💗കിസ്മത്💗 FULL PART(1-7) റസിയാ... അവര് നാലു മണിക്ക് എത്തുംട്ടോ..... ആ ഇക്കാ... ഇവിടെല്ലാം ഓക്കേആണ്. മോള് റെഡി ആയോ ഞാൻ ഇവിടുണ്ട് മാമ ആ മോളെ അവര് നാലു മണിക്ക് എത്തുംട്ടോ..... ആ മാമ ഇനിം സമയുണ്ടല്ലോ ഇങ്ങക്ക് വല്ലോം മനസ്സിലായോ ചങ്ങായിമാരെ... ഞാൻ പറഞ്ഞു തരാട്ടോ. ഈ തിരക്കിൽ നിന്നോന്ന് മാറിനിക്കട്ടെ... ആഹ് ഞാൻ ആദ്യം എന്നെ പറ്റി പറയാം. കാരക്കാട്ടിൽ തറവാട്ടിൽ ജമീൽ ന്റെയും റസിയയുടെയും ഒരേയൊരു പുത്രി ആയിഷ ജുമാന.എല്ലാരുടേം ഐഷു. ഇന്നെന്റെ നിക്കാഹ് ആണ്. അതിന്റെ ബഹള നേരത്തെ കേട്ടെ. ചെറുക്കന്റെ വീട്ടുകാരോക്കെ നാലു മണിക്ക് എത്തും. അവർക്കുള്ള പലഹാരപണീലാണ് ഉമ്മേം അമ്മായിമാരും. പിന്നൊരു പ്രത്യേകതയുണ്ട്. ന്റെ നിക്കാഹ് അങ്ങ് ഖത്തർ ലാണ്.ഉപ്പക്കും ന്നെ കെട്ടാൻപോണോനും അവിടാണ് ജോലി. മ്മടെ ഉപ്പാക്ക് ഈ അടുത്ത കാലതോന്നും ലീവ് ഇല്ല,കല്യാണം നീട്ടി വക്കാൻ ഉപ്പാക്ക് താല്പര്യം ഇല്ല. അപ്പൊ എടുത്ത തീരുമാനംആണ് ഈ ഖത്തറിൽ ഉള്ള നിക്കാഹ്. ചുരുക്കം പറഞ്ഞാ ഞങ്ങടെ പെണ്ണ്കാണൽ പോലും കഴിഞ്ഞിട്ടില്ല. അതൊരു കണക്കിന് നന്നായി എന്നെ ഞാൻ പറയൂ. കാരണം ഉണ്ട്ട്ടോ. പിന്നെ പറഞ്ഞുതരാം. അതിനു മുമ്പ് ചെറുക്കനെ പരിചയപ്പെടുത്ത. പേര് ആഷിഖ്റഹ്മാൻ. പാറപ്പുറത്ത് മുഹമ്മദിന്റെ മൂത്ത മകൻ. താഴെ ഒരു അനിയനും പിന്നെ ഒരു അനിയത്തിയും. ഏഴ് കൊല്ലം മുമ്പ് കാൻസർ വന്നു ഉമ്മ മരിച്ചു. ഇപ്പൊ ഖത്തറിൽ ഏതോ കമ്പനിയിൽ സെയിൽസ് എക്സിക്യൂട്ടീവ് മാനേജർ ആയി വർക്ക്‌ ചെയ്യുന്നു. മ്മടെ ഉപ്പക്കും അതിന്റെ അടുത്ത് തന്നെയാണ് ജോലി. അവിടെ വച്ചു കണ്ടു ഇഷ്ട്ടായി ഉപ്പ തന്നെ ചെന്ന് ആലോചിച്ച കാര്യമാഇത്. അങ്ങനെ അവരുടെ വീട്ടുകാരുമായി സംസാരിച്ചു. അവര് വന്നു അന്വേഷിച്ചു. ന്റെ ഒരു ഫോട്ടോ കൊണ്ട് പോയി. കൂട്ടത്തിൽ ഓന്റെ ഒരു ഫോട്ടോ മ്മക്കും തന്നു. യാ ഇലാഹീ.. ആ ഫോട്ടോ കണ്ടതും മ്മള് പകച്ചുപണ്ടാരടങ്ങിപ്പോയി.. ഈ കല്യാണം നടക്കുന്ന കാര്യത്തിൽ മ്മക്ക് അപ്പൊ തന്നെ ഒരു തീരുമാനംആയി. പിറ്റേ ദിവസം ഉപ്പ വിളിച്ചു അവർക്ക് സമ്മതാന്ന് പറഞ്ഞു. അപ്പോഴും ഞാൻ ആദ്യം ചിന്തിച്ചത് ഓനെങ്ങനെ ഈ കല്യാണത്തിന് സമ്മതിച്ചു എന്നാണ്. ഒപ്പം എന്തെന്നില്ലാത്ത സന്തോഷവും. കാരണം മ്മളും ഒരിക്കെ ആഗ്രഹിച്ചിരുന്നുലോ ഇങ്ങനെ ഒരു ദിവസം. ഇങ്ങക്ക് ഒന്നും മനസ്സിലാവുന്നില്ലല്ലേ എന്തായാലും ഓര് വരാൻ ഇനീം സമയമുണ്ട്. അതോണ്ട് ഞാൻ ഇങ്ങക്ക് ന്റെ സ്റ്റോറി പറഞ്ഞുതരാം ട്ടൊ. മ്മള് +2ഒക്കെ കയിഞ്ഞു ഡിഗ്രിക്ക് ചേർന്ന കാലം. കൃത്യമായി പറഞ്ഞാ ഒരു മൂന്നര കൊല്ലം മുമ്പ്. ഡിഗ്രിക്ക് തൃശൂർ ആണ് അഡ്മിഷൻ കിട്ടിയത്. അവിടെ ഹോസ്റ്റലിൽആണ് താമസം. കോളേജ് തുറക്കുന്ന തലേന്ന് തന്നെ മ്മള് ഹോസ്റ്റലിൽ എത്തി. റൂംമേറ്റ്‌ ആയി കിട്ടിയത് മ്മടെ അതേ വട്ടുള്ള ഒരു പെണ്ണിനെ. അതും ൻറെ ക്ലാസ്സിൽ തന്നെ.പേര് ഷാനിയ.അങ്ങനെ മ്മളും ഷാനി m കൂടെ കോളേജിലെ ഫസ്റ്റ് ഡേ ഒരുങ്ങികെട്ടി പോയി. എല്ലാരുടേം പോലെ മ്മളും ചെന്ന് പെട്ടത് സീനിയർസ്ൻറെ മുന്നിൽ. ഷാനി ആകെ പേടിച്ചു നിക്കാ. മ്മള് പേടിയൊക്കെ മൂടി വച്ചു ഓളോട് പറഞ്ഞു. ഇയ്യെന്തിനാ പേടിക്ക്നെ. ഒന്നുണ്ടാവില്ല. ഇയ്യ് വാ.. ഞങ്ങൾ അവരെ കടന്നു പോയതും ഒരുത്തൻ മുന്നിൽ തടസ്സയി നിന്നു അല്ല, എങ്കിടാ പോണേ, ചേട്ടൻമാരൊക്കെ ഒന്ന് പരിചയപ്പെടട്ടെ. വഴിന്ന് മാറ്.... ഞങ്ങക്ക് പോണം. ആ പൊക്കോ. ചേട്ടൻമാരു ചോദിക്കുന്നതിനു മറുപടി പറഞ്ഞിട്ട് പൊക്കോ റാഗിങ് കോളേജിൽ അലോഡഡ് അല്ല. ഞാൻ ഇത് റിപ്പോർട്ട്‌ ചെയ്യും അന്നാ ഇതൂടെ റിപ്പോർട്ട്‌ ചെയ്യടി എന്നുപറഞ്ഞു ഓൻ എന്റെ കയ്യിൽ കേറി പിടിച്ചു . പിടി നല്ലോണം മുറുകിയത് കൊണ്ട് നിക്ക് പെട്ടെന്ന് വിടിക്കാനും പറ്റിയില്ല. പെട്ടെന്ന് എന്റെ കയ്യിലെ പിടി അഴിഞ്ഞു. ഞാൻ ഓന്റെ മുഖത്തു നോക്കിയപ്പോ ഓൻ വേറെ എങ്കിഡോ നോക്കി പേടിച്ചു കണ്ണ് തള്ളി നിക്കാണ്. ഞാൻ ചുമ്മാ ഓന്റെ കണ്ണ് പോയോടെതേക്ക് നോക്കിയപ്പോ ന്റെ റബ്ബേ .. മ്മള് ആകെ വണ്ടർ അടിച്ചു പോയി. കട്ടത്താടി കട്ടമീശ കാപ്പിക്കണ്ണും ആയിട്ടൊരു മൊഞ്ചൻ. ഓനെ കണ്ടിട്ട്എന്തിനാ ഇവൻ പിടിച്ചേ.. ഇനി വല്ല ഗുണ്ടയാണോ??? ഓൻ ഞങ്ങടെ അടുത്തേക്ക് വന്നു. എന്റെ കൈ പിടിച്ച ചെക്കനോട് പറഞ്ഞു. എന്താടാ പിടിക്കിണില്ലേ.. പിടിക്കടാ... ആ ചെക്കൻ കുറച്ചു പുറകോട്ടു നീങ്ങി രണ്ടു ഷോൾഡറും പൊക്കി ഇല്ലാന്ന് കാണിച്ചു. എന്താടാ നിങ്ങൾ റാഗ് ചെയ്യണേന് ഒന്നും പറയിണില്ലാന്ന് കരുതി തലേ കേറി കസേര ഇടുന്നോ... പോടാ... അപ്പൊ തന്നെ അവന്മാര് സ്ഥലം കാലിയാക്കി. മ്മള് ചിരിച്ചോണ്ട് ഓന്റെ മുഖത്തെക്ക് നോക്കിയപ്പോ ഓൻ നമ്മളെ ഒന്ന് നോക്കിട്ട് തിരിഞ്ഞു നടന്നു. എന്ത് സാധനാ...