My boss.. 30 നിഹയും ആദവും കാഞ്ഞിരപ്പള്ളിയിൽ എത്തിയിട്ട് രണ്ടാഴ്ച കഴിഞ്ഞു..... നിഹ ആദത്തിന്റെ മമ്മയുമായും പപ്പയുമായി പെട്ടെന്ന് സെറ്റ് ആയി..ഇരുവരും അവൾക്കിപ്പോ പപ്പയും ആനിയമ്മയുമാണ്.... മിക്ക സമയത്തും നിഹ ആനിയമ്മയുടെ കൂടെയാണ്.. ഇടയ്ക്ക് ആനിയമ്മയും അവളും പപ്പയുടെ കൂടെ മില്ലിലും textile ഷോപ്പിളും മാർബിൾ ഷോറൂമിലും ഒക്കെ പോവും.. ആദത്തിന് അവളെയിപ്പോ ശരിക്കും ഒന്ന് കാണാൻ പോലും കിട്ടുന്നില്ല എന്ന പരാതിയും ഉണ്ട്....അന്നത്തെ ആ രാത്രിക്ക് ശേഷം ഇസയെ കുറിച്ചു ആദം നിഹയോട് ചോദിച്ചെങ്കിലും അവളതിനെ കുറിച്ചു പറയാൻ കൂട്ടാക്കിയില്ല.... . കൊച്ചു ത്രേസ്യയ്ക്കും ഫിലിപ്പോസിനും  ആ വീട്ടിലെ പുരുഷന്മാർക്ക് ഒക്കെയും ഇപ്പഴും ആയുഷിന്റെ അമ്മയോട് ദേഷ്യം ആണെങ്കിലും ആനിയും നിഹയും ആ വീട്ടിലെ ബാക്കി സ്ത്രീകളും ഒക്കെയും പള്ളിയിൽ വെച്ച് അവരെ  കണ്ടാൽ സംസാരിക്കുമായിരുന്നു.... നിഹയോടും വളരെ സ്നേഹത്തോടെ തന്നെയാണ് അവര് പെരുമാറുന്നതും... തന്റെ മരുമകളായി അവളെ കിട്ടിയില്ലല്ലോ എന്നോർത്തു അവർക്ക് നഷ്ടബോധം തോന്നി. ഒപ്പം ആദത്തിന് അതുപോലൊരു പെണ്ണിനെ കിട്ടിയതിൽ അവര് സന്തോഷിച്ചിരുന്നു.. ഇതിനിടയിൽ ഇരുവരുടെയും മിന്നുകെട്ടിനുള്ള തീയതിയും നിശ്ചയിച്ചു... വിവാഹത്തിരക്കൊക്കെ വരുന്നതല്ലേ നിഹയ്ക്ക് ഒരു കൂട്ട് ആയിക്കോട്ടെ എന്ന് കരുതിയാണ് ക്ലാരയുടെ മകൾ ട്രീസയെ വീട്ടിൽ നിർത്തിക്കോളാൻ ത്രേസ്യാ അനുവാദം ചോദിച്ചപ്പോൾ ഫിലിപ്പോസ് സമ്മതം അറിയിക്കുന്നത് ....നിഹയ്ക്ക് ഒരു കൂട്ടായിട്ടാണ് ട്രീസയെ അവിടെ നിർത്തിയതെങ്കിലും വന്ന ഉടനെ ട്രീസയുടെ കണ്ണ് ആദമിലായിരുന്നു..ആദത്തിനെ മയക്കിയാൽ അവന്റെ ഓഫീസിൽ വല്ല ജോലിയും കിട്ടുമല്ലോ എന്നായിരുന്നു ട്രീസയുടെ മനസ്സിൽ... എങ്ങനെ ആയാലും വേണ്ടില്ല കുറച്ചു പണം ഉണ്ടാക്കി അടിച്ചു പൊളിച്ചു ജീവിക്കണം അതായിരുന്നു ട്രീസയുടെ മനസിൽ... അതിന് തടസം നിഹാ ആണെന്ന് മനസ്സിലായതും ത്രേസ്യ് നിഹയെ ഒതുക്കാനുള്ള് വഴി ആലോചിക്കാൻ പറഞ്ഞപ്പോൾ അവൾ മറുത്തൊന്നും ചിന്തിക്കാതെ സമ്മതം മൂളി..നിഹയെ വീഴ്ത്താൻ ക്ലാരയും ത്രേസ്യയും പഠിച്ച പണി പതിനെട്ടും നോക്കി എന്നിട്ടും ഒരെണ്ണം പോലും ഏറ്റില്ല എന്ന് മാത്രമല്ല പതിനെട്ടിന്റെ പണിയും കൊണ്ട് പോയി മുപ്പത്താറിന്റെ പണിയും വാങ്ങിച്ചുകൊണ്ട് ഇരുവരും തിരികെ വരും അതാണ് പതിവ്....ഇതിനിടയിൽ ത്രേസ്യയുടെ നിർദ്ദേശപ്രകാരം സ്റ്റയർകേസിൽ എണ്ണ തൂവി നിഹയെ വീഴ്ത്താൻ നോക്കിയതാണ്   ട്രീസ... അന്നേരം നമ്മുടെ കുട്ടിപട്ടാളങ്ങൾ ഇത് കാണുകയും നേരെ ചെന്ന് നിഹയോട് പറഞ്ഞു കൊടുക്കുകയും ചെയ്തു....അങ്ങനെ നിഹയുടെ ഐഡിയ പ്രകാരം അവരുടെ പ്ലാൻ അവർക്ക് നേരെ പ്രയോഗിച്ചു..... ക്ലാര ചേച്ചി ഒന്നിങ്ങു വായൊ.. ദേ ഇവിടെ നോക്കിക്കേ... പെട്ടെന്ന് വാ ചേച്ചി.. പിള്ളേരൊക്കെ കൂടി സ്റ്റായറിനു മേലെ നിന്നു ക്ലാരയെ വിളിച്ചു കൂവിയതും ക്ലാര പിള്ളേരെ പ്രാകികൊണ്ട് ട്രീസയുടെ പ്ലാൻ അറിയാതെ പടി കയറിതുടങ്ങി ... കയറിയതെ ഓർമ്മയുള്ളൂ പിന്നെ ദേ കിടക്കുന്നു വെട്ടിയിട്ട വരിക്കചക്ക പോലെ താഴെ.... വലതു കൈ ഒടിഞ്ഞു പ്ലാസ്റ്ററിട്ടു.... ഒറ്റകൈ കൊണ്ട് എന്നാ പണി ചെയ്യാനാ... അതുകൊണ്ട് പണിയൊക്കെ ഇപ്പൊ ട്രീസ ചെയ്യും....എന്താല്ലേ.. പണിയൊക്കെ ചെയ്തു അവളുടെ നടുവൊടിഞ്ഞു..... അതിന്റെ കൂടെ രാത്രിൽ ത്രേസ്യയുടെ കാലിൽ കുഴമ്പിട്ട് കൊടുക്കണം... ആ നേരത്ത് ട്രീസ ക്ലാരയെ ദഹിപ്പിച്ചു നോക്കും...അന്നേരം ക്ലാര കയ്യും താങ്ങി അട്ടം നോക്കി നില്ക്കും....നമ്മുടെ പിള്ളേരൊക്കെ ഇപ്പൊ നിഹയുടെ പക്ഷത്താണ്.. കാരണം അവരൊക്കെ ഏകദേശം ഒരേ വൈബ് ആണല്ലോ..ഇതിനിടയിലാണ് ആദത്തിന് അത്യാവശ്യമായി കൊച്ചിയിലേക്ക് പോവേണ്ടി വന്നത്.....രണ്ട് ദിവസത്തേക്കാണ് യാത്ര..വിവാഹം കഴിഞ്ഞു ഇരുവരും പിരിഞ്ഞിരുന്നിട്ടില്ല... രണ്ടുപേർക്കും പിരിഞ്ഞിരിക്കുന്നതോർത്തു നല്ല വിഷമം ഉണ്ടെങ്കിലും രണ്ട്പേരും അത് പുറമെ കാണിക്കുന്നില്ല...ആദം പോവാൻ വേണ്ടി റെഡി ആവുകയാണ്.. അതിനിടയിൽ അവനവളെ തന്നിലേക്ക് അടുപ്പിച്ചു കൊണ്ട് അവളുടെ മുഖത്തേക്ക് നോക്കി...അവളുടെ മുഖം വാടിയത് കണ്ടതും അവന് ഒരേ സമയം സന്തോഷവും സങ്കടവും തോന്നി.. ഹ്മ്മ്... എന്തേ മുഖത്തൊരു വാട്ടം... എന്റെ കൂടെ പോരുന്നോ...നിഹയുടെ കണ്ണിലേക്കു നോട്ടമെറിഞ്ഞു കൊണ്ടാണ് അവനത് ചോദിച്ചത് ഹേയ്.. വാട്ടമോ ..??? എനിക്കോ എന്തിന്.. ഞാനെങ്ങും ഇല്ല. സാർ പൊയ്ക്കോ.... നിഹ സങ്കടം പുറത്തു കാട്ടാതെ പറഞ്ഞു.. അപ്പോ നിനക്ക് എന്നെ മിസ്സ്‌ ചെയ്യില്ല..?? മ്മ്ച്ചും... ഒട്ടും മിസ്സ്‌ ചെയ്യില്ല..?? ഇല്ലെന്ന്.... ഇവിടെ ആനിയമ്മയുണ്ട് പപ്പയുണ്ട് അച്ചാച്ചാൻ ഉണ്ട് എന്റെ ശത്രു വല്യമ്മച്ചിയുണ്ട് പിന്നെ ആന്റിമാരും അങ്കിൾസും പിന്നെ എന്റെ ക്രൈം പാർട്ണർസ് അവരൊക്കെ ഇല്ലേ... അതിനിടയിൽ എനിക്ക് സാറിനെ ഓർക്കാനെ സമയം കിട്ടില്ല....