My boss.. 32 അനിയുടെ വണ്ടി ഗേറ്റ് കടക്കുന്നതും നോക്കി ആദം അവിടെ പാർക്ക് ചെയ്ത തന്റെ കാറിൽ നിന്നും പുറത്തിറങ്ങി... അവന്റെ കണ്ണുകൾ നിറഞ്ഞിട്ടുണ്ട്.. അതിൽ നിന്നും ഒരു നീർത്തുള്ളി അവന്റെ കവിളിലൂടെ ഉരുണ്ടിറങ്ങി.. അവൻ വണ്ടിയിൽ നിന്നിറങ്ങി മുന്നോട്ട് നടന്നു... അന്നേരമാണ് അവന്റെ പപ്പയും മമ്മയും അങ്ങോട്ട് വരുന്നത്.. ഇരുവരും അവനെ ഒരുപാട് കുറ്റപ്പെടുത്തി...ആദം ഒന്നും മിണ്ടിയില്ല... ശേഷം ഇരുവരും തങ്ങളുടെ വണ്ടിക്കരികിലേക്ക് നടന്നു... തൊട്ടടുത്ത നിമിഷമാണ് അനിയുടെ കാർ  അവനു മുന്നിൽ  സഡൻ ബ്രേക്കിട്ട് നിർത്തുന്നത് ... കാറിൽ നിന്നുമിറങ്ങി വന്ന അനി നിഹയെ വണ്ടിയിൽ നിന്നും ഇറക്കി ആദത്തിന്റെ മുന്നിൽ കൊണ്ട് നിർത്തി.. ദാ... നീ എടുത്തോ... നിന്റെ ഭാര്യയെ ഞാൻ കൊണ്ടു പോയത് പോലെ തിരികെ തന്നിട്ടുണ്ട്... ഇവൾക്ക് എന്നെ വേണ്ടെന്ന് നിന്നെ മതിയത്രേ...ഇവളെ ഞാൻ കൊണ്ടു പോയാൽ ഇവൾ വണ്ടിയിൽ നിന്നും എടുത്ത് ചാടുമെന്ന്... അവൾക്ക് നിന്നെ അത്രയ്ക്കും ഇഷ്ടം ആണെന്ന്... ഇത്രയും കാലം വളർത്തിയ ഞാൻ ആരും അല്ലെന്ന്... ദാ എടുത്തോ.. എന്റെ പെങ്ങളെ ഞാൻ നിനക്ക് വിട്ടു തരുവാ...... പക്ഷേ ഇനിയൊരു വട്ടംകൂടി ഇവൾക്കെന്തേലും സംഭവിച്ചാൽ പിന്നെ ഞാൻ നിനക്ക് ഒരിക്കലും ഇവളെ വിട്ടു തരില്ല....എന്നും പറഞ്ഞു നിഹയെ അവന്റെ മേലേക്ക് തള്ളിയിട്ടു അവൻ തന്റെ കാറിൽ കയറി വണ്ടി കുറച്ചു മുന്നോട്ട് എടുത്തു... ശേഷം അവിടെ പാർക്ക്‌ ചെയ്ത് വെച്ചു... ഇതേസമയം ആദത്തിന്റെ നെഞ്ചിൽ വീണ നിഹയുടെ കണ്ണുകൾ ചുവന്നു കലങ്ങിയുട്ടുണ്ട്.....അവന്റെ കോളറിൽ പിടി മുറുക്കി അവളവനെ ദഹിപ്പിച്ചു നോക്കി... എന്നെ പറഞ്ഞു വിടുവായിരുന്നു അല്ലെ... അപ്പോ ഇത്രേ ഉള്ളു എന്നോട് സ്നേഹം... ഐ ലവ് യൂ നിഹാ...ഐ വിൽ മിസ്സ്‌ യൂ നിഹാ.... ഹും....എന്നിട്ട് ഇത്രേം ദിവസം എന്നെ കാണാതെ നിന്നിട്ട് തനിക്ക് എന്നെ മിസ്സ്‌ ചെയ്തില്ല അല്ലെ... എന്നാൽ കേട്ടോ എനിക്ക് തന്നെ ഒരുപാട് മിസ്സ്‌ ചെയ്തു.... ഒരുപാടെന്ന് പറഞ്ഞാൽ ഒരുപാട്.....തനിക്കറിയോ ഈ മൂന്ന് ദിവസം ഞാൻ എന്തു മാത്രം വിഷമിച്ചെന്ന്... അറിയോന്ന്....പറ അറിയോന്ന്.. തനിക്ക് അറിയോ എനിക്ക്.. എനിക്ക് തന്നെ ഒരുപാട് ഇഷ്ടാ.. എനിക്ക് താൻ ഇല്ലാതെ പറ്റണ്ടേ..ഇല്ലേൽ ഞാൻ തിരിച്ചു വരില്ലായിരുന്നു...... അതും പറഞ്ഞു നിഹാ അവന്റെ കോളറിൽ പിടിമുറുക്കി കുലുക്കികൊണ്ടിരുന്നു..ആദം അവളെ തടയാനോ എതിർക്കാനോ നിന്നില്ല.. എന്തെങ്കിലും ഒന്ന് പറയെടോ...തന്റെ നാക്കെന്താ ഇറങ്ങിപ്പോയോ... അവൾ അവന്റെ കോളറിൽ ഒന്നുകൂടെ പിടി മുറുക്കി കൊണ്ട് ചോദിച്ചു.. അന്നേരം അവൻ തന്റെ നാക്ക് പുറത്തിട്ടു കാണിച്ചതും നിഹയുടെ ദേഷ്യം ഇരട്ടിച്ചു... അവൾ അവന്റെ കഴുത്തിൽ പിടി മുറുക്കി... എന്നെ തേച്ചിട്ട് പോവാന്ന് കരുതിയെങ്കിൽ കൊല്ലും ഞാൻ...ബ്ലഡി അയൺമാൻ.... മനസ്സിലായില്ല അല്ലെ.. തേപ്പുകാരാന്നു സ്നേഹത്തോടെ വിളിച്ചതാ....അതും പറഞ്ഞു അവന്റെ അധരങ്ങൾ മുഴുവനായും അവളുടേതാക്കി മാറ്റി... അവന്റെ കണ്ണുകൾ മിഴിഞ്ഞു വന്നു.... അവളുടെ സങ്കടം മുഴുവൻ അവൾ ആ ചുംബനത്തിൽ തീർത്തു...അല്പനേരം കഴിഞ്ഞതും  അവളവന്റെ അധരങ്ങളെ മോജിപ്പിച്ചു നിറ കണ്ണാലെ അവന്റെ മുഖത്തേക്ക് നോക്കിയപ്പോൾ അവന്റെ കണ്ണും ചെറുതായി നിറഞ്ഞിട്ടുണ്ട്.... അവനവളെ ഇറുകെ പുണർന്നു.... നിഹാ...ഐ ലവ് യു ന യാർ .. അവൻ അവളെ തന്നിൽ നിന്നും അടർത്തി മാറ്റി അവളുടെ കവിളിൽ തന്റെ ഇരു കൈത്തലവും ചേർത്തു വെച്ചു അവളുടെ കണ്ണിലേക്ക്  ദൃഷ്ട്ടി പതിപ്പിച്ചു കൊണ്ട് പറഞ്ഞു.. ഐ ലവ് യു ടൂ ന യാർ .....തിരികെ അവളുടെ അവന്റെ കണ്ണിലേക്കു നോക്കികൊണ്ട് അവൾ പറഞ്ഞു.... ആദം അവളുടെ മുഖത്താകമാനം ചുംബനങ്ങൾ കൊണ്ട് മൂടി.... ഇരുവരുടെയും പ്രവർത്തികൾ.. കാറിലിരുന്നു അനിയും രേഷ്മയും യാഗും കാണുന്നുണ്ടായിരുന്നു...യാഗിന് രണ്ടു പേരെയും വീണ്ടും ഒരുമിച്ചു കണ്ടപ്പോൾ വല്ലാത്ത സന്തോഷം... ആ ഫ്രഞ്ച് സീൻ വന്നപ്പോൾ ചെക്കൻ കണ്ണടച്ച് നിന്നതാണ്...ഇതിപ്പോ കഴിഞ്ഞോന്നറിയാൻ അവൻ ഒറ്റകണ്ണിറുക്കി  നോക്കുന്നുണ്ട്... കണ്ടില്ലെ... രണ്ടു പേർക്കും അത്രയ്ക്ക് ഇഷ്ടാ.. പിന്നെന്തിനാ നിങ്ങൾ അവരെ തമ്മിൽ അകറ്റുന്നത്.. വേണ്ടാ.... അവരുടെ സന്തോഷം നിങ്ങളായിട്ട് തല്ലിക്കെടുത്തരുത്..... രേഷ്മ അനിയുടെ തോളിൽ കൈ വെച്ച് കൊണ്ടു് പറഞ്ഞു..... അന്നേരം അനി ഒന്ന് ദീർഘമായി നിശ്വസിച്ചു ആദം നിഹയെ തന്റെ വണ്ടിയുടെ കോ ഡ്രൈവിംഗ് സീറ്റിൽ ഇരുത്തി അനിയുടെ കാറിനരികിലേക്ക് നടന്നു... ആദത്തെ കണ്ടതും അനി ഇറങ്ങി വന്നു.. എക്സ്‌ക്യൂമി..