My boss... 33 ഒരാഴ്ചത്തെ മധുവിധു രാവുകൾക്ക് ശേഷം എന്നും ഓർത്തുവെക്കാൻ ഒരായിരം മധുരമുള്ള ഓർമ്മകൾ നെഞ്ചിലേറ്റി ഇരുവരും ഫിൻ ലാൻഡിനോട് വിട പറഞ്ഞു..... ത്രേസ്യാമ്മോ ഒന്ന് നിന്നെ... ഞായറാഴ്ച  പള്ളിയിൽ പോയതാണ് ത്രേസ്യാ...കൂട്ടിനു ക്‌ളാരായും ഉണ്ട്...പ്രാർത്ഥനയൊക്കെ കഴിഞ്ഞു ഇറങ്ങാൻ നേരമാണ്‌ അവറാച്ചൻ പിന്നിൽ നിന്നും വിളിക്കുന്നത്.. കൂടെ മകൾ സോഫിയും ഉണ്ട് ആളെ കണ്ടതും ത്രേസ്യയുടെ മുഖം ഒന്ന് വിളറി.. ഞാൻ  കരുതി ത്രേസ്യാമ്മ പറഞ്ഞ വാക്കിന് വില കൽപ്പിക്കുന്നവളാണെന്ന്.. ഇതിപ്പോ  ത്രേസ്യാമ്മ ഫീൽഡ് ഔട്ട്‌ ആയ കാര്യം ഞാൻ അറിഞ്ഞില്ല... പണ്ട്  നിങ്ങളുടെ മോള് അന്യമതാക്കരന്റെ  കൂടെ ഒളിച്ചോടിയപ്പോൾ എന്തൊക്കെ കോലാഹലം ആയിരുന്നു....അന്തസ്സും അഭിമാനവും കയ്യും വെട്ടി അവനെ ഇവിടുന്ന് ഓടിച് വീട്ടില്ലേ..ഇപ്പോ  എവിടെപ്പോയി കളരിക്കലെ അന്തസ്സും അഭിമാനവും.....അവറാച്ചൻ പുച്ഛിച്ചു.....കളരിക്കലെ സ്വത്തും പണവും കണ്ടല്ല അവറാച്ചൻ എന്നെ കൊച്ചിനെ അങ്ങോട്ട് കെട്ടിച്ചു വിടാൻ ആഗ്രഹിച്ചത്.. ഈ നിൽക്കുന്ന എന്റെ കൊച്ചിന് നിങ്ങളുടെ കൊച്ചു മോനോടുള്ള ഇഷ്ടം കൊണ്ടാണ്...ത്രേസ്യാമ്മ എന്റെ കൊച്ചിന് എന്തൊക്കെയോ മോഹങ്ങളും നൽകി....എന്നിട്ടിപ്പോ എന്തായി... എന്നാലും ത്രേസ്യാമ്മേ എന്റെ കൊച്ചിനോട് ഇത് വേണ്ടിയിരുന്നില്ല.. അവറാച്ചാ ഞാൻ ഒന്നും അറിഞ്ഞിരുന്നില്ല... അവൻ ആ കൊച്ചുമായി പ്രണയത്തിൽ ആയിരുന്നു... അവനു പിന്നെ പഠിച്ച പെണ്ണിനെ വേണമെന്ന് നിർബന്ധം ആയിരുന്നു....ത്രേസ്യാ പറഞ്ഞു.. ഹും പഠിപ്പ്...എന്റെ കൊച്ച് പ്ലസ് ടു തോറ്റെങ്കിലും ഇവൾക്ക് നല്ല വിവരവും ബുദ്ധിയും ഒക്കെയും ഉള്ളതാ.... പിന്നെ എന്റെ കൊച്ചിനും  അത്യാവശ്യം തയ്യലൊക്കെ  അറിയാം... ദാ കണ്ടോ ഈ ജുബ്ബ ഇവള് തയ്ച്ചു തന്നതാ... ഇത് തന്നെയല്ലേ നിങ്ങളുടെ കൊച്ച് മോനും പണി.... എന്റെ അവറാച്ച അവൻ നിങ്ങൾ ഉദ്ദേശിക്കുന്നത് പോലെ തയ്യൽക്കാരൻ അല്ല... അറിയപ്പെടുന്ന ഡിസൈനറാണ്.. ഓ... രണ്ടു കണക്കാ എന്റെ ത്രേസ്യാമ്മച്ചി...  