ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6AzX7d9?d=n&ui=v64j8rk&e1=cUNDER WORLD = CHAPTER - 10 ============================ ജുവലിന്റെ ശബ്ദം ഉച്ചത്തിലായതും... ഗർഭപാത്രത്തിനകത്തേക്ക് കൈ കുത്തിയിറക്കിയ അലക്സ് അവൾക്കുള്ളിലെ ഭ്രൂണത്തെ വലിച്ചു പുറത്തേക്ക് എടുത്ത ശേഷം പളുങ്ക് പാത്രത്തിനകത്തേക്ക് നേരിയ തോതിൽ കൈ കാലുകൾ വളർന്ന, തല ഭാഗം അല്പം തടിച്ച, ശരീരം മൊത്തം ഒരുതരം ദ്രാവകത്താൽ നിറഞ്ഞു നിന്ന ആ ചാപിള്ളയെ കിടത്തി...!!! "ജുവൽ... എന്റെ പ്രിയതമേ... ഇതാണ് നിന്റെ ഉള്ളിലെ നിധി... നീ കാണ്... കൺ നിറയെ കാണ്." പൊക്കിൾ കൊടിയെ ഒറ്റ വെട്ടിനു മുറിച്ചു രണ്ടാക്കിയ ശേഷം അവളുടെ വയർ കുറച്ചുകൂടി വലിച്ചു കീറി ഗർഭപാത്രത്തിൽ അവശേഷിച്ചിരുന്ന ബാക്കി ദ്രാവകം കൂടി കൈ കൊണ്ട് കോരി എടുത്ത് അലക്സ് പറഞ്ഞത് കേട്ട് അവൾ ആ ഭ്രൂണത്തിലേക്ക് തന്നെ ഉറ്റു നോക്കി പുഞ്ചിരി തൂകി കിടന്നതും...!!! "എന്നോട് ക്ഷമിക്കു പ്രിയതമേ... നിന്നെ ഞാൻ ആനന്ദനിർവൃതി അണയിക്കുന്നു." പറഞ്ഞു തീർന്നതിന് മുൻപേ ജുവലിന്റെ ഇടത്തെ സ്തനത്തെ കീറി മുറിച്ചുകൊണ്ട് അലക്സിന്റെ കഠാര അവളുടെ ഹൃദയത്തെ തൊട്ട് നിന്നു. നിലത്ത് നിന്നും ഒന്ന് പൊങ്ങി താന്നുകൊണ്ട് ചിരിതൂകി തന്നെ ജുവലിന്റെ ശ്വാസോച്ഛാസം നിലച്ചതും അവളുടെ അധരത്തിൽ അമർത്തി ചുംബിച്ച ശേഷം ആ പളുങ്ക് പാത്രവും കൈകളിലേന്തി അയാൾ അവളിൽ നിന്നും നടന്നകന്നു...!!! MYSTERY CONTINUE =================== അലക്സിന്റെ കാൽ പാടുകൾ ജുവലിനെ വിട്ടകന്നതും അവളുടെ മിഴികൾ മെല്ലെ തുറന്നു, കിടന്നിടത്തു നിന്നും അവൾ പതിയെ എഴുന്നേറ്റ് ചുറ്റുപാടും ഒന്ന് വീക്ഷിച്ചു, ശേഷം തന്റെ മാറിലും അടിവയറിലും അവളുടെ കരങ്ങൾ മെല്ലെ പരതി...! 'വല്ലാതെ വിയർത്തിരുന്നു... ശ്വാസോച്ഛാസം പതിന്മടങ്ങു വർധിച്ചിരിക്കുന്നു.' കൂടുതൽ ഒന്നും ആലോചിച്ചു നിൽക്കാതെ തുറന്ന് കിടക്കുന്ന വാതിലിലേക്ക് അവളുടെ മിഴികൾ പാഞ്ഞു... അതോടൊപ്പം തന്നെ കിടന്നിടത്തു നിന്നും എഴുന്നേറ്റ് അവൾ വാതിലിനരികിലേക്ക് നടന്നു. വാതിലിന് അരികിൽ നടന്നെത്തിയതും താൻ ഇത്രയും നേരം കിടന്നരുന്ന മുറിയിലേക്ക് അവളൊന്നു തിരിഞ്ഞു നോക്കി, ശേഷം ഹാളിൽ കിടന്ന ഡയ്‌നിങ് ടേബിൾ കടന്ന് അപ്പുറത്തുള്ള മുറി ലക്ഷ്യമായി അവൾ സാവധാനം നടന്നു. അപ്പോഴും ജുവലിന്റെ മനസ് നിറയെ ഭീതിപ്പെടുത്തുന്ന സംഭവങ്ങൾ ഒരു ഉത്തരങ്ങളും ഇല്ലാതെ മിന്നി മറിഞ്ഞു...! 'പാൻ അമേരിക്കൻ ഫ്ലൈറ്റിൽ നിന്നും കൈ വിട്ട് വെള്ളച്ചാട്ടത്തിൽ നിന്നും താഴേക്ക് പതിച്ചതിനപ്പുറം തനിക്കെന്തായിരുന്നു സംഭവിച്ചത്...? കെവിൻ ആരായിരുന്നു...? കറുത്ത കുർബ്ബാന നടന്നിരുന്ന ഹാളിൽ വെച്ച് അച്ഛനെയും അമ്മയെയും കണ്ടതിനു ശേഷം എന്താണ് സംഭവിച്ചത്...? വർഷങ്ങൾക്ക് മുൻപ് മരണപെട്ട തന്റെ അച്ഛനും അമ്മയ്ക്കും ഇതിൽ വല്ല പങ്കും ഉണ്ടോ...?' ഡൈനിങ്ങ് ടേബിളിന് അപ്പുറത്തെ മുറിയുടെ വാതിലിന് അരികിൽ എത്തിയതും അവൾ ചിന്തകളിൽ കടിഞ്ഞാണിട്ടുകൊണ്ട് വാതിൽ പതിയെ തള്ളി തുറന്നു...! 'നല്ല ഉറക്കമാണല്ലോ കർത്താവെ...? വിളിച്ചുണർത്തണോ..?' മനസിൽ ഉരുത്തിരിഞ്ഞ ചോദ്യത്തിന് വിളിച്ചെഴുന്നേല്പിക്കണ്ടാ എന്ന് സ്വയം ഉത്തരം നൽകി അവൾ തിരിഞ്ഞതും...! "ജുവൽ." പുറകെ നിന്നുള്ള വിളി കേട്ട് ജുവലിന്റെ കാലുകൾ നിശ്ചലമായി...! "നീ എന്താ കൊച്ചേ ഈ നേരത്ത് ഇവിടെ...?" "അത്... ചേച്ചീ... ഞാൻ ഒരു സ്വപ്നം കണ്ടു, വല്ലാത്ത ഭീകര സ്വപ്നം ആയിരുന്നു അത്, അതിനെപ്പറ്റി ചേച്ചിയോടൊന്ന് പറയാം എന്ന് കരുതി വന്നതാ. വന്നപ്പോൾ കരുതി ചേച്ചി ഉറങ്ങുകയാവും നാളെ പറയാം എന്ന്." "സ്വപ്നമോ...? എന്ത് സ്വപ്നം...?" കിരണിന്റെ ചോദ്യം അവസാനിക്കുന്നതിന് മുൻപേ അവളുടെ കട്ടിലിൽ ജുവൽ ഇരുന്ന് കഴിഞ്ഞിരുന്നു...! "ചേച്ചിയുടെ കൂട്ടുകാരി ഇസ്രയേയും... അതുപോലെ നമ്മുടെ മരിച്ചുപോയ അച്ഛനെയും അമ്മയെയും... ഇസ്രയുടെ കാമുകൻ കെവിനെയും ഞാൻ സ്വപ്നത്തിൽ കണ്ടു." ജുവലിന്റെ മറുപടി കേട്ട് കിരൺ ഒന്ന് ഞെട്ടിയ ശേഷം പതിയെ എഴുന്നേറ്റ് ചാരി ഇരുന്ന്കൊണ്ട് അവളുടെ നേരെ തന്നെ ഉറ്റു നോക്കി...! "ഞാനും അതുപോലെ ഒരു സ്വപ്നം കണ്ട് ഞെട്ടി ഉണർന്നപ്പോഴാ നീ ഡോർ തുറന്ന് നോക്കിയത്." "ചേച്ചീ എന്ത് സ്വപ്നമാണ് കണ്ടത്...?" "ഞാൻ നിന്നെയും ഇസ്രയേയും ആണ് സ്വപ്നം കണ്ടത്... അതുപോലെ തന്നെ സ്വപ്നത്തിൽ നി എന്നെ കൊലപ്പെടുത്തുന്നതും." "ഇസ്രയെ ചേച്ചിയും സ്വപ്നം കണ്ടെന്നോ...? അതിനിടയിൽ ഞാൻ ചേച്ചിയെ കൊലപ്പെടുത്തിയെന്നോ...? എന്തൊക്കെയാ പറയുന്നത്... എനിക്കൊന്നും മനസിലാകുന്നില്ല." "നീ ഫ്രിഡ്ജിൽ നിന്നും ഒരു കുപ്പി വെള്ളം എടുത്തുകൊണ്ട് വാ... എനിക്ക് ഓർമയുള്ളതെല്ലാം ഞാൻ വിശദമായി പറയാം." വെള്ളമെടുക്കാനായി ജുവൽ കിച്ചണിലേക്ക് പോയതും കണ്ണടച്ചിരുന്ന് താൻ സ്വപ്നത്തിൽ കണ്ട കാര്യങ്ങൾ ഓർത്തെടുക്കാൻ കിരൺ ശ്രമിച്ചു...! "ദാ ചേച്ചി വെള്ളം." ഇടതുകൈയിൽ വേറൊരു കുപ്പിയിലെ വെള്ളം സ്വയം കുടിച്ചുകൊണ്ട് വലതു കയ്യിലെ കുപ്പി അവൾ കിരണിന് നേരെ നീട്ടി...! ========================================= """ഒരിക്കൽ വൈകിട്ട് അല്പം താമസിച്ചാണ് നി കോളേജിൽ നിന്നും വന്നത്, അതിന്റെ പിറ്റേദിവസം നി ടൂർ പോകാനുള്ള ഒരുക്കങ്ങളിൽ ഏർപ്പെട്ട സമയത്ത് ഫുഡ്‌ ഉണ്ടാക്കാനായി ഞാൻ കിച്ചണിൽ കയറി, അതെ നേരത്ത് തന്നെ പുറത്ത് നിന്നും ഒരാൾ നമ്മുടെ വീട്ടിലും കയറി. ഒരാൾ വീട്ടിൽ കടന്നിട്ടുണ്ടെന്ന കാര്യം എനിക്ക് മനസ്സിലായതും നിന്നെ അത് ഞാൻ അറിയിച്ചു, കൂടെ തന്നെ നിന്റെ ഒരു സുഹൃത്ത് ഫഹദിനെയും. പക്ഷെ അവർ എത്തുന്നതിന് മുൻപേ എന്റെ അതിബുദ്ധി ഫോൺ എടുക്കാനായി റൂമിലേക്ക് കയറാൻ എന്നെ പ്രേരിപ്പിച്ചു. വേണ്ടാ എന്ന് ഒരുപാട് തവണ നി പറഞ്ഞെങ്കിലും എന്റെ ഉള്ളിലെ പൊലീസുകാരി അത് കേൾക്കാൻ കൂട്ടാക്കിയില്ല.""" "ചേച്ചീ ഒരു നിമിഷം." കിരൺ പറയുന്നതിന് ഇടയിൽ ജുവൽ ഇടക്ക് കയറി...! "എന്താ...?" അത്ഭുതം കൂറുന്ന ജുവലിന്റെ മുഖം കണ്ട് ആകാംഷയോടെ കിരൺ അവളെ നോക്കി...! "അത് ചേച്ചീ... ഞാനും ഇതേ സ്വപ്നം തന്നെ ആണ് കണ്ടത്." "ഇതേ സ്വപ്നമോ..?" "അതെ ചേച്ചീ... ഇതേ സ്വപ്നം തന്നെ... മുറിയുടെ അകത്തു കടന്ന ചേച്ചിയെ അയാൾ കത്തികൊണ്ട് കുത്തുകയും എതിർക്കാൻ വന്ന എന്നെ തലക്കടിച്ച ശേഷം കിണറ്റിൽ ഇടുന്നതുമല്ലേ... ചേച്ചി കണ്ടത്...?" "ഹേയ്... അങ്ങനെയൊന്നും അല്ല... കിണറ്റിൽ ഇടുന്നത് ശെരിയാണ്, പക്ഷെ അത് നിന്നെ ആയിരുന്നില്ല. എന്നെ ആയിരുന്നു." "ങേ... ചേച്ചീനെയോ...? ശെരിക്കും ആലോചിച്ചു നോക്ക്... എന്നെ കിണറ്റിൽ ഇടുന്നതാകും." "ഒരിക്കലും അല്ല ജുവൽ... എനിക്ക് നല്ല ഓർമ ഉണ്ട്. എന്നെ തന്നെ ആണ് അയാൾ കിണറ്റിൽ ഇടുന്നത്." കിരണിന്റെ മുഖത്ത് കണ്ട കോൺഫിഡൻസ് അവൾ പറഞ്ഞത് ശെരിയായിരിക്കാം എന്ന് ജുവൽ ഉറപ്പിച്ചു...! "അല്ലെങ്കിലും ചേച്ചി എന്തിന് കള്ളം പറയണം." "നീ എന്താ ആലോചിക്കുന്നത്...?" കിരണിന്റെ ചോദ്യം കേട്ട് ജുവൽ ചിന്തയിൽ നിന്നും ഉണർന്നു...! "ഒന്നുമില്ല... നമ്മൾ കണ്ടത് ഒരേ സ്വപ്നം ആയിരിക്കില്ല എന്ന് ഓർത്തതാണ്. ചേച്ചി ബാക്കി പറ." """ഞാൻ മുറിയിൽ കയറിയ ഉടനെ അയാൾ എന്നെ തലക്കടിച്ചു വീഴ്ത്തി. ഉച്ചത്തിലുള്ള എന്റെ ശബ്ദം കേട്ട് പുറകെ ഓടി വന്ന നിന്നെയും അയാൾ തലക്കടിച്ചു. ക്രൂരമായ ഉപദ്രവങ്ങൾ അയാളിൽ നിന്നും ഏറ്റുവാങ്ങേണ്ടി വന്ന നമ്മൾ ഇരുവരും വല്ലാതെ അവശരായിരുന്നു, തളർന്നു കിടന്ന എന്നെയും എടുത്ത് തോളിൽ ഇട്ടുകൊണ്ട് അയാൾ വെളിയിലേക്ക് നടന്നതും നേരത്തെ പറഞ്ഞുറപ്പിച്ച പ്രകാരം ഫഹദ് അയാളുടെ മുന്നിൽ എത്തിയത് പാതി ബോധത്തിൽ ഞാൻ തിരിച്ചറിഞ്ഞു. നിമിഷങ്ങൾക്കകം രണ്ട് പേരുടെ അലർച്ചയും കേട്ടു... അതുപോലെ തന്നെ എന്നെയും കൊണ്ട് അയാൾ കിണറിന്റെ കരയിലേക്ക് നടക്കുന്നതിനിടയിൽ അയാളെ പോലെ തന്നെ വേറെ ഒരാളും കൂടി ഇരുളിൽ നിന്നും വെളിച്ചത്തിലേക്ക് വന്നു, അപ്പോഴാണ് എനിക്ക് മനസിലായത് അയാളുടെ കൂടെ ഉണ്ടായിരുന്ന രണ്ടാമൻ ഫഹദിനെയും സുഹൃത്തിനെയും കൂടി തലക്കടിച്ചു വീഴ്ത്തി എന്ന്. എന്റെ ചിന്തകൾ അവസാനിക്കുന്നതിന് മുൻപേ അയാൾ എന്നെ ഉയർത്തി കിണറ്റിലേക്ക് ഇട്ടിരുന്നു, അവിടെ നിന്നും താഴേക്ക് കുറെ ദൂരം പതിച്ച ഞാൻ ചെന്ന് വീണത് ഒരു കുളത്തിൽ ആയിരുന്നു, വലിയൊരു കാടിന്റെ നടുവിലെ ചെറിയൊരു കുളം. കഠിനമായ തണുപ്പുണ്ടായിരുന്ന കുളത്തിലെ വെള്ളത്തിൽ നിന്നും ഒരു വിധം കഷ്ടപ്പെട്ട് നീന്തി കരയലിലെത്തിയ ഞാൻ തളർച്ചകൊണ്ട് അവിടെ തന്നെ കിടന്നു മയങ്ങിപ്പോയി, എപ്പോഴോ കണ്ണ് തുറന്ന് നോക്കുമ്പോൾ ആണ് ചുവന്ന നിറത്തിൽ മാത്രം ഇലകൾ നിറഞ്ഞു നിന്ന മരങ്ങൾ മാത്രമായിരുന്നു ചുറ്റിലും, ക്ഷീണം കൊണ്ടും സമയം ഒരുപാടായതുകൊണ്ടും തൊണ്ട വരണ്ട ഞാൻ കുളത്തിൽ നിന്ന് തന്നെ വെള്ളം കുടിച്ച ശേഷം എങ്ങോട്ടെന്നില്ലാതെ നടക്കുന്നതിന് ഇടയിൽ ആണ് അന്തരീക്ഷം ഇരുട്ട് വീഴാൻ തുടങ്ങിയത്. ഇരുട്ടിന്റെ ശക്തിയേറുന്നതിന് അനുസരിച് എന്റെ ഉള്ളിലെ ഭയവും അധികരിച്ചു, സമയം ഇഴഞ്ഞു നീങ്ങുന്തോറും എന്ത് ചെയ്യണം എന്നറിയാതെ ഞാൻ ആകെ അങ്കലാപ്പിലായി ഇരിക്കുമ്പോഴാണ് എന്റെ ചുറ്റിലുമുള്ള മരങ്ങളിലെ ഇലകളിൽ വെട്ടം അടിക്കാൻ തുടങ്ങിയത്, അതിൽ നിന്നും അടുത്തെവിടെയോ ഒരു റോഡ് ഉണ്ട് എന്നും എന്തോ ഒരു