എനിക്ക് കുറച്ചു സംസാരിക്കണം...ആദം പറഞ്ഞു.. എനിക്കൊന്നും സംസാരിക്കാനില്ല.. ഞങ്ങൾ പോവുകയാണ്... But I need to talk to you... Please.. ആദം പറഞ്ഞത് കേട്ട് അനി ആദത്തിന്റെ കൂടെ നടന്നു.... ഞാൻ ഇന്നലെ അവളെ വിട്ടു തന്നത് എന്തിനാണെന്ന് അറിയോ.. ഒരു സഹോദരന്റെ വേദനയും സങ്കടവും ശരിക്കും മനസ്സിലാവുന്നത് കൊണ്ടാ .. അല്ലാതെ എനിക്ക് അവളോട് ഇഷ്ടം ഇല്ലാഞ്ഞിട്ടോ ആരെയും പേടിച്ചിട്ടോ ഒന്നും അല്ല... ഞാനും ഒരു സഹോദരനാണ്... നിങ്ങളെ പോലെ എനിക്കും ഉണ്ട് ഒരനിയത്തി..... ദാ കാണ്.. ഇതാണെന്റെ അനിയത്തി...ഇവളെ ഈ അവസ്ഥയിൽ ആക്കിയവരെ കണ്ടെത്താൻ വേണ്ടിയാണ് ആദം ജോൺ എന്ന ഡിസൈനർ ഒരു ഗുണ്ട ആയത്... ഇത് വെറും കിടപ്പല്ല ഒരു റേപ്പ് കഴിഞ്ഞു എല്ലാം നഷ്ടപെട്ടു മാനസികമായും ശരീരികമായും തളർന്നുള്ള കിടപ്പാണ്.. ആദം തന്റെ ഫോണിലുള്ള ഇസയുടെ വീഡിയോ കാട്ടികൊടുത്തു കൊണ്ട് പറഞ്ഞു..... അനി ആ ഫോൺ വാങ്ങി അതിലേക്ക് കണ്ണോടിച്ചു.... ബെഡിൽ ഒന്നും അറിയാതെ മരവിച്ച മനസുമായി തളർന്നു കിടക്കുന്ന ഇസ.... അത് കണ്ടപ്പോൾ നിഹയെയാണ് അനി ഓർത്തത്.... അനി  ആദത്തെ ചോദ്യഭാവത്തിൽ നോക്കി.... ഇതെന്റെ അനിയത്തിയാ... ഇസ ജോൺ.. നിഹയുടെ കൂടെ ബാംഗ്ലൂരിൽ ഒരുമിച്ചു പഠിച്ചതാ... ഒരുവർഷം ആയി ഈ കിടപ്പ് തുടങ്ങിയിട്ട്... കൊച്ചിയിലെ ഒരാശ്രമത്തിൽ ചികിത്സയിൽ കഴിയുകയാണ്.. എന്റെ വീട്ടുകാരൊക്കെ കരുതിയിരിക്കുന്നത് ഇവള് വിദേശത്തു പഠിക്കാൻ പോയിരിക്കുകയാണ് എന്നാണ്... അങ്ങനെ ഞാൻ വരുത്തി തീർത്തതാ... ഓരോ രണ്ടു ദിവസം കൂടുമ്പോഴും  യൂ എസ്സിൽ നിന്നും വീട്ടിലേക്ക് കോൾ വരും... മകളാണെന്ന് കരുതി പപ്പയും മമ്മയും സംസാരിക്കും... എനിക്ക് അങ്ങനെ ചെയ്തല്ലേ പറ്റു.. അത്രയും പറഞ്ഞു ആദം ഒരു നെടുവീർപ്പിട്ടു.... ഇനി ഞാനൊരു സത്യം പറയട്ടെ ഞാൻ ശരിക്കും നിങ്ങളുടെ അനിയത്തിയെ വിവാഹം കഴിച്ചത് എന്തിനാണെന്ന് അറിയോ..???എന്റെ അനിയത്തിയെ ഈ ഈ അവസ്ഥയിൽ എത്തിച്ച നിങ്ങളുടെ അനിയത്തിയോട് പ്രതികാരം ചെയ്യാൻ.. ഒരു ഞെട്ടലോടെയാണ് അനി ഇത് കേട്ടു നിന്നത്.... പക്ഷെ ഇപ്പോ എന്റെ ഉള്ളിൽ ആ പകയോ പ്രതികാരമോ ഒന്നും ഇല്ല.. പകരം ഇഷ്ടം മാത്രമേ ഉള്ളു... എനിക്ക് ജീവനാണ് അവളെ.. ആദം അനിയോട്  എല്ലാം തുറന്നു പറഞ്ഞു..... ഇസയെ ചതിച്ചവരെ കണ്ടെത്താൻ വേണ്ടിയാണ് താനൊരു ഗുണ്ടയായത്.. താൻ കൊന്നൊടുക്കി മുഴുവൻ പേരും മരണം അർഹിക്കുന്നവരാണ്...