വേട്ട ❤️ഭാഗം 3❤️ വൈകീട്ട് ജോലികഴിഞ്ഞ് തിരിച്ചുവരുമ്പോൾ ജോൺ മൂകനായിരുന്നു അത് കണ്ട് സേവ്യർ ചോദിച്ചു “നിനക്ക് എന്നാ പറ്റിയെടാ....“ ജോൺ ഉണ്ടായ കാര്യം സേവ്യറോട് പറഞ്ഞു “ഇതിപ്പോ ചെറുക്കന് തിളപ്പ് കുടുവാണല്ലോ നിനക്ക് കൈ വീശി ഒന്ന് കൊടുക്കാൻ മേലാരുന്നോ ” സേവ്യറിനു രോഷം “അതെങ്ങിനാടാ പോളച്ചൻ മുതലാളീടെ അന്നമല്ലേ ഞാനും എന്റെ വീട്ടുകാരും കഴിക്കുന്നേ “ അയാൾക്ക്‌ സംസാരിക്കാൻ ബുദ്ധിമുട്ട് ഉണ്ടായിരുന്നു ചുണ്ട് നീര് വന്നു വീർത്തിരുന്നു ... എന്ന് കരുതി ദേഹത്തോട്ടു വന്നാൽ ഇതിപ്പോ നിന്റെ പിള്ളേര് കണ്ടാൽ അവർക്ക് വിഷമമാവില്ലേടാ ഡേവിസ് എങ്ങാനും അറിഞ്ഞാൽ വഴക്കിനും പോകും...“ ”അതാ എന്റെ പേടി അവന് മുന്ന് പിന്ന് നോക്കത്തില്ല. ... അലക്സിക്ക് പോളച്ചന്റെ ബിസിനസ് മാത്രം ഒന്നുമല്ലടാ അവനെ ഇച്ചിരി കഞ്ചാവും ചന്ദനത്തടിയുടെ ബിസിനസും എല്ലാം ഉണ്ട് അതിനു കുറച്ചു തെറിച്ചവന്മാരും അവന്റെ കൂടെ ഉണ്ട്. ..എന്തും ചെയ്യും. ...ആ നായ തന്നെ പലരെയും കടിച്ചു കീറിയിട്ടുണ്ട്. ..എന്തായാലും ഞാൻ രാമേട്ടനെ തോളിലെടുത്തു വണ്ടി പിടിച്ചു ആശുപത്രി കൊണ്ടുപോയി ....മുറിവേല്ലാം വെച്ചുകെട്ടി വീട്ടിലാക്കിയിട്ടുണ്ട് മനുഷ്യനല്ലേ സേവ്യറെ. ..നമുക്ക് കണ്ടുനിൽക്കാൻ പറ്റുമോ. ...ആ മൂന്ന് പെങ്കൊച്ചുങ്ങൾ പേടിച്ചു ഇരിക്കുവാരുന്നു വീട്ടിൽ. ..തള്ളയില്ല ഈ രാമേട്ടനാണ് ഏക ആശ്രയം. ...എടുത്തു ചെലവാക്കി കൊടുക്കാൻ നമ്മളെ കൈയിൽ വല്ലതുമുണ്ടോ അതുമില്ല. ..വല്ല നിവർത്തിയുമുണ്ടാരുന്നേൽ ഇവന്റെയൊക്കെ കൂപ്പിൽ പണിക്കു പോക്ക് നിർത്തിയേനെ. .. ഇങ്ങനെ പോയാൽ ഇവനൊന്നും അധികം പോകത്തില്ല എവിടുന്നേലും പണി കിട്ടും അത് ഉറപ്പ്“ സേവ്യറിന്റെ വീട് വരെ ജോൺ ഓരോന്ന് പറഞ്ഞു കൊണ്ടിരുന്നു ”ഹാ. ...നി അത് കളയടാ. ...വാ വീട്ടിൽ കയറി വല്ലതും കഴിച്ചിട്ട് പോകാം. ...നല്ല ആറ്റുമീനും കപ്പയും ഇരിപ്പുണ്ടാവും. .