ഒന്ന് ചിരിച്ചൂടെ... നമ്മളാ പറഞ്ഞത് ഇച്ചിരി ഉച്ചത്തിൽ ആയോന്ന് ഒരു സംശയം. ഇത് ചോദിച്ചതാ... ഓൻ ഒന്ന് തിരിഞ്ഞു നോക്കി. മ്മള് പിന്നെ ഒന്നും നോക്കീല്ല ഷാനിടെ കയ്യും പിടിച്ചു നേരെ ക്ലാസ്സിൽക്ക് നടന്നു...... ഫസ്റ്റ്ഡേ ആയതോണ്ട് അധികം ക്ലാസ്സ്‌ എടുത്തില്ല. ടീച്ചേർസ് എല്ലാരേം പരിചയപ്പെട്ടു. കുറച്ചു കഴിഞ്ഞപ്പോ ഒരു മാഷ് വന്നിട്ട് പറഞ്ഞു. മറ്റന്നാൾ ഫ്രഷേഴ്‌സ്ഡേ ആണ്. നിങ്ങടെ ക്ലാസ്സിൽ നിന്നും വല്ല പ്രോഗ്രാം ഉണ്ടെങ്കിൽ അതെല്ലാം കളക്ട ചെയ്തു നാളെ ഏൽപ്പിക്കണം. ഫസ്റ്റ്ബെഞ്ചിൽ ഫസ്റ്റ് ഇരിക്കുന്നോണ്ട് ആ പണി നമക്ക് കിട്ടി. അങ്ങനെ പിറ്റേ ദിവസം നമ്മള് അതൊക്കെ കളക്ട ചെയ്തു മാഷിന്റെ അടുത്തേക്ക് പോയപ്പോ മാഷ് പറഞ്ഞു ചെയർമാനെ ഏല്പിക്കാൻ.യൂണിയൻ ഓഫീസിൽ ഉണ്ടാവുംന്നും പറഞ്ഞു. നമ്മള് യൂണിയൻ ഓഫീസിക്ക് പോകുമ്പോ പിന്നീന്ന് ആരോ വിളിക്കിണ പോലെ തോന്നി. തിരിഞ്ഞു നോക്കിയപ്പോ വേറെ ആരെയോ വിളിച്ചതായിരുന്നു. അതും നോക്കി നമ്മള് തിരിഞ്ഞതും ദേ ഇടിച്ചു ... ആരോ ആയിട്ട്.. നമ്മള് മെല്ലെ തല ഉയർത്തി നോക്കിയപ്പോ ദേ നിക്കുണ് ഇന്നലത്തെ താടിക്കാരൻ. കൂടെ രണ്ടു കൂട്ടുകാരും. എവിടെ നോക്കി നടക്കാടി കണ്ണ് കാണില്ലേ... അത് ഞാൻ.... ആരോ വിളിക്കിണ പോലെ തോന്നിയപ്പോ.... ഇതെങ്കിടാ ഈ വഴി. പിന്നേം സീനിയർസ്ൻറെ മുന്നിൽ ചെന്ന് പെടാൻ ആണോ... ഞാൻ ചെയർമാൻ നെ കാണാൻ വേണ്ടിട്ട്... എന്താ കാര്യം?? അത് ഞാൻ ചെയർമാനോട് പറഞ്ഞോളാം. ഇയാളെന്തിനാ എല്ലാ പ്രശ്നത്തിലും തലയിടാൻ വരിനെ..ഇയാളോട് പറയാനുള്ളത് വല്ലോം ഉണ്ടെ പറയും. അവന്റെ കൂട്ടുകാരൻ എന്തോ പറയാൻ വന്നതും അവൻ കൈ പിടിച്ചു നമ്മള് അതൊന്നും മൈൻഡ് ആക്കാതെ അവരെ കടന്നു മുന്നിക്ക് നോക്കിതും സ്വിച്ചിട്ട പോലെ നിന്ന്.... നമ്മളെ മുന്നില് കണ്ട സാധനത്തിലെ അക്ഷരങ്ങൾ ഒന്നൂടെ വായിച്ചു "2016-17 അധ്യാന വർഷത്തിലെ ചെയർമാൻ ആയി തെരഞ്ഞെടുക്കപ്പെട്ട ആഷിഖ്റഹ്മാൻ ന് അഭിനന്ദനങ്ങൾ "കൂടെ ഓന്റെ ഫോട്ടോയും നമ്മളെ വായിലെ വെള്ളംഒക്കെ വറ്റി പോണ പോലെ തോന്നി. പടച്ച തമ്പുരാനെ... ഈ രണ്ടീസായിട്ട് ഇങ്ങനൊരു കാര്യം നമ്മള് അറിഞ്ഞില്ലല്ലോ.. ആരും പറഞ്ഞുമില്ല.. ഇനിപ്പോന്താ... ആകെ നാറിന്ന് പറഞ്ഞാ മതീലോ... ഇപ്പോഴാ നമ്മക്ക് നേരത്തെ ഓന്റെ ഫ്രണ്ട് എന്തോ പറയാൻ വന്നപ്പോ ഓൻ കൈപിടിച്ചേന്റേം ഇന്നലെ ഓനെ കണ്ടപ്പോ മറ്റവൻമാർ പിടിച്ചേന്റേം സീക്രെട് മനസ്സിലായെ... പടച്ചോനെ കാത്തോണേ എന്നും പറഞ്ഞു നമ്മള് തിരിഞ്ഞതും മൂന്നും അതേപോലെ നമ്മളെ തന്നെ നോക്കി നിക്കാണ്... നമ്മള് പെട്ടുട്ടോ..... ന്തേ ചെയർമാനെ കാണാൻ പോണില്ലേ.. അത്... ഏത്. ഞാനറിയാതെ.... താനാറിയാതെ... ഇയാള് ന്നെ ചീത്ത പറഞ്ഞപ്പോ ഞാൻ പെട്ടെന്ന് പിടിച്ചുനിക്കാൻ വേണ്ടി.... മ്മ്മ്.... അല്ല, എന്തിനാ ഇപ്പൊ ചെയർമാനെ കാണുന്നേ... അത് ഈ ലിസ്റ്റ് ഏല്പിക്കാൻ... നാളത്തെ ഫങ്ക്ഷൻടെ ആ ഇങ്ങ് താ നമ്മള ലിസ്റ്റ് ഓന്റെ കയ്യി കൊടുത്തു. ഓൻ അത് മുഴുവൻ മറിച്ചു നോക്കി... നമ്മള് ക്ലാസ്സിക്കും പോയി. ഷാനിടെ അടുത്ത് കാര്യം പറഞ്ഞപ്പോ ഊള ഭയങ്കര ചിരി.ഓളിതു നേരത്തെ അറിഞ്ഞിരുന്നുന്ന്... തലക്കിട്ടൊരു കൊട്ടും കൊടുത്തു കൊറേ തെറിം പറഞ്ഞു. പിറ്റേ ദിവസം ഫ്രഷേഴ്‌സ്ഡേക്ക് നമ്മള് ഒരു സാരിയാ ഉടുത്ത. നമ്മളെ ക്ലാസ്സിലെ കാര്യങ്ങളൊക്കെ നമ്മളെ ഏല്പിച്ച കാരണം കൊണ്ട് നമ്മള് ഓടി നടക്കാ... പക്ഷെങ്കിൽ സാരി ഉടുത്ത കാരണം നമ്മക്ക് മര്യാക്ക് നടക്കാൻ പറ്റണില്ലാ... ചീഫ് ഗസ്റ്റ് വരുമ്പോ വിതറാനുള്ള പൂവ് ഷാനി പിന്നെ രണ്ടു കുട്ടികളും കൂടി റെഡി ആക്കാണ്. കുറെ നേരത്തെ ഓട്ടല്ലേ ഒന്നിരിക്കാം എന്ന് കരുതി അവരെ പറഞ്ഞുവിട്ട് ഷാനിനെ സഹായിക്കാൻ ഇരുന്നു. അങ്ങനെ ഷാനിയായിട്ടു കത്തിയടിച്ചു അതൊക്കെ താലത്തിലാക്കി മെയിൻ ഹാൾൻറെ സൈഡ് ക്ക് കൊണ്ട്പോകുമ്പോ സാരിയിൽ കാൽ തട്ടി വീഴാൻ പോയി. ഒരു കയ്യിൽ താലോm മറ്റേ കൈ കൊണ്ട് സാരിm ശരിയാക്കി വരുമ്പോ ഹാൾന്ന് തിരിഞ്ഞതാ ദേ ഇടിച്ചു... പൂ മൊത്തം അവിടെ ചിതറി. താലം വീണ ശബ്ദം കേട്ടു എല്ലാരും തിരിഞ്ഞുനോക്കി. നമ്മള് ദേ പിന്നേം നാറി... നമ്മള് എല്ലാരേം നോക്കി ഒരു ഇളി പാസ്സാക്കി. എന്താടി ഹംക്കേ... ആൾക്കാരെ ബുദ്ധിമുട്ടിക്കാൻ ഇറങ്ങിയതാണോ ശബ്ദം കേട്ടു നമ്മള് തിരിഞ്ഞു നോക്കിതും ദേ നിക്കിണ് താടിക്കാരൻ ചെയർമാൻ. പടച്ചോനെ ഇന്നും ഇങ്ങേരെ ആണോ ഇടിച്ചേ... നമ്മക്ക്ഇപ്പൊ കണ്ടകശനി ആണെന്ന തോന്നനെ.. അപ്പോഴാ ഓൻ നമ്മളെ മുഖം കണ്ടേ... ആ നീയോ.. നിനക്കിതുതന്നെയാണോ പണി.. അല്ല, നിനക്കിടിച്ചിഡാൻ ഇവിടെ വേറെ ആരുംല്ലേ... ദിവസോം കറക്റ്റ്ആയിട്ട് എന്റെ മെക്കട്ട് തന്നെ വരുണ്ണ്ണ്ടല്ലോ... അത് പറഞ്ഞതും എല്ലാരും ഒരേ ചിരിയാ... നമ്മള് ചിരിക്കണോ എന്നൊരു അവസ്ഥയും നിന്റെ മുഖത്തെന്തിനാ രണ്ടു c f l തന്നെക്ക്നെ. ഉപയോഗിക്കിനില്ലേ പോയി ഇല്ലാത്തൊർക്ക് കൊടുക്ക്. അവരെങ്കിലും ജീവിക്കട്ടെ.. ഇതൊക്കെ കേട്ടു നമ്മള് കരച്ചിൽ പൊട്ടി നിക്കാ അപ്പൊ അവന്റെ ഫ്രണ്ട് പറഞ്ഞു. ആഷി.. മതി നീ പോ.. അവിടെ ഗസ്റ്റ് വരാറായി.. ഓൻ നമ്മളെ ഒന്ന് തറപ്പിച്ചു നോക്കിട്ട് അവിടന്ന് പോയി. ഓന്റെ ഫ്രണ്ട്സ്m നമ്മളും കൂടി പൂവ്എല്ലാം പെറുക്കി താലത്തിലാക്കി. കൊണ്ട് കൊടുത്തു. ഓഡിറ്റോറിയംത്തിൽ വന്നിരുന്നു. അതിനുശേഷം നമ്മള് പരിപാടി കഴിയണ വരെ അനങ്ങിട്ടില്ല. പരിപാടി കഴിഞ്ഞപ്പോ വേഗം ഷാനിനെ വിളിച്ചു ഹോസ്റ്റൽലേക്ക് പോയി.... അങ്ങനെ ദിവസങ്ങൾ കഴിഞ്ഞുപോയി. ഞങ്ങൾ കണ്ടുമുട്ടുന്ന സീന്സൊക്കെ കലിപ്പിൽ അവസാനിച്ചു. അങ്ങനെ ഒരു ദിവസം.... മോളെ ഐശു, അവരെത്തിട്ടൊ... ഉമ്മയാ അവരെത്തി. അപ്പൊ ബാക്കി നമ്മക്ക് പിന്നെ പറയാം. പിന്നെ നമ്മള് റെഡി ആയോന്ന് സംശയം വേണ്ട. നിങ്ങളോട് കഥ പറയുന്നതിന്റിടെൽ നമ്മള് നല്ല സുന്ദരിയായി ഒരുങ്ങിട്ടിണ്ട്... നമ്മള് ജനലിന്റെ അടുത്ത് ചെന്ന് നോക്കിയപ്പോ രണ്ടു കോളിസ് കെടു പ്പുണ്ട്. നമ്മക്ക് ചെറിയ ടെൻഷൻ ഇല്ലാതില്ലാതില്ല... ഉള്ളോക്കെ വിയർത്തു ഒലിക്കുന്നത് ശരിക്കും അറിയുന്നുണ്ട്. ഉമ്മ അവരേം കൂട്ടി നമ്മളെ റൂമിൽ വന്നു. നമ്മള് ഓർക്ക് ഒരു പുഞ്ചിരി നൽകി. വേറൊന്നിനും നമ്മക്ക് പറ്റിനില്ല. മോളേ നിക്കാഹിനു സമയമായി. അവര് പള്ളീൽ പോയിട്ടുണ്ട്. മോൻ വിളിച്ചിരുന്നു. കൂട്ടത്തിൽ ഒരു അമ്മായി പറഞ്ഞു. ആ അമ്മായി വന്ന എല്ലാരേം പരിചയപ്പെടുത്തിത്തന്നു. ആഷിഖ്ൻറെ അനിയത്തി ആ ന്ന് പറഞ്ഞു ഒരു പതിനഞ്ചു വയസ്സ് തോന്നിക്കുന്ന ഒരു കുട്ടിയെ പരിചയപ്പെടുത്തിത്തന്നു. അവൾ എന്റെ അടുത്ത് വന്നു കുറെ വർത്താനം പറഞ്ഞു. ആസിയ എന്നായിരുന്നു അവളുടെ പേര്. ഇപ്പൊ sslc ആണ്. ആഷിക്കാന്ന് പറയുമ്പോ അവൾക്ക് നൂറു നാവാ. അവളുടെ ഉമ്മാടെ പോലാന്നാ അവള് പറയണേ. വീട്ടിൽ ഇപ്പൊ വാപ്പയും രണ്ടാമത്തെ ഇക്കയും അവളും മാത്രേ ഉള്ളൂ.. വാപ്പാനെ ജോലിക്ക് വിടാൻ ആഷിക്ക സമ്മതിക്കൂല. രണ്ടാമത്തെ മകൻ ഇപ്പൊ പിജി ക്ക് പഠിക്കുന്നു. ഇങ്ങനെ അവള് വായ് തോരാതെ സംസാരിക്കാണ്. അപ്പോഴാണ് ഉമ്മാടേം അമ്മായിടേം ഫോൺ ഒരുമിച്ചടിച്ചത്. അപ്പൊ തന്നെ മനസ്സിലായി ആരായിരിക്കും എന്ന് ഫോൺ വെച്ച ഉടനെ അമ്മായി പറഞ്ഞു. മോളേ നിക്കാഹ് കഴിഞ്ഞൂട്ടൊ. എന്ത് കൊണ്ടോ അത് കേട്ടപ്പോ എന്റെ കണ്ണിൽ നിന്നു ഒരിറ്റു കണ്ണീർ പുറത്തു ചാടി. കുറച്ചു കഴിഞ്ഞു ഹാൾക്ക് കൂട്ടി കൊണ്ടുപോയി. ആഷിക്കാടെ വാപ്പയും അനിയനും മാമയും വന്നു കണ്ടു സംസാരിച്ചു. അമ്മായി ഒരു മാല ആസിയാടെ കയ്യിൽ കൊടുത്തു പറഞ്ഞു മഹർ ആണ് എനിക്കിട്ട് തരാൻ. അവൾ അതെനിക്ക് ചാർത്തിതന്നു. വാപ്പ ഒരു വളയിട്ടു. അമ്മായിമാർ രണ്ടു വള തന്നു. പിന്നേം കുറെ നേരം വർത്താനം പറഞ്ഞു ഭക്ഷണം കഴിച്ചു അവര് പോയി. പൂവൻ നേരം ആസിയ എനിക്കൊരു പുത്തൻ ഫോൺ തന്നു. അത്യാവശ്യം വേണ്ട no. ക്കെ ഉണ്ടെന്നും ഇക്ക രാത്രി വിളിക്കുംന്നും പറഞ്ഞു. അവര് പോയി. പിന്നെ പതിയെ വീട്ടിലെ തിരക്കും ഒഴിഞ്ഞു. ഇപ്പൊ ഞാനും ഉമ്മയും മാത്രേ ഉള്ളൂ മുറിൽ പോയി ഒന്ന് ഫ്രഷ് ആയി കുറച്ചു നേരം കിടന്നു. അപ്പോഴാ ഫോൺൻറെ കാര്യം ഓർമ വന്നേ. അതെടുത്തു. Oppo F5 പുത്തൻ സെറ്റ്. On ആക്കി നോക്കിയപ്പോ വോൾപേപ്പർ തന്നെ നമ്മടെ ചെക്കന്റെ ഫോട്ടോ. വർഷങ്ങൾക്കിപ്പുറവും ആ ചുറുചുറുക്ക് അതേ പോലെ ആ മുഖത്തുണ്ട്. അത് നോക്കിയിരുന്നപ്പോ ഓർമ്മകൾ പിന്നെയും പാഞ്ഞു. ആ ദിവസത്തിലേക്ക്. അന്ന് economics ക്ലാസ്സിൽ ബോറടിച്ചിരിക്കുന്ന സമയത്താണ് peon വന്നു സജ്‌നയെ കൂട്ടാൻ വാപ്പ വന്നിട്ടുണ്ട്. ഓഫീസ് റൂംക്ക് ചെല്ലാൻ പറഞ്ഞത്. അത് കേട്ടപ്പോഴേ അവളുടെ മുഖം വല്ലാതായി. അത് കണ്ടിട്ട് ചെറിയ പ്രശ്നമാണ്എന്ന് തോന്നിയില്ല. അതുകൊണ്ട് അതെന്വേഷിക്കണമെന്നും പരിഹാരം കാണാൻ കഴിയുന്നതാനെൽ കാണണംഎന്നും മനസ്സിൽഉറപ്പിച്ചിരുന്നു. അടുത്ത പീരീഡ് ക്ലാസ്സ്‌ കഴിയാറായ സമയത്തു അവളും വാപ്പയും കൂടി വരാന്തയിൽകൂടി നടന്നു വരുന്നത് കണ്ടു. അപ്പോഴും അവൾ കരയുകയായിരുന്നു. ടീച്ചർ ക്ലാസ്സിൽ ഇല്ലായിരുന്നു എങ്കി അവളോട്‌ കാര്യം അന്വേഷിക്കായിരുന്നു അപ്പൊ അവരുടെ എതിരെ ഒരാൾ വരുന്നത്പോലെ അവളുടെ വാപ്പ ചിരിക്കുന്നത് കണ്ടു. അസ്സലാമുഅലൈകും അബ്ദുള്ളക്ക വ അലൈകുമുസ്സലാം. അല്ല, എന്താ ഇവിടെ ഞാൻ ഇവള്ടെ t c വാങ്ങാൻ വന്നതാ. ഇവള്ടെ പഠനം നിർത്താണ്. അതെന്തിനാ ഇവളൊരുപാട് ആഗ്രഹിച്ചല്ലേ ഈ കോഴ്സ് എടുത്തത്. പിന്നെന്തു പറ്റി. ആ മോനെ, നിനക്ക് അറിഞ്ഞൂടെ ഞങ്ങടെ അവസ്ഥ ഇല്ലാത്ത കാശുണ്ടാക്കിയ ഇവൾക്കി കോഴ്സ് എടുത്തേ. ഇപ്പൊ ഇവൾക്കൊരു കല്യാണലോചന വന്നിട്ടുണ്ട്. നല്ല കൂട്ടരാ മുതൽ ഒന്നും വേണ്ടെന്നു പറഞ്ഞു,നമ്മടെ അവസ്ഥയൊക്കെ അറിഞ്ഞിട്ടും അവർക്കി കല്യാണത്തിന് സമ്മത. ഇനി ഇതിലും നല്ലൊരു ആലോചന വരുമെന്ന് തോന്നുണില്ല. അബ്ദുള്ളക്ക നിങ്ങൾഎന്ത് വർത്താനംആ പറയണേ. അവളെത്ര ആഗ്രഹിച്ച ഈ അഡ്മിഷൻ കിട്ടിത്ന്ന് നിങ്ങക്കറിയാലോ. പിന്നെ ഇപ്പൊ വന്ന ആലോചന, ഇത്ര അറിഞ്ഞിട്ടും സമ്മതിച്ച സ്ഥിതിക്ക് പഠിപ്പിൻറെ കാര്യം കൂടി പറഞ്ഞു നോക്ക്. അപ്പോഴേക്കും പീരീഡ് കഴിഞ്ഞു ടീച്ചർ ക്ലാസ്സിൽ നിന്ന് പോയി. ഞാൻ ജനാലയുടെ അടുത്ത് ചെന്ന് നോക്കിയപ്പോ അത് നമ്മടെ താടിക്കാരൻ ചെയർമാൻ ആയിരുന്നു. മോനെ, അവര് ആകെ പറഞ്ഞ നിബന്ധന പെട്ടന്ന് കല്യാണം വേണംന്നാ. ഇക്ക എന്ന് കരുതി അവള്ടെ ആഗ്രഹങ്ങളെ തല്ലിക്കെടുത്തനോ. അവള്ടെ പഠിപ്പ് കോളേജ് യൂണിയൻ ഏറ്റെടുത്തോളാം. അതോർത്തു ടെൻഷൻ വേണ്ട. അത് കഴിയുംമ്പോ ഏതെങ്കിലും നല്ല ആലോചന വരും. ഇനി ആരും വന്നില്ലെങ്കിൽ ഞാൻ കെട്ടിക്കോളാം ഇവളെ, പോരെ മോനെ അത്.... ഒന്നും പറയണ്ട, അവളെ നാളെ മുതൽ ക്ലാസ്സിൽ വിട്.. ശരി അന്ന അന്ന് ഞാൻ ആ കണ്ണുകളിലെക്ക് ബഹുമാനത്തോടെ ഒന്ന് നോക്കി പിറ്റേന്ന് തന്നെ യൂണിയൻ മീറ്റിംഗ് കൂടി സജ്‌നടെ ഡിഗ്രിടെ മുഴുവൻ ചെലവും കോളേജ് മാനേജ്മെന്റ്m യൂണിയനും കൂടി ഏറ്റെടുത്തു. മ്മടെ ഷാനി യൂണിയൻൽ ഉള്ള കാരണം നമ്മക്ക് എല്ലാ വിവരോം അറിയാൻ പറ്റി. സജ്‌നയെ മാത്രല്ല, അതുപോലെ ബുദ്ധിമുട്ടിൽ നിന്ന് വരുന്ന കുട്ടികളെ കണ്ടുപിടിച്ചു അവരുടെ ചെലവും ഏറ്റെടുത്തു. പരിശ്രമഫലമായി അവരുടെ പഠനചെലവ് ഏറ്റെടുത് പല സ്പോൺസർസും വന്നു. അതിനെല്ലാം മുന്നിൽ നിന്നത് നമ്മുടെ താടിക്കാരൻ ചെയർമാൻ ആയിരുന്നു. എപ്പോഴോ അയാളോട്ഉള്ള ദേഷ്യം ബഹുമാനമായി മാറി. ആ ബഹുമാനം വളർന്നു വളർന്നു പ്രണയമായി മാറിയിരുന്നു ഞാൻ പോലുമറിയാതെ. ഫോൺ ബെൽഅടിക്കുന്നത് കേട്ടാണ് ചിന്തകളിൽ നിന്നുണർന്നത്. നോക്കിയപ്പോ ആഷിഖ് കാളിങ്... കൈഒക്കെ വിറക്കാൻ തുടങ്ങി. ഇയാള് എന്തുകൊണ്ടാ കല്യാണത്തിന് സമ്മതിച്ചേന്ന് മാത്രം ഇപ്പഴും മനസ്സിലായിട്ടില്ല. ഇനി ഇയാൾക്ക് എന്നെ മനസ്സിലായില്ലേ.. ഫോൺ പിന്നേം കിടന്നുഅടിക്കാണ്. കൈ മെല്ലെ ഇടതു നിന്ന് വലത്തോട്ട് നീക്കി ചെവിയിൽ വച്ചു പറഞ്ഞു, ഹലോ ഹലോ, അസ്സലാമുഅലൈക്കും വ അലൈകുമുസ്സലാം ഹാ.. ഞാനാ ആഷിഖ് മ്മ് മനസ്സിലായി എന്തൊക്കെയുണ്ട് വിശേഷം നല്ലതന്നെ വീട്ടിൽ എല്ലാരും പോയോ മ്മ് താനെന്താ ഒന്നും മിണ്ടാത്തെ, പേടിയുണ്ടോ പടച്ചോനെ ഇവനെന്താ ഇങ്ങനൊക്കെ സംസാരിക്കുന്നെ ഇനി എന്റെന്ന് വല്ലോം കേൾക്കാൻആണോ, ഇവന് എന്നോടുള്ള ദേഷ്യം മാറീട്ടുണ്ടാവോ?? ഹേയ് അതിനു വഴിയില്ല. അമ്മാതിരി നാണംകെടലല്ലേ അന്നുണ്ടായെ ഹലോ താൻ കേൾക്കുന്നുണ്ടോ എന്താ ഒന്നും മിണ്ടാത്തെ അത് ഞാൻ ഓരോന്നും ഓർത്തതാ ഞാനൊരു കാര്യം ചോദിച്ചോട്ടെ മ്മ് താൻ ശരിക്കും ഇഷ്ടപെട്ടിട്ടാണോ ഈ കല്യാണത്തിന് സമ്മതിച്ചത്? പടച്ചോനെ പെട്ട്, ഞാനെന്ത്‌ പറയും.. ഇവന്അറിയില്ലല്ലോ നമ്മക്ക് ഈ കല്യാണത്തിന് നൂർ അല്ല നൂറ്റിഒന്ന് വട്ടം സമ്മതന്ന്..