തന്റെ അനിയത്തിയെ പോലെ ചതിക്കപ്പെടുന്ന പെൺകുട്ടികൾക്ക് നീതി വാങ്ങി കൊടുക്കുക എന്ന ഉദ്ദേശത്തോടെയാണ് താൻ ഇതൊക്കെ ചെയ്തത് .. അല്ലാതെ ഒരു നിരപരാധിയെ പോലും താൻ ഇതുവരെ കൊന്നൊടുക്കിയിട്ടില്ല..... നിഹയ്ക്ക് എന്തൊക്കെയോ അറിയാം അതവൾ തുറന്നു പറയുന്നില്ല.. എനിക്കുറപ്പുണ്ട് അവളൊരു തെറ്റും ചെയ്തു കാണില്ല...നിങ്ങൾ പറഞ്ഞത്പോലെ എന്റെ ശത്രുക്കൾ തന്നെയാണ് അവളെ ഇല്ലാതാക്കാൻ നോക്കുന്നത്.. അത്കൊണ്ട് തന്നെയാണ് ഞാൻ അവളെ നിങ്ങളുടെ കൂടെ പറഞ്ഞു വിടാൻ തയ്യാറായ്യതും.. ഞാൻ നിങ്ങൾക്ക് ഉറപ്പ് തരാം  ഇനി അവളുടെ മേലെ ഒരു തരി മണ്ണ് വീഴാൻ ഞാൻ സമ്മതിക്കില്ല.... ഇതെന്റെ വാക്കാണ്....ദയവ് ചെയ്ത് ഇപ്പൊ ഒന്നും അവളോട് പറയരുത്... എല്ലാം ഞാൻ തന്നെ തുറന്നു പറഞ്ഞോളാം... എനിക്ക് ചിലതൊക്കെ അറിയണം അതുവരെ നിങ്ങൾ എന്റെ കൂടെ ഉണ്ടാവണം....അത് കഴിഞ്ഞു ഞാൻ എല്ലാം നിർത്തിക്കോളാം... ആദം അനിയോട് അപേക്ഷ രൂപേണ പറഞ്ഞതും കൂടെ ഉണ്ടാവും എന്നപോലെ അനി ആദത്തിന്റെ തോളിൽ കൈ വെച്ചു... താങ്ക് യൂ സാർ.... ഇനി ഈ സാർ വിളി വേണ്ട.. അനി പറഞ്ഞത് കേട്ടതും ആദം ചിരിക്കാൻ ശ്രമിച്ചു. നിങ്ങൾക്ക് കുറച്ചു നാൾ ഇവിടെ താമസിച്ചാലെന്താ . ഇവിടെ എന്റെ ഫ്ലാറ്റിൽ താമസിക്കാം.... അടുത്ത ആഴ്ച ഇവിടെ പള്ളിയിൽ വെച്ചു ഞങ്ങളുടെ മിന്നുകെട്ട് നടക്കും... നിങ്ങളുടെ പ്രെസെൻസും ബ്ലെസ്സിങ്സും നിഹയെപോലെ ഞാനും ആഗ്രഹിക്കുന്നുണ്ട്.. ആദത്തിന്റെ ആഗ്രഹത്തിനു അനി സമ്മതം മൂളി..... ആദം നിഹയും ഒരുമിച്ചു പോയാണ് അനിക്ക് ഫ്ലാറ്റ് കാട്ടി കൊടുത്തതും...അത് കഴിഞ്ഞു നിഹയും ആദമും മടങ്ങി... മടക്കയാത്രയിൽ നിഹാ ഒരുപാട് സന്തോഷവതി ആയി കാണപ്പെട്ടു.... ഇത്തിരി വെള്ളം കുടിച്ചാൽ എന്താ.. അളിയനും അളിയനും സെറ്റായല്ലോ അത് മതി....