നിഹ വിട്ടുകൊടുത്തില്ല.. ആണല്ലേ ശരി.... എന്നാൽ എനിക്ക് അങ്ങനെയല്ല.. എനിക്ക് നിന്നെ ഒരുപാട് മിസ്സ്‌ ചെയ്യും....അതും പറഞ്ഞു അവളുടെ കാതോരം ചുംബിച്ചതും അവളുടെ കൈ അവന്റെ മുടിക്കുള്ളിലേക്ക് നൂണ്ട് കയറി... അന്നേരമാണ് ഡോറിനരികിൽ ആളനക്കം കേൾക്കുന്നത്... ഇരുവരും തിരിഞ്ഞു നോക്കിയതും കയ്യിൽ ജ്യൂസുമായി ട്രീസ നിൽക്കുന്നു.. ട്രീസയെ കണ്ടതും നിഹയുടെ മുഖം ചുളുങ്ങി.. ഹ്മ്മ്.. എന്താ...?? ആദം ചോദിച്ചു..... അത് പിന്നെ സാറിന് ജ്യൂസ് തരാൻ വേണ്ടി..ട്രീസ തപ്പിതടഞ്ഞു അതിന് ഞാൻ ജ്യൂസ് ചോദിച്ചില്ലല്ലോ...?? ആദം ഗൗരവത്തിൽ പറഞ്ഞു അത് പിന്നേ ത്രേസ്യാമ്മച്ചി പറഞ്ഞു സാറിന് ജ്യൂസ് തരാൻ.. എന്നാൽ ഇങ്ങട് തന്നേക്ക്... ആദം ആ പറഞ്ഞതും നിഹയുടെ മുഖം വാടി ഒപ്പം ട്രീസയുടെ മുഖം വിടർന്നു ...വന്നപ്പോൾ തൊട്ട് ട്രീസയുടെ ചുറ്റിക്കളിയൊക്കെ ഏകദേശം അവൾ കാണുന്നതാ... ഇതിപ്പോ ജ്യൂസുമായി വന്നതും അവളുടെ കണ്ണുകൾ മൊത്തം ഷർട്ട് ഇടാതെ നിൽക്കുന്ന ആദത്തിന്റെ ബോഡിയിലാണെന്ന് തിരിച്ചറിഞതും ഒരു നിമിഷം നിഹയുടെ ഉള്ളിലെ ഭാര്യ ഉണർന്നു... ട്രീസ മുറിയിലേക്ക് കയറും മുൻപേ നിഹ അവളെ തടഞ്ഞു നിർത്തി അവളുടെ കയ്യിൽ നിന്നും ജ്യൂസ് വാങ്ങിച്ചു എടുത്തു കുടിച്ചു...ശേഷം ഗ്ലാസ്‌ അവളുടെ കയ്യിൽ വെച്ചു കൊടുത്തു.. ഹ്മ്മ്... ഇനി നീ പൊയ്ക്കോ... എന്റെ കെട്ടിയോന് ജ്യൂസ് വേണമെങ്കിൽ ഞാൻ കൊടുത്തോളാം അതിന് ഒരാളുടെയും സഹായം എനിക്ക് വേണ്ടാ.. പിന്നെ ഈ സാറിന് ജ്യൂസ് ചായ ചോറ് എന്നൊന്നും പറഞ്ഞു നീ കൂടുതൽ ബുദ്ധിമുട്ടണമെന്നില്ല....നിഹാ കടുപ്പിച്ചു പറഞ്ഞു.. അയ്യോ എനിക്ക് ഒരു ബുദ്ധിമുട്ടും ഇല്ല..ട്രീസ പറഞ്ഞു എന്നാൽ എനിക്ക് ബുദ്ധിമുട്ട് ഉണ്ട്... ഹ്മ്മ് ചെല്ല് ....നിഹ പല്ല് ഞെരിച്ചു നിഹ അവന്റെ മുന്നിൽ വെച്ച് അങ്ങനെ പറഞ്ഞത് ട്രീസയ്ക്ക് ഇഷ്ടം ആയില്ല... ആദം ഇവിടുന്ന് പോയാൽ നിനക്ക് ഞാനൊരു മുട്ടൻ തരുന്നുണ്ട് എന്നും മനസ്സിൽ പറഞ്ഞു ട്രീസ അവിടുന്നു പോയി.. അല്ല പിന്നെ അവളുടെ ആ നോട്ടവും കൊഞ്ചികുഴയലും കുറേ ദിവസം ആയി ഞാൻ ശ്രദ്ധിക്കുന്നു.. ഓ. പിന്നേ ഇവിടെ ഒരാളുണ്ട് പെണ്ണുങ്ങൾ വന്നാൽ ആ ബോഡിയും കാണിച്ചു അങ്ങട് നിന്നോളും.. നിഹ ആരോടെന്നില്ലാതെ പറഞ്ഞു..