നിനക്കായ് വീണ്ടും 😍 ×××××××××××× [ Full Part ] ===== നിങ്ങളോടല്ലേ പറഞ്ഞത് എനിക്ക് ഒരു കല്യാണം വേണ്ടാ എന്ന്... എന്താണ് പറഞ്ഞിട്ടൊന്നും മനസ്സിലാവാത്തത്... ഒരു പെണ്ണിന് കല്യാണം കഴിക്കാതെ ജീവിക്കാൻ പറ്റില്ലേ... ഉപ്പ എനിക്ക് കല്യാണം വേണ്ടാ... എന്നെ ഒന്ന് മനസ്സിലാക്കാൻ ശ്രമിക്കു... മോളെ ഞാൻ പറയുന്നത് നീ ഒന്ന് കേൾക്കണം... മോളെ നീ അവരെ മുന്നിൽ ഒന്ന് നിന്ന് കൊടുത്താൽ മതി നിനക്ക് ഇഷ്ടമില്ലെങ്കിൽ ഇഷ്ടമല്ലാന്ന് പറഞ്ഞോ ഉപ്പാന്റെ മോൾ ഇത് കേൾക്കണം ഉപ്പാക്ക് വേണ്ടി.... ഉപ്പ ഞാൻ.... ശരി ഉപ്പാക്ക് വേണ്ടി മാത്രം... 4 മണിക്കാണ് അവര് കാണാൻ വരുക... മോൾ റെഡിയായി നിക്കണം.... ഹ്മ്മ് ഇത്തൂസെ... എന്താ പോന്നൂസേ.... ഈ കല്യാണത്തിന് സമ്മതിക്കുവോ ഇത്തൂസ്... അതെന്താടാ അങ്ങനെ ചോദിച്ചേ.... ആ കാക്കാന്റെ സെക്കന്റ്‌ മാര്യേജ് ആണ് ഇതെന്ന ഉമ്മച്ചി പറയുന്ന കേട്ടെ... എനിക്ക് ആരെയും കല്യാണം കഴിക്കേണ്ട പോന്നൂസേ... കല്യാണം കഴിച്ചാൽ എല്ലാരേയും പിരിയേണ്ടി വരില്ലേ... പിന്നെ എന്തിനാ അവരെ കാണാം എന്ന് പറഞ്ഞെ... ഉപ്പാനെ ഓർത്തിട്ടാ പോന്നൂസേ... മ്മ്... ഞാൻ ഹയാത്ത്... ഹയാ എന്ന് വിളിക്കാം... ന്റെ ഉമ്മാ എന്റെ പ്രസവത്തോടെ മരിച്ചത് കൊണ്ട് ഉപ്പ രണ്ടാമത് കല്യാണം കഴിച്ചു... ആദ്യ ഭാര്യയിലെ കുട്ടിയായോണ്ട് അതിന്റെ ഒരു വേർതിരിവ് എന്നോട് കാണിക്കുന്നുണ്ട്.... അത് കൊണ്ടാണ് നമ്മളെ എങ്ങനെയെങ്കിലും ഒരുത്തന്റെ കൂടെ പറഞ്ഞയക്കണം എന്ന് ശാഡ്യം പിടിച്ചു ഉപ്പാനോട് കല്യാണം നോക്കാൻ പറഞ്ഞെ... പിന്നെ ഉള്ളത് പൊന്നൂസ് ആണ്... ന്റെ അനിയത്തി... ശിഫ.... ഉമ്മ എന്നോട് എന്ത് ചെയ്താലും എന്നെക്കാൾ വേദനിക്കുന്നത് ന്റെ പൊന്നൂസാണ്... അത്കൊണ്ടാണ് ഇപ്പൊ ഈ വന്നു ചോദിച്ചത്... ഹയാ... അവര് വന്നിട്ടുണ്ട്... ഇത്ര പെട്ടെന്ന് 4 ആയോ... ആ മോളെ... ന്റെ ഉമ്മമായാണ് അത് പറഞ്ഞെ... ഉപ്പ അവരോട് സംസാരിക്കുന്നതൊക്കെ കേൾക്കുന്നുണ്ട്.. ഒരു ട്രേയിൽ ചായ കൊണ്ടുകൊടുക്കുന്ന പരിപാടി ഒന്നുല്ലാട്ടോ ഇവിടെ... അതൊക്കെ ഉമ്മയാണ് കൊണ്ട് കൊടുത്തേ.. ഇത്തൂസെ അങ്ങോട്ട്‌ പോകാൻ പറഞ്ഞു... അതെ ഇത്തൂസ്.... കാണാൻ മൊഞ്ചൻ ആണ്... കൂടെ ഒരു വാവ ഉണ്ട്... ചെറിയ മോൾ... ഇതാണ് എന്റെ മോൾ ഹയാത്ത്... ഒരു ചെറു പുഞ്ചിരിയോടെ എല്ലാരേയും ഒന്ന് നോക്കി... പക്ഷെ കണ്ണിൽ പെട്ടന്ന് പതിഞ്ഞത് പൊന്നൂസ് പറഞ്ഞ മോളെ മുഖത്തായിരുന്നു.... ഇതാണ് എന്റെ മോൻ ജുനൈദ് . ഇത് അവന്റെ മോൾ ജന്നത്ത്... ജുനൈദിന്റെ ഉപ്പയാണ് പറഞ്ഞെ..... ഇവർക്കെന്തെങ്കിലും സംസാരിക്കാൻ ഉണ്ടെങ്കിൽ ആയിക്കോട്ടെ എന്ന് പറഞ്ഞപ്പോൾ ഉപ്പാനെ ഒന്ന് നോക്കി.. ഞാൻ അയാളെയും കൂട്ടി റൂമിലേക്ക്‌ പോകുമ്പോൾ ജന്നത്ത് ചിണുങ്ങാൻ തുടങ്ങി.. അപ്പൊ അയാൾ അവളെയും കൂടെ കൂട്ടി... ഒരുമിനിറ്റ് മൗനത്തിനു ശേഷം അയാൾ പറഞ്ഞു തുടങ്ങി.. എന്റെ പേര് ജുനൈദ് ... ന്റെ മോൾ ജന്നത്ത്... ഇവൾക്ക് രണ്ടുമാസം കൂടി കഴിഞ്ഞാൽ 2 വയസ്സവും.. ഇവൾക്ക് ഒരുവയസ്സു കഴിഞ്ഞപ്പോഴാണ് ഇവളെ ഉമ്മ മരണപ്പെടുന്നത്.. ന്റെ ഉമ്മാന്റെ നിർബന്ധം കൊണ്ടാണ് ഞാൻ ഒരു വിവാഹത്തിന് സമ്മതിച്ചത്... ന്റെ ഭാര്യ ആവുന്നതിനേക്കാൾ ന്റെ മോളെ ഉമ്മയാണ് ആവണ്ടത് അങ്ങനെ ആവാൻ നിനക്ക് സമ്മതം ആണോ? അത് ഞാൻ... ഇപ്പൊ പറയേണ്ടാ ഞാൻ ഉപ്പാനോട് വിളിച്ചു ചോദിച്ചോളാം... അയാളോട് സംസാരിക്കുമ്പോഴും ജന്നത്തിലേക്കാണ് നമ്മളെ കണ്ണുകൾ പോകുന്നത്... വിടർന്ന കണ്ണുകളും നിഷ്കളങ്കമായ ചിരിയും ന്റെ ഹൃദയത്തിൽ പതിഞ്ഞിരുന്നു... ഞാൻ ഇവളെ ഒന്ന് എടുത്തോട്ടെ? യെസ്... ഓഫ്‌കോഴ്സ്.. ഞാൻ കൈ കാണിച്ചപ്പോൾ ആദ്യം വന്നില്ല... പിന്നെ അവിടെ ഉള്ള പൂക്കളൊക്കെ കാണിച്ചു കൊടുത്തപ്പോൾ ജന്നത്ത് ന്റെ കയ്യിലായി.. അവളെയും എടുത്ത് പുറത്ത് പോയപ്പോൾ എല്ലാരും ഞങ്ങളെ നോക്കി നിക്കുവായിരുന്നു.. അപ്പൊ ഞങ്ങൾ ഇറങ്ങട്ടെ... അസ്സലാമു അലൈക്കും... എന്ന് പറഞ്ഞു അവരിറങ്ങാൻ നോക്കുമ്പോൾ ജുനൈദിന്റെ ഉമ്മ മോളെ എടുക്കാൻ കൈ കാണിച്ചു... അപ്പൊ ജന്നത്ത്... ചിണുങ്ങി ന്റെ നെഞ്ചിലേക് കിടന്നു... ആഹാ മോളെ നല്ലോണം പിടിച്ചു ന്റെ കുട്ടിക്ക്... ജുനു മോളെ വന്ന് എടുത്തേ എന്റെ കൂടെ വരുന്നില്ല... അപ്പോൾ ആണ് അവര് വന്ന് മോളെ നേരെ കൈ കാണിച്ചേ... ഉപ്പ കൈ കാണിച്ചപ്പോൾ മോൾ ഉപ്പാന്റെ കൂടെ പോയി... അവരിറങ്ങിയപ്പോൾ ആകെ സങ്കടം ആയി മോളെ പിയേണ്ടി വന്നല്ലോ എന്നോർത്തിട്ട് അപ്പോഴാണ് കുടുംബത്തിലുള്ള ആരോ ഉപ്പാനോട് സംസാരിക്കുന്നത് കേട്ടത്... അവൾക് 21 അല്ലെ ആയിട്ടുള്ളു പിന്നെ ഇപ്പൊ എന്തിനാ കല്യാണം.. അതുമല്ല ഒരു രണ്ടാം കെട്ടുകാരനെയെ കിട്ടിയുള്ളൂ എന്ന്... അങ്ങോട്ട്‌ നോക്കിയപ്പോൾ ഉപ്പാന്റെ പെങ്ങൾ ആണ് അത് പറഞ്ഞത്... ഉപ്പാ... എനിക്ക് കല്യാണത്തിന് സമ്മതം ആണ്... എനിക്ക് ഒരു കല്യാണം ഉണ്ടെങ്കിൽ ഇപ്പൊ പോയവരുടെ കൂടെ മതി അല്ലെങ്കിൽ വേണ്ടാ... ഒറ്റശ്വാസത്തിൽ ഇങ്ങനെ പറഞ്ഞപ്പോൾ എല്ലാരും എന്നെ തന്നെ നോക്കിയിരിക്കുവായിരുന്നു... മോളെ നിനക്ക് സമ്മതം ആണോ? അതെ ഉപ്പ... എന്ന നമുക്ക് അത് നടത്താം... അവര് വിളിക്കട്ടെ... അല്ല അളിയാ അത് വേണോ... അവൾ കുട്ടിയല്ലേ... ഒരു രണ്ടാം കെട്ടുകാരനെ കൊണ്ട് കല്യാണം കഴിപ്പിക്കണോ? ഇത് എന്റെ തീരുമാനമാണ്... എനിക്ക് ഇഷ്ട്ടാണ്... ഈ കല്യാണത്തിന്... എന്നും പറഞ്ഞു റൂമിൽ കയറി വാതിലടച്ചു ഉള്ള് നിറയെ ജന്നത്തായിരുന്നു... ഒരിക്കൽ താനും ഇങ്ങനെ ആയിരുന്നല്ലോ... പെറ്റുമ്മ മരിച്ചപ്പോൾ പോറ്റുമ്മയായി വേറെയൊരാളെ കാണേണ്ടി വന്ന അവസ്ഥയാണ് ഇന്ന് ജന്നത്തിന് വന്നത് ഇത്തൂസെ ഡോർ തുറന്നെ... പോന്നൂസേ ഇജ്ജ് ഇപ്പൊ പോയെ... പ്ലീസ് ഇത്തൂസ് ഡോർ തുറക്ക്... ന്താ പോന്നൂസേ എന്ന് ചോദിച്ചു ഡോർ തുറന്നു... അത് ഓര് വിളിച്ചു... ഓർക് സമ്മതമാണ് എന്ന്... മ്മ്... ഇത്തൂസിനു സന്തോഷം ആയില്ലേ... മ്മ്... പിന്നെ എല്ലാം പെട്ടെന്നായിരുന്നു.... ഇനി കല്യാണത്തിന് ഒരു ദിവസമാണ് ഉള്ളത്... ഇന്നാണ് മൈലാഞ്ചി കല്യാണം... ഭാവി വരന്റെ പേരൊക്കെ എഴുതി മൈലാഞ്ചി ഇട്ടുതന്നു ന്റെ കൂട്ടുകാരി...... അപ്പോഴാണ് പൊന്നൂസ് എന്റെ ഫോൺ എടുത്തോണ്ട് വരുന്നേ.... ഇതാ ഫോൺ... ആരാ പൊന്നൂസേ... അറിയില്ല പാതി ഉണങ്ങിയ മൈലാഞ്ചി കൈകളോട് കൂടി ഫോൺ കാതോരം വെച്ചു ഹലോ... അസ്സലാമുഅലൈക്കും... വലൈകുമുസ്സലാം..... ഇതാരാ? നിനക്കായ് വീണ്ടും __part 2 ×××××××××××× ===== ഇതാരാ? ഞാനാണ് ജുനൈദ്... മ്മ്... തന്നെ വിളിച്ചത് തന്നോട് ഒരു കാര്യം പറയാനാണ്... അന്ന് പറഞ്ഞത് തന്നെയാണ്... ന്റെ ഭാര്യ എന്നതിലുപരി ന്റെ മോളെ ഉമ്മയാണ് നീ ആവേണ്ടത്... ഞാൻ ഇതുവരെ ജസിനെ മറന്നിട്ടില്ല.... നീ എന്നെ മനസ്സിലാക്കുമെന്നു കരുതുന്നു ഹയാ... എനിക്കും മോളെ ഉമ്മയാവുന്നതിലാണ് കൂടുതൽ താല്പര്യം... എനിക്ക് വേറെ ഒരു കുഴപ്പവും ഇല്ല... ഐ ആം ഒക്കെ വിത്ത്‌ ദാറ്റ്.. ഒക്കെ അപ്പൊ നാളെ കാണാം ബൈ ഇത്തൂസ് ഞാൻ ഇന്ന് ഇങ്ങളെ കൂടെ കിടക്കെട്ടെ? ന്തേയ്... നാളെ ഇങ്ങൾ പോവൂലെ പിന്നെ എനിക്ക് കൂടെ കിടക്കാൻ പറ്റൂലാലോ.. അതും പറഞ്ഞു ഓളെ കണ്ണൊക്കെ നിറഞ്ഞു... അയ്യേ ന്റെ പൊന്നൂസ് കരയുവാണോ... ന്റെ കൂടെ കിടന്നോ... ഞാൻ ഇടക്ക് വരൂലേ അപ്പൊ നമുക്ക് ഒരുമിച്ചു കിടക്കാലോ... പൊന്നൂസ് അപ്പോയെക്കും എന്നെ കെട്ടിപിടിച്ചു കരഞ്ഞു... പിന്നെ എനിക്കും പിടിച്ചു നിക്കാൻ പറ്റിയില്ല... സ്വന്തം വീട് വിട്ടു പോകുന്നതിന്റെ സങ്കടം ഏതൊരു പെണ്ണിനും ഉണ്ടാവുമല്ലോ..... എന്തൊക്കെയോ ചിന്തിച്ചു എപ്പോയാണ് ഉറങ്ങിയതെന്നു ഓർമയില്ല... രാവിലെ പുലർച്ചെ എഴുന്നേറ്റു സുബഹി നിസ്കരിച്ചു... ഇന്ന് സ്വന്തം വീട്ടിൽ അതിഥി ആയി മാറുന്ന ദിവസം അല്ലെ... മനസ്സുരുകി ദുആ ചെയ്തു... സമയം കാറ്റിന്റെ വേഗതയിൽ പൊയ്ക്കൊണ്ടിരുന്നു.... സമയം ഏകദേശം 3 മണിയോടെ നിക്കാഹിനു സമ്മതം എടുത്ത് ആണുങ്ങൾ എല്ലാം പള്ളിയിലേക്ക് പോയി... ജുനൈദിന്റെ പെങ്ങളും കുറച്ചു പെണ്ണുങ്ങളും നമ്മളെ ഒരുക്കാൻ വേണ്ടി വന്നു..... അവരെ കൂടെ പോകുമ്പോൾ ന്റെ ഉറ്റ കൂട്ടുകാരിയെ കൂടെ കൂട്ടി റംഷി... ഒരുക്കുന്നതിനടയിൽ പെങ്ങൾ ജാസ്മിനോട് ജന്നത്ത് എവിടെന്നു ചോദിച്ചു... വാവാച്ചി ജുനൂന്റെ കൂടെയാന്ന് പറഞ്ഞു... കുറച്ച് സമയം കഴിഞ്ഞു നിക്കാഹ് കഴിഞ്ഞു വന്നവരെ ബഹളം കേൾക്കാമായിരുന്നു എല്ലാരും കൂടെ എന്നെ ഒരുക്കി മഹർ ഇടാൻ വേണ്ടി കൊണ്ട് പോയി... ഇപ്പൊ പൂർണമായും ഞാൻ വാവച്ചിയുടെ ഉമ്മയാണ്... മോളെ കണ്ണുകൾ തിരഞ്ഞു കൊണ്ടിരുന്നു... അതാ ന്റെ മോൾ ഉപ്പാന്റെ കൂടെ.... ജുനു എന്റെ കഴുത്തിൽ മഹർ ചാർത്തി... എല്ലാം കഴിഞ്ഞു ഇറങ്ങാൻ നേരം മോളെ ഞാൻ എടുത്തു... അപ്പൊ പെങ്ങൾ വന്നു മോളോട് പറഞ്ഞു ഇത് മോളെ ഉമ്മയാണ്... വാവാച്ചി ഉമ്മാന്ന് വിളിച്ചേ... മോൾ എന്നെ തന്നെ നോക്കി... മോളെ ഭാഗത്ത്‌ നിന്ന് ഒരു പ്രതികരണവും ഇല്ലായിരുന്നു... പതിയെ ഒക്കെ ശരിയായിക്കോളും... വാവച്ചിയുടെ ഉമ്മയായി ജുനൂന്റെ ഭാര്യയായി മംഗലത്ത് തറവാട്ടിലേക് യാത്രയായി അവിടെ ഞങ്ങളെ കാത്ത് എല്ലാവരും നിക്കുന്നുണ്ടായിരുന്നു... ആളും ബഹളവും കുറയാൻ രാത്രി വരെ കാത്തിരുന്നു.... അപരിചിതരുടെ ഇടയിൽ നിന്ന് ഉറ്റവരുടെ ഇടയിലേക്ക് എത്തിയവരുടെ ഒരു ആശ്വാസം എന്നിലുണ്ടായി... ഉപ്പയും ഉമ്മയും പെങ്ങളും മക്കളും പിന്നെ എന്റെ മോളും അവളെ ഉപ്പയുമായി ചുരുങ്ങിയിരുന്നു ആ വീട്... നിനക്കുള്ള ഡ്രസ്സ്‌ ഒക്കെ റൂമിൽ ഉണ്ട്... പോയി ഡ്രസ്സ്‌ ഒക്കെ മാറ്റി വാ... എന്നും പറഞ്ഞു എന്നെ റൂമിലേക്ക്‌ പറഞ്ഞു വിട്ടു... റൂമിൽ എത്തിയപ്പോൾ മോളും ഇക്കയും കൂടെ കളിക്കുവായിരുന്നു... ന്റെ ആഭരങ്ങൾ ഒക്കെ അഴിച്ചു വെച്ചു ഡ്രസ്സ്‌ എടുത്ത് ബാത്‌റൂമിൽ പോയി... പുറത്ത് നിന്ന് വാവച്ചിയുടെ നിഷ്കളങ്കമായ ചിരി കേൾക്കാമായിരുന്നു... പുറത്തിറങ്ങിയപ്പോൾ രണ്ടാളും എന്നെ ഒന്ന് നോക്കി... ഹയാ.... നിനക്കായ് വീണ്ടും __part 3 ×××××××××××× ===== ഹയാ താൻ എന്താണ് ഒന്നും മിണ്ടാത്തത്... ഇന്നലെ ഞാൻ വിളിച്ചപ്പോഴും എന്റെ കാര്യം മാത്രാമാണ് നിന്നോട് പറഞ്ഞിട്ടുള്ളു... ഇന്നലെ ഞാൻ പറഞ്ഞില്ലേ അതെ എനിക്കും പറയാനുള്ള വാവച്ചിയുടെ ഉമ്മ മാത്രമാണ് ഞാൻ.. അപ്പൊ ജുനു ഒന്ന് ചിരിച്ചു... ആ കണ്ണുകൾ തിളങ്ങുന്നുണ്ടായിരുന്നു ഒരു പക്ഷെ ഇതാവും ജുനു പ്രതീക്ഷിച്ചിട്ടുണ്ടാവുക.... വാവാച്ചി വാ... നമുക്ക് പോയി മാമു തിന്നാലോ... വാ എന്നും പറഞ്ഞു അവളെ എടുത്തു... ഉമ്മ എന്ന് വിളിക്കുന്നില്ലന്നെ ഉള്ളു... അതോഴിച്ചാൽ ഞങ്ങൾ നല്ല ഇണക്കത്തിലാ... അവളെയും എടുത്തു താഴെ പോയി... അവൾക്ക് ഭക്ഷണം ഒക്കെ കൊടുത്തു... അവളെയും എടുത്തു റൂമിലേക്ക്‌ പോകാൻ ഒരുങ്ങുമ്പോൾ മോളെ വാവാച്ചിനെ ഇങ്ങു തന്നേക്ക്‌ ഇന്ന് മോൾ ഞങ്ങളുടെ കൂടെ കിടക്കട്ടെ.... ഏയ്യ് സാരല്ല ഉമ്മാ ന്റെ മോൾ ന്റെ കൂടെ കിടന്നോട്ടെ ഉമ്മാ... ന്റെ മറുപടി കേട്ടിട്ടാണോ എന്നറിയില്ല ആ ഉമ്മയുടെ കണ്ണുകൾ കണ്ണുനീരാൽ നിറഞ്ഞു... മോളെ ഇഷ്ട്ടം... ഇന്ന് മുതൽ പുതിയ അനുഭവങ്ങളുടെ തുടക്കമായിരുന്നു... കല്യാണം കഴിഞ്ഞു ഒരു മാസം പിന്നിട്ടു... ഞാനും ഇക്കയും നല്ല ഫ്രണ്ട്‌സിനെ പോലെയാണ് മോളും ഞാനും പിരിയാൻ പറ്റാതെ ആയി.... പക്ഷെ സങ്കടം മുഴുവൻ ഒന്നിനെ ഉള്ളു... ന്റെ മോൾ ഇതുവരെ ന്നെ ഉമ്മാന്ന് വിളിച്ചിട്ടില്ല... വാവാച്ചി ഇന്ന് ഇവിടെ നമ്മളെ ഉള്ളു... ഉപ്പാപ്പയും ഉമ്മാമ്മയും ആരും ഇല്ല.... വാ നമ്മൾക്ക് താഴെ പോയിട്ട് പണിയൊക്കെ തീർക്കാലോ... എന്നും പറഞ്ഞു ഇക്കാന്റെ അടുത്തുന്നു മോളെയും എടുത്തു പോയി... ഹലോ... ഇതെന്താ ഇങ്ങനെ ന്താടോ ന്റെ മോളെ എനിക്ക് ഒരു സെക്കന്റ്‌ പോലും കിട്ടുന്നില്ലലോ... ന്റെ മോളും കൂടിയാണ് അത് ഒരു മാസം മുന്നെയാണ്... ഇപ്പൊ ഇങ്ങളെക്കാളും റൈറ്റ്സ് കൂടുതൽ എനിക്കാണ്... ന്റെ മാത്രം മോളാണ്... ഇല്ലേ മോളെ ഉമ്മാന്റെ മോളല്ലേ........ എന്നും പറഞ്ഞു ഉക്കത്തുള്ള മോളെ ഒന്ന് നോക്കി... ആണോടി വാവാച്ചി എന്ന് ഇക്കയും ചോദിച്ചു... മ്മ് ആ എന്ന് പറഞ്ഞു ഒരു കുഞ്ഞി ചിരി ചിരിച്ചു ന്റെ നെഞ്ചിലേക്ക് കിടന്നു.... കേട്ടല്ലോ... എന്നും പറഞ്ഞു ഞങ്ങൾ താഴേക്കു പോയി.... സിറ്റൗട്ടിൽ കളിചോണ്ടിരുന്ന മോൾ ഉമ്മാ... ഉമ്മാ... ഉമ്മാ എന്നും വിളിച്ചു ന്റെ കൈ വന്നു പിടിച്ചു.... എന്നിട്ട് പുറത്തേക്കു ചൂണ്ടി കാണിച്ചു അങ്ങോട്ട്‌ വിളിച്ചോണ്ട് പോയി.... നോക്കുമ്പോൾ പുറത്താരോ വന്നതായിരുന്നു... ആരാ... ജുനൈദ്ക്ക ഇല്ലേ.. മ്മ് ഉണ്ട് വിളിക്കാം... ഇക്കാ... ദേ ആരോ വന്ന്ക്ക്... ജുനു ഇറങ്ങി വന്നു അങ്ങോട്ട്‌ പോയി പിന്നെയാണ് നിക്ക് ഓർമ വന്നത് മോൾ ന്നെ ഉമ്മന്നാണ് വിളിച്ചതെന്ന്... അതോർത്തപ്പോൾ അതിയായേ സന്തോഷം കാരണം ന്റെ കണ്ണുകൾ നിറഞ്ഞൊഴുകി... ഉപ്പാ.... ഉമ്മ നോക്ക്.. എന്നും പറഞ്ഞു ഇക്കയെ വിളിച്ചോണ്ട് വന്നു.... ന്താ.... ന്താ പറ്റിയെ ഹയേ.... ഡീ കരയാതെ കാര്യം പറ... പെട്ടെന്ന് ഞാൻ ഇക്കയെ കെട്ടിപിടിച്ചു പിന്നെയും എന്തിനെല്ലാതെ കരഞ്ഞു... ഹയാ കരയാതെ കാര്യം പറ... ഇക്ക ന്റെ മോൾ ന്നെ ഉമ്മാന്ന് വിളിച്ചു... എന്നെ ഇക്കയിൽ നിന്നും അടർത്തി മാറ്റി എന്നോടായി ന്റെ ഹയാ നിനക്ക് കിട്ടും ന്റെ കയ്യിന്നു... ഇതിനാണോ ഇങ്ങനെ കരഞ്ഞേ എന്നും പറഞ്ഞു ആകെ കലിപ്പ് എന്നെ ഇത്രയും ഡേ ആയിട്ട് ഇപ്പോയാണ് വിളിച്ചേ ഉമ്മാന്ന് അതാ സന്തോഷം കൊണ്ടാണ്... ആണോ... ഇപ്പൊ ഹാപ്പി ആയില്ലേ ന്റെ വല്യ മോൾ ഇനി കരയണ്ടാ ട്ടോ എന്നും പറഞ്ഞു ന്റെ കണ്ണുനീർ ഒക്കെ തുടച്ചു തന്നു ഏഹ് ഞാൻ മോളോ... അതെ മോൾ.... ഇമ്മളൊന്ന് ചിരിച്ചു... അതെ ഹയാ നമുക്ക് ഇന്ന് ബീച്ചിലൊക്കെ പോകാം... പുറത്ത് നിന്ന് ഫുടൊക്കെ കഴിക്കാം ന്തേയ്.... മ്മ് ഞാൻ റെഡി... അതെന്താണ് എന്നറിയില്ല എത്ര കണ്ടാലും മതിവരാത്തതാണ് ബീച്... നിനക്കായ് വീണ്ടും part4 ×××××××××××× ===== സൂര്യൻ കടലിനെ മുത്തമിടാൻ നോക്കി കൊണ്ടിരിക്കുന്നു.... ഇളം കാറ്റ് ഞങ്ങളെ തഴുകി തലോടി കൊണ്ട് പോകുന്നു... ഹയാ നിനക്കറിയുമോ.... ഇവിടെ വച്ചാണ് തസ്‌നി എനിക്ക് ഹാപ്പി ന്യൂസ്‌ പറഞ്ഞത്.... ഞങ്ങളെ മോൾ ഞങ്ങളുടെ ഇടയിലേക്ക് വന്നത്.... ജന്നത്ത്.... ഞങ്ങൾ എന്ന് ഇക്കാ പറഞ്ഞപ്പോൾ അറിയാതെ കണ്ണുകൾ നിറഞ്ഞു കാരണം ഇപ്പൊ ന്റെയും കൂടെ മോളല്ലേ.... കണ്ണുകൾ ഇക്കയിൽ നിന്ന് പിൻവലിച്ചു കടലിലേക്ക് നോക്കിയിരുന്നു... സോറി ഹയാ.... ഇപ്പൊ നമ്മളെ മോളാണ് നിന്റെ മോൾ എന്നും പറഞ്ഞു എന്നെയും മോളെയും ചേർത്തു പിടിച്ചു... എന്റെ ലോകത്തിലേക്ക് ഇക്കനെയും മോളെയും തന്ന നാഥനെ ഒരായിരം വട്ടം സ്തുതിച്ചു.... നാളുകൾ പിന്നെയും കൊഴിഞ്ഞു കൊഴിഞ്ഞുകൊണ്ടിരുന്നു.... മോളെ പിറന്നാളിന് ഒരാഴ്ചയേ ഉള്ളു.... അപ്പോഴാണ് എനിക്ക് വീട്ടിൽ പോകാൻ ഒരു ആഗ്രഹം.... ഇക്കാ നമുക്ക് വീട്ടിൽ പോകാം.... നമ്മളതിന് വീട്ടിൽ അല്ലെ ഉള്ളെ.... ഇക്കാ കളിക്കല്ലേ.... എനിക്ക് പറ്റില്ലടാ നാളെ ഒരു അര്ജന്റ് മീറ്റിംഗ് ഉണ്ട്... എന്ന ഞങ്ങൾ പൊയ്ക്കോട്ടേ.... ആരാ ഈ ഞങ്ങൾ... ഞാനും മോളും.... നിങ്ങൾ ഒറ്റക്ക് പോവേണ്ട നമുക്ക് പിന്നെ ഒരിക്കൽ പോകാം.... എന്ത്ന്നാ ഇക്കാ പ്ലീസ് ഞങ്ങൾ പൊയ്ക്കോട്ടേ.... വേണ്ടാ.... പിന്നെ ഒന്നും നോക്കില്ല.... ഇക്കാന്റെ ഒപ്പം കളിചോണ്ടിരുന്ന മോളെയും എടുത്ത് ഞാൻ പോകാൻ ഒരുങ്ങി വീട്ടിലേക്കല്ല ട്ടോ ഹാളിലേക്ക്... ന്താടി ന്റെ മോളെ ഇവിടെ വച്ചിട്ട് പോ...