നിഹ വിശാലമായി സീറ്റിലേക്ക് ചാരിയിരുന്നു കൊണ്ട് പറഞ്ഞു.. ഇത്തിരി വെള്ളം കുടിക്കുകയോ.. എടീ ബുദ്ദു ആ തലമണ്ടേൽ മൊത്തം ചെളി കേറി കിടപ്പായിരുന്നു ... ഇല്ലെങ്കിലേ ആ തലയിൽ ചളി ആയിരുന്നു അത് വേറെ കാര്യം.... ആദം നിഹയെ പാളി നോക്കികൊണ്ട് പറഞ്ഞു.. അന്നേരം നിഹാ അവനെ കൂർപ്പിച്ചു നോക്കി.... അല്ല എന്ത് പറഞ്ഞാ അനിയേട്ടനെ കുപ്പിയിലാക്കിയത്.... അതൊക്കെ ഉണ്ട്... അതും പറഞ്ഞു അവൻ അവളുടെ കയ്യെടുത്തു അവന്റെ ചുണ്ടോടു ചേർത്തു...അന്നേരം അവളുടെ മുഖത്ത് നാണം വിരിഞ്ഞു.. ചിലനേരത്ത് അവളുടെ മുഖത്ത് വിരിയുന്ന ആ നാണം അത് കാണാൻ അവനൊരുപാട് ഇഷ്ടമാണ്.. ഇന്നിപ്പോ ഒരാഴ്ചയ്ക്ക് ഇപ്പുറം ആദവും നിഹയും എല്ലാവരുടെയും അനുഗ്രഹത്തോടെ ഒന്നായിരിക്കുകയാണ്... ആദം അവൾക്ക് വേണ്ടി ഡിസൈൻ ചെയ്തെടുത്ത വൈറ്റ് ഗൗൺ അവൾക്ക് ഒരുപാട് ഇഷ്ടം ആയി... പള്ളിയിലെ ചടങ്ങ് കഴിഞ്ഞു  ഇരു കുടുംബക്കാർക്ക് വേണ്ടിയുള്ള പാർട്ടിയും ഉണ്ടായിരുന്നു.....എല്ലാം കഴിഞ്ഞു നിഹയുടെ വീട്ടുകാരും ബന്ധുക്കളും അന്ന് തന്നെ നാട്ടിലേക്ക് മടങ്ങി.. തങ്ങൾ വൈകാതെ അങ്ങോട്ട് വരുമെന്ന് ആദം അനിക്ക് ഉറപ്പു നൽകി.. അത് കഴിഞ്ഞു ഒരുമിച്ചൊരു അന്വേഷണം അതായിരുന്നു ഇരുവരുടെയും മനസ്സിൽ.... ഇരുവരും ആദ്യ രാത്രിയും ഹണിമൂണും ഒരു മിച്ചു ആഘോഷിക്കാൻ വേണ്ടി അങ്ങ് ഫിൻലാന്റിലേക്ക് പറന്നിരിക്കുകയാണ്.. ആദ്യരാത്രിയുടെ ത്രില്ലിലും എകസൈട്മെന്റിലുമാണ് ആദം.. എത്രയോ രാത്രികൾ ഒരുമിച്ചു കിടന്ന നമുക്കെന്ത് ആദ്യ രാത്രിയെന്ന് നിഹ ചോദിച്ചു .....ഇന്ന് ഞാൻ നിന്നെ മുഴുവനായും സ്വന്തമാകുന്ന രാത്രിയാണ്.. അതിനാൽ ഈ രാത്രി എനിക്ക് സ്പെഷ്യൽ ആണ്..... നേരത്തെ ആദം തന്റെ കാതിൽ സ്വകാര്യംപോലെ പറഞ്ഞത് അവളുടെ മനസ്സിലേക്ക് ഓടിയെത്തി.... ഫിൻലന്റിലെ  റൊവാനിയമിക്ക് സമീപത്തുള്ള ഹണിമൂൺ കോട്ടേജിലെ മനോഹരമായ മഞ്ഞു മൂടിയ സായാഹ്നം... അവിടെ വിന്റർ സീസൺ ആയതിനാൽ എവിടെ നോക്കിയാലും മഞ്ഞു മൂടി കിടക്കുന്നത് കാണാം....നിഹ  ഒരു കപ്പ് കോഫിയുമായി ഗ്ലാസ് വിൻഡോയുടെ അരികിലേക്ക് നടന്നു... കുട്ടി നിക്കറും ഓവർ സൈസ്ഡ് ടി ഷർട്ടുംആയിരുന്നു അവളുടെ വേഷം...കൂടെ മനോഹരമായ ബെഡ്റൂം സ്ലിപ്പർ കൂടി അവൾ ധരിച്ചിട്ടുണ്ട്...കർട്ടൻ കൊണ്ടുണ്ടാക്കിയ മറ നീക്കി പുറം കാഴ്ചയിലേക്ക് കണ്ണും നട്ട് അവൾ കോഫി ഒന്ന് സിപ് ചെയ്തു...ശരീരം കോച്ചുന്ന തണുപ്പാണ്.. ഒപ്പം വിൻഡോയിലൂടെ ഒഴുകിവന്ന തണുത്ത കാറ്റ്...