അവളുടെ കുശുമ്പ് കലർന്ന സംസാരം കണവെ ആദത്തിന് ചിരിയാണ് വന്നത്.. ഞാൻ സാറിന് ജ്യൂസ് എടുത്തിട്ട് വരാമെന്നും പറഞ്ഞു അവിടുന്ന് നടക്കാനൊരുങ്ങിയ പെണ്ണിന്റെ കയ്യിലവന്റെ പിടി വീണു.. അവളുടെ ഇടുപ്പിലൂടെ കയ്യിട്ട് അവളെ അവനോട് അടുപ്പിച്ചു...അവന്റെ നോട്ടം തന്റെ അധരങ്ങളിലേക്കാണെന്ന് അറിഞ്ഞതും നിഹ കുതറാൻ നോക്കി.... സാർ വിട്..ഞാൻ കുടിക്കാൻ എടുത്തിട്ട് വരട്ടെ.. സാറിന് എന്ത് ജ്യൂസാണ് വേണ്ടത്.. നിഹ ചോദിച്ചു.. അന്നേരം എനിക്ക് ഇത് മതി എന്നും പറഞ്ഞു ആദം അവളുടെ മേൽചുണ്ടിന്  മീതെ പറ്റിയ ജ്യൂസ് തന്റെ നാവു കൊണ്ട് നുണഞ്ഞെടുത്തതും അവളുടെ ഉള്ളമൊന്ന് വിറച്ചു..... അതിനിടയിൽ അവനവളുടെ ചുണ്ടിൽ നേർമയായി ചുംബിച്ചു.... അതിനിടയിൽ ഒരു കൈ കൊണ്ട് ബെഡിൽ വെച്ചിരുന്ന മെഷെറിങ് ടേപ്പ് എടുത്തു കയ്യിൽ പിടിച്ചു അവൾക്ക് നേരെ തിരിഞ്ഞു.. ഇതൊന്ന് മാറ്റിക്കെ.... അവനത് പറഞ്ഞതും നിഹാ കാര്യം മനസിലാവാതെ അവന്റെ മുഖത്തേക്ക് തന്നെ നോക്കി.. എടൊ ഭാര്യേ ആ ദാവണിയുടെ ഷാൾ  എടുത്ത് മാറ്റാൻ... എന്തിനാ...?? കെട്ടിപിടിച്ചു അവിടെ ഒരുമ്മ തരാനാ... എടീ എനിക്ക് നിന്റെ മെഷർമെന്റസ് വേണം... എന്തിനാ..നിഹാ ഞെട്ടലോടെ ചോദിച്ചു എന്റെ പൊന്ന് നിഹാ നീ ഉദ്ദേശിക്കുന്ന കാര്യത്തിനല്ല... നിനക്കുള്ള വെഡിങ് ഡ്രസ്സ്‌ ഡിസൈൻ ചെയുന്നത് ഞാനാണ്...അതിനുള്ള? മെഷർമെന്റ്സാണിത്.. ആദം പറഞ്ഞത് കേട്ടതും നിഹാ ചമ്മലോടെ തന്റെ ഷാൾ എടുത്ത് മാറ്റി... ആദം തന്റെ കയ്യിലെ ടേപ്പ് വെച്ച് കോസ്റ്റുമിനുള്ള മെഷർമെൻറ്സ് എടുക്കാൻ തുടങ്ങി.... സ്ലീവും നെക്കും ഒക്കേ മെഷർ ചെയ്ത് ചെസ്റ്റിന്റെ അവളവെടുക്കാൻ നേരം അവൾ ശ്വാസം അടക്കി പിടിച്ചു നിന്നു.. അന്നേരം അവനവളെയൊന്നു നോക്കി.. ഒന്നുകൂടെ മെഷർ ചെയ്തു.. എന്നിട്ടും അതെ അവസ്ഥയാണെന്ന് വന്നതും അവനവളെ ഇക്കിളികൂട്ടി ശരീരം അയപ്പിച്ചു...അവൻ ഒന്നുകൂടെചെസ്റ്റിന്റെ അളവ് എടുത്ത് നോട്ട് ചെയ്തു ...തറയിൽ കുനിഞ്ഞിരുന്നു അവളുടെ അരയുടെ അളവ് എടുക്കുകയാണ് അവൻ... അതിനിടയിൽ അവൻ ഒന്നും അറിയാത്ത പോലെ തന്റെ അധരങ്ങൾ അവളുടെ വയറിൽ പതിപ്പിക്കുന്നുണ്ട്.. അവന്റെ കുറുമ്പുകൾ അവൾ ആസ്വദിക്കുന്നുണ്ട്.. മെശർമെൻറ്സ് എടുക്കുമ്പോൾ സാറിന് എന്തൊരു ഡെഡിക്കേഷനാണ് ...