#🙏केदारनाथ मंदिर🛕 #🛕शिव मंदिर #🕉ओम नमः शिवाय #☘️हर हर महादेव🙏🏼 #🙏सोमवार भक्ती स्पेशल🌟 🙏🌹🙏🌹🙏🌹🙏🌹🙏🌹🙏🌹🙏🌹🙏🌹🙏🌹 पांडवांनी केले होते महादेवाच्या या मंदिराचे निर्माण, प्रलयात झाले होते उद्धवस्त महाशिवरात्री हिंदू धर्मामध्ये हा दिवस महादेवाच्या उपासनेसाठी अत्यंत खास मानला जातो. या उत्सवाच्या निमित्ताने आम्ही तुम्हाला 12 ज्योतिर्लिंगाची खास माहिती देत आहोत. आतापर्यंत तुम्ही घृष्णेश्वर आणि भीमाशंकर, औंढा नागनाथ, सोमनाथ, रामेश्वरम, त्र्यंबकेश्वर, ओंकारेश्वर, महाकालेश्वर ज्योतिर्लिंगाची माहिती वाचली. आज आम्ही तुम्हाला उत्तराखंडमधील केदारनाथ ज्योतिर्लिंगाची माहिती देत आहोत. नर-नारायण करायचे भगवान शिवची पूजा शास्‍त्रानुसार केदारनाथ संदर्भात एक अख्‍यायीका सांगितली जाते. शिवपुराणातील कोटीरूद्र संहितेमध्‍ये बद्रीवनात विष्‍णुचा आवतार नर-नारायण्‍ा यांनी शिवलिंग तयार करूण भगवान शंकराची पूजा केली. यांची भक्‍ती पाहून भगवान शंकर प्रकट झाले, आणि त्‍यांनी नर-नारायणाला वरदान मागण्‍यास सांगितले. यावेळी नर-नारायणाने वरदान मागितले की, जगाच्‍या उद्धारासाठी तुम्‍ही इथेच राहावे, भगवान शंकराने आनंदीत होऊन राहण्‍याचे वरदान दिले व या क्षेत्राला 'केदार' क्षेत्र म्‍हणून ओळखले जाईल हे वचन दिले. केदारनाथची कथा... महाभारतातील युद्धानंतर विजयी झालेले पांडव कौरवांच्या हत्येच्या (भावांची हत्या) पापातून मुक्त होण्यासाठी महादेवाचा आशीर्वाद घेण्यास इच्छुक होते. परंतु शिव त्यांच्यावर रुष्ट होते. महादेवाच्या दर्शनासाठी पांडव हिमालयापर्यंत जाऊन पोहचले. महादेव पांडवांना दर्शन देऊ इच्छित नव्हते. यामुळे ते त्याठिकाणाहून अंतर्ध्यान होऊन केदार क्षेत्री जाऊन बसले. दुसरीकडे पांडवही निश्चयी होते, ते महादेवाचा पाठलाग करत-करत केदारला पोहचले. महादेवाने तोपर्यंत बैलाचे रूप धारण केले आणि इतर पशूंमध्ये जाऊन मिसळले. पांडवांना या गोष्टीचा संशय आला होता. त्यामुळे बलशाली भीमने आपले विशाल रूप धारण करून दोन डोंगरांवर पाय पसरवले. इतर गाय-बैल तेथून निघून गेले, परंतु महादेव रूपातील बैल भीमच्या पायाखालून जाण्यास तयार झाले नाही. भीम बळजबरीने त्या बैलावर चालून गेला, परंतु बैल जमिनीमध्ये जाऊ लागला. तेव्हा भीमने बैलाची त्रीकोनात्मक पाठ पकडली. महादेव पांडवांची भक्ती आणि दृढ संकल्प पाहून प्रसन्न झाले. त्यांनी तत्काळ दर्शन देऊन पांडवांना पाप मुक्त केले. तेव्हापासून महादेवच्या बैल रूपातील पाठीची आकृती पिंड स्वरुपात केदारनाथमध्ये स्थित आहे. प्रलयात उद्धवस्त झाले होते हे धाम 2013 मध्‍ये ढगफुटीमुळे केदारनाथ क्षेत्र उद्‍धवस्त झाले होते. येथे पोहोचण्याचा रस्ता खूपच कठीण आणि जीव धोक्यात टाकणारा आहे. या क्षेत्रामध्ये आजही वेळोवेळी मुसळधार पाऊस पडत असतो आणि याच कारणामुळे हे सुरक्षित क्षेत्र मानले जात नाही. एवढ्या अडचणी असूनदेखील महादेवाचे भक्त केदारनाथचे दर्शन घेण्यासाठी पोहचतात. गंगोत्री ग्लेशियर - उत्तराखंडात असलेले गंगोत्री ग्लेशियर 28 कि. मी. लांब आणि 4 कि.