അവളുടെ ഉള്ളമൊന്ന് വിറച്ചു.... ആദം കുളി കഴിഞ്ഞു വാഷ്റൂമിൽ നിന്നും ഇറങ്ങി വന്നതായിരുന്നു..... ടവ്വൽ മാത്രമായിരുന്നു അവന്റെ വേഷം...നിഹയുടെ  വേഷവും ആ നിൽപ്പും  ഒരുവേള അവനത് ആസ്വദിച്ചു നോക്കി നിന്നു.... ആദ്യമായിട്ടായിരുന്നു അതുപോലൊരു വേഷത്തിൽ അവനവളെ കാണുന്നത്.... അവളുടെ വെളുത്തു തുടുത്ത തുടയിൽ നിന്നും വാക്സ് ചെയ്ത് മിനുക്കിയ കാലിലൂടെ  അവന്റെ കണ്ണുകൾ ഒഴുകി നടന്നു.. കുറച്ചു നേരം അവൾ അറിയാതെ വായി നോക്കി നിന്നു..ഇനി അവളെ അറിയിച്ചു വായി നോക്കാമെന്ന് കരുതിയാണ് അവൻ അവളുടെ അരികിലേക്ക് നടക്കുന്നത്.... അവൻ അവളുടെ പിന്നിലൂടെ ചെന്നു വയറിലൂടെ കയ്യിട്ട് ഇറുകെ പുണർന്നു....അവളുടെ തോളിൽ താടിയൂന്നി നിന്നു...... പേടിപ്പിച്ചു കളഞ്ഞല്ലോ.....ദേ എന്റെ കയ്യിലെ കോഫി കപ്പ്‌ ഇപ്പോ വീണേനെ... നിഹാ അവനു നേരെ തിരിഞ്ഞു കൊണ്ട് പറഞ്ഞു.. വീണേനെ എന്നല്ലേ...വീണില്ലല്ലോ.. എന്നും പറഞ്ഞു അവനവളുടെ കയ്യോട് കൂടെ കപ്പ് ചേർത്തു പിടിച്ചു തന്റെ ചുണ്ടോട് അടുപ്പിച്ചു കോഫി ഒന്ന് സിപ് ചെയ്തു.. Uff.. നീ കുടിച്ച കോഫിക്ക് ഒരു പ്രത്യേക രുചിയാണല്ലോ കുഞ്ഞോളെ... ആദം ആ പറഞ്ഞത് കേട്ടതും നിഹ ചുണ്ട് കൂർപ്പിച്ചു അവനെ നോക്കി... അത് ശരി അപ്പോ അതും അടിച്ചു മാറ്റില്ലേ... ഞാനടിച്ചു മാറ്റിയതൊന്നും അല്ല ഒന്ന് വിളിച്ചു നോക്കിയതല്ലേ.... അവളുടെ കൂർപ്പിച്ചുള്ള നോട്ടവും ചോദ്യവും കണ്ടു് അവൻ പറഞ്ഞു.. എന്നാലങ്ങനെ വിളിച്ചു നോക്കണ്ട... അത് എന്റെ അനിയേട്ടൻ വിളിച്ചു കേൾക്കുമ്പോഴാ അതിന്റെ ആ ഒരു ഫീൽ കിട്ടുള്ളു...അവൾ അവന്റെ കയ്യിൽ നിന്നും കോഫി തിരികെ വാങ്ങിച്ചു സിപ് ചെയ്തു.. ശരി വിളിക്കുന്നില്ല.... അപ്പോ ഞാനെന്താ വിളിക്കേണ്ടത്....അവൻ അതും പറഞ്ഞു അവളുടെ കയ്യിലെ കപ്പ്‌ വീണ്ടും തന്റെ  ചുണ്ടോട് അടുപ്പിച്ചു... സാർ ഇത്രയും നാള് എന്താ വിളിച്ചോണ്ടിരുന്നത് അത് തന്നെ അങ്ങ് വിളിച്ചാൽ മതി.. പിന്നെ ഇതെന്റെ കോഫിയാ.. സാറിന് വേണമെങ്കിൽ ഞാൻ വേറെ ഇട്ട് തരാം.. വേറെ കോഫി ആർക്കു വേണം..എന്റെ നിഹാ നീ എന്തോന്നാ  ഇങ്ങനെ... കുറച്ചു കൂടെ റൊമാന്റിക്ക് ആവ്....ഇല്ലെങ്കിലേ നമ്മൾ തീരെ റൊമാന്റിക് അല്ലെന്നാ പലരും പറയുന്നത്.... അതേത് തെണ്ടിയാ അങ്ങനെ പറഞ്ഞത്....