“ സേവ്യർ അയാളെ മനസ് ഒന്ന് തണുപ്പിക്കാൻ ക്ഷണിച്ചു. .. വേണ്ടടാ പിള്ളേരും അവളും കാത്തിരിക്കുന്നുണ്ടാവും ....ജോൺ നടന്നു നല്ല ഇരുട്ടായിരുന്നു. ..മെഴുകുതിരി വെട്ടത്തിൽ അയാൾ വരമ്പിലൂടെ നടന്നു. ... അലക്സി അങ്ങനെ ചെയ്തതിൽ ജോണിനു നല്ല പ്രയാസമുണ്ടായിരുന്നു. ....പോളച്ചൻ പോലും അങ്ങനെ പെരുമാറിയിട്ടില്ല ഇരുപത്തി എട്ട് വരഷമായി ആ കൂപ്പിൽ ജോലി ചെയ്യുന്നു. ... ആ കൂപ്പ് ഇന്നത്തെ നിലയിൽ എത്തിക്കാൻ ഒരുപാട് കഷ്ടപ്പെട്ടിട്ടുണ്ട്.. ആ കൂപ്പിൽ നിന്നാണ് പോളച്ചൻ എല്ലാം ഉണ്ടാക്കിയെടുത്തത് ❤️❤️❤️❤️ സേവ്യർ വീട്ടിലോട്ടു കയറിയപ്പോൾ എലിസബത്ത് വാതിൽക്കൽ നിൽപുണ്ടായിരുന്നു. ... “എന്നതാടി നിനക്ക് പണിയൊന്നുമില്ലേ ” സേവ്യർ തലേ കെട്ടു അഴിച്ച് വരാന്തയിലോട്ടു കയറി. .. “അപ്പച്ചാ എനിക്കു നാളെ ഫീസടക്കണം ”അയാളെ ശബ്ദം കേട്ട് എലീന വരാന്തയിലേക്ക് വന്നു... അടക്കാമെടി നി ഒന്നടങ്ങ് അയാൾ അവളെ ചേർത്ത് പിടിച്ചു. .. “എവിടെ റീത്തയും റീനയും ”അയാൾ എലിസബത്തിനോട് ചോദിച്ചു “അവര് പഠിക്കുവാ ” സേവ്യറിനും എലിസബത്തിനും മൂന്ന് പെൺമക്കളാണ്. മൂത്തവൾ എലീന നഴ്സിംങ്ങ് ന് പഠിക്കുന്നു രണ്ടാമത്തവർ റീത്തയും റീനയും ഇരട്ടക്കുട്ടികളാണ് അവർ ഒൻമ്പതാം ക്‌ളാസിലും പഠിക്കുന്നു. ... അന്നന്നത്തെ വരുമാനം കൊണ്ടു അല്ലലില്ലാതെ കഴിഞ്ഞു പോകുന്ന കുടുംബം പിന്നെ കുറച്ചു റബ്ബർ ഉണ്ട്. ... വെട്ടുന്നത് അത് വെട്ടിക്കഴിഞ്ഞാണ് സേവ്യർ ഒട്ടുകമ്പനിയിൽ പോകുന്നത് സേവ്യറിന്റെ അമ്മ അന്നാമ്മ അവരോടപ്പൊമാണ് താമസിക്കുന്നത്. ... ❤️❤️❤️❤️ “എന്നതാടി വൈകിയേ ” നാൻസി ബംഗ്ലാവിന്റെ സിറ്റൗട്ടിലേക്ക് കയറിയതും ഐസക്കിന്റെ ചോദ്യം “ഒന്നുല്ല ഇച്ചായ ബസിൽ തിരക്ക് അടുത്ത ബസിനാ വന്നേ ” അയാളോട് അവൾക്ക് ഭയം കലർന്ന ബഹുമാനമാണ്... “നീ എന്തിനാ ഇത്ര കഷ്ടപ്പെട്ട് തിരക്കുള്ള ബസ്സിൽ കയറി പോകുന്നത് നിന്നെ കാറിൽ കൊണ്ട് വിടാം എന്ന് എത്ര തവണ പറഞ്ഞു. ..