വാഹനം ആണ് വരുന്നതെന്നും ഉറപ്പിച്ചുകൊണ്ട് വെളിച്ചം വരുന്ന ഭാഗം ലക്ഷ്യമാക്കി വളരെ വേഗത്തിൽ ഞാൻ ഓടി. ഓടി... ഓടി... ഞാൻ റോഡിന്റെ അരികിൽ എത്തിയതും അങ്ങ് ദൂരെ നിന്നും വരുന്നത് ഒരു കാർ ആണെന്ന് എനിക്ക് മനസിലായി, കാറിന് കൈ കാണിക്കാം എന്ന് വിചാരിച്ചുകൊണ്ട് ദൈവത്തിന് നന്ദി പറഞ്ഞ ശേഷം റോഡിലേക്ക് കയറാനായി ഒരുങ്ങിയതും വളവ് തിരിഞ്ഞു വന്ന കാറിലെ അകത്തെ വെട്ടം ഇട്ടിരുന്നതുകൊണ്ട് ഉള്ളിലുണ്ടായിരുന്ന ആളെ കണ്ട് ഞാൻ ഞെട്ടി, "ഇസ്ര" ആയിരുന്നു അതെന്ന് മനസിലാക്കിയ ഞാൻ ഞെട്ടിത്തരിച്ചുകൊണ്ട് റോഡിലേക്ക് കയറാതെ നിന്നതും എന്നെയും കടന്ന് കാർ മുന്നോട്ട് നീങ്ങി. ഒരു നിമിഷത്തെ അന്താളിപ്പിൽ കാർ ഓടിച്ചിരുന്ന ആളെ ശ്രദ്ധിക്കാൻ തോന്നാതിരുന്ന ആ നിമിഷത്തെ പഴിച്ചുകൊണ്ട് ഞാൻ കാറിന്റെ പുറകെ ഓടിയെങ്കിലും വളരെ വേഗത്തിൽ തന്നെ എന്നെയും കടന്ന് അവർ മുന്നോട്ട് പോയിരുന്നു. എന്നിരുന്നാലും മരച്ചില്ലകളിൽ മാറി മറിയുന്ന ആ കാറിന്റെ വെളിച്ചം ശ്രദ്ധിച്ചുകൊണ്ട് എന്നാൽ കഴിയുന്ന വേഗത്തിൽ തന്നെ ഞാനും മുന്നോട്ട് നീങ്ങി, വേറെ ഒരു വാഹനം കൂടി അത് വഴി വരും എന്ന പ്രതീക്ഷയിൽ. പെട്ടന്ന് എന്നെ ഞെട്ടിച്ചുകൊണ്ട് അല്പം ദൂരെയായി മരച്ചില്ലകളിലെ വെളിച്ചം അണഞ്ഞതും ആ കാർ എവിടെയോ നിർത്തി എന്നുള്ള കാര്യം ഉറപ്പിച്ചുകൊണ്ട് എന്റെ വേഗത ഞാൻ വർധിപ്പിച്ചു. ഏകദേശം 10 മിനിറ്റ് കൂടി ഞാൻ നടന്നതും വലിയൊരു കെട്ടിടം അല്പം ദൂരെയായി എന്റെ കണ്ണുകളിൽ ഉടക്കി... ആ കെട്ടിടത്തിന്റെ മുന്നിലെ ഗേറ്റിന് ഇരുവശവും സ്ഥാപിച്ചിരുന്ന... വാളുകൊണ്ട് നിൽക്കുന്ന രണ്ട് ആളുകളുടെ ഇടയിലുള്ള ചെറിയ കവാടത്തിന് അകത്തായി അൽപനേരം മുൻപ് എന്നെ കടന്നുപോയ ഇസ്ര യാത്ര ചെയ്ത കാറും ഞാൻ കണ്ടു. അത് എന്തായിരിക്കുമെന്നും... എന്താണ് അവിടെ നടക്കുന്നതെന്നും... വർഷങ്ങൾക്ക് മുൻപ് ജീവൻ നഷ്ടപെട്ട ഇസ്ര എങ്ങനെ തിരിച്ചു വന്നെന്നും അറിയാനുള്ള ആകാംഷയോടെ കൂടതൽ ആവേശത്തിൽ ആ കെട്ടിടത്തിനടുത്തേക്ക് ഞാൻ നടന്നടുത്തതും ഗേറ്റിന് മുന്നിലെ സെക്യൂരിറ്റിയെ കണ്ട് റോഡിന്റെ സൈഡിലുള്ള മരത്തിന്റെ മറവിലേക്ക് ഒളിക്കാൻ നീങ്ങി നിന്നപ്പോഴാണ് നിലത്ത് കിടന്ന ഒരു ശരീരം ശ്രദ്ധിക്കാതെ ആ ശരീരത്തിൽ തട്ടി ഞാൻ വീഴുന്നത്. ഭയത്താൽ നിലത്ത് നിന്നും