പിന്നെ ഓന്റെ മനസ്സറിയാന നമ്മള് ഒന്നും മിണ്ടാതെ ചോദിച്ചേന് മാത്രം മൂളികൊണ്ടിരുന്നേ.. അതെന്താ അങ്ങനെ ചോദിച്ചേ അല്ല തന്റെ സംസാരം കേട്ടിട്ട് തനിക്കു താല്പര്യം ഇല്ലാത്ത പോലെ, ഏയ്‌ അങ്ങനൊന്നും ഇല്ല. സ്റ്റാർട്ടിങ് trouble ആ എന്നാ പറ, എങ്ങനുണ്ടായിരുന്നു ഇന്ന് ൻറെ വീട്ടുകാരെ ഒക്കെ പരിജയപ്പെട്ടോ റബ്ബേ ഇവന് എന്നെ മനസ്സിലായില്ലേ അതോ എനിക്ക് ആളെ തെറ്റിയോ, ആഷിഖ്റഹ്മാൻ എന്ന പേരിൽ ഇവന്റെ മുഖച്ചായ ഉള്ള വേറെ ആരെങ്കിലും ആണോ പിന്നെ എന്തും വരട്ടെ എന്നു കരുതി ഞാനും കുറെ സംസാരിച്ചു. അവനും നല്ലോണം വർത്താനം പറയുന്നുണ്ട്. ഇവന് ഇത്രയും സംസാരിക്കാൻ അറിയോ എന്ന് വരെ ഞാൻ അത്ഭുതപ്പെട്ടു. കുറെ കഴിഞ്ഞു സലാം ചൊല്ലി ഫോൺ വച്ചു. പിന്നെ ചെന്ന് ഭക്ഷണം കഴിച്ചു വന്നു കിടന്നു, ഫോൺ എടുത്തു ഗാലറി on ആക്കിയപ്പോ മുഴുവൻ അവന്റെ ഫോട്ടോ. അതും നോക്കി ഇരുന്നപ്പോ അവനെ കണ്ടത് മുതലുള്ള ഓരോ സംഭവങ്ങളും മനസ്സിൽകൂടി കടന്നുപോയി. ആ ദിവസവും എന്റെ പ്രണയം ഞാൻ തിരിച്ചറിഞ്ഞതും അതൊരിക്കലും നടക്കില്ലഎന്ന് മനസ്സിലാക്കിയതുമായ ആ ദിവസം അന്ന് valantines ഡേക്ക് നമ്മള് അടങ്ങി ഒതുങ്ങി ഒരു സ്ഥലത്തു ഇരിക്കുംമ്പോ ഴാണ് ഒട്ടും പ്രതീക്ഷിക്കാതെ ഷാനി നമ്മക്ക് പണി തരുന്നത്. നമ്മള് പ്രണയത്തെ കുറിച്ച് സംസാരിക്കണം പോലും. ഇല്ലെന്നു പറഞ്ഞു ഒഴിഞ്ഞു മാറിയെങ്കിലും പെണ്ണ് നമ്മളെ പിടിച്ചു വലിച്ചു അവിടെ കൊണ്ട് നിർത്തി. മൈക്ക്ൻറെ മുന്നിൽ നിക്കാൻ പേടി ഇല്ലെങ്കിലും ഇങ്ങനൊരു വിഷയായത്കൊണ്ട് ചെറിയൊരു ഭയം. അങ്ങനെ പരിപാടിടെ ആദ്യ ഘട്ടങ്ങളൊക്കെ കഴിഞ്ഞു നമ്മളെ ക്ഷണിച്ചു. നമ്മക്ക് അറിയാവുന്ന രീതിയിൽ വളരെ ഭംഗിയായി തന്നെ നമ്മള ഡ്യൂട്ടി ചെയ്തു. അതിനിടയിൽ ഉള്ളിലിഷ്ടമുണ്ടായിട്ടും തുറന്നു പറയാതെ നഷ്ട്ടമാവുന്ന പ്രണയങ്ങളെ കുറിച്ചും സൂചന നൽകി. കുറച്ചു കഴിഞ്ഞപ്പോ ഷാനി നമ്മടെ കയ്യിൽ ഒരു കടലാസ് കൊണ്ട് വന്നു തന്നു. അത് തുറന്നു വായിച്ചതും നമ്മള് ഞെട്ടി. കോളേജ്ലെ ആരെങ്കിലും ഒരാളുടെ പ്രണയം ഇന്നിവിടെ സഫലമാക്കണം എന്നായിരുന്നു അതിലുണ്ടായിരുന്നത്. നറുക്ക് വീഴുന്ന ആള് ഇന്നിവിടെ അയാളുടെ പ്രണയം തുറന്നു പറയണം. അങ്ങനെ നറുക്ക് ഇട്ടു, ഞാൻ തന്നെയാണ് നറുക്ക് എടുത്തത് പേര് വായിച്ചു ആദ്യം ഞെട്ടിയത് ഞാൻ തന്നെയായിരുന്നു. ആഷിഖ്റഹ്മാൻ..... വായിച്ചു കഴിഞ്ഞു ഞാൻ മെല്ലെ ആ മുഖത്തു നോക്കിയപ്പോ ദേഷ്യം കൊണ്ട് ആകെ ചുവന്നിട്ടുണ്ട്. അവന്റെ ഫ്രണ്ട്സ് എല്ലാരും ആഷിഖ് ആഷിഖ് എന്നു പറഞ്ഞു ആക്കം കൂട്ടുന്നുണ്ട്. അവൻ ആകെ നാറി നിക്കാണ്. ഞാൻ മൈക്കും കൊണ്ട് അവന്റെ അടുത്തേക്ക് പോയി. പതിയെ ആ മൈക്ക് അവന്റെ നേരെ നീട്ടി...... അവൻ എന്റെ മുഖത്തു തറപ്പിച്ചോന്ന് നോക്കി.മുഖം കണ്ടാൽ അറിയാം. ഉള്ളിലെ ദേഷ്യം. ഞാൻ കരുതിക്കൂട്ടി ചെയ്ത പോലെയാ അവന്റെ നോട്ടം. അപ്പോഴും ഫ്രണ്ട്സ് ഒക്കെ പറ പറാന്ന് തിരക്ക് കൂട്ടാണ്. അവൻ അവരെ നോക്കി. പിന്നെ എന്നെ നോക്കി. പിന്നെ മൈക്ക്ൻറെ അടുത്ത് ചുണ്ട് ചേർത്ത് പറഞ്ഞു I LOVE YOU........ ഒരു നിമിഷം കേട്ടത് എന്താണ്എന്നറിയാതെ ഞാൻ തരിച്ചുനിന്നു. ഇപ്പൊ ശരിക്കും നാറിത് ഞാനാ. അവന്റെ മുഖം അപ്പോഴും ദേഷ്യത്തിൽ തന്നെയായിരുന്നു. ഇവന് പറയാൻ ഇഷ്ടമല്ലഎങ്കി ഇറങ്ങി പോയപോരെ. ഫ്രണ്ട്സ് ഒക്കെ തലയ്ക്കു കൈ വച്ചു നിക്കാണ്. ഷാനിനെ ഇപ്പൊ എന്റെ കയ്യി കിട്ടിയ തലക്കടിച്ച് ഞാൻ കൊല്ലും. പിന്നെ ഒന്നൂടെ എന്റെ മുഖത്ത് ദേഷ്യത്തോടെ ഒന്ന് നോക്കിയിട്ട് അവൻ ഇറങ്ങി പോയി. ഞാൻ അന്ന് തന്നെ വീട്ടിക്ക് പോന്നു. ഷാനിനെ പിന്നെ ആ പരിസരത്ത്ഒന്നും കണ്ടില്ല. ചെന്നിട്ടു കൊടുക്കണ്ട്. പക്ഷെ എന്തുകൊണ്ടോ നാറിതോന്നും ഓർമയില്ലതെ അവൻ പറഞ്ഞ വാക്ക് ഓർത്തു ചുണ്ടിൽ ഒരു ചിരി വിടർന്നു. അന്നത്തെ ദിവസം മുഴുവൻ അവന്റെ മുഖമായിരുന്നു മനസ്സിൽ.