😱साखरपुडा झालाय ऐकताच गोळी झाडुन हत्या Images • 🆂🅷🅰🆁🅴🅲🅷🅰🆃™ (@creation273107676) on ShareChat

🆂🅷🅰🆁🅴🅲🅷🅰🆃™ - Author on ShareChat: Funny, Romantic, Videos, Shayari, Quotes

#😱साखरपुडा झालाय ऐकताच गोळी झाडुन हत्या लॉ कॉलेजच्या वर्गातच रक्तरंजित थरार; साखरपुड्यामुळे चिडलेल्या विद्यार्थ्याने वर्गमैत्रिणीवर झाडली गोळी, नंतर स्वतःलाही संपवले पंजाबमधील एका विधी महाविद्यालयात (Law College) एक अतिशय धक्कादायक आणि हृदयद्रावक घटना घडली आहे, ज्यामुळे संपूर्ण परिसरात एकच खळबळ उडाली आहे. वर्गात लेक्चर सुरू असतानाच एका विद्यार्थ्याने आपल्याच वर्गात शिकणाऱ्या तरुणीवर गोळ्या झाडून तिची हत्या केली. या भयंकर कृत्यानंतर संबंधित तरुणाने स्वतःवरही गोळी झाडून आत्महत्या करण्याचा प्रयत्न केला, ज्यामध्ये उपचारादरम्यान त्याचाही मृत्यू झाला आहे. प्रेमप्रकरणातून आणि तरुणीचा साखरपुडा झाल्याच्या रागातून हे हत्याकांड घडल्याचे प्राथमिक तपासात समोर आले आहे. या घटनेची सविस्तर माहिती अशी की, मृत विद्यार्थिनीचे नाव संदीप कौर असे असून ती लॉ कॉलेजमध्ये शिक्षण घेत होती. याच वर्गात शिकणारा प्रिन्स राज नावाचा विद्यार्थी तिच्यावर एकतर्फी प्रेम करत होता. काही दिवसांपूर्वीच संदीप कौरचा साखरपुडा झाला होता, ही गोष्ट प्रिन्सला खटकली होती. या रागातूनच त्याने हे टोकाचे पाऊल उचलल्याचे बोलले जात आहे. प्रत्यक्षदर्शींनी दिलेल्या माहितीनुसार, महाविद्यालयात वर्गाचे कामकाज नेहमीप्रमाणे सुरू असताना प्रिन्स राज अचानक वर्गात आला. त्याने आपल्या बॅगेतून .३२ बोअरचे पिस्तूल काढले आणि काही कळायच्या आतच संदीप कौरवर अगदी जवळून गोळी झाडली. या हल्ल्यात संदीप कौरचा जागीच मृत्यू झाला. गोळीबाराच्या आवाजाने वर्गात आणि कॉलेज परिसरात एकच गोंधळ उडाला. विद्यार्थी आणि शिक्षक भीतीने गांगरून गेले असतानाच, आरोपी प्रिन्सने पुन्हा पिस्तूल लोड केले आणि स्वतःच्या डोक्यात गोळी झाडून घेतली. त्याला गंभीर अवस्थेत रुग्णालयात दाखल करण्यात आले होते, मात्र उपचारादरम्यान त्याचाही मृत्यू झाला. आरोपी प्रिन्स राज याचे वडील भारतीय लष्करात कार्यरत असल्याची माहिती समोर आली आहे. संदीप कौरच्या कुटुंबीयांनी आरोपीवर गंभीर आरोप केले आहेत. मृत तरुणीच्या बहिणीने, मनप्रीत कौरने दिलेल्या माहितीनुसार, प्रिन्स गेल्या काही दिवसांपासून संदीपला सतत त्रास देत होता. तो दोन-तीन वेळा त्यांच्या घरीही आला होता. शुक्रवारीच त्याने संदीपला लग्नाची मागणी घातली होती, परंतु संदीपने त्याला स्पष्ट नकार दिला होता. "माझा साखरपुडा झाला असून आता काहीच होऊ शकत नाही," असे तिने त्याला ठामपणे सांगितले होते. याच नकाराचा राग मनात धरून प्रिन्सने हे भयानक कृत्य केल्याचा संशय व्यक्त करण्यात येत आहे. पोलीस या प्रकरणाचा अधिक तपास करत असून दोन विद्यार्थ्यांमधील वाद नक्की कोणत्या थराला गेला होता, याचा शोध घेतला जात आहे. #ब्रेकिंग न्यूज #🔪क्राईम अपडेट्स😎 #क्राईम #🔴आजचे ताजे अपडेट्स📰

😱साखरपुडा झालाय ऐकताच गोळी झाडुन हत्या - साखरपुड्यामुळे चिडलेल्या विद्यार्थ्याने वर्गमैत्रिणीवर झाडली गोळी, नंतर स्वतःलाही संपवले साखरपुड्यामुळे चिडलेल्या विद्यार्थ्याने वर्गमैत्रिणीवर झाडली गोळी, नंतर स्वतःलाही संपवले - ShareChat