പിടഞ്ഞെഴുന്നേറ്റ ഞാൻ കമിഴ്ന്നു കിടക്കുന്ന സ്ത്രീ ശരീരം കണ്ടപ്പോഴേ അത് ജുവൽ ആണെന്നുള്ള സംശയം എനിക്ക് തോന്നിയിരുന്നു, വിറയാർന്ന കൈകൾ കൊണ്ട് ആ ശരീരത്തിൽ കുലുക്കി വിളിച്ചെങ്കിലും യാതൊരു പ്രതികരണവും ഉണ്ടായിരുന്നില്ല. എന്നെ എടുത്ത് കിണറ്റിൽ എറിഞ്ഞതിനു പുറകെ നിന്നെയും അവർ കിണറ്റിൽ എറിഞ്ഞതാകാം എന്ന് ഊഹിച്ചുകൊണ്ട് കമിഴ്ന്നു കിടന്ന ആ ശരീരം മലർത്തി കിടത്തിയതും എന്റെ ഊഹം പോലെ തന്നെ അത് നീ ആയിരുന്നു. കുറെ സമയത്തെ എന്റെ പരിശ്രമം കൊണ്ട് പതിയെ കണ്ണുകൾ തുറന്ന നീ എന്നെ കണ്ട് ഞെട്ടി... ഒന്നും ഓർമ ഇല്ലാതിരുന്ന നിന്നോട് വിശദമായി എല്ലാം പറഞ്ഞ ശേഷം ഇസ്രയുടെ കാര്യം കൂടിയും ഞാൻ നിന്നോട് പറഞ്ഞതും എങ്ങനെ എങ്കിലും ഒരുമിച്ച് അകത്തു കടക്കാം എന്നുള്ള തീരുമാനത്തിൽ നാം എത്തിച്ചേർന്നു. അപ്പോഴേക്കും വേറെ ഒരു കാറും കൂടി അതുവഴി അവിടേക്ക് വന്നതും അതിന്റെ ഗ്യാപ്പിൽ മതിൽ ചാടി നമ്മൾ ഇരുവരും അതിനകത്തേക്ക് കടന്നു, അപ്പോഴാണ് അതൊരു പള്ളിയായിരുന്നു എന്നും അവിടെ സാത്താൻ ആരാധന വളരെ രഹസ്യമായി നടക്കുന്നതാണെന്നും നമുക്ക് മനസിലായത്. അവിടുള്ള ആർക്കും യാതൊരു സംശയം തോന്നാത്ത വിധം കറുത്ത കുർബ്ബാന നടക്കുന്ന ഭാഗത്തേക്ക്‌ എത്തിച്ചേർന്ന നമ്മൾ അവിടെ വിവസ്ത്രയായിരിക്കുന്ന ഇസ്രയെ കണ്ടതോടൊപ്പം തന്നെ വാതിൽ തുറന്ന് അകത്തേക്ക് കയറി വന്ന ആളുടെ നേരെ നി തിരിഞ്ഞു നോക്കിയതും ബോധം നഷ്ടപ്പെട്ട് എന്റെ ശരീരത്തിലേക്ക് വീണു. അപ്പോഴേക്കും നമ്മൾ അവിടെ അതിക്രമിച്ചു കയറിയതാണെന്നും പറഞ്ഞുകൊണ്ട് നമ്മളെ അവിടെ നിന്നും വേറെ ഒരു മുറിയിലേക്ക് കൊണ്ടുപോയി, അവിടെ വെച്ച് എനിക്കും ബോധമില്ലാതെ കിടന്ന നിനക്കും ഗബ്രിയേൽ എന്നൊരാൾ "സോംബി ഡ്രഗ്" എന്നൊരു മാരക മയക്കുമരുന്ന് നൽകി. ആ മയക്കുമരുന്ന് അകത്തു ചെന്നതും ഞാനും നീയും മാനസിക നില തെറ്റിയതുപോലെ ആവുകയും പരസ്പരം വിരൂപികളായി തോന്നുകയും ചെയ്തതോടെ അടുത്തിരുന്ന വൈൻ കുപ്പി പൊട്ടിച്ച് ഞാൻ നിന്റെ നേരെയും മേശപ്പുറത്തിരുന്ന ഒരു നീളമുള്ള കുരിശ് കയ്യിലെടുത്ത് നി എന്റെ നേരെയും ചീറിയടുത്തു, എന്റെ കയ്യിലിരുന്ന കുപ്പിയേക്കാൾ നീളം കുരിശിന് ഉണ്ടായിരുന്നതിനാൽ എന്റെ വയറിലേക്ക് നി അത് കുത്തിയിറക്കിയതും ഉറക്കത്തിൽ നിന്നും