ഇവിടെ കൊണ്ടുവിടാൻ ഡ്രൈവറി ല്ലേ ” “ഇതാ ഇച്ചായ സുഖം. ..കുറച്ചു നടക്കുകേം ചെയ്യാലോ ” അവൾ അയാളെ നോക്കി പുഞ്ചിരിച്ചു. .. നാൻസി തന്റെ റൂമിലേക്ക്‌ പോയ്‌. ... ഐസക്കിന്റെ ഭാര്യ സ്റ്റെല്ല എപ്പോഴും കിച്ചണിൽ ആണ് രണ്ടു ജോലിക്കാരുണ്ട് എന്നാലും അവർക്കു സ്വന്തം കൈകൊണ്ടു ഉണ്ടാക്കിയാലേ തൃപ്തിയാകു. ... നാൻസിക്കുള്ള ആഹാരം വരെ അവൾ ഇറങ്ങുന്നതിനു മുൻപ് തെയ്യാറാക്കി ടേബിളിൽ വെയ്ക്കും. .. അവർക്കു നാൻസി സ്വന്തം മോളേ പോലെ ആണ് മകൻ ഡീൻ എട്ടാം ക്ലാസ്സിൽ പഠിക്കുന്നു. .... പാലക്കാവിൽ ഒരു ബാർ ഹോട്ടൽ ഉണ്ട് ഐസക്കിന്. ... സ്റ്റെല്ലയുടെ അനിയൻ മാർട്ടിൻ അയാളുടെ സഹായി ആയി കൂടെ ഉണ്ട്. ... മാർട്ടിന് നാൻസിയെ ഒരു നോട്ടമുണ്ട് സ്റ്റെല്ലക്കും നാൻസിയെ മാർട്ടിനെ കൊണ്ടു കെട്ടിക്കാൻ ആഗ്രഹമുണ്ട് എന്നാൽ നാൻസി ആ ഭാഗത്തേക്ക്‌ നോക്കാറേ ഇല്ല. .. ഐസക്കിന്‌ ഇതൊന്നും അറിയത്തുമില്ല. .... ❤️❤️❤️ അന്ന് ജോൺ വീട്ടിൽ അധികമാരോടും മിണ്ടിയില്ല വന്നു കുളിച്ചു അത്താഴം കഴിച്ചു. ... എന്താണ് നിങ്ങൾക്ക് പറ്റിയതെന്ന് എൽസി രണ്ടുമൂന്നു തവണ എടുത്തു ചോദിച്ചു അയാൾ ഒന്നും പറഞ്ഞില്ല... ചുണ്ട് പൊട്ടിയത് എന്താണ് എന്ന് ചോദിച്ചപ്പോൾ തടിയിൽ തട്ടിയതാണെന്നു പറഞ്ഞു അയാൾ ഒഴിഞ്ഞു. ... ഡേവിസ് വീട്ടിൽ ഉണ്ടായിരുന്നു. ..അവൻ കിടക്കുകയായിരുന്നു. .. ബെഞ്ചമിൻ പുറത്തു എവിടേയോ പോയതാണ് കുറച്ചു കഴിഞ്ഞപ്പോൾ വാതിലിൽ ആരോ ശക്തമായി മുട്ടുന്നത് പോലെ തോന്നി സമയം പതിനൊന്നു കഴിഞ്ഞിരുന്നു കാതറിൻ ചെന്ന് വാതിൽ തുറന്ന്. ..,, പുറത്തെ ആളുകളെ കണ്ടു കാതറിൻ ഒന്ന് കിടുങ്ങി അലക്സി പോളും കൂട്ടാളികളും. . കാതറിനെ കണ്ട അയാളുടെ കണ്ണുകൾ തിളങ്ങി. .. അവളുടെ ശരീര വടിവിലൂടെ അയാളുടെ കണ്ണുകൾ ഇഴഞ്ഞു .... കാതറിൻ വെറുപ്പോടെ അവനെ ഒന്ന് നോക്കി. ... “നിന്റെ അപ്പൻ ഇല്ലെടി ഇവിടെ ”അയാൾ അവളുടെ അടുത്തേക്ക് വന്നു “ഉണ്ട് എന്താ കാര്യം. ...”