ഭക്ഷണം കഴിക്കുമ്പോ ഉമ്മാ ചോദിച്ചു മോളെന്താ ആലോചിക്ക്ണേ വന്നപ്പോ തൊട്ടു ശ്രദ്ധിക്കുന്നു ഒന്നും മിണ്ടുന്നില്ലല്ലോ അത് കേട്ടു ഞാൻ ശരിക്കും ഞെട്ടി. പടച്ചോനെ വന്നപ്പോ തൊട്ടു അവനെ കുറിച്ച് ചിന്തിച്ചിരിക്കാ. ഇതിപ്പോ ഉമ്മ വരെ ചോദിച്ചു. ഒന്നുല്ല ഉമ്മാ ഞാൻ കോളേജിൽത്തെ ഓരോന്ന് ആലോചിച്ചതാ... മ്മ് ശരി പോയി കിടക്കാൻ നോക്ക്. ആ ന്നും പറഞ്ഞു വേഗം റൂമിക്ക് ഓടി. റബ്ബേ ഉറങ്ങാൻ കിടന്നിട്ടു രണ്ടു മണിക്കൂറെങ്കിലും ആയിട്ടുണ്ടാവും. ഇതുവരെ ഉറക്കം പോയിട്ട് ഒരു കോട്ടുവാ പോലും വന്നില്ല. കണ്ണടച്ചാൽ അവന്റെ മുഖ മനസ്സിൽ. "ഉറക്കം പോലും വരാതെ ഒരാളെ മാത്രം ഓർത്തിരിക്കണമെങ്കിൽ നമ്മള് അയാളെ പ്രണയിക്കുന്നു എന്നർത്ഥം "എന്നു നമ്മള് ഇന്ന് കോളേജിൽ പറഞ്ഞത് പെട്ടെന്ന് മനസ്സിലൂടെ കടന്നുപോയി പടച്ചോനെ പ്രണയമോ?അതും അവനോടു? നമ്മക്ക്? ആകെ വട്ടായല്ലോ. ഇന്ന് തന്നെ ഞാൻ കാരണം അവൻ ആകെ നാറിതാണ്. അപ്പൊ തന്നെ പ്രേമംന്ന് പറഞ്ഞങ്കിട് ചെന്നാമതി. പക്ഷെ ഇപ്പൊ ഉറക്കം വരാൻ എന്തെയ്യും എപ്പോഴോ ഉറങ്ങി. രാവിലെ എണീറ്റപ്പോ തൊട്ട് ഒരു ഉഷാറില്ല. എങ്ങനേലും കോളേജിൽ എത്തിയാമതി എന്ന പോലെ. അവനെ കാണാൻ വല്ലാണ്ട് മോഹം. ചെലപ്പോ അവന്റെ വായിലിരിക്കുന്ന തെറി കേൾക്കാനാവും. എങ്ങനൊക്കെയോ അന്നത്തെ ദിവസോം തള്ളി നീക്കി.പിറ്റേന്ന് വൈകീട്ട് ഹോസ്റ്റലിൽ എത്തിയാ മതിയായിരുന്നു. പക്ഷെ ഞാൻ രാവിലെ തന്നെ പോന്നു. വൈകിട്ട് വരെ ഹോസ്റ്റലിൽ എത്തിയല്ലോ എന്ന സമാദാനംആയിരുന്നു. വൈകിട്ട് ഷാനി വന്നു. പിന്നെ അന്നത്തെ ദിവസം വല്ല്യ കുഴപ്പില്ലാണ്ട് പോയി. പിറ്റേന്ന് പതിവിലും നേരത്തെ കോളേജിൽ പോയി. പക്ഷെ രണ്ടു പീരീഡ് കഴിഞ്ഞാ പുറത്തിറങ്ങാൻ പറ്റ്യേ. ലൈബ്രറിടെ അടുത്ത യൂണിയൻഓഫീസ്. മൂപ്പര് മിക്കതും അവിടെ കാണും. അതോണ്ട് അങ്ങട് ഓടി വേഗം ലൈബ്രറിൽ കേറി. ചുമ്മാ ഒരു ബുക്ക്‌എടുത്തു പുറത്തേക്കു നോക്കി നിന്നു. അങ്ങേരെ അവിടെഎവിടേം കണ്ടില്ല. എടുത്ത ബുക്ക്‌ തിരിച്ചു വച്ചു വേറെ ഒരു ബുക്ക്‌ എടുത്തതും അപ്പുറത്ത് നിന്നാരോ ആ ബുക്ക്‌എടുത്തു. നോക്കിയപ്പോ കാണാൻആഗ്രഹിച്ച മുഖം കൈയ്യകലത്തിൽ... എന്നെ കണ്ടപ്പോ അയാളും ഒന്ന് ഞെട്ടിയോ?? ഇതുവരെയുള്ള ധൈര്യംഒക്കെ ചോർന്നു പോയി. പിന്നെഒന്നും നോക്കാതെ അവിടന്ന് വേഗം ഓടി. ക്ലാസ്സിലെത്തി ക്ലാസ്സ്‌ തുടങ്ങിട്ടും മനസ്സിൽ മുഴുവൻ അവന്റെ മുഖമായിരുന്നു. അന്ന് രാത്രി ഹോസ്റ്റലിൽ ബുക്കും തുറന്നുവച്ചു അവനേം സ്വപ്നം കണ്ടിരിക്കുമ്പോഴാണ് ഷാനി ചോദിച്ചത് എന്താ ബുക്കും തുറന്നുവച്ചൊരു ആലോചന. ആരെ സ്വപ്നം കണ്ടിരിക്കാ അത്കേട്ടിട്ടാ സ്വപ്നത്തിൽ നിന്നുണർന്നേ.. ഞാൻ തിരിച്ചൊന്ന് പുഞ്ചിരിച്ചു.. എന്താണ് ഒരു കള്ളച്ചിരി പെട്ടെന്ന്എന്തോ നുണ പറയാൻ തോന്നില്ല. നടക്കട്ടെ നടന്നത് മുഴുവൻ പറഞ്ഞു പ്രതീക്ഷിച്ച പോലെ പൊട്ടിച്ചിരിആയിരുന്നു അവളിൽ നിന്നുണ്ടായെ മ്മ്മ്മ്. എന്നാ പറയണേ ഒന്ന് പോയെ ഷാനിയെ അങ്ങേർക്കുഎന്നെ കാണുന്നതേ കലിയാ. അപ്പൊപിന്നെ ഇതുംപറഞ്ഞങ്കിട് ചെന്നാ മതി എടി അതൊക്കെ നിനക്ക് തോന്നുണ്താ. പിന്നെ കണ്ടന്ന് മുതൽ തുടങ്ങിയ അടിയാ. തോന്നുണ്ത്.. അപ്പൊ നിനക്ക് തോന്നീതോ അത്. അത് പിന്നെ.. അതാ പറഞ്ഞെ.. എന്നാലും ഒരെന്നാലും ഇല്ല. അടുത്ത മാസം അവന്റെ കോഴ്സ് തീരും, ഈ മാസം കൂടിയേ കാണൂ.. പറയണേ നാളെ പറയണം അതുവേണ്ട നീ പറയുന്നോ അതോ ഞാൻ പറയണോ എടി plz നിക്ക് പേടിയാ നിനക്ക് വേണ്ടേ വേണ്ട.ഇനി ഞാൻ ഒന്നും പറയുന്നില്ല അങ്ങനെ ഓനെ അവിടെ കണ്ടാൽ ഇവിടെ ഓടുന്ന പോലെയായി എന്റെ സ്ഥിതി ഒരു മാസം കഴിഞ്ഞു കോഴ്സ് തീർന്നു അവൻ പോയി. ഷാനി പറഞ്ഞ പോലെ അവന് എന്തേലും തോന്നിയതായി ഒരു നോട്ടം കൊണ്ട് പോലും തോന്നിയില്ല അങ്ങനെ ഞാൻ സെക്കന്റ്‌ഇയർ ആയി. ഏകദേശം രണ്ടു മാസം കഴിഞ്ഞപ്പോ ഒരു ദിവസം ക്ലാസിനു പുറത്തു നിക്കുമ്പോ ഓഫീസിലേക്ക് അവൻ പോകുന്നത് കണ്ടു. അവനാണ് എന്ന് ഉറപ്പിക്കാൻ അവിടെ തന്നെ നിന്നു. കുറച്ചു കഴിഞ്ഞു പുറത്തു വന്നപ്പോ അവൻ തന്നെ. കണ്ടപ്പോ ഒരുപാട് സന്തോഷംആയി. പക്ഷെ ചെന്ന് കണ്ടു വർത്താനം പറയാൻ പറ്റില്ലല്ലോ. അവൻ യൂണിയൻഓഫീസിൻറെ ഭാഗത്ത്‌ക്കാ പോയത്. കുറച്ചു കഴിഞ്ഞു വന്നു ബൈക്ക് എടുത്തു തിരിച്ചു പോയി. പിന്നേം രണ്ടു വട്ടം കൂടി അവൻ വന്നു. പക്ഷെ ചെന്ന് മിണ്ടാനുള്ള ധൈര്യം ഉണ്ടായിരുന്നില്ല. പിന്നീടുള്ള രണ്ടു കൊല്ലത്തിൽ അവന്റെ ഓർമ്മകൾ മാത്രമായിരുന്നു എനിക്ക് കൂട്ട്. മാഗസിനിൽ അവൻ എഴുതിയ ലേഖനങ്ങളും വായിച്ചു കുറെ നേരം ലൈബ്രറിയിൽ ഇരിക്കും. അന്ന് കണ്ടതിനു ശേഷം പിന്നെ അവനെ കണ്ടത് പെണ്ണ് കാണാൻ വന്നവർ ഫോട്ടോ തന്നപ്പോഴാ. അതിനിടയിൽ ഡിഗ്രി കഴിഞ്ഞു, ഒരു ദിവസം ഷാനി