#🥵 ചൂടിൽ തിളച്ച് കേരളം; ഈ ജില്ലകളിൽ ഇന്ന് മഴയും ഉറപ്പ്! ⛈️ സംസ്ഥാനത്ത് ചൂടിന് നേരിയ ആശ്വാസമായി ഇന്ന് മുതൽ ഏപ്രിൽ 1 വരെ വേനൽമഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഒറ്റപ്പെട്ട പ്രദേശങ്ങളിൽ ഇടിയോടുകൂടിയ മഴ അനുഭവപ്പെടും. ഈ വർഷം കേരളത്തിൽ ഉഷ്ണ തരംഗത്തിന് സാധ്യതയില്ലെന്നും റിപ്പോർട്ട് വ്യക്തമാക്കുന്നു. വേനൽമഴ ലഭിക്കുന്നതോടെ ഉയർന്ന താപനിലയിൽ കുറവ് പ്രതീക്ഷിക്കാം. ഇന്നും നാളെയും ചിലയിടങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. ഇതിന്റെ പശ്ചാത്തലത്തിൽ സംസ്ഥാന ദുരന്തനിവാരണ അതോറിറ്റി ജാഗ്രത നിർദേശങ്ങൾ പുറപ്പെടുവിച്ചിട്ടുണ്ട്. ശക്തമായ ഇടിമിന്നൽ സമയങ്ങളിൽ ജനലുകളും വാതിലുകളും അടച്ചിടുകയും പുറത്തു നിൽക്കുന്നത് ഒഴിവാക്കുകയും ചെയ്യണമെന്ന് നിർദേശിച്ചിട്ടുണ്ട്. വീടിനുള്ളിൽ തുടരുകയും വൈദ്യുതി ഉപകരണങ്ങളിൽ നിന്ന് അകലം പാലിക്കുകയും വേണമെന്ന് അധികൃതർ അറിയിച്ചു. മഴ ലഭിക്കുന്നതോടെ അടുത്ത ദിവസങ്ങളിൽ സംസ്ഥാനത്തെ കാലാവസ്ഥ കൂടുതൽ ശമിക്കാനാണ് സാധത