ഞാൻ ഞെട്ടിയുണർന്നു.""" ========================================= 'അപ്പോ ഞാൻ കണ്ട സ്വപ്നത്തിലെ എനിക്ക് ഓർമ ഇല്ലാത്തതും... ഞാൻ കാണാത്തതും ആയ കുറെ കാര്യങ്ങൾ ചേച്ചി കണ്ടിട്ടുണ്ട്.' "ജുവൽ." കിരൺ പറഞ്ഞു നിർത്തിയിട്ടും യാതൊരു മൈൻഡും ഇല്ലാതെ വേറെ എന്തോ ചിന്തിച്ചുകൊണ്ടിരുന്ന ജുവലിനെ കിരൺ ഉറക്കെ വിളിച്ചു...! "എന്താ ചേച്ചി അലറുന്നത്...? ഞാനും ഇതേ സ്വപ്നം തന്നെ ആണ് കണ്ടതെന്ന് ആലോചിച്ചതാ... പക്ഷെ ചേച്ചിക്ക് പകരം എന്റെ കൂടെ ഉണ്ടായിരുന്നത് കെവിൻ എന്നൊരാൾ ആണ്, അയാൾ ഇസ്രയുടെ കാമുകൻ ആണെന്നാണ് എന്നോട് പറഞ്ഞതും, മാത്രമല്ല ഞാൻ സ്വപ്നത്തിൽ കാണാത്ത കുറച്ചു കാര്യങ്ങൾ കൂടി ആണ് ചേച്ചി കണ്ടിട്ടുള്ളത്." "നീ എന്താ ജുവൽ പറയുന്നത്...? നമ്മൾ ഇരുവരും ഒരേ സ്വപ്നം കണ്ടു എന്നോ...?" "അതെ ചേച്ചീ... സത്യമാണ് ഞാൻ പറഞ്ഞത്... ചേച്ചി പറഞ്ഞതുപോലെ ആ കുർബ്ബാന നടന്ന സ്ഥലത്ത് വെച്ച് ഞാൻ ബോധം കെട്ടത് എന്താണെന്ന് ചേച്ചിക്കറിയാമോ...?" "ഇല്ല... എന്തായിരുന്നു കാരണം...?" "ആദം എന്ന പേര് ചേച്ചി പറഞ്ഞില്ലേ...? ആ ആദം നമ്മുടെ അച്ഛനായിരുന്നു... കൂടെ അമ്മയും ഉണ്ടായിരുന്നു. അവരെ കണ്ടിട്ടാണ് എനിക്ക് ബോധം നഷ്ടപെട്ടത്." ജുവൽ പറഞ്ഞത് കേട്ട് വിശ്വസിക്കാൻ കഴിയാതെ അവളുടെ നേരെ നോക്കികൊണ്ട് കിരൺ തല തടവിക്കൊണ്ടിരുന്നു...! "എന്നാലും ചേച്ചീ നമ്മൾ എങ്ങനെയാ ഒരേ സ്വപ്നം കണ്ടത്...? മാത്രമല്ല നമ്മളെ രണ്ടാളെയും ചേച്ചി സ്വപനത്തിൽ കണ്ടപ്പോൾ ഞാൻ എങ്ങനെ കെവിൻ എന്നൊരാളെ കണ്ടു...? കൂടാതെ ഇസ്ര മരിച്ചു കിടന്ന അതേപോലുള്ള ഒരു മുറിയിൽ അവളെ എങ്ങനെയാണോ കൊലപ്പെടുത്തുയത് അതുപോലെ തന്നെ അലക്സ് എന്നൊരാൾ എന്നെയും കൊലപ്പെടുത്തുന്നതായും ഞാൻ സ്വപ്നത്തിൽ കണ്ടു." "ഇസ്ര മരിച്ചു കിടന്ന അതെ മുറിയോ...?" ജുവലിന്റെ വായിൽ നിന്നും ആ വാക്ക് വീണതും കട്ടിലിൽ നിന്നും കിരൺ ചാടി എഴുന്നേറ്റു...! "ആ പുസ്തകം എവിടെ...? UNDER WORLD - A MYSTERY IN PARALLEL LIFE." ജുവൽ മറുപടി പറയുന്നതിന് മുൻപേ കിരൺ അവളുടെ മുറിയിലേക്ക് ഓടി... കട്ടിലിൽ തുറന്ന് കിടക്കുന്ന ആ പുസ്തകത്തിന്റെ അരികിലേക്ക് കിരൺ എത്തിയതും അവസാനത്തെ 3 പേജുകൾക്ക് മുൻപായി കൊല്ലപ്പെട്ട ഇസ്രയുടെ ശരീരം വരച്ചു വെച്ചിരിക്കുന്ന