വീട്ടിൽ വന്നിട്ടുണ്ടായിരുന്നു. അന്ന് കുറെ വർത്താനം പറഞ്ഞിരിക്കുന്ന സമയത്തു അവള് താടിക്കാരനെ കുറിച്ച് ചോദിച്ചു. ഞാൻ ഒന്നും അറിയില്ലെന്ന് പറഞ്ഞപ്പോ അവള് പറഞ്ഞു നിന്നോട് ഞാൻ അന്നേ പറഞ്ഞതല്ലേ അവനോടു തുറന്നു പറയാൻ.. ഞാൻ ഒന്നും മിണ്ടിയില്ല അല്ല, ഇനി കല്യാണം വല്ലോം കഴിഞ്ഞിട്ടുണ്ടാവോ ദേ ഷാനി, എന്റെന്ന് ഒന്നും കേൾപ്പിക്കണ്ട അതല്ലെടി അവൻ അന്ന് പറഞ്ഞതല്ലേ ആ സജ്‌നനെ കെട്ടിക്കോളാംന്ന്.. ഇനി അവരടെ കല്യാണം കഴിഞ്ഞിട്ടുണ്ടാവോ ഏയ്‌ അത് കഴിഞ്ഞിട്ടില്ല.. അത് എന്താ നിനക്ക് ഇത്ര ഉറപ്പ് അതുറപ്പ എന്താ ഒരു കള്ളച്ചിരി ഒന്നൂല്യ.. അത് പിന്നെ എനിക്കും അക്കാര്യത്തിൽ ഒരു പേടി ഉണ്ടായിരുന്നു. അതുകൊണ്ട് ഞാൻ എന്റെ മാമാടെ മോനോട് അവള്ടെ അവസ്ഥയോക്കെ പറഞ്ഞു. അവൻ അവളെ റൂട്ട്ആക്കി. ഇപ്പൊ രണ്ടും പ്രേമിച്ചു നടക്കാ. അടുത്ത മാസം അവരടെ കല്യാണ എടി കള്ളി, നീ എന്തിനാ അങ്ങനെ ചെയ്തേന്ന് അവൻ അറിയോ ഇല്ല നന്നായി ഇല്ലേൽ നിന്നെ കൊന്നേനെ നമ്മള് നൈസ് ആയിട്ട് ഒന്ന് ചിരിച്ചു കൊടുത്തു ഈ ധൈര്യം നീ അവനോട് ഇഷ്ടം തുറന്നു പറയാൻ കാണിച്ചിരുന്നേ ഇന്ന് നീ അവന്റെ വീട്ടിൽ ഇരുന്നേനെ.. ആ ചെല്ലാൻ പറഞ്ഞിട്ടുണ്ട്.. വാതിൽ ശക്തമായി മുട്ടുന്നത് കേട്ട കണ്ണ് തുറന്നെ ഐഷു നീയിതു വരെ എഴുന്നേറ്റില്ലേ ആ ദേ വരുന്നു ഓരോന്ന് ആലോചിച്ചു ഇന്നലെ എപ്പഴാ ഒറങ്ങിയത് എന്നോർമയില്ല. ഫോൺ എടുത്തു നോക്കിയപ്പോ ഇക്കാടെ രണ്ടു msg. അതിനു റിപ്ലൈ കൊടുത്തു ഫ്രഷ് ആയി താഴേക്കു വന്നപ്പോ ഉമ്മാടെ വക ഉപദേശം നിന്റെ നിക്കാഹ് കഴിഞ്ഞത് ഇയ്യ് മറന്നോ. ഇപ്പഴും ഞാൻ വിളിച്ചില്ലേ കിടന്നു ഉറങ്ങും ഉച്ച വരെ. നാസ്ത കഴിച്ചു റൂമിൽ പോയി. ഫോൺ എടുത്തു ആസിയാക്ക് വിളിച്ചു. കുറച്ചു നേരം സംസാരിച്ചു. വാപ്പടും സംസാരിച്ചു ഫോൺ വച്ചു. രാത്രി ആയപ്പോ ഇക്ക വിളിച്ചു.കുറെ വർത്താനം പറഞ്ഞു. ഇക്ക എന്തുകൊണ്ട കല്യാണത്തിന് സമ്മതിച്ചേന്ന് ഇന്ന് ചോദിക്കണം എന്ന് തീരുമാനിച്ചിരുന്നു. പക്ഷെ എന്തുകൊണ്ടോ വാക്കുകൾ പുറത്തേക്കു വന്നില്ല. പഴയതൊന്നും ഓര്മിപ്പിക്കണ്ട എന്ന് കരുതി. അപ്പോഴും എന്റെ മനസ്സിലെ സംശയം വിട്ട് മാറിയിട്ട്ഉണ്ടായില്ല. എന്നെ മറക്കാൻ വഴിയില്ല. പിന്നെ എങ്ങനെ കല്യാണത്തിന് സമ്മതിച്ചു? ഇനി വീട്ടുകാരുടെ നിർബന്ധംഅങ്ങാനും??? എന്നാലും ഇക്കാടെ സംസാരം കേട്ടിട്ട് ഒരിക്കലും താല്പര്യക്കേട് തോന്നിയിട്ടില്ല. അപ്പൊ പിന്നെ ചിന്തകൾ കാട് കയറിക്കൊണ്ടിരുന്നു. ഉത്തരം മാത്രം കിട്ടിയില്ല. ദിവസങ്ങൾ പിന്നെയും കൊഴിഞ്ഞു കൊണ്ടിരുന്നു. ഇക്ക എന്നും വിളിക്കും. കുറെ നേരം സംസാരിക്കും. വിശേഷങ്ങൾ അന്വേഷിക്കും. സത്യം പറഞ്ഞ ഇക്കാട് ഉള്ള പ്രണയം കൂടിയത് ഇപ്പോഴാ. ആ സംസാരവും സംസാരരീതിയും വല്ലാണ്ട് ആകർഷിക്കുന്ന പോലെ. എപ്പോഴോ കുഴിച്ചു മൂടിയ പ്രണയം പതിൻമടങ്ങു ശക്തിയോടെ പുറത്തേക്കു വന്നു. ഈ പടച്ചോൻ ആളൊരു സംഭവലെ, ചില ഇഷ്ടങ്ങൾ നമ്മള് മറന്നാലും മൂപര് മറക്കൂല ഇക്കാക്ക് എന്നെ മനസ്സിലായിട്ടില്ല എന്നെനിക്കു തോന്നി . ഉണ്ടായിരുന്നെ ഇതിനകം എന്തെങ്കിലും സൂചന ലഭിച്ചേനെ. പക്ഷെ ഉറപ്പിക്കാൻ ആയിട്ടില്ല ഒരു ദിവസം രണ്ടു കല്പിച്ചു ചോദിച്ചു ഇങ്ങക്ക് ന്നെ ശരിക്കും ഇഷ്ടാണോ അതെന്താ ഇയ്യ് അങ്ങനെ ചോദിച്ചേ അല്ല എന്റെ ഫോട്ടോ കണ്ടിട്ട് ഇങ്ങക്ക് ഒന്നും തോന്നീല്ലേ അതെന്താ നിനക്ക് വല്ല കൊഴപ്പം ഉണ്ടോ അതല്ല, ഞാൻ ചോദിച്ചേന് മറുപടി പറ.. അതിനു ഞാൻ നിന്റെ ഫോട്ടോ കണ്ടിട്ടില്ലല്ലോ എന്താ പറഞ്ഞെ എന്തെ ഞെട്ടിയോ അല്ല ഫോട്ടോ കാണാതെ എങ്ങനാ വീട്ടുകാര് എന്തായാലും നമുക്ക് നല്ലതല്ലേ കണ്ടെത്തു. അതുകൊണ്ട് ഞാൻ തന്നെയാ പറഞ്ഞെ ഫോട്ടോ വേണ്ട നേരിട്ട് കാണാംന്ന് ഇപ്പഴാ കാര്യം മനസ്സിലായെ വെറുതെയല്ല, ഞാൻ ഊഹിച്ചപോലെതന്നെ ഇയാൾക്ക് എന്നെ മനസ്സിലായിട്ടില്ല. ഭാഗ്യം പക്ഷെ അറിഞ്ഞാൽ... എന്തെടോ ഒന്നും മിണ്ടാത്തെ ഏയ്യ് ഒന്നൂല്ല. പിന്നെ ഇക്കാക്ക് എന്താ എന്നെ കുറിച്ച് കേട്ടതിൽ ഏറ്റവും ഇഷ്ടപ്പെട്ടത് നിന്റെ പേര് പേരോ. അതെന്താ ജുമാന അതെന്റെ ഉമ്മാടെ പേരാ. തന്റെ പേര് കേട്ടപ്പോ തന്നെ എന്തോ വല്ലാണ്ട് ഇഷ്ടായി. ഉമ്മാക്ക് ഏറ്റവും ഇഷ്ടം എന്നെയായിരുന്നു. എനിക്കും അങ്ങിനെ തന്നെയായിരുന്നു. ഞാൻ എല്ലാ കാര്യങ്ങളും പറയാറ് ഉമ്മയോടായിരുന്നു.