അല്ലിയോടി മോളെ...പിന്നെ ത്രേസ്യാമ്മച്ചി എന്റെ മോള് ആദ്യമായി എന്നോട് ഒരു ആഗ്രഹം പറഞ്ഞത് ഇതാണ്.. അതുകൊണ്ട് അരെ കൊന്നിട്ടായാലും വേണ്ടില്ല ത്രേസ്യമ്മച്ചി എന്റെ മോളുടെ ആഗ്രഹം നടത്തി കൊടുക്കണം... ഇല്ലേൽ ഞാനെ കളരിക്കൽ കുടുംബത്തിൽ കേറി കളിക്കും....അവറാച്ചനെ ത്രേസ്യാമ്മച്ചിക്ക് നന്നായിട്ട് അറിയാല്ലോ.. അവറാച്ചാ.... അവന്റെ വിവാഹം കഴിഞ്ഞില്ലേ... ഓ.. കുറച്ചു ദിവസം ഒരുമിച്ചു കഴിഞ്ഞെന്ന് വെച്ച് ഇപ്പോ എന്നാ ഉണ്ടാവനാ... ആ പെണ്ണിനെ അങ്ങ് തട്ടിയേക്ക്.... പറ്റില്ലെങ്കിൽ എന്നോട് പറ ഇരു ചെവി അറിയാതെ ഞാൻ ചെയ്ത് തരില്ലിയോ.... അവറാച്ചാ അത് പിന്നേ... ഹ്മ്മ്.. വേണ്ടാ.. ഇങ്ങോട്ട് ഒന്നും പറയണ്ട....കാര്യം നടന്നാൽ മതി.. ഇല്ലെങ്കിൽ ഇനി ഞാൻ പെരുമാറുന്നത് ഈ രീതിയിൽ ആയിരിക്കില്ല.... അവറാച്ചാ.. ഒന്നടങ്ങ്.. ആ കൊച്ചിനെ കൊല്ലാനൊന്നും നിൽക്കണ്ട.. അല്ലാതെ തന്നെ ഞാൻ ഓടിച്ചോളാം.... ഒരാഴ്ചത്തെ സമയം തന്നാൽ മതി... ത്രേസ്യാ പറഞ്ഞത് കേട്ട് അവറാചൻ അമർത്തി മൂളി അവിടുന്ന് നടന്നു നീങ്ങി.. ത്രേസ്യാമ്മച്ചി എന്റെ കയ്യിൽ ഒരു കിടിലൻ ഐഡിയ ഉണ്ട്...ഇത്തിരി പണം ഇറക്കിയാൽ നമുക്ക് ഒരു നാടകക്കാരനെ ഇറക്കാം... അവനെ വെച്ചു അ പെണ്ണുമായി കള്ളക്കഥ ഉണ്ടാക്കി ആദം കൊച്ചിന്റെ മനസ്സിൽ തീ കോരിയിടാം... അതോടെ രണ്ടും രണ്ട് വഴിക്ക് ആവും... അപ്പോ പിന്നേ പിന്നെ പോലിസ് പിടിക്കുമെന്ന പേടിയും വേണ്ട... ക്ലാര പറഞ്ഞത് കേട്ട് ത്രേസ്യായ്ക്കും അതാണ് നല്ലതെന്ന് തോന്നി... അതിന് പറ്റിയ ഒരാളെ ക്ലാര ത്രേസ്യയ്ക്ക് പരിചയപ്പെടുത്തി... പ്രതിഫലമായി അവൻ ചോദിച്ച പത്തു ലക്ഷം കേട്ട് ആദ്യം ത്രേസ്യ്ക്ക് മടി തോന്നി.. പിന്നെ അവറാചന്റെ കാര്യം ഓർത്തപ്പോൾ ഡീൽ ഉറപ്പിച്ചു..... ആദം നിഹയ്ക്ക് അപകടം പറ്റിയ കുളത്തിന്റെ ഭാഗത്തേക്ക്‌ വന്നതായിരുന്നു... എന്തെങ്കിലും തെളിവുകൾ ഉണ്ടെങ്കിലോ എന്ന് കരുതി... അന്നേരമാണ് അതവന്റെ ശ്രദ്ധയിൽ പെടുന്നത്.. പന്നിയുടെ ശല്യം ഉള്ളതിനാൽ തൊട്ടരികിൽ നാട്ടിരിക്കുന്ന ചേന ചേമ്പ് മരച്ചീനി തുടങ്ങിയവയ്ക്ക് കമ്പി വേലി നിർമിച്ചിട്ടുണ്ട്. അതിൽ കുടിങ്ങി കിടക്കുന്ന തുണികഷ്ണം അവൻ കയ്യിലെടുത്തു... അത്യാവശ്യം വലിയ പീസ് തുണി ആയിരുന്നു അത്.. അതൊരു സ്ത്രീയുടെ വസ്ത്രത്തിന്റെയാണെന്ന് അവൻ മനസ്സിലാക്കി.. ആദം ആ ഡ്രെസ്സിന്റെ കഷ്ണം കയ്യിൽ പിടിച്ചു വീട്ടിലേക്ക് നടന്നു.. അപ്പോഴും അവന്റെ മനസ്സിൽ താൻ ഇത് എവിടെയോ കണ്ടിരിക്കുന്നു എന്ന തോന്നലായിരുന്നു...ഓരോന്ന് ചിന്തിച്ചു കൊണ്ട് അവൻ വീട്ടിലേക്ക് തിരിച്ചെത്തി.. അതിനിടയിൽ നിഖിലുമായി ഫോണിൽ സംസാരിച്ചുകൊണ്ട് ഗാർഡനിലെ സ്വിങ് ചെയ്യറിനരികിലേക്ക് നടന്നു.. ഫോൺ സംഭാഷണം അവസാനിപ്പിച്ചു അവൻ വീണ്ടും ചിന്തയിലാണ്ടു ... താൻ നേരത്തെ ഇവിടെ ഇരുന്നപ്പോഴാണ് ഈ ഡ്രസ്സ്ന്റെ കഷ്ണത്തിന് സമാനമായ ഡ്രസ്സ്‌ കണ്ടെതെന്ന കാര്യം അവൻ ഓർക്കുന്നത്... അടുത്ത നിമിഷം ആദത്തിന്റെ കണ്ണുകൾ തൊട്ട് മുൻപിലെ വീട്ടിലെ അയയിലേക്ക് നീണ്ടു.. അതായത് ആയുഷിന്റെ വീട്ടിലേക്ക്.. അവിടെ അയയിൽ കിടക്കുന്ന സാരിയും തന്റെ കയ്യിലെ ഡ്രെസ്സിന്റെ പീസും ഒന്നാണെന്ന നിഗമനത്തിൽ എത്തിച്ചേർന്ന ആദം അതുറപ്പിക്കാൻ വേണ്ടി ഗേറ്റിന് അരികിലേക്ക് നടന്നു.. അന്നേരം ആയുഷും അവന്റെ അമ്മയും വണ്ടിയിൽ കയറുന്നതും വണ്ടി ഗേറ്റ് കടന്നു പോവുന്നതും ആദത്തിന്റെ ശ്രദ്ധയിൽ പെട്ടു.. ഈ അവസരം മുതലാക്കി ആദം ഗേറ്റിന് അകത്തേക്ക് കടന്നു സാരി പരിശോധിച്ചു... പിന്നീട് ആ സാരി കീറി കിടക്കുന്നത് കണ്ടതും തന്റെ കയ്യിക്കിരിക്കുന്ന പീസ് ആ സാരിയുടെയാണെന്ന്  അവൻ ഉറപ്പ് വരുത്തി അവിടുന്ന് തിരികെ നടന്നു... അവിടുന്ന് തിരികെ വീട്ടിലേക്ക് നടക്കുമ്പോൾ അവൻ വല്ലാത്തൊരു ഷോക്കിൽ ആയിരുന്നു... ആയുഷിന്റെ അമ്മ ലക്ഷ്മി എന്തിനാണ് ആ പറമ്പിലേക്ക് വന്നത്.. ഇനിയിപ്പോ അവര് തന്നെയാണോ നിഹയെ തള്ളിയിട്ടത്.. ആണെങ്കിൽ എന്തിന്..?? ഇനിയിപ്പോ അങ്ങനെ അല്ലെങ്കിൽ അവരെന്തിനാണ് അവിടെ വന്നത്.... ഉത്തരം കിട്ടാത്ത ഒരുപാട് ചോദ്യങ്ങളുമായി ആദം നിഹയെ അന്വേഷിച്ചു തങ്ങളുടെ മുറിയിലേക്ക് നടന്നു.... ഇവിടെ നില്ക്കും തോറും അത് നിഹയുടെ ജീവൻ ഭീഷണി ആണെന്ന തോന്നൽ അവനിലുണ്ടായി...എത്രയും പെട്ടെന്ന് നാട്ടിലേക്ക് തിരിച്ചു പോവുക തന്നെ വേണം എന്ന ഉറച്ച തീരുമാനത്തോടെ ആദം മുറിയിലെത്തി.. ആദം മുറിയിലേക്ക് വരുമ്പോൾ നിഹ മുറിയിൽ ഇല്ലായിരുന്നു...അവൻ നേരെ ബാൽക്കണിയിലേക്ക് നടന്നു...നിഹ ബാൽക്കണിയിലെ റൈലിംഗിനോട് ചേർന്ന് മുഖം തിരിഞ്ഞു   നിന്നുകൊണ്ട് തന്റെ നനഞ്ഞ മുടി ഉണക്കുകയാണ്....സാരി ആയിരുന്നു അവളുടെ വേഷം... ആദം ബാൽക്കണിയുടെ ഡോറിനരികിൽ നിന്നുകൊണ്ട് അവളെ തന്നെ നോക്കി നിന്നു.... മുടി ഉണക്കുന്നതിനാൽ സാരി തെന്നിമാറി കിടപ്പുണ്ട്..... അവളുടെ വയറ് ചെറുതായി കാണുന്നുണ്ട്.. സാരിയുടെ വിടവിലൂടെ അവളുടെ വെളുത്ത ഭംഗിയുള്ള വയറ് കാണാൻ തന്നെ വല്ലാത്തൊരു അഴകാണ്.. അവളുടെ മുന്നിൽ മുട്ടുകുത്തിയിരുന്നു അവിടം ചുംബിച്ചാലോ എന്നു വരെ തോന്നിപോയി.... ഇങ്ങനെ കട്ട് തിന്നുന്നത് കണ്ടാൽ അവൾക്ക് ഇഷ്ടമാവില്ല എന്നു കരുതിയ അവൻ അവളുടെ അരികിലേക്ക് നടന്നു...അവളുടെ പിന്നിലൂടെ ചെന്നു അവൻ തന്റെ ഇടതു കൈ അവളുടെ സാരിക്കുള്ളിലേക്ക് കടത്തി വയറിൽ തൊട്ടതും അവളൊന്ന് വിറച്ചുപോയി....തന്റെ പ്രിയപെട്ടവന്റെ സാമിപ്യം തിരിച്ചറിഞ്ഞ നിഹയുടെ ചുണ്ടിൽ ഒരിളം പുഞ്ചിരി വിരിഞ്ഞു.. അവൾ തിരിഞ്ഞു നോക്കിയില്ല.. അവനവളെ തന്റെ നെഞ്ചോട് അടുപ്പിച്ചു... ഇടം കയ്യാലേ അവളുടെ വയറിനെ തഴുകികൊണ്ട് വലം കയ്യാലേ അവളുടെ തോളിൽ നിന്നും മുടി വകഞ്ഞു മാറ്റി അവളുടെ പിൻകഴുത്തിലെ വെള്ളത്തുള്ളികൾ അവൻ തന്റെ ചുണ്ടിനാലും നാവിനാലും നുണഞ്ഞെടുത്തു....അവളുടെ കണ്ണുകൾ താനെ അടഞ്ഞുപോയി.... ഹ്മ്മ്മ്മ് ....ഇച്ചായാ....എന്തുവാ ഈ കാണിക്കുന്നത്... ദേ.. ഗാർഡനിൽ ആരെങ്കിലും പിള്ളേരൊക്കെ ഉണ്ടാവുന്നെ ...