*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 10🌷🌷* *"అయినను నేనేమైయున్నానో అది దేవుని కృప వలననే అయియున్నాను. మరియు నాకు అనుగ్రహింపబడిన ఆయన కృప నిష్ఫలము కాలేదు"(1 కొరింతి. 15:10)* ప్రధాన యాజకుడు ధరించు వస్త్రమునందు మనకు కృప యొక్క వర్తమానము గలదు. "అయినను నేనేమైయున్నానో అది దేవుని కృప వలననే అయియున్నాను. మరియు నాకు అనుగ్రహింపబడిన ఆయన కృప నిష్ఫలము కాలేదు గాని, వారందరికంటే నేనెక్కువగా ప్రయాసపడితిని, ప్రయాస పడినది నేను కాను, నాకు తోడై యున్న దేవుని కృపయే"(1 కొరింతి 15:10) ఎంతో బలహీనులము, ఎంతో బుద్ధి హీనులమైన మనవంటి మానవ మాత్రులను ఎందుకు తన సంపూర్ణతతో నింపునని మనము ఆశ్చర్య పడవచ్చును. ఎందుకు దేవుడు మనలను తన సంపూర్ణతతో నింపగోరుచున్నాడు? దీనికి జవాబు *మనము ఏమై యున్నామో లేక మన తెలివితేటలు లేక మన వరములు లేక మన తలాంతులు కాదు గాని ఆయన కృపను బట్టియే.* ఒకవేళ పౌలువంటి వారు ఆ సంపూర్ణత యొక్క నింపుదలను పొందగలరు గాని, ఎంతో బలహీనుడనైన నేను కాదని నీవు తలంచవచ్చును. అయితే నేనేమై యున్నానో అది దేవుని కృపవలననే అయియున్నానని పౌలు తానే వెల్లడి చేయుచున్నాడు. నీ, నా విషయములో కూడా అలాగే యున్నది. *నీవు దేవుని సంపూర్ణతను నీ బైబిలు జ్ఞానము, లేక తెలివి తేటలు, లేక ఇతర అర్హతలను బట్టి పొందగలమని తలంచకుము. అది కేవలము దేవుని కృప ద్వారా మాత్రమే. కాబట్టి మన కుటుంబమును బట్టి గాని విద్యను బట్టి గాని లేక మరి దేనిని బట్టి గాని మనము ఎంత మాత్రమును గర్వపడకూడదు. మనము ఆయన మహిమ మరియు అలంకారములో పాలివారము కావలెనని కోరుచున్న యెడల ప్రతి దాని కొరకు ఆయన కృపను కోరుకొనుటకు ఎట్లు నేర్చుకొనవలెనో ప్రభువు చూపుచున్నాడు.* కొన్ని సమయములలో ప్రభువు ఎంతో బాధాకరమైన అనుభవములు ద్వారా తీసికొని వెళ్లి, ప్రతి పరిస్థితిలో ను తన కృప చాలునని మనకు బోధించును (2 కొరింతి. 12:9) అపొస్తలుడైన పౌలు అనేక కష్టముల ద్వారా వెళ్ళినప్పుడు ఏ మాత్రము సణగలేదు లేక ఫిర్యాదు చేయలేదు ( 2 కొరింతి 11:23) దేవుడు అతని శరీరములో బాధాకరమైన ముల్లును అనుమతించినట్లు చదువుదుము (2 కొరింతి 12: 7-9) ఈ ముల్లు ఏమో మనకు తెలియదు. ప్రాముఖ్యముగా అది ఎంతో బాధాకరమైనది, గనుక "అది నా యొద్దనుండి తొలిగిపోవలెనని దాని విషయమై ముమ్మారు ప్రభువును వేడుకొంటిని"అని పౌలు చెప్పుచున్నాడు. దీనిని బట్టి ఆ ముల్లు ఎంతో నొప్పికరమైనదని రుజువగుచున్నది. అటువంటి సమయములో దేవుని జవాబు, "నా కృప నీకు చాలును". దేవుడు ఒక ప్రత్యేకమైన ఉద్దేశముతోనే పౌలు శరీరములో ముల్లు ఉండుటకు అనుమతించెను. మొట్టమొదటిగా, అతనికి కలిగిన దైవిక ప్రత్యక్షతలు బహు విశేషముగా ఉన్నందున అత్యధికముగా హెచ్చి పోకుండా దీనినిగా ఉంచు నిమిత్తము, రెండవదిగా, ఇంకను అధికముగా దేవునికృపను గురించి బోధించుటకును అనుమతించెను. దీనిని అంత సులభముగా అర్థము చేసికొనలేము . *పౌలు అనేక ప్రత్యక్షతలు, అద్భుతమైన అనుభవములు పొందినను, అతడు దేవుని కృపను ఇంకను అధికముగా నేర్చుకొనుటకునుగాను శరీరములో ఎంతో బాధాకరమైన ముళ్ళు ద్వారా శ్రమపడవలసి వచ్చెను. కావున దేవుడు తన కృపను గురించి అధికముగా బోధించుటకు తన పిల్లల జీవితములో అన్ని రకములైనబాధాకరమైన అనుభవములను అనుమతించునని చూచుదుము*. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