💞മണ്മറഞ്ഞ ഓർമ്മകൾ 💞 @@@@@@@@@@@@ *Ramseena Muhammed * *ഭാഗം 40 * നാളെയാണ് ഷാനയുടെ ബർത്ത്ഡേ .അതോണ്ട് ഞങ്ങളെല്ലാരും കൂടെ അവൾക്കൊരു ഉഗ്രൻ സർപ്രൈസ് പാർട്ടി കൊടുക്കാനുള്ള പ്ലാനിങ്ങിലാണ് .അവളെ അവിടേക്ക് എത്തിക്കാൻ എല്ലാരും കൂടെ എന്നെ ഏൽപ്പിച്ചതു കൊണ്ട് പിറ്റേന്ന് വൈകുന്നേരമാവുമ്പോഴേക്കും പാർട്ടിയുടെ ഒരുക്കങ്ങളൊക്കെ കഴിഞ്ഞ് ഞാനവൾ വരുന്നതും നോക്കി സ്കൂൾ ഗേറ്റിനടുത്ത് കാത്തിരിക്കുമ്പോഴാണ് എക്സാമും കഴിഞ്ഞ് അവളും ലുബിയും എന്റെ അടുക്കലേക്കു വന്നത് .ഇന്ന് അവളുടെ ബർത്ത്ഡേ ആണെന്നൊന്നും പെണ്ണിന് ഓർമ്മയില്ലാന്ന് തോന്നുന്നു .അവൾടെ സംസാരം മുഴുവൻ എക്സമിനെ കുറിച്ചായിരുന്നു .പിന്നെ ലുബീന്റെ ബസ് വന്നതും ഞാൻ ഷാന കേൾക്കാതെ അവളോട്‌ പെട്ടെന്ന് വരണോന്നും പറഞ്ഞ് ബസിൽ കയറ്റി വിട്ടു . ഷാനയോട് ബൈക്കിൽ കയറാൻ പറഞ്ഞപ്പോൾ അവള് ചിരിച്ചോണ്ട് എന്റെ അടുത്തേക്ക് വന്ന് എന്റെ ഷർട്ടിന്റെ ബട്ടണിൽ പിടിച്ചു കളിക്കേന്ന് .അത് കണ്ടപ്പോ തന്നെ മനസിലായി എന്തോ പണി തരാനാണെന്ന് .ഇനിയും അതിനെക്കുറിച്ച് ചോദിക്കാതിരുന്നാൽ മിക്കവാറും എന്റെ ഷർട്ടിന്റെ ബട്ടൺ മൊത്തം അവളുടെ കയ്യിലേക്ക് ഊരി വരുമെന്ന് ഉറപ്പായപ്പോൾ ഞാൻ കാര്യം തിരക്കിയതും അവള് പറയുന്നതൊക്കെ കേട്ട് എന്റെ കണ്ണു രണ്ടും പുറത്തേക്ക് ചാടുമെന്ന അവസ്ഥയിലായി . "ടാ ,,,നീ എന്തു നോക്കി നിൽക്കാ,കുറച്ച് പിന്നോട്ട് നീങ്ങിയിരുന്നെ ഇനി ഞാനോടിച്ചോളാം ." പടച്ചോനെ ,ഇനി ഇവളെന്നെ കൊല്ലാനുള്ള ഉദ്ദേശത്തിലാണോ ? "ഒന്ന് പോയെ ഷാനാ,,,ഇത് നിന്റെ പാട്ട സ്കൂട്ടിയല്ലാ ,ബുള്ളറ്റാ ബുള്ളറ്റ് .ഇതൊന്നും നീ ഓടിച്ചാൽ ശെരിയാവൂല .അതോണ്ട് മോളിപ്പോ ഇക്കാന്റെ പിന്നിലിരുന്നാൽ മതിട്ടോ ,എനിക്ക് ഇനീം കുറേ കാലം ജീവിക്കാനുള്ളതാ ." ഞാനത് പറഞ്ഞ് പെണ്ണിനെ നോക്കിയപ്പോൾ ആ മുഖം വാടിത്തുടങ്ങിയിരുന്നു . "ടാ ,,,പ്ലീസ് ടാ ,ഞാനാദ്യായ്ട്ടല്ലേ നിന്നോടൊരു കാര്യം ആവശ്യപ്പെടുന്നെ ,ഒന്ന് സമ്മതിക്കടാ പ്ലീസ് പ്ലീസ് പ്ലീസ് ...." ചെറിയ കുട്ടികളെപ്പോലെ അവളെന്റെ മുന്നിൽ നിന്ന് കെഞ്ചുന്നതു കണ്ടപ്പോൾ ചിരിയാ വന്നത് .അവളുടെ ആ കളി കാണാൻ ഒരു പ്രത്യേക രസാന്ന് . ഞാനവളെ നോക്കി പുഞ്ചിരിച്ചു കൊണ്ട് പിന്നോട്ട് നീങ്ങിയിരുന്നതും പെണ്ണ് വിശ്വാസം വരാതെ എന്നെത്തന്നെ നോക്കാൻ തുടങ്ങി .അപ്പൊത്തന്നെ ഞാനവളോട് കണ്ണുകൊണ്ട് കയറാൻ ആംഗ്യം കാണിച്ചതും അവള് ഒരു താങ്സും പറഞ്ഞ് എന്റെ കവിളിൽ പിച്ചിക്കൊണ്ട് വേഗം മുന്നിൽ കയറിയിരുന്നു . "ടീ ,,,നിനക്ക് ഇതൊക്കെ ഓടിക്കാനറിയാല്ലോല്ലേ ," "ആഹ് ,അതൊക്കെ ഞാൻ ജാബിയെ സോപ്പിട്ടു പഠിച്ചെടുത്തിന്.പക്ഷെ വണ്ടി എടുക്കാൻ ഉമ്മച്ചി സമ്മയ്ക്കൂല ." "അതെന്താ ..." "അ.....അത് പിന്നെ ,ഒരു ദിവസം നമ്മള് വല്യ ഷോ കാണിച്ച് അതിമ്മേന്ന് നൈസായിട്ട് വീണു .അതോടെ ഉമ്മ നമ്മളെ വണ്ടിപ്രാന്തങ്ങ് അവസാനിപ്പിച്ചു ." "ഹ ഹ ഹ ,അത് പൊളിച്ചു .എന്തായാലും മോളിപ്പോ വണ്ടിയെടുക്കാൻ നോക്ക് .നമുക്ക് രണ്ടു മൂന്നു സ്ഥലം വരെ പോകാനുണ്ട് ." "എങ്ങോട്ടാ ..." "അതൊക്കെ പറയാം .നീയാദ്യം വണ്ടിയെടുക്ക് " ഞാനത് പറഞ്ഞതും അവൾ വണ്ടി സ്റ്റാർട്ട്‌ ചെയ്ത് ഞാൻ പറഞ്ഞ വഴിയിലൂടെ സഞ്ചരിക്കാൻ തുടങ്ങി .പെണ്ണ് നല്ല അസ്സലായി ഓടിക്കുമെന്ന് ഇപ്പഴാ എനിക്ക് മനസിലായത് . ഡ്രൈവിങ്ങിനിടയിൽ അവളെന്തൊക്കെയോ സംസാരിക്കുന്നുണ്ട് .അപ്പോഴും എന്റെ നോട്ടം മുഴുവൻ ആ മുഖത്തേക്കായിരുന്നു .ഇടയ്ക്കിടെ ഞങ്ങളെ തഴുകിയെത്തുന്ന കാറ്റിന്റെ നേർത്ത സംഗീതത്തിൽ അവളുടെ മുടിയിഴകൾ നൃത്തം വെക്കുന്ന പോലെ തോന്നി .ഇന്ന് എനിക്കു കാണാൻ വേണ്ടി മാത്രം സുറുമകളെഴുതിയ ആ പൂച്ചക്കണ്ണുകളിലും ചുവന്നു തുടുത്ത ചുണ്ടിലും എന്റെ നോട്ടമെത്തിയപ്പോൾ ഞാൻ ഞാനല്ലാതായി മാറുകയാണെന്നു പോലും തോന്നിപ്പോയി .പതിയെ ഞാനവളുടെ വയറിൽ കൈ ചുറ്റിക്കൊണ്ട് ആ തോളിൽ തലവെച്ചു കിടന്നതും കണ്ണാടിയിലൂടെ അവളെന്നെ നോക്കി കണ്ണുരുട്ടി പേടിപ്പിക്കാൻ തുടങ്ങി .ഞാനങ്ങനെ ചെയ്തത് പെണ്ണിന് തീരെ പിടിച്ചില്ലാന്ന് ആ നോട്ടം കണ്ടാലറിയാം .ചിലപ്പോ ഞാനെന്തേലും കുരുത്തക്കേട് കാണിക്കുമെന്ന് കരുതിയാവും . "ടാ തെണ്ടി ,മര്യാദക്ക് ഇരിക്കുന്നതാ നിനക്ക് നല്ലത് .അല്ലേൽ ഞാൻ നിന്നെ വല്ല പൊട്ടക്കിണറ്റിലും തള്ളിയിടും പറഞ്ഞേക്കാം ." "ഒന്ന് പൊടിയാട്ന്ന് .ഞാൻ ഇങ്ങനെ ഇരിക്കുള്ളൂ ,നീ വേണേൽ ഓടിച്ചാമതി ." അവള് നല്ല കലിപ്പിലാണെങ്കിലും ഞാനതൊന്നും മൈൻഡ് ചെയ്യാതെ അങ്ങനെത്തന്നെ ഇരുന്നു . ഞാനങ്ങനൊക്കെ പറഞ്ഞോണ്ട് പെണ്ണ് പിണങ്ങിപ്പോകുമെന്നാ ഞാൻ കരുതിയെ .പക്ഷെ അവള് ഡ്രൈവിങ്ങിൽ തന്നെ ശ്രദ്ധ ചെലുത്തുവായിരുന്നു .ഇടക്ക് ഞാനൊന്ന് ഒളികണ്ണിട്ടു നോക്കിയപ്പോൾ അവളുടെ മുഖത്തൊരു പുഞ്ചിരി എനിക്കു കാണാമായിരുന്നു . ഞങ്ങളാദ്യം പോയത് എന്റെ വീട്ടിലേക്കായിരുന്നു .അവിടെ എത്തിയിട്ടും പെണ്ണ് ഇറങ്ങാതെ വായും തുറന്നിരിക്കേന്ന് .