ഇതിനു മുൻപ് എത്ര പെണ്ണുങ്ങളുടെ മെഷർമെന്റസ് എടുത്തിട്ടുണ്ട്..നിഹ തമാശരൂപേണ ചോദിച്ചതാണേലും  അറിയാനൊരു ത്വര.. എണ്ണിയിട്ടില്ല...ആദം കടുപ്പിച്ചു പറഞ്ഞു അതെന്താ എണ്ണാത്തെ.. ഇനി മുതൽ എണ്ണിക്കോളാം.... ഓ... എടീ മെഷർമെന്റസ് എടുക്കുക എന്റെ ഡ്യൂട്ടി അല്ല.. ഞാൻ ഇതുവരെ ഒരാളുടെ മെഷർമെന്റസ് എടുത്തിട്ടും ഇല്ല.. മോഡൽ സ്കെച്ച് ചെയ്യുക.. അത്ര മാത്രമേ ഞാൻ ചെയ്യാറുള്ളു.. ബാക്കി ഒക്കെയും എൻറെ അസിസ്റ്റന്റ്മാര് ചെയ്യും..ഒരു ഡിസൈനർ ആയിട്ടും നിനക്കത് അറിയില്ലെ.. ആദം ചോദിച്ചു എന്തായാലും അമേയ ശർമ്മയുടെ മെഷർമെന്റസ് എടുത്ത് കാണും..അതെനിക്ക് ഉറപ്പാണ്.. അത് സാറിന്റെ ജോലിയുടെ ഭാഗമാണല്ലോ.... അല്ലെ സാർ നിഹ എറിഞ്ഞു നോക്കി അന്നേരം അവനവളുടെ നഗ്നമായ വയറിൽ അമർത്തി കടിച്ചു.. ആഹ്... അവൾ വേദന കൊണ്ട് നിലവിളിച്ചു പോയിരുന്നു....അവനെ ദഹിപ്പിച്ചു നോക്കികൊണ്ട് അവൾ കടിച്ചിടം അമർത്തി ഉഴിഞ്ഞു... ഇനി ഓരോന്ന് പറയുമ്പോൾ സൂക്ഷിച്ചും കണ്ടും പറയണം ഇല്ലേൽ ഇതുപോലെ ഇനിയും കിട്ടിയെന്ന് വരാം....കുനിഞ്ഞിടത്തു നിന്നു തന്നെ അവളുടെ മുഖത്തെക്ക് നോട്ടമെറിഞ്ഞു കൊണ്ട് ആദം പറഞ്ഞു.. നിങ്ങൾ തമ്മിൽ പ്രണയത്തിൽ ആണെന്ന് ആരൊക്കെയോ പറയുന്നത് കേട്ടിരുന്നു അതുകൊണ്ട് ഞാൻ പറഞ്ഞതല്ലേ...അതിന് ഇങ്ങനെ കടിക്കണോ..പോ അവിടുന്ന് എന്നും പറഞ്ഞു അവനെ പിടിച്ചു തള്ളിയതും അവൻ നിലത്തേക്ക് വീണുപോയിരുന്നു..അവൻ വീണത് കണ്ടിട്ടും നിഹാ അതൊന്നും ശ്രദ്ധിക്കാതെ ദേഷ്യത്തോടെ ബെഡിൽ വന്നിരുന്നു...മുഖം വീർപ്പിച്ചു നിൽക്കുന്നവളെ കണ്ടതും ആദം എഴുന്നേറ്റ് ഡോറും ചാരി അവളുടെ അരികിലേക്ക് നടന്നു.... അവളുടെ അരികിൽ വന്നിരുന്നതും അവൾ മുഖം തിരിച്ചു കളഞ്ഞു...ഇപ്പഴും ബ്ലൗസും പാവാടയുമാണ് അവളുടെ വേഷം. വേദനിച്ചോ.. എവിടെയാ ഇവിടെയാണോ..??? നോക്കട്ടെ...അവനവളുടെ ഇടുപ്പിലൂടെ കയ്യിട്ട് കടിച്ചിടം തൊട്ട് കൊണ്ട് ചോദിച്ചു.. വേണ്ട പോ അവിടുന്ന് എന്നോട് മിണ്ടണ്ട... പിണങ്ങല്ലേ... വേണ്ടാ എന്നെ തൊടണ്ട... എന്റെ നിഹ കൊച്ചേ ഞാൻ ആദ്യമായും അവസാനമായും പ്രണയിച്ച പെണ്ണ് നീയാ.. നിന്നെ മാത്രമേ ഞാൻ പ്രണയിച്ചിട്ടുള്ളു ഇപ്പഴും പ്രണയിക്കുന്നുള്ളു... ഇനി അങ്ങോട്ടും നിന്നെ മാത്രമേ ഞാൻ പ്രണയിക്കുകയുള്ളു... എന്റെ പ്രണയം അത് നീയാണ് പെണ്ണേ ...