ചെങ്കൽ ചൂള...(20) സബ് ഇൻസ്പെക്ടർ ഗോപിനാഥ് പോയ ശേഷം കാമിനി നേരെ മറിയാമ്മച്ചേടത്തിയുടെ അടുത്തെത്തി. മറിയാമ്മച്ചേടത്തി ചോദിച്ചു: "നീ നിൻ്റെ പാർട്ടിയൊക്കെ ഉണ്ടാക്കിയോടീ?" "ഉം... എല്ലാം റെഡിയായി... പിന്നെ ഞാനൊരു പ്രധാന കാര്യം പറയാനാണ് ഇപ്പോ ഇങ്ങോട്ട് വന്നത്..." "എന്തോന്ന് കാര്യം?" "അത്... പിന്നെ... മറിയാമ്മച്ചേടത്തി സമ്മതിക്കുമോന്നാ എൻ്റെ സംശയം..." "നിനക്കും തുടങ്ങിയോ ഇനി ഈ അസുഖം... നീ കാര്യം എന്താന്ന് വച്ചാ പറ" "കാര്യം പറഞ്ഞാ ഇനി മറിയാമ്മച്ചേടത്തി ദേഷ്യപ്പെടോം ഒന്നും ചെയ്യരുത്..." "നീ കാര്യം പറ... എന്നിട്ടല്ലേ ദേഷ്യപ്പെടുന്നത്" "ഞാൻ എൻ്റെ പാർട്ടിയുടെ വൈസ് പ്രസിഡൻ്റും രക്ഷാധികാരിയുമായി മറിയാമ്മച്ചേടത്തിയെയാ വച്ചിരിക്കുന്നത്..." "അതിന് കുഴപ്പമില്ല... പക്ഷേ നിനക്ക് വിവരമുളള മററാരേയും കിട്ടിയില്ലേ?" "കിട്ടിയില്ല എൻ്റെ മറിയാമ്മച്ചേടത്തി... ഈ ഞാൻ കഴിഞ്ഞാൽ പിന്നെ അല്പമെങ്കിലും വിവരമുളളത് മറിയാമ്മച്ചേടത്തിക്കാ... അതുകൊണ്ടാ... " " എനിക്കൊരു കുന്തോം അറിയില്ല... കാര്യം ഞാൻ പറഞ്ഞേക്കാം" " അതൊക്കെ ഞാൻ പറഞ്ഞു തരാം... മറിയാമ്മച്ചേടത്തി ഞാൻ പറഞ്ഞത് പോലെ അങ്ങ് ചെയ്താൽ മതി" " നീ പറഞ്ഞു തരുവാണെങ്കിൽ ബാക്കി കാര്യം ഞാനേററൂ... പിന്നേ... നിനക്ക് ആ റൗഡി വാസുവിനെ തോല്പിക്കണ്ടേ? അതിനുളള അടവ് ഈ ഞാൻ പറഞ്ഞു തരാം. ദൈവ വചനം പറയുന്നത്: നിൻ്റെ ശത്രുവിന് വിശക്കുന്നുവെങ്കിൽ നീ അവന് തിന്നാൻ കൊടുക്ക; ദാഹിക്കുന്നുവെങ്കിൽ കുടിപ്പാൻ കൊടുക്ക. അങ്ങനെ ചെയ്താൽ നീ അവൻ്റെ തലയിൽ തീ കനൽ കുന്നിക്കും. നീ അവന് മൂന്ന് നേരോം തിന്നാൻ കൊടുത്താൽ മതി, അതോടെ അവൻ തീർന്നോളും". (തുടരും) #📙 നോവൽ #📔 കഥ #💓 ജീവിത പാഠങ്ങള്‍ #💚 എന്റെ കേരളം #😋 തനി നാടൻ രുചികൾ