ഞങ്ങൾ കളിക്കുന്നത് കാണുന്നില്ലേ... മതി കളിച്ചേ.... മോള് ഉപ്പാനോട് മിണ്ടൂല... ഡീ ഹയാ നിക്ക്... എനിക്ക് ഒന്നും കേൾക്കേണ്ടാ.... എന്നും പറഞ്ഞു താഴേക്കു പോയി ഇക്കാനെ കാണുമ്പോൾ മുഖത്ത് ദേഷ്യം വിതറിയിട്ടു പെരുമാറി... അങ്ങനെ മിണ്ടാനും പോയിട്ടില്ല... രാത്രി റൂമിൽ എത്തിയപ്പോൾ ന്നെ പിടിച്ചു നിർത്തിയിട്ടു ഡീ നീ പൊയ്ക്കോ... ഇങ്ങനെ മിണ്ടാതിരിക്കല്ലേ.... അങ്ങനെ വഴിക്ക് വാ... ഞാനും നൈസായിട്ട് ചിരിച്ചു... വേഗം വരണം.. രാവിലെ ഞാൻ കൊണ്ട് പോയി വിടാം..... രാവിലെ പോകാൻ റെഡിയായി ഉമ്മാനോട് സലാം പറഞ്ഞു ഇറങ്ങി.... ന്റെ വീട്ടിൽ എത്തിയപ്പോൾ.... ഇങ്ങള് കേറുന്നില്ലേ... ഇല്ല ഡീ മീറ്റിംഗ് ഉണ്ട്.... മ്മ്.... മോളെ ഉപ്പാക്ക് മുത്തം കൊടുത്തേ... കാറിനു ഇറങ്ങാൻ നോക്കിയപ്പോൾ.... നിന്റെ വക ഇല്ലേ എനിക്ക്.... എന്ത് ഇല്ലെന്ന്... ഏയ്‌ ഒന്നുല്ല പൊയ്ക്കോ വീട്ടിലേക്ക് കയറുമ്പോൾ ഉപ്പ ഉണ്ടായിരുന്നു... കേറുമ്പോൾ ഉപ്പാനോട് സലാം പറഞ്ഞു.... മോളെ മോൻ വന്നില്ലേ... ഇല്ല ഉപ്പ ഇക്കാക്ക് മീറ്റിംഗ് ഉണ്ട്... മ്മ്... ഇത്തൂസെ എന്നും പറഞ്ഞു പൊന്നൂസ് ഓടി വന്നു കെട്ടിപിടിച്ചു... ന്നെ മറന്നു ലെ... ഓളെ പരാതിയും പരിഭവവും ആയി പിന്നീട്.... വാവാച്ചി വാ നമുക്ക് കളിക്കാലോ എന്നും പറഞ്ഞു മോളെയും കൂട്ടി പൊന്നൂസ് പോയി... അടുക്കളയിൽ പോയപ്പോൾ ഉമ്മ തിരക്കിട്ട പണിയായിരുന്നു... എന്തെങ്കിലും ചെയ്യണോ.... മോളൊന്നും ചെയ്യേണ്ടാ ഞാൻ ചെയ്തോളാം.... ഞാൻ അത്ഭുതത്തോടെ ഉമ്മാനെ നോക്കി ഇതുവരെ എന്നോട് സ്നേഹത്തോടെ ഒന്നും പറഞ്ഞിട്ടില്ല.... എനിക്കറിയാം ഇനിക്ക് ഇപ്പൊ അത്ഭുതായിരിക്കും ലെ ഞാൻ ന്താ ഇത്രേ സ്നേഹത്തിൽ സംസാരിക്കുന്നെന്ന്... മോളെ കല്യാണം കഴിഞ്ഞപ്പോളാണ് എനിക്ക് മനസ്സിലായെ നിന്റെ മൂല്യം... എനിക്ക് പൊറുത്തു തരില്ലേ മോളെ ഇജ്ജ് ആദ്യായിട്ട് ഉമ്മാന്റെ കണ്ണുകൾ നിറഞ്ഞു... ഉമ്മ ഇങ്ങളെന്താ ഇങ്ങനെ ഒക്കെ പറയുന്നേ എന്റെ മനസ്സിൽ ഒന്നുല്ല... സ്നേഹത്തോടെ ഉമ്മയെന്നെ കെട്ടിപിടിച്ചു.... അങ്ങനെ ന്റെ ഉമ്മനെയും എനിക്ക് കിട്ടി... പക്ഷെ എന്താണെന്നറിയില്ല ഇക്കാനെ വല്ലാതെ മിസ്സ്‌ ചെയ്യുന്നുണ്ടായിരുന്നു... രാത്രി ഇക്കാന്റെ മുഖം നോക്കിയാണ് ഇതുവരെ ഉറങ്ങിയിട്ടുള്ളു ആദ്യമായിട്ടാണ് ഇക്കയില്ലതെ എന്തോ പോലെ... കാൾ ചെയ്തു ഇക്കാക്ക്.... ഹലോ. എന്താടി നിനക്ക് ഉറക്കവും ഇല്ലേ... ഓഹ് ഇങ്ങള് നല്ലണം ഉറങ്ങുവാലെ... എന്നെയും ന്റെ മോളെയും മിസ്സ്‌ ചെയ്യുന്നില്ലേ... അയ്യേ ഇജ്ജയോ ഇല്ലാലോ... ന്റെ മോളെ മിസ്സ്‌ ചെയ്യുന്നുണ്ട്... ഓഹ് ന്നാ ok ഉറങ്ങിക്കോ.... എന്താടി വെക്കാൻ പോകുവാണോ... അതെ... എന്തേയ്... ഇങ്ങള്ക്ക് എന്നെ മിസ്സ്‌ ഒന്നും ചെയ്യുന്നില്ലാലോ... എല്ലാം ഞാൻ പറഞ്ഞിട്ടറിയാണോ... ആ അറിയണം... എടി പോത്തേ ഐ മിസ്സ്‌ യു സോ മച്ച്.. പോരെ..... സമയപരിധി ഇല്ലാതെ ഞങ്ങളുടെ സംസാരം തുടർന്നു കൊണ്ടിരുന്നു... എവിടെയോ പ്രണയത്തിന്റെ തിരിനാളം തെളിഞ്ഞു കൊണ്ടിരുന്നു... നിനക്കായ് വീണ്ടും __part 5 ×××××××××××× ==== അവസാനഭാഗം ________________ നേരം വെളുത്തപ്പോൾ തന്നെ എന്നെ ഇക്കാന്റെ വീട്ടിലേക്ക് കൊണ്ടാക്കി തരുവോ എന്ന ചോദ്യം ആണ് ഉപ്പ ആദ്യം കേട്ടത്... അതെന്താ മോളെ.... ഒന്നുല്ല ഉപ്പ ഇക്കാനെ കാണാതിരിക്കാൻ പറ്റുന്നില്ല അതോണ്ടാ... എന്ന കുറച്ച് കഴിഞ്ഞു കൊണ്ടാക്കി തരാം ഒരു ഉച്ച ആയപ്പോയേക്കും ഞങ്ങൾ വീട്ടിൽ എത്തി... വൈകുന്നേരം ഇക്ക വന്നപ്പോൾ അപ്രതീക്ഷിതമായി നമ്മളെ കണ്ടൊന്നു ഞെട്ടി... ഇക്കാനെ കണ്ടതും വാവാച്ചി ഉപ്പാനെ പോയി കെട്ടിപിടിച്ചു.... അവളെ ഭാഷയിൽ ന്തൊക്കെയോ പറയുന്നുണ്ട് ഇക്കനോട്... രാത്രി കിടക്കാൻ റൂമിൽ പോയപ്പോൾ ന്റെ മോൾ നല്ല ഉറക്കത്തിലാ... ഇക്ക ബാൽക്കണിയിൽ ന്തോ ആലോചിച്ചിരിക്കുവായിരുന്നു.... ഞാൻ അടുത്ത് പോയി പതുക്കെ ന്താ ആലോചിക്കുന്നെ... ഞാൻ വേഗം വന്നിട്ട് ഇങ്ങളെ സമാധാനം പോയോ... നമ്മൾ തമാശ രീതിയിൽ ചോദിച്ചതാണെങ്കിലും ന്റെ ഇക്കാക്ക് നല്ലണം കൊണ്ടു... ന്താടി പറയുന്നേ... ഏയ്‌ ഞാൻ ചുമ്മാ പറഞ്ഞതാ... ഇങ്ങൾ ന്തിനാ സീരിയസ് ആക്കുന്നെ... മ്മ്.. ന്തേയ് ഒരു മൂളൽ... ഒന്നുല്ലാടി എന്നും പറഞ്ഞു ന്നെ ഇക്കനോട് ചേർത്ത് പിടിച്ചു.... അല്ല മോളെ ഇജ്ജല്ലേ പറഞ്ഞെ കുറെ ഡേയ്‌സ് കഴിഞ്ഞിട്ടാ വരൂന്ന് പിന്നെ ഇന്ന് തന്നെ എന്താ പൊന്നെ... അങ്ങനെ ഞാൻ അവിടെ നിന്നിട്ട് ഇങ്ങള് ഇവിടെ സുഖിക്കേണ്ട.... ഓ അങ്ങനെ.... ആ മങ്ങനെ... ഇക്കനോട് ഒന്നൂടെ ചേർന്ന് നിന്നപ്പോൾ ന്റെ നെറ്റിയിൽ ആദ്യ ചുംബനം നൽകി ഇക്ക... ന്തോ നാണം കൊണ്ട് നിറഞ്ഞു ന്റെ മുഖം.... ഡീ നാണിക്കേണ്ട ഇനി ഇത് പതിവാണ്... പോ ഇക്ക.... ഇണക്കുരുവികൾക്ക് വേണ്ടി നിലാവ് പോലും മേഘങ്ങൾകിടയിൽ മറഞ്ഞിരുന്നു.... ഇന്ന് വാവച്ചിയുടെ പിറന്നാളാണ്‌... അത്യാവശ്യം ചില റിലേറ്റീവെസിനെയും ഇക്കാന്റെ ഫ്രണ്ട്സിനെയും വിളിച്ചു... കൂടെ ജസയുടെ ഉമ്മയെയും... ഇക്കാന്റെ ആദ്യ ഭാര്യയുടെ ഉമ്മനെയും... കേക്ക് ഒക്കെ കട്ട്‌ ഒക്കെ ചെയ്തു സെലിബ്രേഷൻ ഏകദേശം കഴിയാറായി .... ന്തോ കാര്യത്തിനായി അടുക്കളയിലേക്ക് പോയി വന്നപ്പോൾ ന്റെ മോൾ താഴെ വീണു മുട്ടിന്റെ തൊലി പോയി കരയുന്നുണ്ടായിരുന്നു... മോളെ പോയി പൊന്നൂസിന്റെ അടുത്ത് നിന്ന് വാങ്ങി... ഇത്താ മോള് കളിച്ചപ്പോൾ വീണു... മ്മ്... ന്തോ മോൾ കരയുന്നത് കണ്ടപ്പോൾ ന്റെ കണ്ണും നിറഞ്ഞു... മോളെ ആരാ അടിച്ചേ... ന്റെ മോൾ കറയേണ്ടാ ട്ടോ... വാവച്ചിക്ക് കേക്ക് തരാലോ ഉമ്മ.... എന്റെ മോൾക്ക്‌ ഒന്നും കൊടുക്കേണ്ട നീ... ജസയുടെ ഉമ്മയായിരുന്നു.... ന്താ ഉമ്മാ... ആരാ നിന്റെ ഉമ്മ... എന്റെ മോളെ നിനക്ക് നോക്കാൻ പറ്റില്ലെങ്കിൽ അത് പറയണം അല്ലാതെ മോളെ അവിടെ ഇട്ടിട്ട് പോവുകയല്ല വേണ്ടേ... എന്താ ഉമ്മാ ഇങ്ങള് പറയുന്നേ... ഒന്നും പറയേണ്ട നീ മോളെ നോക്കാൻ പറ്റില്ലെങ്കിൽ പിന്നെ നീ എന്തിനാ ഇവിടെ... ഓഹ് എന്റെ മോളെ മോളായത് കൊണ്ടാവും സ്വന്തം അല്ലാലോ... ന്റെ അടുത്തുന്നു മോളെ വാങ്ങി ഇനി ന്റെ മോളെ തരില്ല നിനക്ക്... ഹയാ... ന്താ ഇവിടെ അപ്പോഴാണ് ഇക്ക അങ്ങോട്ട്‌ വന്നേ.... ഒന്നുല്ല ഇക്കാ മോൾ ഒന്ന് വീണു ഞാൻ ശ്രദ്ധിച്ചില്ല അതോണ്ട് മോളെ ശ്രദ്ധിക്കാൻ പറഞ്ഞതാ... ഹയാ നീ പറഞ്ഞൊപ്പിക്കേണ്ടാ ന്താ ഉണ്ടായെന്നു പൊന്നൂസ് പറഞ്ഞിട്ടുണ്ട്... ഉമ്മാ ന്റെ മോളെ ഹയാ സ്വന്തം മോളെ പോലെ തന്നെയാണ് നോക്കുന്നത്... അവൾക്കെന്തെങ്കിലും പറ്റുമ്പോൾ നിറയുന്നത് എന്റെ ഹായന്റെ കണ്ണുകളാണ്.... എന്റെ മോളെ ഹയ പോന്നു പോലെ നോക്കും.... എന്ത് നോക്കും കണ്ടില്ലേ ന്റെ മോളെ കാൽമുട്ട്.... ഉമ്മാ ജസയും കുഞ്ഞ് നാളിൽ വീണിട്ടില്ലെ... അത് നിങ്ങളെ ശ്രദ്ധ ഇല്ലായ്മ കൊണ്ടാണോ... കളിക്കുമ്പോൾ കുട്ടികൾ വീഴും ചിലപ്പോൾ മുറിവുണ്ടാവും ഇതൊക്കെ നോക്കിയിട്ടാണോസ്നേഹത്തെ വിലയിരുത്തുന്നത്... ഉമ്മ ഒന്നും പറയാതെ നിന്ന്... ന്തോ എനിക്ക് അതൊക്കെ കേട്ടിട്ട് ആകെ സങ്കടം ആയി അറിയാതെ ആണെങ്കിലും എന്റെ അശ്രദ്ധ മൂലമാണ് ഇതൊക്കെ.... ഞാൻ വേഗം റൂമിലേക്ക്‌ പോയി കുറച്ച് കഴിഞ്ഞപ്പോൾ ഇക്കയും മോളും ന്റെ അടുത്തേക്ക് വന്നു.... ഉമ്മാ.... മോള് വന്നു മടിയിലിരുന്ന്.... നോക് വാവു ആയിക്.... എന്നും പറഞ്ഞു കാലു കാണിച്ചു തന്നു... വാവാച്ചി വേദന ഇണ്ടോ.... ന്തോ മോൾ ഇല്ലന്ന് തലായിട്ടി... ഹയാ മോൾ കളിച്ചപ്പോൾ ഒന്ന് വീണു ഇതിൽ കുഴപ്പം നിന്റെ അല്ല... മക്കളായാൽ വീഴും ഇതൊക്കെ സാധാരണയാണ് എന്നാലും ഇക്ക... ഒരു എന്നാലും ഇല്ല മോളെ നോക്ക് ഓളൾ നല്ല ഹാപ്പിയാ അപ്പൊ ഓളെ ഉമ്മയും ഹാപ്പി ആയിരിക്കണം... സോ പ്ലീസ് സ്മൈൽ... ഇക്കാന്റെ വാക്കുകൾ മനസ്സിന് ഉണ്ടായ മുറിവുകൾക്ക് ആശ്വാസമാണ് ഉണ്ടാക്കിയത്.... ഇക്ക ഐ ലവ് യൂ....... ലവ് യു ടൂ ഹയാ എന്നും പറഞ്ഞു ന്റെ നെറുകയിൽ ചുംബിച്ചു.... വാടി ഇവിടെ പഞ്ചാരടിച്ചു നിന്നാൽ ശരിയാവൂല താഴേക്കു പോകാം..... മ്മ് പോകാം... ഇനി വാവച്ചിക്കൊരു അനിയനെ കൊടുക്കണം കളിക്കാനായിട്ട് ഇനി അതിന്റെ പ്ലാനിങ് നോക്കണം മോളേ.... എന്നും പറഞ്ഞു ന്നെ നോക്കി കണ്ണിറുക്കി.... നാണം കൊണ്ട് ന്റെ മുഖം ആകെ റെഡായി... പോ ഇക്കാ നാണം ഇല്ലാലോ ഇപ്പൊ ഇങ്ങനെ പറയാൻ.... ന്താടി നിന്നോടല്ലേ.... ആ താഴേക്കു പോവാം... മ് 3 വർഷത്തിന് ശേഷം.... ദേ ഇക്കാ ഇങ്ങളെ മോനെ നോക്കിക്കോ ട്ടോ.... എനിക്കാവില്ല അതിനെ നോക്കാൻ ന്റെ മോളെ കൂട്ടാൻ പോകണം എനിക്ക്.... ന്താടി ന്റെ മാത്രം ആണോ മോൻ.... ആ അതെ.... ഇങ്ങളെയാ എനിക്ക് ന്റെ വാവാച്ചി മതീ... ഞാൻ ന്റെ മോളെ കൂട്ടിയിട്ട് വരാം... എന്റെ തീരുമാനം അത് തെറ്റിയില്ല... ന്റെ ഹയാ സ്വന്തം മോനേക്കാൾ ന്റെ മോളെ സ്നേഹിക്കുന്നു.... എല്ലാത്തിനും ഒരു പാട് നന്ദി ഉണ്ട് പടച്ചോനെ എല്ലാത്തിനും നിന്നെ സ്തുതിക്കുന്നു.... ÷÷÷÷÷÷÷÷÷÷÷÷÷÷÷÷÷
68.3k കണ്ടവര്‍
10 ദിവസം
മറ്റു ആപ്പുകളില്‍ ഷെയറാം
Facebook
WhatsApp
ലിങ്ക് കോപ്പി ചെയ്യാം
ഡിലീറ്റ് ചെയ്യാം
Embed
ഞാന്‍ ഈ പോസ്റ്റ്‌ റിപ്പോര്‍ട്ട് ചെയ്യാന്‍ കാരണം.....
Embed Post