അരികിലായി😍❤️ നാലപ്പാട്ടും മേൽപ്പത്തൂരും നാളത്തെ കല്യാണത്തിനുള്ള സന്ദോഷാരവം മുഴങ്ങി..ആ ദിവസം പെട്ടെന്ന് കടന്നു പോയി.. അന്ന് രാത്രി കണ്ണടച്ച് തുറന്നാൽ പിറ്റേന്ന് നാലപ്പാട്ടെ മൃതികയുടെയും മേൽപ്പത്തൂരെ ശിവദത്ത് മഹാദേവന്റെയും വിവാഹം.. ശിവ കണ്ണുകളടച്ചു അതിലേക്ക് അലയടിച്ചു വരുന്ന ആ കുഞ്ഞു പെണ്ണിന്റെ മുഖം അവനെ കാർന്നു തിന്നു...... ഒരിക്കലും പുതിയൊരു ബന്ധത്തിലേക്ക് കടക്കാൻ കഴിയാതെ അവൻ ഉഴറി എന്നാൽ അങ്ങേ തലയ്ക്കൽ മൃതിയുടെ നെഞ്ചിൽ തുടി കൊട്ടി......കാത്തിരുന്നതെന്തോ വന്നണയും പോലെ..എത്ര പെട്ടന്നാണ് താൻ ഒരു ഭാര്യ ആകാൻ പോകുന്നതു.. അവളിൽ ചെറു നാണം പൂവിട്ടു...... ദാമ്പത്യത്തിന്റെ പ്രണയ നിമിഷങ്ങളും സന്തോഷ മുഹൂർത്തങ്ങളും ആ പെണ്ണിലേക്കും അലയടിച്ചു... അവൾ ആ നിലാവിനെ നോക്കി കണ്ണുകൾ പതിയെ അടച്ചു.... നാളെ സംഭവിക്കാൻ പോകുന്ന നഷ്ടസ്വപ്നങ്ങളെ കുറിച്ചറിയാതെ ശിവയുടെ ഫോൺ തുടരെ തുടരെ ബെൽ അടിക്കുന്നത് കേട്ടാണ് അവൻ കണ്ണുകൾ തുറന്നത് .. അപ്പോഴേക്കും കോളും കട്ട്‌ ആയി.. ശിവ ടേബിളിൽ ഇരിക്കുന്ന ഫോൺ എടുത്തു സമയം രണ്ടു മണി.. ഇന്നലെ വൈകിട്ട് അർജന്റ് ആയിട്ട് കമ്പനിയിൽ നിന്നും കാൾ വന്നു പോയതാണ് നയനയും മനുവും..താൻ കൂടി ചെല്ലാമെന്നു പറഞ്ഞതാണ് പക്ഷെ നാളെ കല്യാണം ആയോണ്ട് സമ്മതിച്ചില്ല.. ശിവ അതും ചിന്തിച്ചു തിരിച്ചു വിളിക്കാൻ പോയതും നയന വീണ്ടും വിളിച്ചു.. ഹെലോ.. ഹെലോ ശിവ.. പണികിട്ടിയെടാ.. എന്താടി.. കാർ ബ്രേക്ക്‌ ഡൌൺ ആയി.. ഞങ്ങൾ ഇന്നലെ ഉച്ചയ്ക്ക് ഇറങ്ങിയതാണ്‌.. ബട്ട്‌ ടെൻഷൻ ആവണ്ട കുറച്ചു ലേറ്റ് ആയാലും മുഹൂർത്തിനു മുമ്പ് ഞങ്ങൾ അങ്ങ് വരും.. ശേ.. നിങ്ങൾ ഇപ്പോൾ എവിടെയാ.. ഞങ്ങൾ കന്യാകുമാരി... നിക്ക് ഞാൻ വരാം.. ഒന്നു പോടാ.. ഞാൻ ഒറ്റയ്ക്കല്ലലോ മനുവും ഇല്ലേ നീ ടെൻഷൻ ആവാതെ എന്തായാലും 2.30 ഒക്കെ ആവുമ്പോൾ ഒരു ബസ് ഉണ്ട് അതിൽ അങ്ങ് വരാം 4,5 മണിക്കൂറിന്റെ കാര്യമല്ലേ ഉള്ളു.. മുഹൂർത്തം 9.00 നു അല്ലെ അതിനു മുമ്പേ ഞങ്ങൾ എന്തായാലും അവിടെ കാണും.. പിന്നെ അഥവാ താമസിച്ചാൽ ടെൻഷൻ ആവണ്ട എന്നു കരുതിയ ഇപ്പോൾ വിളിച്ചു പറഞ്ഞത്.... പിന്നെ ശിവ.. മനുവിന്റെ ഫോണിൽ ചാർജ് തീർന്നു.. അത് ഓഫ്‌ ആയി.. എന്റെ ഫോണും ഇപ്പോൾ തീരും.. അഥവാ വിളിച്ചിട്ട് കിട്ടിയില്ലേ ടെൻഷൻ ആവല്ലേ.... പിന്നെ ഇപ്പോൾ അച്ഛനോടും അമ്മയോടുമൊന്നും പറയണ്ട നേരം ഒകെ വെളുത്തിട്ടു സാവധാനം പറഞ്ഞാൽ മതി അല്ലേൽ പിന്നെ അമ്മയ്ക്ക് ടെൻഷൻഅടിക്കാൻ ഈ കാര്യം മതി.. മ്മ്.. നിങ്ങൾ ഫുഡ്‌ ഒക്കെ കഴിച്ചോ.. കഴിച്ചു... ആ ശിവ ദാ വണ്ടി വരുന്നു എന്നാൽ വെക്കുവാണേ.... ഹ്മ്മ്... ശിവ ഫോൺ ടേബിളിൽ വെച്ച് വീണ്ടും ബെഡിലേക്ക് കിടന്നു മനസാകെ കലുഷിതമായിരുന്നു.. മനസ്സിലേക്ക് എന്തിനെന്നറിയാതെ വീണ്ടും സങ്കടം ആർത്തിരമ്പി വന്നു.. ഒരുവേള എല്ലാം മറന്നൊന്നുറങ്ങുവാൻ അവനും ആശിച്ചു പോയി...എപ്പോഴോ ഉറക്കത്തിലേക്ക് വഴുതി വീണു.. ടാ... ടാ.. എണിക്ക് മതി... ശിവ... എണീക്കാൻ.. ശിവ പതിയെ കണ്ണ് തുറന്നു... ടാ കോപ്പേ സമയം ഏഴുമണി ആയി.. ഒന്നുവേഗം വാ... 9 മണിക്കാണ് മുഹൂർത്തം.. അത് പറഞ്ഞു തന്നെ നോക്കി കലിപ്പിച്ചു നിക്കുന്ന വിഷ്ണുവിനെ ശിവ ഒന്ന് പുച്ഛിച്ചുകൊണ്ട് ബാത്‌റൂമിലേക്ക് കയറി... ഒരു കാസവിന്റെ ഗോൾഡൻ ബോർഡർ ഷർട്ടും മുണ്ടുമായിരുന്നു വേഷം... ശിവയും വിഷ്ണുവും സായിയും ഒരുങ്ങി താഴേക്കു ഇറങ്ങി... ശിവയിൽ ഒരു രീതിയിലുള്ള തെളിച്ചവും ഇല്ലായിരുന്നു.. എങ്ങനെയെങ്കിലും ഇതൊന്നു കഴിഞ്ഞു കിട്ടിയാൽ മതി.. എന്നു മാത്രമായിരുന്നു ശിവയുടെ ഉള്ളിൽ വിഷ്ണു.. നയന വിളിച്ചോ നിന്നെ.... ഭാനു വിഷ്ണുവിനെ നോക്കി ചോദിച്ചു.. ഇല്ലാ അമ്മേ.. അവൾ എന്നെ വിളിച്ചായിരുന്നു.. കാർ ബ്രേക്ക്‌ ഡൌൺ ആയി.. അതുകൊണ്ട് ബസ്സിലാണ് വരുന്നതെന്നു പറഞ്ഞു... എന്റെ ദൈവമെ എന്തൊക്കെയാ ശിവ നീ പറയുന്നേ.. എന്നിട്ട് എന്താ എന്നോട് പറയാഞ്ഞേ ഏഹ്ഹ്.. അമ്മ പേടിക്കണ്ട അവർക്ക് ബസ് കിട്ടി.. കുറച്ചു സമയത്തിനുള്ളിൽ തന്നെ ഇവിടെ എത്തും ഞാൻ ഒന്നുകൂടി വിളിക്കാം... അതും പറഞ്ഞു ശിവ നയനയെ വിളിക്കാൻ തുടങ്ങി... എന്നാൽ കാൾ എടുക്കുന്നില്ല... അമ്മേ പേടിക്കണ്ട.... ചേട്ടനെ വിളിച്ചു ആദ്യം കിട്ടാതെ ആയപ്പോൾ എനിക്ക് അവൾ വോയിസ്‌ അയയ്ച്ചിട്ടുണ്ടായിരുന്നു.. അവർ എത്രയും വേഗം എത്തും.. പിന്നെ ഫോണിൽ ചാർജ് ഇല്ലെന്നും പറഞ്ഞായിരുന്നു.. അതും പറഞ്ഞു നിത്യ വോയിസ്‌ റെക്കോർഡ് അവരെയെല്ലാം കേൾപ്പിച്ചു... ഈ പെണ്ണിനോട് പറഞ്ഞിട്ടുണ്ട് എവിടെയെങ്കിലും പോവുമ്പോ ചാർജ് ഫുൾ ആക്കിയിട്ടു കൊണ്ട് പോവണമെന്ന് അതെങ്ങനെയാ... എന്റെ ഏട്ടത്തി വിഷമിക്കാതെ.. ഒറ്റയ്ക്കൊന്നുമല്ലല്ലോ കൂടെ മനുവുമില്ലേ... അതേയ് സത്യം.. ഈ ഏട്ടത്തിക്ക് എപ്പോഴും അങ്ങ് പേടിയാ... ബിന്ദുവും മായയും അതും പറഞ്ഞു ചിരിച്ചുകൊണ്ട് ഭാനുമതിയേ നോക്കി.. ഹ്മ്മ്.. മതി.. എന്തായാലും ഇറങ്ങിക്കാട്ടെ അല്ലെങ്കിൽ മുഹൂർത്തത്തിനു മുൻപ് ചെല്ലാൻ പറ്റില്ല അതും പറഞ്ഞു മഹാദേവനും വെളിയിലേക്ക് ഇറങ്ങി... ശിവയും വിഷ്ണുവും സായിയും നിത്യയും ഒരു കാറിലും ബാക്കി ഉള്ളവർ വേറെ കാറിലും ആയിരുന്നു... കതിർമണ്ഡപത്തിൽ പെണ്ണിനേയും കാത്തിരിക്കുമ്പോൾ ശിവയുടെ നെഞ്ചിൽ പെരുമ്പറ കൊട്ടി... ആകെ ഒരു ടെൻഷനും എന്തൊക്കെയോ പോലെ... ചെക്കൻ ആകെ വിയർത്തു.. പെട്ടെന്നാണ് വിഷ്ണു ശിവയ്‌ക്കരികിലേക്ക് ഫോണുമായി വന്നത്... എന്താടാ... എടാ.. നയന ചേച്ചിയും മനുവേട്ടനും മിസ്സിംഗ്‌ ആണ്.. ഏഹ്.. നീ എന്തൊക്കെയാ വിഷ്ണു പറയുന്നേ.. എടാ നീ ഒന്ന് അടങ്ങി ഇരിക്കുന്നു.. ഒന്നാമത് മാമിക്കൊക്കെ വയ്യാത്തതാണ്. നീ ഒന്ന് അവിടെ ഇരിക്ക്.. എടാ അപ്പം നീ പറയുന്നത് എന്റെ പെങ്ങളെ ഞാൻ നോക്കണ്ട എന്നാണോ... ശിവ അവനു നേരെ ചീറി... നീ ഒന്നു അടങ്ങു ശിവ... ഒച്ച കുറയ്ക്കു ആള്ക്കാര് ശ്രദ്ധിക്കും... നീ പേടിക്കാതെ നമ്മുടെ സിദ്ദുവിനോടും ശരത്തിനോടും ഞാൻ അന്വേഷിക്കാൻ പറഞ്ഞിട്ടുണ്ട്.. പിന്നെ പോലീസിലും അറിയിച്ചു... വേറെ പ്രശ്നം ഒന്നുമില്ല... സായി അത് പറഞ്ഞു ശിവയെ സമാധാനിപ്പിക്കാൻ ശ്രമിച്ചു.. മുഹൂർത്തം ആയിരിക്കുന്നു.. കുട്ടിയെ വിളിച്ചോളൂ.. ചുമന്ന സാരീയിൽ അതീവ സുന്ദരിയായി നടന്നു വരുന്നവളെ കണ്ടു ശിവയും തെല്ലൊരു നിമിഷം നോക്കിപ്പോയി.. തന്റെ അടുത്ത് അവൾ വന്നിരുന്നപ്പോൾ ശിവ ഒന്ന് മൃതിയെ നോക്കി... അപ്പോൾ തന്നെയാണ് മൃതിയും നോക്കിയത്.. ആ കണ്ണുകൾ തമ്മിൽ ഉടക്കി.. പെട്ടെന്ന് മൃതി മിഴികൾ താഴ്ത്തി.. ശിവയുടെ മനസ്സിൽ ഒരുതരം നിരാശയോ നിസ്സംഗതയോ എന്നു മനസ്സിലാവാത്ത വികാരം ജനിച്ചു.. ആ പെണ്ണിലേക്ക് അവനു നോക്കാൻ കഴിയാതെ ശിവയും മിഴികൾ താഴ്ത്തി.. താലി കെട്ടിക്കോളൂ... തിരുമേനി അത് പറഞ്ഞതും മഹാദേവൻ താലി ശിവയുടെ കയ്യിലേക്ക് കൊടുത്തു.. ശിവ മൃതിയുടെ കഴുത്തിലേക്ക് ആ താലി ചേർത്തപ്പോൾ അവന്റെ കൈകൾ വല്ലാതെ വിറച്ചു മനസ്സിൽ സങ്കടക്കടൽ അലയടിച്ചു... പരസ്പരം ഹാരം അണിയിച്ചു.. മാധവൻ മാഷ് ഈറൻ മിഴികളോട് മൃതിയുടെ കൈ ശിവയുടെ കൈകളിലേക്ക് ചേർത്ത്... ഒരുവിധം ആൾക്കാരെല്ലാം സദ്യ കഴിക്കാനായി പോയി... അപ്പോഴേക്കും ഫോട്ടോ ഗ്രാഫേർസ് വന്നു ശിവയെയും മൃതിയേയും വളഞ്ഞു... എല്ലാം ഇട്ടെറിഞ്ഞു പോവാനായി പോയ ശിവയെ വിഷ്ണുവും സായിയും എങ്ങനെയൊക്കെയോ തടഞ്ഞു... നീ വിഷമിക്കാതെ ഞങ്ങൾ അങ്ങോട്ടേക്ക് പോവാം.. അതും പറഞ്ഞു വിഷ്ണുവും സായിയും കാറുമായി പോയി.. മാധവൻ മാഷ് മനുവിനെ വിളിച്ചു കൊണ്ടേയിരുന്നു.. പെട്ടെന്നാണ് ഓഡിട്ടോറിയത്തിനു മുന്നിലേക്ക് ഒരു പോലീസ് ജീപ്പ് വന്നു നിന്നത്... ആരാണ്.. ശിവ... ജീപ്പിൽ നിന്നിറങ്ങിയ ഒരു പോലീസ് ഉദ്യോഗസ്ഥൻ മഹാദേവനോടായി ചോദിച്ചു... അയ്യോ സാറെ എന്റെ മകനാണ്.. എന്ത് പറ്റി.. ആരാണ്.. മനുവും നയനയും മനു എന്റെ മകനാണ് മാധവൻ മാഷ് അവർക്കരിലേക്ക് ഓടി വന്നു... ഈ നിൽക്കുന്ന ശിവ തന്റെ ആരാണ്.. മാധവൻ മാഷിനോട് ആ ഉദ്യോഗസ്ഥൻ ചോദിച്ചു... എന്റെ മകളുടെ കല്യാണമാ ശിവയാണ് താലി കെട്ടിയതു... ഓഹോ അങ്ങനെ ഒക്കെ ഉണ്ടോ.. എന്ത് വിശ്വസിച്ചാണ് നിങ്ങൾ ഇവനെ പോലെ ഉള്ളവർക്കൊക്കെ ഈ പെണ്ണിനെ കൊടുത്തത്.. അയാൾ കയർത്തു.. അയ്യോ സാറേ എന്താണ് പറ്റിയത്.. ഒന്ന് തെളിച്ചു പറാ... മഹാദേവൻ അയാളോട് ചോദിച്ചു.. ഹോ ഒന്നും അറിയത്തില്ല.. മനുവും നയനയും ഇപ്പോൾ എവിടെയാണെന്ന് അറിയാമോ നിങ്ങൾക്ക്.. ഇല്ല സാറേ.. അവരുടെ കാർ ബ്രേക്ക്‌ ഡൌൺ ആയി.. കുട്ടികൾ ബസിൽ ഇപ്പോൾ ഇങ്ങോട്ട് വന്നൊണ്ട് ഇരിക്കുവാ... ആണോ.. ആ പോലീസ് ഉദ്യോഗസ്ഥൻ ഒന്ന് പുച്ഛിച്ചു.. ഈ കഥ ആരാണ് നിങ്ങളോടു പറഞ്ഞത്... അ.. അതു ശിവ മോനെ നയന വിളിച്ചു പറഞ്ഞതാണ്.. എങ്കിൽ കേട്ടോ.. നയനെയും മനുവും ഇപ്പോൾ ക്രിട്ടിക്കൽ സ്റ്റേജിൽ അനന്തപുരി മെഡിക്കൽ കോളേജിൽ ഉണ്ട്... അവിടെ നിന്ന എല്ലാവരും ഞെട്ടി.. അയ്യോ.. സാറേ എന്റെ മക്കൾക്ക് എന്താ പറ്റിയെ.. പത്മിനി അയാൾക്കരിലേക്ക് ഓടി വന്നു... എന്ത് പറ്റാൻ... ഈ നിൽക്കുന്ന ഇവൻ രണ്ടിനെയും തീർക്കാൻ നോക്കിയതാ.. ശിവയുടെ ഷർട്ടിന്റെ കോളറിൽ കുത്തി പിടിച്ചു അത് പറയുമ്പോൾ മൃതിയുടെ മിഴികൾ അവനിൽ തറഞ്ഞു... എന്തിനു... സാർ എന്തൊക്കെയോ ഈ പറയുന്നേ.. എന്റെ മോനോ... ഭാനുമതി തളർന്നിരുന്നു കൊണ്ട് ചോദിച്ചു... നിങ്ങൾടെ കരച്ചിലൊന്നും കാണാൻ വന്നതല്ല ഈ പുന്നാരേ മോനെ കൊണ്ട് പോവാൻ വന്നതാണ് അതും പറഞ്ഞു അയാൾ ശിവയെയും കൊണ്ടു പോവാൻ തുണിഞ്ഞു.. സാറെ മര്യാദക്ക് സംസാരിക്കണം എന്റെ മോൻ അത് ചെയ്യില്ല.... മഹാദേവൻ സാറേ കൂടുതൽ നെഗളിക്കണ്ട ഈ നിൽക്കുന്ന പന്ന പുന്നാര മോന്റെ എല്ലാ കളികളും അറിഞ്ഞു കൊണ്ട് തന്നെയാണ് ഞങ്ങൾവന്നത് കേറടാ ജീപ്പിൽ ശിവായുടെ കോളറിൽ പിടിച്ചു അകത്തേക്ക് കയറ്റാൻ നോക്കിയതും ശിവ അയാളുടെ കൈകൾ തട്ടി എറിഞ്ഞു. കൈ മാറ്റാടോ.. ഈ ശിവദത്ത് മഹാദേവന്റെ ദേഹത്ത് നീ കൈ വെക്കുമോ.. ഒരിക്കൽ എന്റെ മുന്നിൽ താണ് നിന്നത് നീ ഓർക്കുന്നുണ്ടോ .. തന്നെ നോക്കി രൂക്ഷമായി ചോദിക്കുന്നവനെ കാണെ അയാൾ ഒന്നു പതറി അതൊക്കെ പണ്ട്.. അന്നു നീ വല്യ നല്ലവനാല്ലായിരുന്നോ.. ഇന്ന് അങ്ങനെ ആണോടാ പന്നെ.. സ്വന്തം പെങ്ങളെയും അവളുടെ കാമുകനെയും കൊല്ലാൻ നോക്കിട്ടൂ ഞാൻ ഒന്നും ചെയ്തിട്ടില്ല.. എനിക്കറിയില്ല അതിനെ പറ്റി.... പ്ഫാ.. പുല്ലേ... പിന്നെ നീ എന്തിനാടാ ഇവനെ വിളിച്ചു അവരെ തീർക്കാൻ പറഞ്ഞു.. പറയടാ വാ തുറന്നു അയാൾ ആ ചെറുപ്പക്കാരനെ മുന്നിലേക്ക് തള്ളി.. പറയടാ... ഇവൻ പറഞ്ഞിട്ടല്ലേ നിയൊക്കെ ആ പിള്ളാരെ ഈ പരുവും ആക്കിയത്.. അതേയ് സാറെ... ശിവ പറഞ്ഞിട്ടാണ്.. അവനു ഈ കല്യാണത്തിന് സമ്മതമല്ല അതുപോലെ നയനയുടെയും പിന്നെ മനുവുമായി കോളേജിൽ വെച്ചും ഒരുപാടു പ്രശനം ഉണ്ടായിരുന്നു.... അതുകൊണ്ട് ഇവൻ പറഞ്ഞപ്പോൾ അറിയാതെ ചെയ്തു പോയതാ സാറേ.. മുന്നിൽ നിൽക്കുന്ന ആളെ കണ്ടു മ ശിവപകച്ചു നിന്നു.. ടാ... നീ എന്റെ മോനെ.. എന്തിനാടാ നീ... നിനക്ക് ഈ കല്യാണത്തിന് സമ്മതം അല്ലേൽ പറഞ്ഞാൽ പോരായിരുന്നോ.. എന്തിനാ വെറുതെ... എന്റെ കുഞ്ഞിനെ... മാധവ.. എന്തൊക്കെ.. മഹാദേവൻ അയാൾക്കരിലേക്ക് ഓടി വന്നു.. മതിയെടോ.. കേട്ടില്ലേ താൻ ഇതൊക്കെ.. എത്ര തവണ ഇവൻ തന്നെ പറഞ്ഞതാണ് ഈ കല്യാണം വേണ്ടെന്നു .. കുട്ടികളുടെ പ്രായത്തിന്റേതാണെന്നു പറഞ്ഞത് താൻ അല്ലെ... നിങ്ങളെ വെച്ച് നോക്കുമ്പോൾ സമ്പത്തിൽ ഞങ്ങൾ കുറഞ്ഞവരായിരിക്കും പക്ഷെ മറ്റുള്ളവരുടെ മനസ് മനസ്സിലാക്കാതിരിക്കാൻ മാത്രം തന്റെ മകനെ പോലെ ഞങ്ങൾ നീചരല്ല.. നിങ്ങൾക്ക് കൂടി ഇഷ്ടമായിട്ടല്ലേ എന്റെ മനുവിന്റെയും നയനയുടെയും സന്ദോഷം നടക്കട്ടെ എന്നു കരുതി ഈ കല്യാണത്തിന് സമ്മതിച്ചതു.. തന്റെ മോന്റെ ദോഷം മാറാൻ അല്ലെ എന്റെ മൃതിയെ കൂടി ഞങ്ങൾ തന്റെ മകന് തന്നത്..... എന്നിട്ട് അവൻ ചെയ്തതോ..എങ്കിലും ഈ കല്യാണം മുടുക്കൻ നീ അവരെ കൊന്നു കളയുമെന്ന് ഞാൻ വിചാരിച്ചില്ലടാ... ആ അച്ഛൻ തളർന്നിരുന്നു... അപ്പോഴും തോരാതെ പെയ്തുകൊണ്ടിരുന്ന ആ പെണ്ണിന്റെ കണ്ണുനീരും പ്രണയവും ശിവ അറിയാതെ പോയി... ഒരു താലിയിൽ തന്റെ പ്രണയം മുഴുവൻ സ്വന്തമാക്കാൻ ശ്രമിച്ചവനെ അവൾ അറിയാതെ വെറുത്തു പോയി.. ഇഷ്ടമല്ലായിരുന്നെങ്കിൽ പിന്നെ എന്തിനാ.. എന്നെ ഇങ്ങനെ ഒരു വിഡ്ഢി വേഷം കെട്ടിച്ചത് ആ മിഴികൾ നിറഞ്ഞു അവൾ ഒരു ബലത്തിനെന്നോണം പത്മിനിയുടെ നെഞ്ചിലേക്ക് ചാഞ്ഞു ശിവ അപ്പോഴും മുന്നിൽ നിൽക്കുന്നവനിൽ തറച്ചു നിൽക്കുവായിരുന്നു Part 11 തുടരും.. Hey pillarzzz😁❤️ സുഖല്ലേ.. എല്ലാർക്കും.. വായിച്ചിട്ടു അഭിപ്രായം പറയാൻ മറക്കല്ലെട്ടോ.. മറക്കണ്ട നിങ്ങൾടെ സപ്പോർട്ട് ആണ് നമ്മക്കൊരു ഊർജം 😌❤️ #📖 കുട്ടി കഥകൾ #📙 നോവൽ #💞 പ്രണയകഥകൾ #✍ ചെറുകഥ #📔 കഥ