അവരെങ്ങാനും കണ്ടാൽ... കണ്ടോട്ടെ അതിനെന്താ.... അവളുടെ തോളിൽ ചുംബിച്ചു കൊണ്ട് അവൻ പറഞ്ഞു... അന്നേരം അവളവന് നേരെ തിരിഞ്ഞു... അവൻ അവളുടെ ഇടുപ്പിൽ വട്ടം ചുറ്റിപ്പിടിച്ചു അവളെ തന്നിലേക്ക് അടുപ്പിച്ചു അവളുടെ ചുണ്ടിലേക്ക് ചുംബിക്കനൊരുങ്ങി... നിഹ തന്റെ ചുണ്ടിന് മീതെ കൈവെച്ചു തടസം സൃഷ്ടിച്ചതും അവന്റെ അധരങ്ങൾ അവളുടെ കൈയിൽ പതിഞ്ഞു........അവൻ അവളുടെ കയ്യിൽ ചുംബിച്ചുകൊണ്ടേയിരുന്നു.... ആദം ബാൽക്കനിയിലെ സ്വിങ്ങിൽ ഇരുന്ന് അവളെ തന്റെ മടിയിൽ പിടിച്ചിരുത്തി....അവൾ വീഴാതിരിക്കാൻ അവന്റെ കഴുത്തിൽ വട്ടം ചുറ്റി പിടിച്ചിട്ടുണ്ട്.... നിഹാ..നമുക്ക് ഇവിടുന്ന് ഇന്ന് തന്നെ ഇവിടുന്ന് വിട്ടാലോ.... അവളുടെ കവിളിൽ കവിള് ചേർത്തു വെച്ചു കൊണ്ടാണ് അവനത് പറഞ്ഞത്... ഇച്ചായാ..എന്താ പെട്ടെന്ന് ഇങ്ങനെ തോന്നാൻ എന്തെങ്കിലും പ്രശ്നം ഉണ്ടോ...?? നിഹ അവന്റെ കവിളിൽ തന്റെ ഇരു കയ്യും ചേർത്ത് വെച്ചുകൊണ്ട് ചോദിച്ചു... ഹേയ്.. നീ കരുതുംപോലെയുള്ള പ്രശ്നം ഒന്നും ഇല്ല... എന്തോ എനിക്ക് ഇവിടെ ഒരു പ്രൈവസി കിട്ടുന്നില്ല.. നമ്മുടെ വീട്ടിൽ ആവുമ്പോൾ ആ ഒരു ബുദ്ധിമുട്ട് ഉണ്ടാവില്ലല്ലോ.. അവിടെ എത്തിയിട്ട് വേണം എനിക്ക് നിന്നെ ശരിക്കും ഒന്ന് സ്നേഹിക്കാൻ... അവളുടെ കഴ്ത്തിൽ മുഖമുരസികൊണ്ട് പറഞ്ഞതും അവന്റെ താടിരോമങ്ങൾ അവളുടെ കഴുത്തിൽ ഇക്കിളി കൂട്ടി.... അതേ സ്നേഹിക്കുന്നതൊക്കെ കൊള്ളാം.. പക്ഷെ....നിഹ അത്രയും പറഞ്ഞു നിർത്തി.. എന്താ ഒരു പക്ഷെ....??. അത് പിന്നേ ഈ precautions ഒന്നും ഇല്ലാതെ ഇങ്ങനെ സ്നേഹിച്ചു അവസാനം പണി കിട്ടിയാൽ എന്തു ചെയ്യും...??? ആ പണിയെ ഞാൻ ഇരു കയ്യും നീട്ടി സ്വീകരിക്കും....നമുക്ക് ആദ്യം ഒരു മോൻ മതി ഒരു കുഞ്ഞു ആദം.... കുഞ് നിഹയെ പറ്റി പതുക്കെ  ആലോചിക്കാം അല്ലെ .. അവൻ അവളുടെ കണ്ണിലേക്കു നോക്കിയാണ് അത് പറഞ്ഞത്.. അവന്റെ പറച്ചിൽ അവളിൽ നാണം നിറച്ചു... പോ അവിടുന്ന്...ഇപ്പഴൊന്നും ഒരു ബേബിയെ  പറ്റി ഞാൻ ചിന്തിച്ചിട്ട് പോലുമില്ല..ഇപ്പോ എന്റെ ഇച്ചായന് സ്നേഹിക്കാൻ ഞാനില്ലേ... അവന്റെ കവിള് പിടിച്ചു കൊഞ്ചിച്ചു കൊണ്ടാണ്‌ അവളത് പറഞ്ഞത്... ആയിക്കോട്ടെ... ഇൻകേസ്‌ അങ്ങനെ വല്ലതും സംഭവിച്ചാൽ ഞാൻ രണ്ടു പേരെയും ഒരുമിച്ചു സ്നേഹിച്ചോളാം.. അങ്ങനെ സംഭവിക്കാതെ നോക്കിയാൽ പോരെ...