നിഹയ്ക്ക് സംശയം.. അത് ഇവിടൊക്കെ തന്നെ ഉള്ളവരാ... അതുകൊണ്ട് ഞാനിന്ന് ശരിക്കും റൊമാന്റിക് ആവാൻ പോകുവാ.. എന്നും പറഞ്ഞു അവളുടെ കയ്യിലെ കോഫി കപ്പ് വാങ്ങിച്ചു അവിടെ ഒരു ഭാഗത്ത്‌ വെച്ച് അവളെ ചേർത്തു പിടിച്ചു തന്റെ മുടിയിലെ വെള്ളം അവളുടെ മുഖത്തേക്ക് കുടഞ്ഞു.... എന്താ സാർ ഇത് കഷ്ടം ഉണ്ട്ട്ടോ...നിഹ അവന്റെ പ്രവർത്തി ഇഷ്ടപെടാത്ത മട്ടിൽ പറഞ്ഞു.. ദേ നിന്റെ സാർ വിളി ഞാൻ ഇന്നത്തോടെ നിർത്തി തരുന്നുണ്ട്... അവളുടെ ഇടുപ്പിലൂടെ കയ്യിട്ട് തന്നോട്  അടുപ്പിച്ചു അവളുടെ കഴുത്തിൽ അവിടെയും ഇവിടെയും ഒക്കെയായി ചുംബിച്ചും മുഖമുരസി ഇക്കിളി കൂട്ടികൊണ്ടാണ് അവനത് പറഞ്ഞത്.. വിട്.. എന്താ ഈ കാണിക്കുന്നത് എനിക്ക് ഇക്കിളിയാവുന്നു..നിഹാ കുതറി മാറാൻ ശ്രമിച്ചു.. അന്നേരം അവൻ അവളിലെ പിടി ഒന്നുകൂടെ മുറുക്കി.. നിഹാ അടങ് പെണ്ണേ ...ഫസ്റ്റ് നൈറ്റ്‌ ഫ്ലൈറ്റിൽ ആയി... പിന്നെ രാവിലെ മുതൽ ഇതുവരെ യാത്രാക്ഷീണവും ഉറക്കവും... ഇപ്പഴാ ഒന്ന് സെറ്റായത്....നമുക്കിന്നു ആഘോഷിക്കണ്ടേ...അവൻ അവളുടെ തോളിൽ നിന്നും ടീ ഷർട്ട് താഴ്ത്തി അവിടെ ചുംബിച്ചുകൊണ്ട് പറഞ്ഞു .. അവിടുന്ന് അവന്റെ ചുണ്ടുകൾ മേലോട്ട് ഇഴഞ്ഞു നീങ്ങി... അവളുടെ കഴുത്തിലും കാതിലുമായി അവന്റെ ചുണ്ടും നാവും ഒഴുകി നടന്നു... അവന്റെ പ്രവർത്തി അവളിൽ കുളിര് പടർത്തി.... അതിന്.. അതിനിപ്പോ.... രാത്രി.. രാത്രി ആയില്ലല്ലോ സാർ... അവന്റെ അധരങ്ങൾ തന്റെ കഴുത്തിൽ തീർക്കുന്ന മായാജാലം അവളെ വിവശയാക്കി തുടങ്ങി...അവൾ അതിനിടയിൽ എങ്ങനെയോ പറഞ്ഞു.. ഹണി മൂണിനിടയിൽ രാവെന്നോ പകലെന്നോ ഇല്ല നിഹാ... രാവുകൾ പകലായി മാറുമ്പോൾ  പകലുകൾ രാവായി മാറും... ഓരോരാവിലും പകലിലും  നിന്നിലെനിക്കൊരു പ്രണയമഴയായ് പെയ്യണം... അതാണെന്റെ ആഗ്രഹം....അതും പറഞ്ഞു അവനവളുടെ ടീ ഷർട് പൊക്കി അതിനുള്ളിലൂടെ നുഴഞ്ഞു കയറി കഴുത്തിലൂടെ തല പുറത്തേക്ക് ഇറക്കി വെച്ചു... ഓവർ സൈസ് ടീ ഷർട്ട് ആയതിനാൽ അവനതിനകത്തു കയറിയിരിക്കാൻ ഒരു ബുദ്ധിമുട്ടും ഇല്ലായിരുന്നു...... അവന്റെ ആ പ്രവർത്തിയിൽ നിഹയുടെ കണ്ണുകൾ മിഴിഞ്ഞു വന്നു.... അവന്റെ നഗ്നമായ നെഞ്ച് അവളുടെ മാറിടത്തിൽ അമർന്നതും അവളിലൂടെ ഒരു വിറയൽ കടന്നു പോയി...