*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
సహోదరుడు భక్త సింగ్ గారి పరిచర్య నుండి సేకరించిన
అనుదిన ధ్యానములు
🍇🍇🍇🍇🍇🍇🍇🍇🍇
🌷🌷ఫిబ్రవరి 11🌷🌷
*"ఈయన తన ద్వారా దేవుని యొద్దకు వచ్చు వారి పక్షమున, విజ్ఞాపనము చేయుటకు నిరంతరము జీవించుచున్నాడు గనుక వారిని సంపూర్ణముగా రక్షించుటకు శక్తిమంతుడై యున్నాడు" (హెబ్రీ 7:25)*
మనము ప్రభువైన యేసు క్రీస్తు యొద్దకు వచ్చినప్పుడు మనమందరము ఏదో ఒక తప్పు లేక పతనము లేక బలహీనత మనలో కలిగియుందుము, ఏ ఒక్కరును అవి లేకుండా లేరు. ఈ బలహీనతలు మనము మన తండ్రుల నుండి, వారు వారి తండ్రుల నుండి ఆలాగున స్వతంత్రించుకొనిరి . మనము పాపములో జన్మించితిమి (కీర్తనలు 51:5), తండ్రికి చెడ్డ కోపము ఉన్న యెడల, తప్పక పిల్లలు దానిని కలిగి యుందురు. తండ్రికి డబ్బు విషయమై పేరాశ ఉన్న యెడల, పిల్లలు కూడా అలాగే ఉండెదరు. తండ్రికి అహంకార, గర్వపు మనస్సు ఉన్నయెడల, పిల్లలు కూడా దానిని కలిగియుందురు. ఆలాగున మనము తండ్రుల బలహీనతలను స్వతంత్రించుకొనుచున్నాము. మనము సంస్కారము ద్వారా కన్నీళ్ళ ద్వారా ఇతరమైన వాటిద్వారా మన బలహీనతలను జయించలేము. అయితే దినదినము మనలను మనము తగ్గించుకొని, మన పతనములు, బలహీనతలను ఒప్పుకొనుట వలన యేసు క్రీస్తు ప్రభువు మనలను రూపాంతరపరచును.
ప్రభువైన ఏసుక్రీస్తు మన ప్రధాన యాజకుడు గనుక మన బలహీనతలను తన భుజముపై భరించును. మన బలహీనతలు, హద్దుబాటులు పతనములన్నిటితో ఆయన యొద్దకు వెళ్ళు ఆధిక్యతను మనము కలిగి యున్నాము. కావున విశ్వాసముతో మనము ఈలాగున ఆయనతో చెప్పవలెను. " నా ప్రభువా, నా హద్దుబాటులు, పతనములు, తప్పులను ఒప్పుకొనుచున్నాను, నన్ను కరుణించుము. వీటన్నింటిపై నాకు విజయము దయచేయుము" మన ప్రధాన యాజకుడుగా ఆయన మన భారములను కూడ భరించును (1 పేతురు 5:7) ఎటువంటి బలహీనత, హద్దుబాటు, పొరబాటు అయినను నిన్ను మోయుటకు ప్రభువైన యేసు క్రీస్తుకు చాల బలమైన భుజము కలదని నమ్ముము. మన బలహీనతలు, పతనములలో ఆయనే మనకు బలము, మన ఉత్తర వాది (1 యోహాను 2:1) ఆయన విజ్ఞాపన ద్వారా మన హద్దుబాటులన్నియు దైవిక సుగుణములుగా రూపాంతర పరచబడును (హెబ్రీ. 7:25) ప్రధాన యాజకుని ఏఫోదులోని బంగారు, నీల ధూమ్ర, రక్త వర్ణముల సన్నపు నార వస్త్రములు ప్రభువైన యేసు క్రీస్తు యొక్క ఈ సుగుణములకు సాదృశ్యముగా ఉన్నవి. ఈ వస్త్రముల ద్వారా మన జీవితములో క్రీస్తు యొక్క సుగుణములను ఏలాగున అలవరచు కొనగలమో దేవుడు మనకు చూపించుచున్నాడు. అయిదు అను సంఖ్య కృపకు గుర్తు మనము ఇష్టపూర్వకంగా ఆయనకు లోబడిన కొలది దైవిక సుగుణములు మనకు దయచేయబడును. ఇచ్చట బంగారము దైవిక స్వభావమును గురించి మాటలాడుచున్నది. దాని ద్వారా మనము పరలోక విషయములను మరియు బయలు పరచబడిన క్రీస్తు యొక్క సుగుణములను తెలిసికొన గలుగుదుము. బలమైన విశ్వాసముతో శ్రమలు, శోధనలను సహనంతో సహించినప్పుడు ఈ సుగుణములు మనలో కనబడును (1 పేతురు 1:7) నీలి వర్ణము - దైవిక జ్ఞానము , ధూమ్ర వర్ణము - ప్రభువు యొక్క అధికారము, రక్తవర్ణము - ఆయన ప్రశస్త రక్తము మరియు పేనిన సన్న నార - మన ప్రభువు యొక్క పవిత్ర జీవితమును గురించి మాటలాడుచున్నది
Please share
🙏🏼Praise the LORD.🙏🏼
#📝అనుదిన వాక్యము #⛪దేవుని వాక్యము ✝