നല്ല ഭംഗിയായിരുന്നു ഉമ്മയെ കാണാൻ ഞാൻ ഉമ്മാടെ പോലാന്നാ എല്ലാരും പറയാറ്. ഉണ്ണിമോനും ഉണ്ണിമോളും വാപ്പാടെ പോലെ. അതുപോലെതന്നെ അവർക്ക് ഏറ്റവും ഇഷ്ടം വാപ്പയെ ആയിരുന്നു. ഞങ്ങക്ക് ഒരു ചെറിയ പനി വരുന്നത് പോലും ഉമ്മാക്ക് വല്യ ബേജാർ ആയിരുന്നു. അതുപോലെ വാപ്പാടെ മുഖത്തു ചെറിയ മാറ്റം കണ്ട പോലും ഉമ്മ പെട്ടന്ന് കണ്ടുപിടിക്കും. തന്റേടത്തോടെ എല്ലാ കാര്യങ്ങളും നോക്കി നടത്തുമെങ്കിലും വാപ്പാടെ മുന്നിൽ ഉമ്മ ഒരു നാണക്കാരി പുതുപെണ്ണ് തന്നെയായിരുന്നു. ഞാൻ പ്ലസ് വണ് എക്സാം കഴിഞ്ഞിരിക്കുന്ന സമയത്താണ് ഉമ്മാക്ക് മൂക്കിൽ നിന്ന് ചോര വന്നു ഹോസ്പിറ്റലിൽ കൊണ്ട്പോകുന്നത്. കാൻസർ ആണെന്നറിഞതും ഏറ്റവും തളർന്നത് വാപ്പയായിരുന്നു. അധികം ആയുസ്സ്ഇല്ല ലാസ്റ്റ് സ്റ്റേജ് ആണ് എന്നൊക്കെ ഡോക്ടർ പറയുമ്പോ നിറകണ്ണുകളോടെ കേട്ടു നിൽക്കാനേ ഞങ്ങൾക്ക് കഴിഞ്ഞുള്ളു. കഷ്ടിച്ച് ഒരു കൊല്ലം, പ്ലസ്ടു എക്സാം കഴിഞ്ഞ്വന്ന എന്നെ സ്വീകരിച്ചത് ഉമ്മയുടെ മരണവാർത്തയായിരുന്നു. ശരിക്കും തളർന്നു പോയിരുന്നു. സമനില നേരെയാവാൻ തന്നെ ഒരുപാട് സമയമെടുത്തു. വീട് മാറി നിന്ന്. ഉണ്ണിമോൾക്ക് എട്ടു വയസ്സുള്ളപ്പോഴാ ഉമ്മ മരിക്കുന്നെ ഇനിയും ഞാൻ തളർന്നൽ എല്ലാവരും ആകെ തളരുമെന്ന് ബോദ്യം വന്നപ്പോ പിന്നീടങ്ങോട്ട് എല്ലാ കാര്യങ്ങളും നോക്കി നടത്താൻ ശ്രദ്ധിച്ചു. എപ്പോഴും ഉണ്ണിമോളുടെ അടുത്ത്ഇരുന്നു ഉമ്മയുടെ വിടവ് നികത്താൻ ശ്രമിച്ചു. അവൾ എഴുന്നേറ്റൽ സ്കൂളിൽ പോകുന്നത് വരെയുള്ള എല്ലാ കാര്യങ്ങളും ഞാൻ തന്നെ നോക്കും. വാപ്പ അടുക്കള പണി നോക്കി. ഉണ്ണിമോൻ കണ്ടറിഞ്ഞു സ്വയം കാര്യങ്ങൾ ചെയ്ത് തുടങ്ങി. അങ്ങനെ ഏഴ് കൊല്ലം. പറഞ്ഞു തീരുമ്പോഴേക്ക് കണ്ടില്ലെങ്കിലും ആ കണ്ണിലെ നനവ് വാക്കുകളിലൂടെ ഞാൻ അറിഞ്ഞിരുന്നു. എന്തുപറഞ്ഞു ആശ്വാസിപ്പിക്കണം എന്നെനിക്ക് അറിയില്ലായിരുന്നു. ദിവസങ്ങൾ പിന്നെയും കൊഴിഞ്ഞു പോയി. നിക്കാഹ് കഴിഞ്ഞിട്ട് ഇപ്പൊ ഒരു മാസായി. സന്തോഷത്തിന്റെ നിമിഷങ്ങളാണ് കടന്നുപോയത്. പക്ഷെ ഒരു വിഷമം മാത്രം. എന്നെ തിരിച്ചറിഞ്ഞൽ ഇക്ക ഇതുപോലെ എന്നെ സ്നേഹിക്കുമോ ജീവിതകാലം മുഴുവൻ ഇങ്ങനെ ഫോൺ വിളിച്ചു കഴിയാനോക്കില്ലല്ലോ. എന്നായാലും അറിയും പടച്ചോനെ നീ തന്നെ തുണ ഒരു ദിവസം പതിവ് ഫോൺ സംസാരത്തിനിടയിൽ ഞാൻ തമാശ രൂപേണ ചോദിച്ചു ഇക്ക ഇതിന് മുമ്പ് പ്രണയിച്ചിട്ടുണ്ടോ ചെറിയൊരു ചിരിയായിരുന്നു മറുപടി. എന്താ ചിരിക്കനെ പ്രണയിക്കാത്ത മനുഷ്യരുണ്ടോ.. നീ പ്രണയിച്ചിട്ടില്ലേ ഉള്ളിലൂടെ ഒരു കൊള്ളിയാൻ മിന്നി ചോദിക്കണ്ടയിരുന്നു. ഞാൻ ചോദിച്ചെന് ഉത്തരം പറ പ്രണയിച്ചിട്ടുണ്ടോ ആ ഉണ്ട് എന്റെ കോളേജ് ലൈഫിൽ One സൈഡ് ലവ് ആയിരുന്നോ അല്ല ടു സൈഡ് ലവ് ആയിരുന്നു. ഞാൻ ശരിക്കു തളർന്നുപോയി. മിണ്ടാതിരുന്നാൽ എന്തേലും ചോദിച്ചാലോന്നാ വിചാരിച്ചു ഞാൻ ചോദിച്ചു എനിക്ക് പറഞ്ഞുതരോ നിങ്ങടെ ലവ്സ്റ്റോറി ഏയ്യ് അങ്ങനെ പറയാൻ മാത്രം ഒന്നുല്ല എന്നാലും നീ ചോദിച്ചതല്ലേ ഞാൻ പറയാം ഞാൻ പിജി ലാസ്റ്റ് ഇയർ പഠിക്കുമ്പോഴാ അവള് ഡിഗ്രി ഫസ്റ്റ് ഇയർ ചേരുന്നെ. വന്ന അന്ന് തൊട്ട് തുടങ്ങിയ അടി ഞാൻ കോളേജ് കഴിഞ്ഞു പോകുന്ന വരെ അടിയായിരുന്നു. എങ്ങനെയാലും അടികൂടാണ്ട് ഞങ്ങടെ ഒരു കണ്ടുമുട്ടലും അവസാനിച്ചിട്ടില്ല. പക്ഷെ അന്നൊരു ദിവസം ഞാൻ അവളുടെ ക്ലാസ്സിന് മുന്നിലൂടെ പോയപ്പോ അവളുടെ ക്ലാസ്സിൽ വല്യ ബഹളം. നോക്കിയപ്പോ ഓൾ കേക്ക് മുറിക്കുന്നു. കുട്ടികൾ വിഷസ് പാടുന്നു. അവൾ കേക്ക് കട്ട്‌ ചെയ്തു എല്ലാർക്കും വായിൽ വച്ചു കൊടുത്ത് വേഗം ബാഗും എടുത്തു പുറത്തു പോകുന്നതിനിടയിൽ അവളുടെ ഫ്രണ്ടിന്റെ കയ്യിൽ എന്തോ കൊടുത്ത് പറഞ്ഞു ഇതാ താടിക്കാരന് കൊടുക്കണം ഇല്ലേ എന്നെ കൊന്നുകൊലവിളിക്കും. (ഈ താടിക്കാരൻ എന്ന് വിളിച്ചത് എന്നെയാട്ടൊ, യൂത്ത് ഫെസ്റ്റിവൽ ന്റെ ലിസ്റ്റ് ഇടാൻ മാഷ് അവളെ ഏല്പിച്ച അതാ ആ കയ്യിൽ കൊടുത്തത് ) ഐഷു നീ എങ്കിടാ പോണേ അത് ഞാൻ പിന്നെ പറയാം നീ ഇത് മറക്കണ്ട റബ്ബേ ഇത് ഞാനല്ലേ..... അപ്പൊ ഇയാൾക്ക് എന്നെ..... തുടരും....
75.9k കണ്ടവര്‍
8 ദിവസം
മറ്റു ആപ്പുകളില്‍ ഷെയറാം
Facebook
WhatsApp
ലിങ്ക് കോപ്പി ചെയ്യാം
ഡിലീറ്റ് ചെയ്യാം
Embed
ഞാന്‍ ഈ പോസ്റ്റ്‌ റിപ്പോര്‍ട്ട് ചെയ്യാന്‍ കാരണം.....
Embed Post