मी रुंद आहे. गंगोत्री ग्लेशियर उत्तर पश्र्चिम दिशेमध्ये जास्त वाहते आणि एक गायीच्या मुखसमान स्थानावर वळण घेते. उखीमठ -उखीमठ रुद्रप्रयाग जिल्ह्यात आहे. हे स्थान समुद्र पातळीपासुन 1317 मी. उंचीवर आहे. येथे देवी उषा, महादेवाचे मंदिर आहे. महादेवाने आपल्या महिषरुप अवतारामध्ये आपले पाच अंग विविध स्थानांवर स्थापन केले होते. त्यांना मुख्य केदारनाथ पीठाच्या अतिरिक्त चार आणि पीठांसहीत पंच केदार म्हटले जाते. पंज केदार तीर्थ 1. केदारनाथ 2. मध्यमेश्र्वर 3. तुंगनाथ 4. रुद्रनाथ 5. कल्पेश्वर 2. मध्यमेश्र्वर या स्थानाला मनमहेश्र्वर किंवा मदनमहेश्र्वर म्हटले जाते. यांना पंच केदारमध्ये दुसरे मानले जाते. हे उषा मठपासुन १८ किमी दुर आहे. येथे महिषरुपधारी महादेवाची नाभी लिंग रुपात आहे. पौराणिक कथांनुसार महादेवाने आपली मधुचंद्र रात्र येथे साजरी केली होती. येथिल पाण्याचे काही थेंब मोक्षासाठी पुरक मानले जातात. आसपासचे ठिकाण बूढा मध्यमेश्वर - मध्येमश्वरपासुन २ किमी दूर बूढा मध्यमेश्वर हे ठिकाण आहे. कंचनी ताल - मध्यमेश्वरपासुन 16 किमी दूर कंचनी ताल नावाचा तलाव आहे. हा तलाव समुद्र पातळीपासुन 4200 मी. उंच ठिकाणावर आहे. गउन्धर - हे मध्यमेश्वर गंगा आणि मरकंगा गंगाचे संगम ठिकाण आहे. तुंगनाथ हे पंच केदारचे तिसरे स्थान मानले जाते. केदारनाथपासून बद्रीनाथला जातांना रस्त्यात हे क्षेत्र येते. येथे महादेवाची भुजा शिला रुपात स्थित आहे. म्हटले जाते की, या मंदीराची निर्मिती पांडवांनी महादेवाला प्रसन्न करण्यासाठी केली होती. तुंगनाथ पर्वताची चढन ही उत्तराखंडाच्या यात्रेची सर्वात उंच चढन मानली जाते. पाहण्यासारखे ठिकाण चंद्रशिला पर्वत - तुंगनाथपासुन २.कि.मी. उंचीवर हे चंद्रशिला पर्वत आहे. हे खुप सुंदर आणि दर्शनिय ठिकाण आहे. गुप्तकाशी - रुद्रप्रयाग जिल्ह्यापासुन 1319 मी. च्या उंचीवर गुप्तकाशी नावाचे स्थान आहे. येथे विश्वनाथ नावाचे मंदिर आहे. 4. रुद्रनाथ हे पंच केदारमध्ये चौथे तीर्थ आहे. येथे महेशरुपाचे शिव मुख आहे. तुंगनाथ पासुन रुद्रनाथ-पर्वत दिसतो. परंतु ते गुहेमध्ये असल्याने तेथे पोहचण्याचा मार्ग दुर्गम आहे. येथे जाण्याचा एक रस्ता हेलंग पासुन जातो. 5. कल्पेश्वर हे पंच केदारचे पाचवे क्षेत्र आहे. येथे महिषधारी भगवान शिवच्या जटांची पुजा केली जाते. अलखनंदा पासुन ६ कि.मी गेल्यावर हे स्थान येते. या स्थानाला उसगम नावानेसुध्दा ओळखले जाते. येथिल गर्भगृहाचा रस्ता एक प्राकृतिक गुहेपासून जातो.🙏