അത് മനസ്സിലായെന്നപോലെ അവൻ ഒന്നുകൂടെ അവളെ അണച്ചു പിടിച്ചു.... ഇച്ചാ.. ഇച്ചായാ.. എന്തുവാ ഈ കാണിക്കുന്നത്.. ഇനി ഇതിൽ നിന്നു നമുക്ക് ഇറങ്ങാൻ പറ്റുമോ...?? പറ്റിയില്ലേൽ നമുക്ക് കട്ട്‌ ചെയ്യാന്നെ...ആദം നിസാരമട്ടിൽ പറഞ്ഞു എന്ത്.... അവൾ ഒരു വല്ലാത്ത ഭാവത്തിൽ ചോദിച്ചു... ടീ ഷർട്ട്... അതാണോ.. ഞാൻ കരുതി..നിഹ മുഴുവനാക്കാതെ നിർത്തി.. നീ എന്തോ കരുതി..?? അത് പിന്നേ എന്റെ കഴുത്ത് വെട്ടാന്ന് പറഞ്ഞതാണോന്ന്.. അച്ചോടാ....ഞാനത് ചെയ്യോ...അവളുടെ താടി പിടിച്ചു കൊഞ്ചിച്ചു കൊണ്ട് അവൻ പറഞ്ഞു അവളെയും കൊണ്ടവൻ തൊട്ടരികിലെ ബീൻബാഗിലേക്ക് മറിഞ്ഞു....അവളുടെ മേലെയാണ് അവനിപ്പോ ഉള്ളത്.... ആ ടീ ഷർട്ടിനുള്ളിൽ ഇനിയും നിൽക്കുക പ്രയാസമാണെന്ന് തോന്നിയതും അവൻ അവളുടെ ടീ ഷർട്ട് പൊക്കി തലവഴി വലിച്ചൂരി.....മിഴിഞ്ഞ കണ്ണാലെ അവളവനെ ഒന്ന് നോക്കി.....ഷോർട്സും ഇന്നർവെയറും മാത്രമിട്ട് നിൽക്കുന്ന അവളെ കാണവെ അവന്റെ കണ്ണുകൾ തിളങ്ങി അവൻ വല്ലാത്ത ഭാവത്തിൽ അവളെയൊന്ന് നോക്കി...അവന്റെ നോട്ടം താങ്ങാനാവാതെ അവൾ അവനെ തള്ളി മാറ്റി അവിടുന്ന് ബെഡിനരികിലേക്ക് ഓടി.... ബെഡിൽ കിടക്കുന്ന വെളുത്ത ബ്ലാങ്കെറ്റ് എടുത്തു അവൾ തന്റെ ദേഹം മറച്ചു പിടിച്ചു ബെഡിൽ കാല് കുത്തിയിരുന്നു മുഖം മുട്ടിൽ പൂഴ്ത്തി.....മുറിയിലെ തണുപ്പ് അസ്സഹനീയമായിരുന്നു... തണുക്കുന്നുണ്ടോ.... അവളുടെ ഇരിപ്പ് കണ്ടു അവൻ ചോദിച്ചു.. ഹ്മ്മ്...അവളൊന്നു മൂളി.. അന്നേരം അവൻ ഇലക്ട്രിക് ഫയർപ്ലേസ് ഓൺ ചെയ്തു വെച്ചു....കൃത്രിമ തീ ജ്വാലകൾ സൃഷ്ടിച്ചു കൊണ്ട് led ലൈറ്റിനാൽ സജ്ജീകരിച്ച ആർട്ടിഫിഷ്യൽ ഫയർപ്ലെസിലേക്ക് അവളുടെ കണ്ണുകൾ നീണ്ടു.... അവൻ അതിന്റെ റിമോട്ട് കണ്ട്രോള്ളറിലൂടെ എന്തൊക്കെയോ അഡ്ജസ്റ്റ് ചെയ്ത് വെക്കുന്നുണ്ട്.. പതിയെ പതിയെ മുറിയിലെ തണുപ്പ് കുറഞ്ഞു തുടങ്ങി... ആദം റിമോട്ട് ബെഡിന്റെ അരികിൽ വെച്ചു അവളുടെ അരികിൽ വന്നിരുന്നു അവളുടെ പുതപ്പ് വലിച്ചെടുക്കാൻ നോക്കിയെങ്കിലും അവൾ പിടി വിട്ടില്ല... എന്നാൽ ഞാനും ഉണ്ടെന്ന് പറഞ്ഞു അവനും പുതപ്പിനുള്ളിലേക്ക് നൂണ്ട് കയറി.... ഇരുവരും ഒരു ബ്ലാങ്കെറ്റിനുള്ളിൽ ഒട്ടിച്ചേർന്നു ഇരുന്നു.... തുടരും.. #💞 പ്രണയകഥകൾ #📔 കഥ