണ്ടിട്ടും യാതൊരു മൈൻഡും ഇല്ലാതെ ഇരുന്നു... ദേവക്കു വല്ലാത്ത വിഷമം തോന്നി ഓർമ വെച്ചപ്പോൾ മുതലുള്ള കൂട്ടാണ് മൂന്നാളും.. ഇതിനിടയിൽ ഒരുപാട് തല്ലു കൂടിയിട്ടുണ്ടെങ്കിലും ഇങ്ങനെ ഇതിപ്പോ ആദ്യമായിട്ടാ.. “അമ്മേ... ഞങ്ങൾ ഇറങ്ങാണെ... കിച്ചു വിളിച്ചു പറഞ്ഞിട്ട് ദേവയെ ഒന്നു മൈൻഡ് പോലും ആക്കാതെ പുറത്തേക്കു പോയി.... മഹി അവന്റെ അടുത്തേക്ക് ചെന്നു.. അവന്റെ തോളിൽ പിടിച്ചു കൊണ്ടു പറഞ്ഞു... “അവൻ അവന്റെ വിഷമം കൊണ്ടു കാണിക്കുന്നതല്ലേ... അവന്റെ കാര്യങ്ങളൊക്കെ നിനക്ക് അറിയാവുന്നതല്ലേ... നീ ചെല്ല് അവനോട് സംസാരിക്കു അപ്പോൾ തീരും ഇതൊക്കെ.... ദേവ പുറത്തേക്കിറങ്ങി നോക്കി... കിച്ചു വണ്ടിയിൽ ചാരി മഹിയെയും വെയിറ്റ് ചെയ്ത് നിൽക്കുവാണ്... ദേവ അവന്റടുത്തുപോയി നിന്നു തോളിൽ കൈവെച്ചു പതിയെ വിളിച്ചു.. കിച്ചൂട്ടാ.... കിച്ചു അവന്റെ കൈ തട്ടി മാറ്റി.. “ ടാ പ്ലീസ്.. നീ ഇങ്ങനെ കാണിക്കല്ലേ... തെറ്റ് എന്റെ ഭാഗത്താണ് ഞാൻ അതിനു അവളോട് മാപ്പും പറഞ്ഞിട്ടുണ്ട്..... കിച്ചു തിരിഞ്ഞു ദേവക്കു അഭിമുഖമായി നിന്നു... “ ഒരു മാപ്പ് പറഞ്ഞാൽ മാത്രം എല്ലാം ആയോ ദേവ... അന്നും നീ ചെയ്യാത്ത തെറ്റിന് അവളെ അടിച്ചു... എന്നിട്ടും നീ ചെന്നു വിളിച്ചപ്പോൾ അവൾ വന്നിലേ... ഇന്ന് അവരുടെയൊക്കെ മുന്നിൽ വെച്ചു അവൾക്കു എത്ര ഇൻസാൾട് ആയി കാണും.. അതിലുപരി എത്ര വിഷമിച്ചു കാണും.. നീ അവളുടെ ഭാഗത്തു നിന്നു ഒന്നു ചിന്തിച്ചു നോക്ക് ദേവ.. “ ടാ നീ ഇതൊക്ക പിന്നേം പറഞ്ഞു എന്നെ ഇങ്ങനെ വേദനിപ്പിക്കല്ലേ മോനെ.. ഞങ്ങൾ അതൊക്കെ പറഞ്ഞു സോൾവ് ആക്കിയടാ... സത്യം..... എന്റെ കിച്ചൂട്ടനാണെ സത്യം... ദേവ കിച്ചുവിനെ ചേർത്ത് പിടിച്ചു പറഞ്ഞു... കിച്ചു തിരിഞ്ഞു ദേവയെ കെട്ടിപിടിച്ചു കൊണ്ടു പറഞ്ഞു “അപ്പോ അളിയാ.. എല്ലാം പറഞ്ഞപോലെ ഇഷ്യൂ സോൾവ്ഡ്... പിന്നെ തിരിഞ്ഞു മഹിയെ നോക്കി. “ ദുൽഖർ എന്തു നോക്കി നിക്കുവാ ഇങ്ങു വാ.. മഹിയും ഓടിവന്നു അവരെ കെട്ടിപിടിച്ചു.. മാധവൻ മാഷും അംബികാമ്മയും അവരുടെ സ്നേഹ പ്രകടനം കണ്ടു പരസ്പരം നോക്കി ചിരിച്ചു.... താര വന്നു ഡ്രസ്സ്‌ ചേഞ്ച്‌ ചെയ്തു.. കുളിച്ചു വേഗം ഉറങ്ങാൻ കിടന്നു... അവളുടെ മനസ് ഇവിടൊന്നുമല്ലായിരുന്നു... ഉറക്കം കിട്ടുന്നതേയില്ല... കണ്ണടച്ചാൽ ദേവയുടെ മുഖം