അല്ലാതെ അമേയ ശർമയല്ല.... അത്രയും പറഞ്ഞു അവനവളുടെ മുടി വകഞ്ഞു മാറ്റി പുറം കഴുത്തിൽ ചുംബിച്ചു.... അത്രമേൽ പ്രണയത്തോടെയുള്ള ചുടുചുംബനം.. എന്നിട്ടും അവൾ തിരിഞ്ഞു നോക്കിയില്ല....അവൾ കണ്ണിറുകെ പൂട്ടി അതോടൊപ്പം അവളുടെ ഇടതു കൈ ബെഡ്ഷീറ്റിൽ മുറുകി.... അടുത്ത നിമിഷം അവന്റെ അധരങ്ങൾ അവളുടെ നഗ്നമായ തോളിലും കാതിലും ഒക്കെയും അമർന്നു..... അന്നേരം അവളവനു നേരെ തിരിഞ്ഞു അവനെ ഇറുകെ പുണർന്നു.... ഞാനോ രാവോ.. ഇരുളു നീന്തി വന്നു ആരും കാണാതകലെ കാത്തു നിന്നു.. ഒരു കാറ്റായ് മഴയായ് കിളിവാതിലിൽ വന്നു ചാരെ.. നിന്നെ കൺപാർക്കുവാൻ.. കണ്ണനെ കരിമുകിലമ്പരനെ.. മധുരാമൃത മുരളീരവ മഴയോടെ അണയൂ നീ കണ്ണനെ കരിമുകിലമ്പരനെ മധുരാമൃത മുരളീധര നീലാംബുജ നയനെ..(മൂവി. കമ്മാരസംഭവം ) . ബാക്ക്ഗ്രൗണ്ടിൽ പ്രണയഗാനമുയർന്നു.. കുറച്ചു നേരത്തെ ആലിംഗനത്തിന് ശേഷം അവനവളുമായി ബെഡിലേക്ക് ചായ്ഞ്ഞു....അവന്റെ അധരങ്ങൾ അവളുടെ നെറുകയിൽ അമർന്നു പിന്നീട് അത് മൂക്കുവഴി താഴേക്ക് അരിച്ചിറങ്ങി നടന്നു...അവളുടെ അധരങ്ങളിലും താടിതുമ്പിലും തൊണ്ടക്കുഴിയിലും അവന്റെ ചുണ്ടുകൾ ഒഴുകി നടന്നു .... അവിടുന്ന് ചുണ്ടുകൾ പിന്നെയും താഴേക്ക് ഒഴുകി നടന്നു അവളുടെ വയറിൽ താൻ കടിച്ചിടത്തു എത്തി നിന്നതും അവിടം അവന്റെ ചുണ്ടുകൾ ഇടതടവില്ലാതെ അമർന്നു...അവന്റെ ചുംബനത്തിൽ വിവശയായ അവൾ  അവനെ തന്നിൽ നിന്നും അടർത്തി മാറ്റി മുഖം തിരിഞ്ഞു ചരിഞ്ഞു കിടന്നതും അവനവളുടെ ഇടുപ്പിൽ ചുണ്ടമർത്തി ബെഡിൽ നിന്നും എഴുന്നേറ്റ് തന്റെ ഷർട്ട് എടുത്ത് ധരിക്കാൻ തുടങ്ങി... പാതി ചാരിയ ഡോറിൽ കൂടി ഇവരുടെ പ്രണയരംഗങ്ങൾ കണ്ട ട്രീസയ്ക്ക് നിഹയോട് അസൂയ തോന്നി... അവന്റെ സാമിപ്യം തന്നിൽ നിന്നും അടർന്നു മാറിയതും നിഹ അവനു നേരെ തന്റെ മുഖം തിരിച്ചു ചരിഞ്ഞു കിടന്നു അവന്റെ പ്രവർത്തികൾ വീക്ഷിക്കുന്നുണ്ട്... അവനാണെങ്കിൽ അവളുടെ ആ കിടത്തവും നോട്ടവും ശരിക്കും ആസ്വദിക്കുന്നുണ്ട്.... ഡ്രെസ്സൊക്കെ ചെയ്ത് മുടിയൊക്കെ ഒതുക്കി വെച്ചതും നിഹ തന്റെ ദാവണിയുടെ ഷോൾ എടുത്ത് നേരെ ഉടുത്തു... അവന്റെ അരികിൽ ചെന്ന് അവന്റെ വാച്ച് കെട്ടികൊടുത്ത് ഫോൺ എടുത്ത് പോക്കെറ്റിൽ വെച്ചു കൊടുത്തു... അവന്റെ കഴുത്തിൽ വട്ടം ചുറ്റി പിടിച്ചു അവന്റെ നെറ്റിയിൽ നെറ്റി മുട്ടിച്ചു മൂക്കിൽ മൂക്ക് കൊണ്ടുരസി... ഐ ലവ് യൂ.... അവന്റെ ചുണ്ടിൽ നേർമയായി മുത്തികൊണ്ട് അവൾ പറഞ്ഞു... ഐ ലവ് യൂ ടൂ തിരികെ അവളുടെ ചുണ്ടിൽ അമർത്തി മുതികൊണ്ട് അവൻ പറഞ്ഞു.... ഐ വിൽ മിസ്സ്‌ യൂ....