അത് കണ്ടതും ഞാനവളുടെ തലക്കിട്ടൊരു കൊട്ട് കൊടുത്തു . "ടീ ,,,എന്തു നോക്കിയിരിക്കാ ,വേഗം ഒന്നിറങ്ങ് ." ഞാനത് പറഞ്ഞതും അവള് തലയുഴിഞ്ഞോണ്ട് വേഗം ഇറങ്ങി . "എന്റുമ്മോ ,എന്തു വല്യ വീടാ ഇത് .ശെരിക്കും ഒരു കൊട്ടാരം പോലുണ്ടല്ലോ ,അല്ലാ നമ്മളെന്തിനാ ഇങ്ങോട്ടു വന്നെ ,നിനക്ക് പരിചയമുള്ള വീടാണോ ഇത് ." "ഉം ....ഇതാ നിന്റെ ഭാവി കേട്യോന്റെ വീട് ..അതായത് ഈ എന്റെ എങ്ങനുണ്ട് ഇഷ്ടായോ ?." "ഓഹ് ,ഇതാണോ നിന്റെ വീട് ?സത്യം പറഞ്ഞാൽ എനിക്കിഷ്ടായില്ല .എനിക്ക് കുഞ്ഞു വീടാ ഇഷ്ടം .അതാവുമ്പോ കുറച്ചല്ലേ ക്ലീൻ ചെയ്യേണ്ടൂ..." അവളുടെ സംസാരം കേട്ട് ഞാനറിയാതെ ചിരിച്ചു പോയി . 'ഓഹ് ന്റെ റബ്ബേ ,,,,ഇതിനെയൊക്കെ ഞാൻ ജീവിതകാലം മുഴുവൻ സഹിക്കണോല്ലോ ' "എന്റെ ഷാന ,അതൊന്നും നീയിപ്പോ ആലോചിക്കണ്ട, ആ ജോലിയൊക്കെ ചെയ്യാൻ ഇവിടെ വേറെ ആളുണ്ട് .നീയിപ്പോ അകത്തേക്കു വാ .ഉമ്മ കാത്തിരിക്കുന്നുണ്ടാവും ." ഞാനവളേം കൂട്ടി അകത്തേക്കു കയറിയതും ഉമ്മ ഓടിവന്ന് അവളെ കെട്ടിപിടിച്ച് വിശേഷങ്ങളൊക്കെ ചോദിച്ചു കൊണ്ട് അവിടെയുള്ള സോഫയിൽ ഇരുത്തി.പിന്നെ അവൾക്കു കുടിക്കാൻ വെള്ളമെടുക്കട്ടേന്നും പറഞ്ഞ് ഉമ്മ അടുക്കളയിലേക്കു പോയതും പെണ്ണ് ചുറ്റും കണ്ണോടിച്ചു കൊണ്ട് അന്തം വിട്ടു നിൽക്കാൻ തുടങ്ങി . "ടാ ... ഈ വീട് മൊത്തത്തിലൊന്നു ചുറ്റിക്കറങ്ങാൻ മിനിമം ഒരു ഓട്ടോയെങ്കിലും പിടിക്കേണ്ടി വരുമല്ലേ ?" "എന്തിനാടീ ഓട്ടോയൊക്കെ പിടിക്കുന്നെ .അതിനല്ലേ ചേട്ടനിവിടെ നിൽക്കുന്നെ .നിനക്ക് സമ്മതമാണേൽ ഞാനിപ്പൊത്തന്നെ നിന്നെ പൊക്കിയെടുത്ത് ചുറ്റിക്കാണിച്ചു താരാടീ ,വേണേൽ കുറച്ചു നേരം നമ്മക്ക് റൊമാൻസ് കളിച്ചിരിക്കേം ചെയ്യാം എന്തേ ?" അതും പറഞ്ഞു കൊണ്ട് ഒരു കള്ളച്ചിരിയോടെ ഞാനവളെ നോക്കി പുരികം പൊക്കി കാണിച്ചതും അവളെന്റെ നെഞ്ചിനിട്ടൊരു കുത്തു തന്നു . "അയ്യടാ ,മോന്റെ മനസിലിരിപ്പ് കൊള്ളാല്ലോ .അങ്ങനെ വല്ല ഉദ്ദേശവും നിനക്കുണ്ടേൽ അതങ്ങ് കുഴിച്ചു മൂടിയേക്ക് .അറിയാലോ എന്നെ ,വെറുതെ ആ തടി കേടാക്കണ്ട ." ന്നും പറഞ്ഞ് അവളൊന്നു കൂടെ മുഷ്ടി ചുരുട്ടിയതും അവിടേക്ക് ഉമ്മ വന്നു .അതോടെ എനിക്കൊരു ഇളിയും തന്ന് അവള് ഡീസന്റായി ഇരുന്നു . അവൾക്ക് ജ്യൂസും കൊടുത്ത് ഉമ്മ കുറച്ചു നേരം അവളുമായി സംസാരിച്ചിരുന്നു .പിന്നെ ഞാനവളേം കൂട്ടി നേരെ എന്റെ റൂമിലേക്ക് പോയി . "ടി ഇതാണ് നമ്മുടെ റൂം.