അവളുടെ സ്വരം മുറുകിയിരുന്നു നീ അങ്ങോട്ട് മാറിനില്ലെടി വാതിൽ അടഞ്ഞുനിന്ന അവളെ തള്ളി മാറ്റിക്കൊണ്ട് അലക്സി പോൾ lഅകത്തേക്ക് കയറി. കൂടെ രണ്ടു പേരും. ... അപ്പോഴേക്കും ജോൺ അവിടേക്ക് വന്നു “എന്താ അലക്സി കുഞ്ഞ് ഈ സമയത്ത്” ജോൺ പരിഭ്രമിച്ചു “ഞാൻ കൊണ്ടുപോകേണ്ട എന്നു പറഞ്ഞ രാമനെയും കൊണ്ട് ഇന്ന് താൻ ആശുപത്രിയിലേക്ക് പോയോ” അലക്സി ജോണിന്റെ മുഖത്തിന് നേരെ വന്നുനിന്നു... “അതു പിന്നെ ”അലക്സിക്കുഞ്ഞ് രാമേട്ടനെ തീരെ വയ്യായിരുന്നു... കുഞ്ഞ് ഇപ്പോൾ പോകൂ ഇവിടെ ഒരു പ്രശ്നമുണ്ടാക്കല്ലേ....“ജോൺ അലക്സി യുടെ കൈയിൽ പിടിച്ചു. .. കൈതട്ടി മാറ്റി അയാൾ ജോണിന്റെ കഴുത്തിന് കയറി കുത്തിപ്പിടിച്ചു എന്റെ അപ്പൻ നടത്തിയിരുന്ന കാലത്ത് നീ ജോലിക്ക് വന്നു എന്ന് കരുതി ആണ് കളിക്കാൻ നിൽക്കരുതെന്ന് നിന്നോട് ഞാൻ പലതവണ പറഞ്ഞിട്ടുണ്ട് ഇപ്പോൾ ആ കൂപ്പ് നടത്തുന്നത് പോളച്ചൻ അല്ല അലക്സിയ അലക്സിപോൾ. ... എന്നു പറഞ്ഞ് അയാൾ ജോണിനെ ആഞ്ഞ് തള്ളി ജോൺ കസേരയിൽ തട്ടിതറയിലേക്ക് തെറിച്ചു വീണു എന്തോ പന്തികേട് തോന്നി എൽസിയും ഡോണയും അങ്ങോട്ട് വന്നു... അവരത് കണ്ടു നിലവിളിച്ചു കാതറിൻ ഭയന്ന് വിറച്ചു നിൽക്കുകയായിരുന്നു.... “ഇത് നിനക്ക് ഒരു താക്കിതാണ് ഇന്ന് തന്നെ വന്ന് പറഞ്ഞില്ലേ എനിക്ക് ഉറക്കം വരത്തില്ല...അതുകൊണ്ടാ “അലക്സി പല്ല് ഞെരിച്ചു. ... ഡേവിസ് ശബ്ദം കേട്ട് പുറത്തു വന്നു അവൻ ഉറങ്ങി പോയിരുന്നു. .. “ആഹാ നീ ഇവിടെ ഉണ്ടായിരുന്നോടാ. അപ്പനെ പറഞ്ഞു മനസ്സിലാക്ക് അല്ലെങ്കിൽ അപ്പന്റെ എല്ലുപോലും കാണത്തില്ല മനസ്സിലായോ “ അലക്സി ഡേവിസിനെ നോക്കി പരിഹാസത്തിൽ ഒന്ന് ചിരിച്ചു ”ഡാ. ....