അവന്റെ നെഞ്ചിൽ മുഖമൊളിപ്പിച്ചു കൊണ്ട് നാണത്തോടെയവൾ പറഞ്ഞു..... അതിത്തിരി പാടാണല്ലോ ഭാര്യേ... എന്നാലും നോക്കാം..... പിന്നെ നിഹാ.. ഇപ്പഴാണേൽ നിനക്ക് ഇഷ്ടം പോലെ പച്ചമാങ്ങ കഴിക്കാം.. കുറച്ചു കഴിഞ്ഞാൽ പച്ച മാങ്ങയൊന്നും കിട്ടിയെന്ന് വരില്ല.... അവളുടെ കാതിൽ സ്വകാര്യം പോലെയവൻ പറഞ്ഞതും അവളവന്റെ നെഞ്ചിൽ നിന്നും തല ഉയർത്തി അവനെ കൂർപ്പിച്ചു നോക്കിയതും അവൻ മീശത്തുമ്പ് കടിച്ചുകൊണ്ട് ചിരികടിച്ചു പിടിച്ചു അവൾക്ക് നേരെ പുരികം പൊക്കി.... അന്നേരം അവളവന്റെ കവിള് അമർത്തി കടിച്ചു അവന്റെ മടിയിൽ നിന്നും എഴുന്നേറ്റ് ഓടി... ഡീ.. നിന്നെ ഞാൻ എടുത്തോളാം.....പിന്നെ നാളെയോ മറ്റന്നാളോ മറ്റന്നാളോ ഒക്കെയായി നമ്മൾ ഇവിടുന്ന് സ്ഥലം വിടുട്ടോ... ആദം പിന്നിൽ നിന്നും വിളിച്ചു പറയുന്നുണ്ടായിരിന്നു.. നിഹാ മുറിയിൽ നിന്നും ഇറങ്ങി നേരെ ചെന്നത് കുട്ടിപട്ടാളങ്ങളുടെ അരികിലേക്കാണ്.... എല്ലാവരും കാര്യമായ എന്തോ ഡിസ്കഷനിലായിരുന്നു.. നിഹ കാര്യം തിരക്കി.. ചേച്ചി വന്നോ ഞങൾ ചേച്ചിയെ കാത്തിരിക്കുവായിരുന്നു.. കൂട്ടത്തിലെ മുതിർന്നവനായ റയാൻ പറഞ്ഞു.. എന്താടാ കാര്യം..?? നിഹയാണ് ചോദിച്ചത്.. അതേ ചേച്ചി നേരത്തെ ഈ റോസ് വല്യമ്മച്ചിയുടെ മുറിയിലേക്ക് ചെല്ലുമ്പോൾ വല്യമ്മച്ചിയും ക്ലാര ചേച്ചിയും പിന്നെ അവരുടെ മോളും കൂടി എന്തൊക്കൊയോ ഗൂഢാലോചന നടത്തുന്നുണ്ടായിരുന്നുവെന്ന് ... കേട്ടിട്ട് എന്തൊ ഒരു പന്തികേട് ഫീൽ ചെയ്‌തെന്ന്.. ആണോടി റോസമ്മേ..നിഹാ അവളുടെ കവിള് പിടിച്ചു കൊഞ്ചിച്ചു കൊണ്ട് ചോദിച്ചു.. അതേ ചേച്ചി..എനിക്ക് എല്ലാം അങ്ങ് വ്യക്തമായില്ലേലും കേട്ടിടത്തോളം അത് ചേച്ചിക്കുള്ള പണിയാണെന്ന് വ്യക്തമായി.. ചേച്ചിയെയും ഞങ്ങളുടെ ചാച്ചനെയും തമ്മിൽ തെറ്റിക്കാനുള്ള പണി.... അവര് ആരെയോ ഫോണിൽ വിളിക്കുകയും പത്തു ലക്ഷം രൂപ ഇന്ന സ്ഥലത്ത് എത്തിക്കാമെന്നൊക്കെ പറയുന്നുണ്ടായിരുന്നു.. ചാച്ചന്റെ മനസ്സിൽ  തെറ്റിദ്ധാരണയുണ്ടാക്കുക എന്നതാണ് അവരുടെ ലക്ഷ്യം.. ഞങ്ങൾക്കൊക്കെ പേടിയാവുകയാ..