എങ്ങനുണ്ട് ." "ഉം നന്നായിട്ടുണ്ട് ." അവൾ ബെഡിൽ ഇരുന്നുകൊണ്ട് റൂം മൊത്തം വീക്ഷിക്കാൻ തുടങ്ങിയതും ഞാൻ അലമാരയിൽ നിന്നും അവൾക്കു വേണ്ടി വാങ്ങിയ ഡ്രെസ്സിന്റെ കവറെടുത്ത് അവൾക്കു നേരെ നീട്ടി . "ടീ ,,,നീ പോയി ഫ്രഷായ്ട്ട് ഈ ഡ്രസ്സ്‌ മാറിയിട്ടു വാ " അവളാണേൽ ഒന്നും മനസിലാവാതെ എന്റെ കയ്യിലേക്കും മുഖത്തേക്കും മാറി മാറി നോക്കുന്നതല്ലാതെ പെണ്ണിന് കുലുക്കമൊന്നുമില്ല . "ഇങ്ങനെ മിഴിച്ചു നോക്കാതെ ഇതൊന്നു വാങ്ങിക്കെടീ ,എന്റെ കൈ കയക്കുന്നുണ്ട് " ഞാനത് പറഞ്ഞതും അവൾ ഇളിച്ചു കൊണ്ട് എന്റെ കയ്യിൽ നിന്നും ആ കവർ വാങ്ങി തുറന്നു നോക്കി . "ടാ ,ഇതൊക്കെ എന്താ ,ഞാനെന്തിനാ ഇപ്പൊ ഇതൊക്കെ ഇടുന്നെ ?" "അതൊക്കെയുണ്ട് ,ഇപ്പൊ നീ പോയി ഈ ഡ്രെസ്സൊക്കെയിട്ട് നല്ല മൊഞ്ചത്തിയായിട്ട് വാ പ്ലീസ് .അധികം സമയമില്ല അതാ ." "ഉം ,,,,,എന്നാലും ഈ ഗൗണൊക്കെ ഇട്ട് നടക്കാന്നൊക്കെ പറഞ്ഞാ .....ഓഹ് ,എനിക്കത് ഓർക്കാൻ പോലും പറ്റുന്നില്ല .നിനക്കു വല്ല ജീനും ടോപ്പുമെങ്ങാനും വാങ്ങിച്ചാപ്പോരെ." "അയ്യടാ ,ആജീവനാന്തം നീയീ ജീൻസുമിട്ട് നടക്കുവല്ലേ .....,എന്റെ പൊന്നു ഷാന ,,,,നിന്നെ ഇനിയെങ്കിലും എനിക്കൊന്നു പെണ്ണായ്ട്ട് കാണണോന്നുണ്ട് .അതോണ്ട് ഒന്ന് ഇട്ടിട്ടു വാടി ,പ്ലീസ് .എന്റെയൊരു ആഗ്രഹല്ലേ " "ഉം ...ഓക്കേ ഒരു 10 മിനിറ്റ് വൈറ്റ് ചെയ്യ് ,ഞാനപ്പോഴേക്കും ഒരുങ്ങി വരാം .പിന്നെ... ,നീ എവിടേം പോവല്ലേ ...ഇവിടെത്തന്നെ നിൽക്കണം .എനിക്ക് ഒറ്റയ്ക്ക് താഴേക്ക് പോകാൻ പേടിയാ ,ചിലപ്പോ വഴി തെറ്റിയാലോ ഹി ഹിഹി " എന്നെ നോക്കി കണ്ണിറുക്കിക്കൊണ്ട് അവൾ ബാത്‌റൂമിലേക്ക് കയറിയതും ചെറു പുഞ്ചിരിയോടെ ഞാനവളുടെ വൈറ്റ് ഗൗണിനു മാച്ചായി വൈറ്റ് ഷർട്ടും ബ്ലാക്ക് പാന്റുമൊക്കെയിട്ട് ഷർട്ടൊക്കെ ഇൻ ചെയ്ത് ഒന്ന് മൊഞ്ചായി താഴേക്കിറങ്ങുമ്പോഴാണ് ഷാനയ്ക്ക് വാങ്ങിയ ഗിഫ്റ്റ്ന്റെ കാര്യം ഓർത്തത് .ഞാനപ്പൊത്തന്നെ അലമാരയിൽ നിന്നും ആ ഗിഫ്റ്റ് ബോക്സെടുത്ത് തുറന്നു നോക്കി .അതിനകത്ത് ഞാനവൾക്കു വാങ്ങിയ ഡയമണ്ടിന്റെ നെക്ക്ലൈസ് ഭദ്രമായി കിടപ്പുണ്ട് .ഞാനെന്റെ ഷാനയ്ക്കു വേണ്ടി പ്രത്യേകം പറഞ്ഞു ചെയ്യിച്ചതാണ് ഈ മാല .ഞാനത് പുറത്തെടുത്ത് ഒന്നു കൂടെ നോക്കി .അതിന്റെ ലവ് ചിഹ്നത്തിലുള്ള ലോക്കറ്റിനു ചുറ്റും ആവരണം ചെയ്യപ്പെട്ട വൈറ്റ് സ്റ്റോണിന് ഇപ്പോൾ വല്ലാത്തൊരു തിളക്കമാണ് .അതിനേക്കാൾ എന്നെ ഈ മാലയിലേക്ക് കൂടുതൽ അടുപ്പിക്കുന്നത് അതിലുള്ള സീക്രട്ട് അറയാണ് .