അവൻ അവളുടെ കാതോരം നുണഞ്ഞുകൊണ്ട് സ്വകാര്യം പോലെ പറഞു.. അവളുടെ ഉള്ളിൽ കുളിര് കോരി.. ഒരു ഐ വിൽ മിസ്സ്‌ യൂ  ടൂ കൂടി പറയെടോ..ആദം പരിഭവിച്ചു ഞാൻ പറയില്ല...എനിക്ക് ഇയാളെ മിസ്സ്‌ ചെയ്യില്ല.. ബികോസ് ഇയാളുള്ളത് എന്റെ ഹൃദയത്തിലല്ലേ.... അതും പറഞ്ഞു അവന്റെ നെറുകയിൽ മുത്തി... അവളുടെ വാക്കുകൾ അവന്റെ ഹൃദയത്തിൽ തണുപ്പ് പടർത്തി...അത് മതിയായിരുന്നു അവന്.... നിറഞ്ഞ മനസ്സോടെ അവനവളോട് യാത്ര പറഞ്ഞു അവിടുന്ന് ഇറങ്ങി . ആദത്തിന്റെ അഭാവത്തിൽ നിഹയ്ക്ക് അവനെ ശരിക്കും മിസ്സ്‌ ചെയ്തു .. പകൽ സമയങ്ങളിൽ അവളത് വല്യ കാര്യമാക്കിയില്ല എന്നാൽ രാത്രി ആയപ്പോൾ നിഹയ്ക്ക് അവനെ ഒരുപാട് മിസ്സ്‌ ചെയ്യാൻ തുടങ്ങി... നിഹാ അവന്റെ ഫോൺ കോളിന് വേണ്ടി കാത്തിരുന്നു..അങ്ങോട്ട് വിളിക്കാൻ അവൾക്ക് എന്തോ ബുദ്ധിമുട്ട് പോലെ തോന്നി.. അവനിങ്ങോട്ട് വിളിക്കുന്നതും കാത്തിരിക്കുകയാണ് അവൾ...മീറ്റിംഗ് കഴിഞ്ഞു  ഓഫീസിലും ചെന്നു ആദം തിരികെ കൊച്ചിയിലെ വീട്ടിലെത്തുമ്പോൾ രാത്രി ഒരുപാട് വൈകിയിരുന്നു....നിഹ ഉറങ്ങികാണുമെന്ന് കരുതി അവൻ അവളെ വിളിച്ചില്ല...അവളുടെ ഓർമകളെ കൂട്ടുപിടിച്ചു അവൻ നിദ്രയെ പുൽകി.. രാവിലെ ഫോൺ റിംഗ് ചെയ്യുന്നത് കേട്ടിട്ടാണ് ആദം ഉണർന്നത്... ഡിസ്‌പ്ലെയിൽ നിഹയുടെ പേര് കണ്ടതും അവൻ വിടർന്ന മുഖത്തോടെ കോൾ എടുത്ത് സംസാരിച്ചു... പരിഭവവും പരാതിയും പറച്ചിലും ഒക്കെയായി നിഹ വായിൽ വന്നതൊക്കെ വിളിച്ചു പറഞ്ഞു ദേഷ്യപ്പെട്ടു കോൾ കട്ട്‌ ചെയ്തു... ആ നിമിഷം തന്നെയാണ് ആയുഷ്ന്റെ കോൾ അവളെ തേടിയെത്തുന്നത്... തനിക്ക് അവളെ ഇന്ന് നേരിൽ കാണണമെന്നും അത്യാവശ്യമായി കുറച്ചു കാര്യങ്ങൾ സംസാരിക്കാനുണ്ടെന്നും പറഞ്ഞതും നിഹ വരാമെന്ന് പറഞപ്പോൾ ആയുഷ് കോൾ അവസാനിപ്പിച്ചു... താൻ വിളിച്ച കാര്യം ആദം അറിയരുതെന്ന് ആയുഷ് അവളോട് പ്രത്യേകം പറഞ്ഞിരുന്നു...ആദം തിരിച്ചു വരുന്നതിനു മുൻപ് ആദത്തിനെ കുറിച് അറിയാവുന്ന കാര്യങ്ങൾ ഒക്കെയും പറഞ്ഞു വിവാഹം മുടക്കുക അതായിരുന്നു ആയുഷിന്റെ ലക്ഷ്യം... ഇതേ സമയം നാളെ മടങ്ങാനിരുന്ന അവൻ നിഹയ്ക്ക് ഒരു സർപ്രൈസ് കൊടുക്കാൻ വേണ്ടി മടക്കയാത്രയ്ക്ക് ഒരുങ്ങുകയാണ് ... വൈകുന്നേരം ആയിരുന്നു ആയുഷ്നെ കാണാൻ ചെല്ലാമെന്ന് പറഞ്ഞത്...ഉച്ച സമയത്ത് ആനിയുടെ കൂടെ കിച്ചണിൽ ചിലവഴിക്കുകയാണ് നിഹ... കറി വേപ്പിലയ്ക്ക് വേണ്ടി ആനി പുറത്തേക്ക് നടക്കുന്ന നേരത്താണ് താൻ പറിച്ചിട്ട് വരാമെന്ന് പറഞ്ഞു നിഹ പോവുന്നത്. ആനിയമ്മേ ... ആ കുളത്തിന്റെ ഭാഗത്തുള്ള ചെടിയിൽ നിന്നല്ലേ പറിക്കേണ്ടത്.നിഹ വിളിച്ചു ചോദിച്ചു ഹ്മ്മ്.. അതേ... മോളെ സൂക്ഷിക്കണേ.. കുളത്തിലേക്കൊന്നും ഇറങ്ങല്ലേ.. അവിടെയൊക്കെ ആകെ ചെളിപൂണ്ട് കിടക്കുവാ... ഇപ്പോ ആരും അങ്ങോട്ട് പോവാറില്ല പടവുകളിൽ നിറയെ പായലാണ്.. കാല് തെന്നി വീഴാൻ സാധ്യത കൂടുതലാ... ഞാൻ ശ്രദ്ധിച്ചോളാം ആനിയമ്മേ.. എന്നും പറഞ്ഞു നിഹ നടന്നു...നിഹയുടെ മനസ്സിൽ നിറയെ ആയുഷിനു എന്തായിരിക്കും തന്നോട് പറയാനുള്ളത് എന്ന ചിന്തയായിരുന്നു... നിഹയുടെയും ആനിയുടെയും സംസാരം കേട്ട് നിന്ന ട്രീസ ക്രൂരമായ ചിരിയോടെ നിഹയ്ക്ക് പിന്നാലെ നടന്നു... നിഹ കറിവേപ്പില നുള്ളാൻ നേരമാണ്‌ ആരോ അവളെ പിടിച്ചു കുളത്തിലേക്ക് തള്ളിയിടുന്നത്.. നീന്താൻ അറിയാമെങ്കിലും എന്തൊ ആ നിമിഷം നിഹ വെള്ളത്തിലേക്ക് മുങ്ങി താഴുകയായിരുന്നു... നിഹയെ കുളത്തിലേക്ക് തള്ളിയിടുക എന്ന ഉദ്ദേശത്തോടെയാണ് ട്രീസ അങ്ങോട്ട് വന്നത്... ഈ സമയത്ത് വെള്ളത്തിൽ വീണു മുങ്ങി താഴുന്ന നിഹയെ കാണുന്നത്...അത് കണ്ടു അവളുടെ കണ്ണുകൾ മിഴിഞ്ഞു വന്നു.. ഇതേ സമയം ഒരാൾ രൂപം അവിടുന്ന് ഓടി പോവുന്നത് ട്രീസ കണ്ടിരുന്നു.... ഇനി താൻ പ്രതി ആയേക്കാം എന്ന് കരുതി ട്രീസ അവിടുന്ന് ഓടിപോയി തന്റെ അമ്മച്ചിയോട് കാര്യം പറഞ്ഞു... അവൾ ചാവുന്നേൽ അങ്ങ് ചാവട്ടെ  നീ ഇതൊന്നും അറിഞ്ഞതായി ഭാവിക്കേണ്ട എന്ന് ക്ലാര പറഞ്ഞതും ട്രീസയ്ക്കും അതാണ് നല്ലതെന്ന് തോന്നി.. മമ്മ.... ആദം തന്റെ മമ്മയുടെ പിന്നിലൂടെ വന്നു അവരെ പുണർന്നു കവിളിൽ ചുംബിച്ചു.. അവൻ നിഹയെ അന്വേഷിച്ചതും അവൾ കറിവേപ്പില നുള്ളാൻ വേണ്ടി പോയിരിക്കുവാണെന്ന് അവര് പറഞ്ഞപ്പോൾ താനും അങ്ങോട്ട് പോവുകയാണെന്ന് പറഞ്ഞു അവൻ പുറത്തേക്ക് നടന്നു... തുടരും... #💞 പ്രണയകഥകൾ #📔 കഥ