ഇനി ഇതിന്റെ പേരിൽ ചാച്ചൻ ചേച്ചിയെ വെറുക്കുമോന്ന്..ഞങ്ങൾക്കൊക്കെ ചേച്ചിയെ ഒരുപാട് ഇഷ്ടാ.. ഞങ്ങൾക്ക് ചേച്ചിയെ വേണം.. അത് പറയുമ്പോൾ റോസിന്റെ കണ്ണ് നിറഞ്ഞിരുന്നു.. അയ്യേ റോസമ്മ സ്ട്രോങ്ങ്‌ ആണെന്നാണല്ലോ ഞാൻ അറിഞ്ഞത്.. അപ്പോ ഇവരൊക്കെ തള്ളിയതാ..എന്നെ പൊന്ന് പിള്ളേരെ ഞാൻ നിങ്ങളെ വിട്ടോ നിങ്ങളുടെ ചാച്ചനെ വിട്ടോ എങ്ങോട്ടും പോവില്ല.. പോരെ.. നമുക്ക് അവരുടെ പ്ലാൻ എന്താണെന്ന് അറിഞ്ഞു തിരിച്ചു അവർക്കിട്ട് തന്നെ പണിഞ്ഞാലോ....?? നിഹ പറഞ്ഞത് കേട്ട് എല്ലാവരും അവരെ തന്നെ നോക്കി.. നിഹാ അവരോട് എന്തൊക്കെയോ സ്വകാര്യം പറഞ്ഞു.. അത് കഴിഞ്ഞു നിഹ തന്റെ കൈ നീട്ടി വെച്ചതും പിള്ളേരൊക്കെ അവളുടെ കയ്യിൽ കൈ ചേർത്തു വെച്ചു....പിന്നീട് നിഹയും പിള്ളേരും ത്രേസ്യയെയും ക്ലാരയും ട്രീസയെയും മാറി മാറി വാച്ച് ചെയ്തു.. അങ്ങനെ പിറ്റേ ദുവസം ത്രേസ്യാ പള്ളിയിലേക്കാണെന്നും പറഞ്ഞു ഇരുവരുടെയും കൂടെ അവിടുന്ന് ഇറങ്ങി...  പള്ളിയിൽ എത്തിയതും ഡ്രൈവറോട് പൊയ്ക്കോളാൻ പറഞ്ഞു ത്രേസ്യാ മുന്നോട്ട് നടന്നു....ഒന്ന് കറങ്ങിയിട്ട് വരാമെന്നും പറഞ്ഞു നിഹ   പിള്ളേരെയൊക്കെ കൂട്ടി പപ്പയെ സോപ്പിട്ടു അവിടുന്ന് ഇറങ്ങി.. അന്നേരം ആദം അവിടെ ഇല്ലായിരുന്നു.... നിഹായും പിള്ളേരും ത്രേസ്യമ്മയെയും ക്ലാരയെയും ഫോള്ളോ ചെയ്തു പള്ളിയിലെത്തി... ത്രേസ്യയും ക്ലാരയുടെയുടെയും ട്രീസയുടെയും കൂടെ ഒരു ഓട്ടോയിൽ കയറി പോവുന്നത് കണ്ടതും സംശയം തോന്നാത്ത വിധത്തിൽ നിഹ അവരെ പിന്തുടർന്നു....പിന്നീട് ആ ഓട്ടോ ബാങ്കിന് മുന്നിൽ നിർത്തുകയും ത്രേസ്യയും ട്രീസയും ഇറങ്ങി ബാങ്കിനകത്തേക്ക് പ്രേവേശികുകുകയും ചെയ്തു... അരമണിക്കൂറിനു ശേഷം ഇരുവരും പുറത്തിറങ്ങി... ത്രേസ്യയുടെ കയ്യിൽ ഒരു പൊതുയുണ്ടായിരുന്നു.. ശേഷം ഇരുവരും ഓട്ടോയിൽ കയറി യാത്ര തുടർന്നു.... നിഹയും പിന്നാലെ തന്നെ ഉണ്ടായിരുന്നു... ഓട്ടോ ഒരു വിജനമായ പ്രദേശത്തു നിർത്തുകയ്യും ഓട്ടോകാരനോട് വെയിറ്റ് ചെയ്യാൻ പറഞ്ഞു മൂവരും ഇറങ്ങി നടന്നു .. നിഹ അവരെന്താണ് ചെയ്യുന്നതെന്ന് കാണും വിധത്തിൽ വണ്ടി നിർത്തി... എടീ അവനെ കാണുന്നില്ലല്ലോ.. ഇവിടെ തന്നെയല്ലേ വരാൻ പറഞ്ഞത്...