ആ ലോക്കറ്റ് ഓപ്പൺ ചെയ്താൽ അതിൽ കാണുന്ന സീക്രെട് അറയിൽ എന്റേം ഷാനേന്റേം പേരിന്റെ ഫസ്റ്റ് ലെറ്റേഴ്സ് കോർത്തിണക്കി വെച്ചിട്ടുണ്ട് . അത് ഞാൻ ആ ബോക്സിൽ തന്നെ വെച്ച് അതും എടുത്ത് താഴേക്ക് പോയി ബൈക്കിൽ ഭദ്രമായി വെച്ചു .അപ്പോഴേക്കും നമ്മുടെ കുരുപ്പുകളോരോന്നും വിളി തുടങ്ങിയിരുന്നു .അവരോടൊക്കെ ഇപ്പൊ വരാന്നു പറഞു ഫോൺ കട്ട് ചെയ്തു . ഉമ്മയാണേൽ ഭാവി മരുമോളെ സൽക്കരിക്കാനുള്ള ഒരുക്കത്തിലാണ് .അതിനിടയിലാണ് ആലി ക്ലാസ്സ്‌ കഴിഞ്ഞു വന്നത് .എന്നെ കണ്ടതും അവള് ബാഗ് സോഫയിൽ വലിച്ചെറിഞ്ഞു എന്റെ അടുക്കലേക്കു വന്നു . "ആഹാ ,ഇക്ക ഇന്ന് നല്ല മൊഞ്ചനായിട്ടുണ്ടല്ലോ .അല്ലാ ,,,,ഷാനിത്ത എവിടെ ?ഇങ്ങളല്ലേ ഇങ്ങോട്ടു കൊണ്ടുവരാന്നു പറഞ്ഞെ ." "എന്റെ ആലി ,അവളൊക്കെ വന്നിട്ടുണ്ട് .മുകളിലുണ്ടാവും .നീ വാ ,ഞാൻ കാണിച്ചു തരാം ." അവളേം കൂട്ടി ഞാൻ വേഗം മുകളിലേക്കു പോയി റൂം തുറന്നതും എനിക്കെന്റെ കണ്ണുകളെ വിശ്വസിക്കാനായില്ല . ആ ഗൗണുമിട്ട് തട്ടമൊക്കെ ചുറ്റി പെണ്ണ് നല്ല മൊഞ്ചത്തിയായിട്ടുണ്ട് .എന്തായാലും എന്റെ സെലെക്ഷൻ കൊള്ളാം .അവൾക്കത് നന്നായി ഇണങ്ങുന്നുണ്ട് .അവളെ ഇങ്ങനെ കാണുമ്പോൾ നമ്മളെ കണ്ട്രോൾ പോകുന്നുണ്ടോന്നൊരു ഡൌട്ട് .അത്രയ്ക്ക് ഞാനവളിൽ ലയിച്ചു പോയിട്ടുണ്ട് . ഏതോ സ്വപ്നലോകത്തെന്ന പോലെ ഞാനവളെ നോക്കി മതിമറന്നു നിൽക്കുമ്പോഴാണ് ആരുടെയോ കലപില ശബ്ദം കേട്ടത് .നോക്കിയപ്പോൾ ആലിമോളും ഷാനയും കൂടെ പൊരിഞ്ഞ സംസാരത്തിലാണ് .അതിനിടയിലും അവളുടെ കണ്ണുകൾ എന്നെ തേടിയെത്തുന്നുണ്ട് . 'ങേ ,,,,ഇവരിത്ര പെട്ടെന്ന് കൂട്ടായോ ?' ഞാൻ വേഗം അവരുടെ അടുക്കലേക്കു പോയി . "ഇക്കാ ,,,,,ഇങ്ങള് ഫോട്ടോയിൽ കാണിച്ചു തന്നതിനേക്കാൾ മൊഞ്ചു ഇത്തൂസിനെ നേരിൽ കാണാനാ" അത് കേട്ടതും അവളൊന്നു ചിരിച്ചു . "മാഷാ അല്ലാഹ് ,രണ്ടു പേർക്കും ആരുടെയും കണ്ണു തട്ടാതിരിക്കട്ടെ ." അതും പറഞ്ഞു കൊണ്ട് ആലി അവളുടെ കണ്ണിലെഴുതിയ കണ്മഷി തൊട്ടു കൊണ്ട് എന്റേം ഷാനേന്റേം ചെവിക്കു പിന്നിലൊരു കുത്തു വെച്ചു തന്നു . ഞങ്ങള് മൂന്നാളും കൂടെ ഓരോന്ന് സംസാരിച്ച് താഴെയിറങ്ങിയപ്പോൾ ഉമ്മ ചായയൊക്കെ റെഡിയാക്കി വെച്ചിട്ടുണ്ടായിരുന്നു .അതും കുടിച്ച് നമ്മള് അവരോട് യാത്ര പറഞ്ഞ് നേരെ ബർത്ത്ടെ പാർട്ടി ഒരുക്കിയ സ്ഥലത്തേക്കു വിട്ടു .ഉമ്മാനേം ആലിമോളേം അവൾക്ക് നല്ല ഇഷ്ടായിന്നു തോന്നുന്നു .പെണ്ണ് അവരെക്കുറിച്ചു വാതോരാതെ സംസാരിക്കുന്നുണ്ട് .അതിനിടയിൽ ഞാനെന്റെ സംശയം അവളിലേക്ക് ഉന്നയിച്ചു . "ടീ ,,,,നമ്മളെവിടെക്കാ പോകുന്നതെന്ന് നിനക്കറിയേണ്ടെ .