வசந்த பஞ்சமி அன்று ஏன் மஞ்சள் நிற ஆடை அணிய வேண்டும் என்கிறார்கள் தெரியுமா? ஒவ்வொரு கால நிலை மாற்றத்தையும் விழா எடுத்து கொண்டாடுவது நம்முடைய பாரம்பரிய வழக்கம். அப்படி குளிர்காலம் நிறைவடைந்து, வசந்த காலத்தை வரவேற்கும் விதமாக கொண்டாடப்படுவதே வசந்த பஞ்சமி ஆகும். வசந்த பஞ்சமி என்றாலே காணும் இடங்களில் எல்லாம் மஞ்சள் நிறமாக காட்சி அளிக்கும். இந்த நாளில் மட்டும் மஞ்சள் நிறத்திற்கு ஏன் இத்தனை முக்கியத்துவம் கொடுக்கப்படுகிறது என்பதை தெரிந்து கொள்ளலாம். வசந்த பஞ்சமி என்பது அறிவு, கலை மற்றும் இசையின் தெய்வமான சரஸ்வதி தேவிக்கு அர்ப்பணிக்கப்பட்ட ஒரு புனிதமான பண்டிகையாகும். வசந்த காலத்தின் துவக்கத்தில் தமிழ் மாதமான தை மாதத்தின் வளர்பிறையில் வரும் பஞ்சமி திதியில் வசந்த பஞ்சமி கொண்டாடப்படுகிறது. சரஸ்வதி தேவிக்குரிய நிறமாக வெள்ளை நிறம் குறிப்பிடப்பட்டாலும், வசந்த பஞ்சமியில் மஞ்சள் நிற ஆடை உடுத்திய வழிபாடுகள் மேற்கொள்ள வேண்டும், மஞ்சள் நிறத்திலான பொருட்களையே சரஸ்வதி தேவிக்கு படைத்து வழிபட வேண்டும் என சொல்லப்படுவது உண்டு. ஏன் இந்த நாளில் மட்டும் மஞ்சள் நிறத்திற்கு இத்தனை முக்கியத்துவம் கொடுக்கப்படுகிறது என்பதை தெரிந்து கொள்லாம். வசந்த பஞ்சமியில் மஞ்சள் நிறம் முக்கியமானது ஏன்? 1. வசந்த காலத்தின் வருகை : வசந்த பஞ்சமி குளிர்காலத்தின் முடிவையும், வசந்த காலத்தின் (Spring Season) தொடக்கத்தையும் குறிக்கிறது. இக்காலத்தில் கடுகு வயல்கள் (Mustard fields) மஞ்சள் நிறப் பூக்களால் நிறைந்து, பூமி ஒரு தங்கப் போர்வையைப் போர்த்தியது போலக் காட்சியளிக்கும். இயற்கையின் இந்த மாற்றத்தை வரவேற்கும் விதமாக மக்கள் மஞ்சள் நிறத்தை அணிகிறார்கள். 2. சரஸ்வதி தேவியுடன் உள்ள தொடர்பு : மஞ்சள் நிறம் தூய்மை, அமைதி மற்றும் அறிவின் அடையாளமாகக் கருதப்படுகிறது. சரஸ்வதி தேவிக்கு மிகவும் பிடித்தமான நிறங்களில் இதுவும் ஒன்று. இந்நாளில் தேவிக்கு மஞ்சள் நிற மலர்களைச் சூட்டி, மஞ்சள் நிற ஆடைகளை அணிந்து வழிபடுவது விசேஷமான பலன்களைத் தரும் என்பது நம்பிக்கை. 3. கிரகங்களின் தாக்கம் (வியாழன் பகவான்) : ஜோதிட சாஸ்திரப்படி, மஞ்சள் நிறம் அறிவு மற்றும் ஞானத்திற்கு அதிபதியான குரு பகவானுக்கு (வியாழன்) உரிய நிறமாகும். வசந்த பஞ்சமி அன்று மஞ்சள் நிறம் அணிவது ஜாதகத்தில் குருவின் ஆதிக்கத்தை வலுப்படுத்தி, புத்திசாலித்தனத்தையும் செழிப்பையும் தரும் என்று நம்பப்படுகிறது. 4. நேர்மறை ஆற்றல் மற்றும் மகிழ்ச்சி : மஞ்சள் நிறம் சூரிய ஒளியைப் போன்றது. இது மனதில் உற்சாகம், நம்பிக்கை மற்றும் நேர்மறை எண்ணங்களை உருவாக்குகிறது. புதிய தொடக்கங்களுக்கு இந்த நிறம் மங்களகரமானதாகக் கருதப்படுகிறது. வசந்த பஞ்சமி அன்று மஞ்சள் நிற ஆடை அணிந்து, கேசரி, லட்டு, குங்குமப்பூ சேர்த்த இனிப்புகள் ஆகியவற்றை சரஸ்வதி தேவிக்கு படைத்து வழிபட வேண்டும். ஞானம், செழிப்பு, மங்களகரமான வாழ்க்கையை பெறுவதற்கு வசந்த பஞ்சமி அன்று சரஸ்வதி தேவியை வழிபடவேண்டும். மாணவர்கள் தங்களின் புத்தகங்களையும், கலைஞர்கள் தங்களின் இசைக்கருவிகளையும் சரஸ்வதி தேவியின் முன் வைத்து ஆசி பெறுவார்கள். #📺வைரல் தகவல்🤩 #🙏கோவில்