ആണ് തെളിയുന്നത്.. അവൾ ഇന്നത്തെ ദിവസത്തെ പറ്റി ആലോചിച്ചു നോക്കി.. ഒരുപാട് സങ്കടവും അധിലധികം സന്തോഷവും തന്ന ദിവസം.. ഒരുപാട് സന്തോഷത്തോടു കൂടിയാണ് താനിന്നു പാർട്ടിക്കു പോയത്... ആദ്യമായാണ് ഇത്ര വല്ല്യ പാർട്ടിയിൽ പങ്കെടുക്കുന്നത്.. അതിലുപരിയായി ദേവ സാറിനെ കാണാലോ എന്നുള്ളതും മനസ്സിലുണ്ടായിരുന്നു.. ഹോട്ടലിലേക്ക് കയറി ചെന്നപ്പോൾ തന്നെ ദേവയെ കണ്ടിരുന്നു... തന്നെ കണ്ണിടുക്കാതെ നോക്കി നിന്നത് കണ്ടപ്പോൾ എന്തോ പോലെ തോന്നി... ചമ്മലാണോ നാണമാണോ.. എല്ലാം കൂടേ കലർന്ന ഒരു ഫീലിംഗ്സ്.. പിന്നെ തന്റെ കണ്ണുകൾ അവനെ വിടാതെ പിന്തുടർന്നിരുന്നു... സ്റ്റേജിലും പുറത്തും എല്ലാം... അതിനിടയിലാണ് കിച്ചു കപ്പിൾ ഡാൻസിന് വിളിച്ചത്... താരാന്നു.. അന്നൗൻസ് ചെയ്തപ്പോൾ തന്നെ ഉള്ള ബോധം പോയതാണ്.. സ്റ്റേജിൽ കയറിയത് മാത്രം തനിക്ക് ഓര്മയുള്ളു.. പിന്നെ ബോധം വന്നപ്പോൾ താൻ ആ നെഞ്ചിൽ ചാരി നിൽക്കാരുന്നു... തന്നെ ചേർത്തു പിടിച്ചിട്ടുണ്ടായിരുന്നു... അവളുടെ ചുണ്ടിൽ ഒരു പുഞ്ചിരി വിരിഞ്ഞു.. പിന്നെ അവിടന്നങ്ങോട്ട് സംഭവബഹുലമായിരുന്നല്ലോ... ശരിക്കും ദേഷ്യം കണ്ടപ്പോൾ ഒരടി പ്രതീക്ഷിച്ചാണ്.. ഭാഗ്യത്തിന് കവിളിൽ കുത്തി പിടിച്ചുള്ളു ശരിക്കും വേദനിച്ചു.. കിച്ചു വന്നത് കൊണ്ടു രക്ഷപെട്ടു.. കിച്ചുവും ആമിയും ഒരുപാട് സമാധാനിപ്പിച്ചു... അല്ലെങ്കിൽ താൻ തകർന്നു പോകുമായിരുന്നു... കുറച്ചു നേരം ഒറ്റക്കിരിക്കണമെന്നു പറഞ്ഞപോളാണ് കിച്ചു റസ്റ്റ്‌ റൂമിൽ അക്കിത്തന്നത്.. അവിടേക്ക് ദേവ വരുമെന്ന് സ്വപ്നത്തിൽ പോലും വിചാരിച്ചില്ല...എന്തോ പറയാൻ തുടങ്ങിയപ്പോളേക്കും അമ്മയും വന്നു.. പിന്നെ കിച്ചു വന്നു പറഞ്ഞപോലാണ് ആമിയും മിഥുവും പോയിന്നു അറിഞ്ഞത്.. അവർ തന്നെ കൂടാതെ ഒരിക്കലും പോവില്ല... കിച്ചു നോക്കി കണ്ണിറുക്കുന്നത് കണ്ടപ്പോൾ മനസിലായി ഇത് അവന്റെ കുരുട്ടു ബുദ്ധിയാണെന്നു.. അങ്ങനെ ചുളുവിൽ ഒരു ബുള്ളറ്റ് യാത്ര ഒത്തുകിട്ടി അതും കാട്ടുമാക്കാനൊപ്പം... അതും രാത്രിയിൽ.. എല്ലാം ഒരു സ്വപനം പോലെ തോനുന്നു... പിടിക്കാതെ ബാലൻസ് ചെയ്ത് എങ്ങനൊക്കെയോ ആണ് ഇരുന്നത്... പെട്ടെന്നു ബ്രേക്ക്‌ ഇട്ടപ്പോൾ തോളിൽ പിടിച്ചുപോയി... പിന്നെ കൈ എടുക്കാൻ തോന്നാത്തതുകൊണ്ടും അവിടെന്നു എതിർപ്പൊന്നും ഇല്ലാത്തതു കൊണ്ടും ആ ഇരിപ്പ് തുടർന്നു... മഴ കൂടിയപ്പോളാണ് ആ കുടിലിൽ കയറി നിന്നത്.. അവിടെയും ദേവ തന്നെ ഞെട്ടിച്ചു.. നിനക്കു വേദനിച്ചോടീ നു ചോദിച്ചപ്പോൾ ചങ്കു പറിയുന്ന വേദനതോന്നി.. കവിളിൽ തലോടിയപ്പോൾ ശ്വാസം പോലും എടുക്കാൻ മറന്നു താൻ നിന്നു..