ഇത്രേം നേരായിട്ടും നീയെന്താ അതിനെക്കുറിച്ചു ചോദിക്കാതെ ?" "നമ്മളെന്തായാലും അങ്ങോട്ടു തന്നെയല്ലേ പോകുന്നെ ,പിന്നെന്താ " "ഓഹ് ,അപ്പൊ നിനക്ക് ഇത്തിരി പോലും പേടിയില്ലേ എന്റെ കൂടെ വരാൻ ?" അവൾ എന്തു മറുപടി പറയുമെന്നറിയാനാ ഞാനങ്ങനെ ചോദിച്ചത് .പക്ഷെ , അവളൊരു പുഞ്ചിരിയോടെ എന്നെ കൂടുതൽ ചേർന്നിരിക്കുകയായിരുന്നു . "ആണൊരുത്തൻ കൂടെയുള്ളതാടാ ഏതൊരു പെണ്ണിന്റെയും ബലം .ഈ ചങ്കിൽ റൂഹുള്ളട്ത്തോളം കാലം എനിക്കൊന്നും സംഭവിക്കില്ലന്ന് എനിക്ക് നന്നായറിയാം .ഓരോ തവണ നീയെന്നെ ചേർത്തു പിടിക്കുമ്പോഴും ഞാനനുഭവിച്ചറിയുന്നുണ്ടായിരുന്നു ഈ കയ്യിലെ സുരക്ഷിതത്വം ." അവളുടെ ഓരോ വാക്കിലുമുണ്ടായിരുന്നു അവൾക്ക് എന്നോടുള്ള സ്നേഹവും വിശ്വാസവും . ഞങ്ങളവിടെ എത്തിയതും പെണ്ണ് അന്തം വിട്ടു നോക്കുന്നത് കണ്ട് ഞാനവളുടെ കയ്യിൽ പിടിച്ച് അകത്തു കയറിയപ്പോൾ അവിടമാകെ ഇരുട്ട് മൂടിക്കിടക്കുവായിരുന്നു .അതൊക്കെ കണ്ട് പെണ്ണ് ചെറുതായി പിടിച്ചെന്നു തോന്നുന്നു .എന്റെ കയ്യിൽ അവൾ ചെറുതായി പിടി മുറുക്കിയിട്ടുണ്ട് . ഭീതിയോടെ അവൾ ചുറ്റും നോക്കാൻ തുടങ്ങിയതും പെട്ടെന്ന് ബലൂണുകളോരോന്നും പൊട്ടി അതിനകത്തുള്ള വർണക്കടലാസുകളൊക്കെ ഞങ്ങളുടെ ദേഹത്ത് വീഴാൻ തുടങ്ങി .ഷാനയാണേൽ അപ്രതീക്ഷിതമായുള്ള ശബ്ദത്തിൽ ഞെട്ടിത്തരിച്ചു കൊണ്ട് എന്റെ നെഞ്ചിൽ മുഖം പൂഴ്ത്തി നിൽക്കേന്ന് .അപ്പോഴേക്കും അവിടെ പ്രകാശം പരന്നു തുടങ്ങി .അതെല്ലാം ശ്രീയുടെ ക്യാമറക്കണ്ണുകൾ ഒപ്പിയെടുക്കുന്നതിനിടയിൽ ഷാന മുഖമുയർത്തി നോക്കിയതും അവിടമാകെ അലങ്കരിച്ചതു കണ്ട് അവളാകെ വണ്ടറടിച്ചു നിന്നു .അതിനിടയിൽ ഞങ്ങൾക്ക് ചുറ്റും നിന്നു കൊണ്ട് ലുബിയും ഷാഹിയും നമ്മളെ ടീംസും പിന്നെ എന്റെ ചങ്ക് ബ്രോ ആഷിയും അവന്റെ പെണ്ണുമൊക്കെ കൂടി കൈ കൊട്ടിക്കൊണ്ട് Happy birth day shana ന്നു ഒരേ സ്വരത്തിൽ പറഞ്ഞു കൊണ്ട് ഞങ്ങളുടെ അടുത്തേക്ക് വന്നതും അവളാകെ കിളി പോയ അവസ്ഥയിലായി . "എങ്ങനുണ്ട് കുഞ്ഞോളെ ഞങ്ങളുടെ സർപ്രൈസ് ?" ജാബിയത് ചോദിച്ചതും അവൾ കണ്ണു നിറച്ചു കൊണ്ട് അവനെ കെട്ടിപ്പിടിച്ചു . "ഒരുപാട് ഇഷ്ട്ടായിടാ. സത്യം പറഞ്ഞാൽ ഇന്നെന്റെ ബർത്ത്ടെയാണെന്ന് ഞാനോർത്തില്ല .ഈ കുരിപ്പ് എന്നെ ഇങ്ങനൊരു കോലം കെട്ടിച്ചപ്പോൾ തന്നെ എനിക്കുറപ്പുണ്ടായിരുന്നു എന്തോ പ്ലാൻ ചെയ്തിട്ടുണ്ടെന്ന് .പക്ഷെ അതിനു പിന്നിൽ ഇതാണെന്ന് ഞാനോർത്തില്ല ." ന്നും പറഞ്ഞ് അവളെന്നെ തുറിച്ചു നോക്കിയതും ഞാനൊന്ന് ഇളിച്ചു കാണിച്ചു . "ടീ നീ വന്ന് ഈ കേക്കൊന്നു മുറിച്ചെ ,അത് കഴിഞ്ഞ് ബാക്കി സംസാരിക്കാം ." ഷാഹി അവളുടെ കയ്യിൽ പിടിച്ചു വലിച്ച് മേശയുടെ അരികിൽ നിർത്തിയപ്പോഴേക്കും ഫാദി വലിയൊരു ബ്ലാക്ക് ഫോറസ്റ്റ് കേക്ക് കൊണ്ടു വന്ന് അവിടെ വെച്ചു .പിന്നെ അത് മുറിക്കലായി ,പരസ്പരം വായിൽ വെച്ചു കൊടുക്കലായി ,ഫേഷ്യൽ ചെയ്യലായി ബഹളായി ഹൊ, ഒന്നും പറയണ്ട . പിന്നെ ഓരോരുത്തരായി അവൾക്കുള്ള ഗിഫ്റ്റ് കൊടുത്തു .ഞാനതെല്ലാം നോക്കി നിൽക്കുമ്പോഴാണ് ജാബി തറയിൽ മുട്ടുകുത്തിയിരുന്ന് അവളുടെ കാലിൽ സ്വർണ കൊലുസ് അണിയിച്ചു കൊടുത്തത് .ഞാനന്ന് പറഞ്ഞപോലെ ആ സ്വർണ കൊലുസ് അവളുടെ വെളുത്തകാലിൽ കൂടുതൽ ഭംഗി കൂട്ടുന്നുണ്ട് . എല്ലാവരും ഗിഫ്റ്റ് കൊടുത്ത് കഴിഞ്ഞതും ഞാനെന്റെ കയ്യിലുള്ള ഗിഫ്റ്റ് ബോക്സെടുത്ത് അവളെ വിഷ് ചെയ്തു കൊണ്ട് അവൾക്കു നേരെ നീട്ടിയതും അവളെന്നെ നോക്കി പുഞ്ചിരിച്ചു കൊണ്ട് അത് വാങ്ങി തുറന്നപ്പോഴേക്കും അതിന്റെ പ്രകാശം അവളുടെ മുഖത്തേക്കു പതിക്കാൻ തുടങ്ങി .അത് കണ്ടതും എല്ലാവരുടെയും നോട്ടം അതിലേക്കായിരുന്നു .കൗതുകത്തോടെ അവളാ മാല കയ്യിലെടുത്തപ്പോത്തന്നെ ഞാനാ ലോക്കറ്റ് ഓപ്പൺ ചെയ്യാൻ ആംഗ്യം കാണിച്ചതും പെണ്ണ് നെറ്റി ചുളിച്ചുകൊണ്ട് അതിനെ തിരിച്ചും മറിച്ചും നോക്കാൻ തുടങ്ങി .ഞങ്ങളുടെ രണ്ടിന്റേം കളി കണ്ടിട്ടാവും ലുബി ആ മാല വാങ്ങി സൂക്ഷിച്ചു നോക്കിക്കൊണ്ട് ആ ലോക്കറ്റ് ഓപ്പൺ ചെയ്ത് എന്നേം അവളേം നോക്കിക്കൊണ്ട് ഒരുമാതിരി ആക്കി ചിരിക്കാൻ തുടങ്ങി . "അഫിക്കാ ,,,,ഇത് കൊള്ളാല്ലോ ,ഇതിന്റകത്ത് ഇങ്ങനൊക്കെ ഉണ്ടായിരുന്നോ ,എന്തായാലും ഇത് നിങ്ങളെന്നെ അവൾക്ക് കെട്ടിക്കൊടുത്തേക്ക് .അതാ നല്ലത് ." അത് കേട്ടപ്പോ നമ്മക്കുണ്ടായ സന്തോഷം അത് പറഞ്ഞറിയിക്കാൻ കഴിയില്ല . ഷാനയെ നോക്കിയപ്പോൾ അവള് സമ്മതമെന്നോണം എന്നെ നോക്കി ചിരിച്ചു .എല്ലാരും കൂടെ എന്നോടത് കെട്ടിക്കൊടുക്കാൻ പറഞ്ഞതും കേൾക്കേണ്ട താമസം നമ്മള് നല്ല കുട്ടിയായി അതവളുടെ കഴുത്തിൽ അണിയിച്ചു . അങ്ങനെ നൈസായ്ട്ട് നമ്മളെ നിക്കാഹ് കഴിഞ്ഞൂന്ന് പറയാം .