ത്രേസ്യാ ചോദിച്ചു ആന്നെ അമ്മച്ചി.. അവൻ വരുമെന്നേ. നിങ്ങൾ ഇങ്ങനെ ദൃതി കൂട്ടാതെ ക്ലാര ത്രേസ്യയെ സമാധാനിപ്പിച്ചു. ഇനിയും ഇവിടെ നിന്ന് സമയം കളയാൻ പറ്റത്തില്ല....നീ അവനെയൊന്ന് വിളിച്ചു നോക്കിക്കേ.. ത്രേസ്യാ ട്രീസയോട് പറഞ്ഞു... ട്രീസ അവളുടെ ഫോണിൽ നിന്നും  കോൾ ചെയ്തു... ത്രേസ്യാമ്മച്ചിയെ... അയാൾ കോൾ എടുക്കിന്നില്ലല്ലോ.. ചിലപ്പോൾ ഡ്രൈവിങ്ങിൽ ആയിരിക്കും അതാ.. ട്രീസ പറഞ്ഞു.. ഹ്മ്മ്... ത്രേസ്യാ അമർത്തി മൂളി.... അന്നേരം ട്രീസ തന്റെ അമ്മച്ചിയെ നോക്കി കണ്ണ്കൊണ്ട് എന്തൊ കാണിച്ചതും ക്ലാര ശരി എന്നപോലെ തലയനക്കി ത്രേസ്യാക്ക് നേരെ തിരിഞ്ഞു.. ത്രേസ്യാമ്മച്ചി.. ആ ബാഗ് പിടിക്കാൻ ബുദ്ധിമുട്ടാണെങ്കിൽ ഇങ് തന്നോളൂ.. ഞാൻ പിടിച്ചോളാം.... പണം അടങ്ങുന്ന ബാഗ് ത്രേസ്യ കയ്യിൽ പിടിച്ചിട്ടുണ്ട് അതിന്റെ കാര്യമാണ് ക്ലാര പറഞ്ഞത്.. ബാഗ് പിടിക്കുമ്പോൾ ബുദ്ധിമുട്ട് തോന്നാൻ അതിൽ അമ്മിക്കല്ലൊന്നും അല്ലല്ലോ ഉള്ളത് കുറച്ചു നോട്ട് കെട്ടുകൾ അല്ലെ..അതെനിക്ക് പിടിക്കാവുന്നതേയുള്ളൂ ത്രേസ്യാ പതിവ് ഗൗരവത്തിൽ പറഞ്ഞു... ആ പണം ഇങ് താ തള്ളേ എന്നും പറഞ്ഞു ട്രീസ പണം അടങ്ങുന്ന ബാഗ് ത്രേസ്യയുടെ കയ്യിൽ നിന്നും പിടിച്ചു വാങ്ങാൻ നോക്കിയതും  ഡീ ഉരുമ്പൊട്ടോളെ നീ എന്നെ ചതിക്കുവായിരുന്നല്ലേ എന്നു ത്രേസ്യാ പറഞ്ഞതും ക്ലാരയും ട്രീസയും കൂടി ത്രേസ്യയുടെ കയ്യിൽ നിന്നും പണം അടങ്ങുന്ന ബാഗും പിടിച്ചു വാങ്ങി ത്രേസ്യയെ പിടിച്ചു  നിലത്തേക്ക് തള്ളിയിട്ട്കൊണ്ട് ആ ഔട്ടോയിൽ കയറി രക്ഷപെട്ടു....ഇതൊക്കെ കണ്ട നിഹ വണ്ടിയിൽ നിന്നും ഇറങ്ങി ത്രേസ്യയുടെ അരികിലേക്ക് എത്തുമ്പോഴേക്കും ക്ലാരയും ട്രീസയും അവിടുന്ന് രക്ഷപെട്ടിരുന്നു.. തുടരും.. #💞 പ്രണയകഥകൾ #📔 കഥ