ഭാഗം അവൾ കണ്ടു...! "നീ ഇത് ഇവിടം വരെ വായിച്ചിരുന്നോ...?" "അത്... ഞാൻ... വായിച്ചോ എന്ന് ഓർക്കുന്നില്ല." ജുവൽ പറയുന്നതിന് ഇടയിൽ കിരൺ പതിയെ കട്ടിലിലേക്ക് ഇരുന്ന് ആ പുസ്തകം കയ്യിലെടുത്ത ശേഷം ഓരോ പേജുകളായി സാവധാനം മറിച്ചു...! "ഞാനും ഇത് മുഴുവൻ വായിച്ചില്ലായിരുന്നു... പക്ഷെ രണ്ടാമത്തെ ചാപ്റ്ററിന്റെ അവസാനം പുസ്തകത്തിന്റെ അവസാനത്തിൽ ഉള്ള ചിത്രം കണ്ടതിനു ശേഷം ബാക്കി വായിക്കുക എന്ന് എഴുതിയിരുന്നു... അത് ഞാൻ നോക്കുന്നതിന് ഇടയിൽ ആണ് നി വന്ന് പുസ്തകം കൊണ്ടുപോകുന്നത്." "ചേച്ചി എന്താ പറഞ്ഞു വരുന്നത്...?" ഒന്നും മനസിലാകാതെ ആകാംഷയോടെ ജൂവലും കിരണിന്റെ ഒപ്പം കട്ടിലിലേക്ക് ഇരുന്നതും ആദ്യം മുതൽ ഓരോ പേജുകളായി ജുവലിനു മുന്നിൽ കിരൺ മറിച്ചു...! "കിണറിനടുത്ത് ഒരു പെൺകുട്ടിയെ ഉയർത്തിപ്പിടിച്ചു നിൽക്കുന്ന ഒരാളുടെ രൂപം, വിമാനത്തിൽ നിന്നും കൈവിട്ട് വെള്ളത്തിലേക്ക് തെറിച്ചു വീഴുന്ന ഒരു പെൺകുട്ടി, കാട്ടിലൂടെ നടക്കുന്ന ഒരു പെൺകുട്ടി, മുകളിൽ കുരിശുള്ള ഒരു പള്ളി, ഗേറ്റിന് മുൻപിൽ വാളുമായി നിൽക്കുന്ന രണ്ട് ആളുകൾ നിൽക്കുന്നതിന് ഇടയിലുള്ള കവാടം, പെന്റഗ്രാമിനകത്ത് വിവസ്ത്രയായി കിടക്കുന്ന പെൺകുട്ടി, കയ്യിൽ ഒരു കുപ്പിയുമായി നിൽക്കുന്ന ഒരു പെൺകുട്ടി... അവളുടെ നേരെ എതിർവശത്തായി കുരിശമായി നിൽക്കുന്ന മറ്റൊരു പെൺകുട്ടി, ഏറ്റവും അവസാനമായി കൊല്ലപ്പെട്ട ഇസ്രയുടെതെന്ന് തോന്നിക്കുന്ന ചിത്രം." അവർ ഇരുവരും സ്വപ്നത്തിൽ കണ്ട ഓരോ സുപ്രധാന രംഗങ്ങളും ആ പുസ്തകത്തിൽ വരച്ചു ചേർത്തിരിക്കുന്നു...!!! "അപ്പോ... അപ്പോ... ഇതെല്ലാം ഈ പുസ്തകത്തിലെ കഥയായിരുന്നോ...? അതാണോ നമ്മൾ സ്വപ്നം കണ്ടത്...?" വിശ്വസിക്കാൻ കഴിയാതെ ജുവൽ പറഞ്ഞത് കേട്ട് കിരൺ അവളെ നോക്കി...! "അതെ ജുവൽ... ഈ പുസ്തകവും ഇസ്രയുടെ കൊലപാതകവും തമ്മിൽ എന്തോ ബന്ധം ഉണ്ട്, നമ്മൾ ഇരുവരും കണ്ട സ്വപ്നങ്ങളെ നന്നായി ഒന്ന് വിലയിരുത്തിയാൽ ഇസ്രയുടെ യഥാർത്ഥ കൊലപാതകിയെ നമുക്ക് കണ്ടെത്താൻ കഴിയും... മാത്രമല്ല നമുക്ക് അടുത്തറിയാവുന്ന ആരോ ആണ് ആ മറഞ്ഞിരിക്കുന്ന ശത്രു." ===== WAIT FOR THE next കണ്ണൂർകാരൻ 🌹🌹🌹🌹🌹 #📔 കഥ #📙 നോവൽ #✍ തുടർക്കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