മഹർ ഇട്ടു കൊടുത്തു ,ഇനി എപ്പോഴാണാവോ ഈ സാധനത്തിനെ വീട്ടിൽ കൊണ്ടോവാൻ പറ്റുന്നെ , "ടാ ,,,നീയെന്താ ഇങ്ങനെ ആലോചിക്കുന്നെ ?" പതിഞ്ഞ സ്വരത്തിൽ ഷാന എന്റെ ചെവിയിലത് ചോദിച്ചതും ഞാൻ കൂടുതൽ അവളിലേക്ക് ചേർന്നു നിന്നു "അത് പിന്നേ ,,,,നമ്മളെ ഫസ്റ്റ് നൈറ്റ് ഇന്നുതന്നെ നടത്തണോ അതോ പിന്നെ മതിയോന്ന് ആലോചിക്കുവാ " "ങേ ,,,,,ഫസ്റ്റ് നൈറ്റോ ?" ഒന്നും മനസിലാവാതെ അവളെന്നെ നോക്കിയതും ഞാനൊരു കള്ളച്ചിരിയോടെ അതേന്ന് തലയാട്ടി . "ഉം ,,,ഞാനിപ്പോ നിന്റെ കഴുത്തിൽ മഹർ ചാർത്തിയതോടെ നീയെന്റെ പെണ്ണായില്ലേ .അതോണ്ട് ഇന്നു തന്നെ നിന്നെ എന്റെ വീട്ടിൽ കൊണ്ടുപോവാ .ഉമ്മാക്ക് പേരക്കുട്ടികളെയൊക്കെ ഒന്ന് കാണണം ന്നു പറഞ്ഞായിരുന്നു ." "ഇവിടെ ഇത്രേം ആളുണ്ടായിപ്പോയി അല്ലേൽ നിനക്കുള്ള മറുപടി ഞാനിപ്പോത്തന്നെ തന്നേനെ" "എന്താടാ രണ്ടും കൂടെ അവിടുന്ന് കുശു കുശുക്കുന്നെ ?" അവൾക്ക് കലിപ്പ് കേറിയോണ്ട് ഞാനൊരു തല്ലും പ്രതീക്ഷിച്ചു അവിടെത്തന്നെ നിൽക്കുമ്പോഴാ ആഷി ഞങ്ങൾക്കരികിലേക്കു വന്നത് . "ഹേ,,,,ഒന്നുല്ലടാ ,ഞങ്ങൾക്ക് ഒരു സ്ഥലം വരെ പോകാനുണ്ട് .പിന്നെ പാർട്ടിയൊക്കെ കഴിഞ്ഞില്ലേ അതോണ്ട് നമ്മളങ്ങോട്ട് പോയാലോന്ന് ആലോചിക്കുവാ ." "ഉം ....എന്നാപ്പിന്നാ നേരം വൈകിക്കണ്ട നിങ്ങള് വിട്ടോ " അത്രയും വായിച്ചപ്പോൾ തന്നെ ചെറിയൊരു നടുക്കത്തോടെ എന്റെ കൈകൾ ഞാനറിയാതെ എന്റെ കഴുത്തിൽ കിടക്കുന്ന മാലയിൽ പിടി മുറുക്കിക്കഴിഞ്ഞിരുന്നു . 'അപ്പോ ,,,,,അപ്പൊ ഇതെന്റെ ഇക്ക കെട്ടിത്തന്നതായിരുന്നോ ?അതുകൊണ്ടാണോ എന്നിൽ നിന്നും ഓർമ്മകളെല്ലാം മണ്മറഞ്ഞു പോയിട്ടു പോലും ഈ മാല ഞാനെന്റെ നെഞ്ചോടു ചേർത്തു വെച്ചത് .അതിനർത്ഥം ഇക്കയും ഇക്ക നൽകിയ സ്നേഹവും എന്നിൽ നിന്നും ഒരിക്കലും മരിച്ചു പോയിട്ടില്ലാന്നല്ലേ ....' ഓർക്കുന്തോറും എന്റെ കയ്യും കാലുമൊക്കെ ആകെ തളരുന്നപോലെ ഹൃദയം ശക്തമായി മിടിച്ചു തുടങ്ങി . ഞാൻ മെല്ലെ എഴുന്നേറ്റ് കണ്ണാടിക്കു മുന്നിൽ നിന്നു കൊണ്ട് ആ ലോക്കറ്റ് തുറന്നു നോക്കിയതും അതിൽ എനിക്കു കാണാൻ കഴിഞ്ഞിരുന്നു എന്നേം ഇക്കയേം ഒന്നിപ്പിച്ച പോലെ ഒരിക്കലും അടർത്തിമാറ്റാൻ കഴിയാത്ത വിധം ആ അക്ഷരങ്ങളെയും കോർത്തിണക്കി വെച്ചത് . തുടരും ..... (വൈകിയതിൽ ആദ്യം തന്നെ ക്ഷമ ചോദിക്കുന്നു .ഈ പാർട്ടോടു കൂടി അവരുടെ പാസ്റ്റ് അവസാനിപ്പിക്കാമെന്ന് ഞാൻ നിങ്ങൾക്ക് വാക്ക് തന്നിരുന്നു .അതിനെനിക്ക് പറ്റിയില്ല .അതോണ്ട് അടുത്ത പാർട്ടിൽ നമുക്ക് തീർക്കാംട്ടോ .നിങ്ങൾ വൈറ്റ് ചെയ്യണേ )
4.4k views
3 days ago
Share on other apps
Facebook
WhatsApp
Copy Link
Delete
Embed
I want to report this post because this post is...
Embed Post