ആ കണ്ണു നിറയുന്നത് കണ്ടപ്പോൾ സഹിച്ചില്ല.. എല്ലാ സങ്കടവും അണപൊട്ടി ആ നിമിഷം പുറത്തേക്കു ഇറങ്ങി... ആ നെഞ്ചിൽ എല്ലാ സങ്കടവും ഇറക്കി വെച്ചു.. പിന്നെ മുഖത്തേക്ക് നോക്കാൻ മടി ആയിരുന്നു... തന്റെ നനഞ്ഞൊട്ടിയ നിൽപ്പ് കണ്ടിട്ടാണ് ജാക്കറ്റ് ഊരി തന്നത്... ആ ജാക്കറ്റ് ഇട്ടപ്പോൾ തന്റെ പ്രിയപ്പെട്ട സുഗന്ധം പൊതിയുന്ന പോലെ തോന്നി. വീട് പെട്ടെന്ന് എത്തിയത് പോലെ.. താൻ വീട്ടിൽ കയറിയെന്നു ഉറപ്പുവരുത്തിയിട്ടാണ് ആളു പോയത്... എല്ലാം കൂടെ ആലോചിച്ചു ഒരുപാട് സന്തോഷത്തോടെ ഒരു നിറപുഞ്ചിരിയുമായ്.. അവൾ ഉറക്കത്തിലേക്കു വഴുതി വീണു... *** ദേവയും ഈ സമയം തന്റെ ബെഡിൽ കിടന്നു മനസ്സിൽ എന്തൊക്കെയോ ആലോചിക്കുകയായിരുന്നു….തന്റെ ജീവിതത്തിൽ കുറച്ചു ദിവസമായി സംഭവിച്ചു കൊണ്ടിരിക്കുന്ന കാര്യങ്ങളെ കുറിച്… വരാൻ പോകുന്ന കാര്യങ്ങളെ കുറിച്… അവൻ എന്തൊക്കെയോ മനസ്സിൽ ആലോചിച്ചു കണക്കുകൂട്ടി കിടന്നു….. അതേസമയം കിച്ചുവും മഹിയും.. കിടക്കയിൽ മലർന്നടിച്ചു കിടന്നു കിനാവ് കാണുകയായിരുന്നു.... “ദാസാ...." കിച്ചു വിളിച്ചു... “എന്താടാ വിജയാ...." “അങ്ങനെ അവരുടെ കാര്യം ഏകദേശം സെറ്റ് ആയി.. ഇനി നമ്മുടെ എങ്ങനെയെങ്കിലും ഒരു കരക്കടുപ്പിക്കണം..മിഥു വളഞ്ഞോടാ.. “എവിടുന്നു... അതിനെ മിണ്ടിക്കാൻ ഞാൻ പെടുന്ന ഒരു പാട്... “നിനക്കു മിണ്ടാഞ്ഞിട്ടു... ബാക്കിയുള്ളവർ ഇവിടെ എങ്ങനെ അതിന്റെ വായടപ്പിക്കും എന്നാലോചിക്കുവാ... ഇതൊരു നടക്കും പോകുമെന്ന് തോന്നുന്നില്ല ... പ്ലാൻ മാറ്റി പിടിക്കേണ്ടി വരും... അങ്ങനെ പല പല പ്ലാനുകളും മാറി മാറി ആലോചിച്ചു മഹിയുടെ മേൽ രണ്ടു കാലും എടുത്തിട്ട് കിച്ചനുറങ്ങി... നാളത്തെ പുലരി അവരാറുപേർക്കും... ഒരുപാട് നല്ല നിമിഷങ്ങൾ സമ്മാനിക്കട്ടെ...!!! (തുടരും....) കൂട്ടുകാരെ അടുത്ത ഭാഗത്തിന് വേണ്ടി കാത്തിരിക്കണേ, നോട്ടിഫിക്കേഷനോടെ വായിക്കുവാൻ ലൈക്ക് കമന്റ് ചെയ്യൂ.... രചന: മീനു #📔 കഥ #📝 ഞാൻ എഴുതിയ വരികൾ #💞 പ്രണയകഥകൾ #📙 നോവൽ