“ എന്നുവിളിച്ച് ഡേവിസ് അലക്സിക്ക്‌ അടുത്തേക്ക് ചാടിവന്നു ഒറ്റ തൊഴിയായിരുന്നു അലക്സി പിന്നിലേക്ക് വേച്ചു പോയി അലക്സിയുടെ കൂടെയുണ്ടായിരുന്ന രണ്ടുപേരും ഡേവിസിന് പിടിച്ചുവെച്ച് മുറിവേറ്റ മുതുകത്ത് കൈയമർന്നപ്പോൾ ഡേവിസ് അലറി കരഞ്ഞു അവര് രണ്ടുപേരും കൂടെ ഡേവീസിനെ പിടിച്ചുനിർത്തി എഴുന്നേറ്റു വന്നു അലക്സി പോൾ പിന്നെ ഒരു പരാക്രമമായിരുന്നു..... എൽസി വലിയ വായിൽ നിലവിളിച്ച് അവനെ പിടിച്ചു മാറ്റാൻ ശ്രമിച്ചെങ്കിലും നടന്നില്ല ഡേവിസിന്റെ വായിലൂടെ കൊഴുത്ത ചോര ഒലിച്ചിറങ്ങി... ഇനി നീ എനിക്കെതിരെ വരരുത് മനസിലായോട അലക്സി ഡേവിസിന്റെ കവിളിൽ ആഞ്ഞടിച്ചു പിന്നെ എല്ലാവരെയും രൂക്ഷമായി നോക്കിയിട്ട് പുറത്തേക്ക് നടന്നു കൂടെ കൂട്ടാളികളും... ആ വീട്ടിൽ ആരും ഒന്നും മിണ്ടാതെ ഇരുട്ടിലിരുന്നു ബെഞ്ചമിൻ വന്നപ്പോൾ ഒത്തിരി വൈകിയിരുന്നു വീട്ടിലുള്ളവരെല്ലാം വിഷണ്ണരായി ഇരിക്കുന്നത് കണ്ടപ്പോൾ അവൻ കാര്യം തിരക്കി ഡോണ കാര്യം പറഞ്ഞു “അപ്പന് ഇത് എന്നാത്തിന്റെ കേടാ അവരൊക്കെ വലിയ ആളുകളല്ലേ നമുക്ക് നമ്മുടെ കാര്യം നോക്കിയാൽ പോരെ” അവൻ പറഞ്ഞത് കേട്ടപ്പോൾ കാതറിൻ അവനെ രൂക്ഷമായി ഒന്ന് നോക്കി... “നീ അപ്പുറത്തോട്ട് എങ്ങാണ്ട് പൊയ്ക്കോ അല്ലെങ്കിൽ എന്റെ വായിലിരിക്കുന്നത് നീ കേൾക്കും ” അവൾ അടുത്തിരുന്ന ബുക്കെടുത്ത് അവനെ എറിഞ്ഞു പിന്നെ അവൻ ഒന്നും പറയാതെ അകത്തേക്ക് കയറിപ്പോയി.... ❤️❤️❤️ സമയം പുലർച്ചെ രണ്ട് പത്ത്.... കോതപ്പാറ കൂപ്പിനടുത്തുള്ള മലയടിവാരത്തിൽ ഒരു ആൾരൂപം പ്രത്യക്ഷപ്പെട്ടു... എങ്ങും ഇരുട്ട് ...... കാലൻ കോഴി കൂവി. .. ടിംമ്പർ ലാൻഡ് ബൂട്ട് കരിങ്കൽ ചീളിലമർന്നു. .. അയാളുടെ ഡാർക്ക്‌ ബ്ലൂ ജാക്കറ്റ് കാറ്റിലൊന്നു ഉലഞ്ഞു. .. തലയിലുള്ള പീ ക്യാപ്‌ ഒന്ന് താഴ്ത്തി വെച്ചു ... സിസേർസ് മെന്തോളിന്റെ അഗ്രം തെളിഞ്ഞു..... അത് ഒരു കനൽ പോലെ ആളി. ... ആ ആറടി രണ്ടിഞ്ചു കാരൻ ഹട്ടിനെ ലക്ഷ്യമാക്കി നടന്നു.... മരണത്തിന്റെ മണമുള്ള ഒരു തണുപ്പ് അവിടെമാകം ഗ്രസിച്ചു കഴിഞ്ഞിരുന്നു........ തുടരും 🥰 ആന്റണി #📙 നോവൽ #📝 ഞാൻ എഴുതിയ വരികൾ #💞 പ്രണയകഥകൾ #📔 കഥ #📖 കുട്ടി കഥകൾ