💜ഹൃദയത്തിൽ സൂക്ഷിക്കാൻ 💜 പാർട്ട്‌ -24 എല്ലാവരും എന്ത് പാവമാ ഇല്ലേ... എനിക്ക് ഒത്തിരി ഇഷ്ടമായി. സുഭദ്രമ്മ പിള്ളേർ പാർത്ഥൻ.... കണ്ണേട്ടൻ നോക്കിക്കോ എനിക്ക് ജോലി കിട്ടി കഴിഞ്ഞു ഞാനും അവരെ സഹായിക്കും. കണ്ണേട്ടനെ പോലെ എല്ലാം അവർക്ക് ചെയ്യ്തു കൊടുക്കും...." ​അവനൊന്നു നോക്കുക മാത്രം ചെയ്തവളെ. ​"നിനക്ക് ഒരു കാര്യം അറിയാമോ പാറു....?" ​കണ്ണൻ പറയുമ്പോൾ കേൾക്കാൻ ഉള്ള ആകാംഷയോടെ അവനെ നോക്കിയവൾ. ​"നീ ഇന്ന് കണ്ട സുഭദ്ര അമ്മ ഇല്ലേ... ആൾ അങ്ങനെ വെറുതെ ആ ആശ്രമത്തിന്റെ അമ്മ ആയി മാറിയതല്ല. ആൾക്ക് കുറെ ജാലവിദ്യ ഒക്കെ അറിയാം... ചിലതൊക്കെ മുൻകൂട്ടി അറിയുവാനും..." ​"അതെങ്ങനെയാ കണ്ണേട്ടാ...? ഞാൻ വിശ്വസിക്കില്ല..." ​"അതെന്താ നിനക്ക് ദൈവത്തിൽ വിശ്വാസം ഇല്ലേ....?" ​"വിശ്വാസം ഉണ്ടോന്നു ചോദിച്ചാൽ ഉണ്ട്. പക്ഷെ ചിലതൊക്കെ ദൈവത്തിന്റെ പേരിൽ നമ്മൾ അടിച്ചേൽപ്പിക്കുന്നത് സയൻസ് അല്ലെ....? എന്ന് പറഞ്ഞാൽ പണ്ടുള്ള ആളുകൾ പറഞ്ഞു ഉണ്ടാക്കിയതിന്റെ പിറകിൽ ഒക്കെ ഒരു സയൻസ് ഉണ്ട് കണ്ണേട്ടാ..." ​"ഓ അത്രക്ക് ബോധം ഒക്കെ ഉണ്ടോ....?" ഇന്ദ്രൻ ഒന്ന് ചിരിച്ചു.... ​"സുഭദ്ര അമ്മയുടെ കാര്യത്തിൽ അങ്ങനെ അല്ല പാറു... അമ്മക്ക് മാത്രം അല്ല ആൾക്ക് ഒരു സഹോദരൻ കൂടി ഉണ്ട്. പുള്ളി നാടുചുറ്റി നടക്കുവാ. ഒരു ആവശ്യത്തിന് ആളെ കിട്ടില്ല. കാശിയിൽ നിന്നോ രാമേശ്വരത്ത് നിന്നോ ഒക്കെയാ ഓരോരുത്തർ ആളെ കണ്ടെന്നു പറഞ്ഞു വരുന്നത്. എങ്കിലും ഇടക്കൊക്കെ ആളും മന്ദിരത്തിൽ വരും ... അവര് കുടുംബം ആയിട്ട് എന്തൊക്കെയോ പൂജയോ മറ്റും നടത്തി പോകുന്നവർ ആയിരുന്നു. സുഭദ്ര അമ്മയെ ഇങ്ങോട്ടേക്കു കല്യാണം കഴിച്ചു കൊണ്ട് വന്നതാ." ​ഇന്ദ്രൻ പറയുന്നത് ഓരോന്നും അവൾ കേട്ടിരുന്നു.. ​രാത്രിയോട് അടുത്ത് വീട്ടിൽ വന്നപ്പോൾ.... ​റൂമിൽ കയറിയ അവൾക്കു ഒന്ന് കുളിച്ചാൽ മതി എന്ന് തോന്നി പോയി അത്രയും ചൂട്.... രാവിലെ മുതൽ ഇട്ട വേഷം അല്ലെ.... പാട്ടും പാടി അവൾ അടുക്കള കതക് തുറന്നു വെളിയിലേക്ക് ഇറങ്ങി... പുറത്തെത്തിയതും ഇരുട്ട് കണ്ട് അവളൊന്നു ഭയന്നു. എന്നാൽ കണ്ണനെ വിളിക്കാൻ  അവൾക്കു തോന്നി ഇല്ല.... ​മുറിയിലേക്ക് വന്ന ഇന്ദ്രൻ ഷർട്ടും മുണ്ടും അഴിച്ചിട്ടു കൊണ്ട് ഒരു കൈലി എടുത്തു ഉടുത്തു.. ​എന്തോ ഓർത്തു നിന്നതും ഒരു അലർച്ച കേട്ടു.... ഇന്ദ്രൻ ഓടി മുറിക്ക് വെളിയിൽ ഇറങ്ങി..... പാഞ്ഞു വന്നു എന്തോ ഒന്ന് നെഞ്ചിൽ തട്ടി നിന്നത് മാത്രം അവൻ അറിഞ്ഞു. കണ്ണുകൾ തുറക്കുമ്പോൾ അവൾ തന്നെ അമർത്തി കെട്ടിപ്പിടിച്ചിരിക്കുക ആണ്... ​"എന്താടി....?" അവളുടെ അലർച്ച കേട്ടു അവൻ ഭയന്നു പോയി ഇതിനോടകം... ​"അത് മരണക്കിളി കൂവുന്നു.... എനിക്ക് പേടിയാ ഏട്ടാ... അത് ചിലച്ചാൽ മരണം ഉറപ്പാ..." ​"നിന്നോട് ആരാ ഈ പാതിരാത്രിയിൽ വെളിയിൽ ഇറങ്ങാൻ പറഞ്ഞത്...?" ​"എനിക്ക് ഒന്ന് കുളിക്കണം. ആകെ നാറി നിൽക്കുവാ..." ​"നീ ഇന്ന് കുളിക്കണ്ട...." ​"പ്ലീസ് കണ്ണേട്ടാ ഒന്ന് വായോ....." ​"പറ്റില്ല... നീ കുളിക്കാൻ പോകുമ്പോൾ കൂട്ട് നിൽക്കൽ അല്ല എനിക്ക് പണി..." ​"പ്ലീസ് ഏട്ടാ... ഒന്ന് വായോ. എനിക്ക് മേല് കഴുകി ഇല്ലങ്കിൽ ഉറക്കം വരില്ല അത് കൊണ്ട് അല്ലെ.." ​"ശെടാ ഇത് വല്യ ശല്യം ആയല്ലോ... നടക്ക് അങ്ങോട്ട്‌..." അവളെ ഉന്തി തള്ളി വിട്ടുകൊണ്ട് അവൻ പറഞ്ഞു.. ​"ഈ കണ്ണേട്ടന് പല സമയത്തും പല സ്വഭാവം ആണ്." അവൾ അവനിൽ നിന്നും കണ്ണുകൾ വെട്ടിച്ചു മാറ്റിക്കൊണ്ട് പറഞ്ഞു.. ​"നീ കുളിക്കുന്നൊ അതോ ഞാൻ കയറി പോകണോ...?" ​"ഞാൻ പൊക്കോളാം.. ഇവിടുന്നു കേറി പോയേക്കരുത്." ​അത്രയും പറഞ്ഞവൾ വീണ്ടും ബാത്‌റൂമിലേക്ക് കയറി... ഇന്ദ്രൻ അടുക്കള വശത്തെ അരത്തിണ്ണയിൽ ഇരുന്നു.... ആ കാലൻ കിളി അപ്പോഴും അവിടെ ഇരുന്നു കരയുന്നുണ്ടായിരുന്നു... പണ്ട് അമ്മ ഒക്കെ പറഞ്ഞു കേട്ടിട്ടുണ്ട് ഈ കിളി കരഞ്ഞാൽ മരണം ഉറപ്പാണെന്നു.. ആരായിരിക്കും? അവൻ ഓർത്തു... ​ഫോണിൽ നിർത്താതെ ഉള്ള ബെൽ കേട്ടു കൊണ്ടാണ് ഇന്ദ്രൻ ഇരുന്നിടത്തു നിന്നും എണീറ്റത്.... ​ആരായിരിക്കും...? അനൂപ് അല്ലാതെ ആര് വിളിക്കാനാണ് തന്നെ...? വീണ്ടും തുടരെ ഉള്ള ബെൽ കേട്ടതും ഇന്ദ്രൻ കുളിമുറിയുടെ കതകിൽ തട്ടി... ​"പാറു...." ​"എന്താ കണ്ണേട്ടാ..." ​"എടി. ഫോൺ ബെല്ലടിക്കുന്നു. ഞാൻ ഒന്ന് പോയി നോക്കിക്കോട്ടെ..." ​"വേണ്ട എനിക്ക് പേടിയാ...." ​"ഓ ഇവളെ കൊണ്ട്...." ഇന്ദ്രൻ തല ഉഴിഞ്ഞു കൊണ്ട് പറഞ്ഞു.. ​"കണ്ണേട്ടാ പോയോ....?" ​"ഇല്ലടി.. ഇവിടെ ഉണ്ട്..." ​"പോകില്ലല്ലോ അല്ലെ.....?" ​"ഓ ഇല്ല പെണ്ണെ...." ​"എങ്കിൽ അവിടെ നിന്നു പത്തു വരെ ചൊല്ലിക്കെ.." ​അവളുടെ പത്തു വരെ... ഇന്ദ്രൻ ദേഷ്യം കടിച്ചു പിടിച്ചു... ​"കണ്ണേട്ടാ... ചൊല്ലിക്കെ...." അവൾ വീണ്ടും പറഞ്ഞതും.. ​"സൗകര്യം ഇല്ല...." ​"ദേ കണ്ണേട്ടാ നിങ്ങൾ പോയാൽ ഞാൻ ഇപ്പൊ ഉള്ളത് പൊലെ ഇറങ്ങി വരും. എനിക്ക് പേടിയാ....." ​കണ്ണൻ ഒന്ന് ഞെട്ടി.. ബോധം എന്നൊന്ന് തീരെ ഇല്ലാത്തവൾ ആണ്. വേണേ പറഞ്ഞത് പോലെ ചെയ്യ്തു കളയും... ​കണ്ണൻ നിവർത്തി കെട്ട് ഒടുക്കം പത്തു വരെ എണ്ണി. അപ്പോളേക്കും അവൾ ഇറങ്ങി വന്നിരുന്നു... അവനെ നോക്കി വെളുക്കനെ ചിരിച്ചു കൊണ്ട്.. ​"ഒറ്റ വീക്ക് അങ്ങ് തന്നാൽ ഉണ്ടല്ലോ. നിന്റെ കുഞ്ഞു കളി എന്റെ അടുത്തു വേണ്ട കേട്ടോടി..." ​"തന്നാൽ ഞാൻ അങ്ങ് കൊള്ളും." ​"എന്ത്....?" (കണ്ണൻ) ​"വീക്കെ വീക്ക്.. അത്രയും പറഞ്ഞവൾ മുറിയിലേക്ക് ഓടി.. ഈ പെണ്ണിനെ കൊണ്ട് ഇന്ദ്രന് ചിരി വന്നു പോയി.... #📔 കഥ #💞 പ്രണയകഥകൾ #📙 നോവൽ #നോവൽ (തുടരും ) അപ്പൊ എന്താ ലൈക്‌ പോരട്ടെ 🥰