ആദ്യ ഭാഗങ്ങൾ ലിങ്കിൽ ഉണ്ട് ❤️❤️❤️https://sharechat.com/post/6DzQ0D9?d=n&ui=v64j8rk&e1=c💞ദേവനന്ദിനി.... Part 29💞 "ഈ പാലത്തിനു എത്ര നീളം കാണും"… ഗൗരി "ഇത് ഏകദേശം ഒന്നര കിലോമീറ്ററോളം നീളമുണ്ട് "… രുദ്രൻ ഗൗരിയുടെ കണ്ണുകളിൽ വീണ്ടുമത്ഭുതം നിറഞ്ഞു നിന്നു…. കുറച്ചു നിമിഷങ്ങൾ കഴിഞ്ഞപ്പോൾ അവരുടെ ബൈക്ക് ഗോൾഡൻ ബ്രിഡ്ജ് കടന്നു. മുന്നോട്ട് പോയ അവർ വൈകാതെ പ്രധാന ഹൈവേയിലേക്ക് കയറി… മുന്നോട്ടുള്ള യാത്ര തുടർന്നുകൊണ്ടിരുന്നു…. മുന്നോട്ട് പോകുന്തോറും സിറ്റിയുടെ ഭാഗങ്ങൾ കാണാൻ തുടങ്ങിയപ്പോൾ ഗൗരിയോർത്തു. ബറൂച് സിറ്റിയിൽ കയറില്ലെന്നു ദേവേട്ടൻ പറഞ്ഞിട്ട് ഇത് സിറ്റിക്കുള്ളിൽ ആണല്ലോ. അത്യാവശ്യം തിരക്കുമുണ്ട്… "ദേവേട്ടാ…. ദേവേട്ടനല്ലേ നേരത്തെ പറഞ്ഞത് സിറ്റിക്കുള്ളിൽ കയറില്ല എന്ന്. ഇതിപ്പോൾ സിറ്റിക്കുള്ളിലൂടെ ആണല്ലോ പോകുന്നത് "…. ഗൗരി സംശയം പ്രകടിപ്പിച്ചു... "ആ പെട്രോൾ പമ്പിൽ നിൽക്കുമ്പോൾ ഞാൻ വിചാരിച്ചത് സിറ്റി ടച്ച്‌ ചെയ്യാതെ പോകാനായിരുന്നു. പിന്നെ നിനക്ക് വേണ്ടിയൊന്നു മാറ്റിപ്പിടിച്ചതാ "…. രുദ്രൻ മറുപടി നൽകി… "എങ്ങനെ ഒന്നു തെളിച്ചു പറ "… ഗൗരി "നമ്മൾ ആ പമ്പിൽ നിൽക്കുമ്പോൾ എൻ എച് 48 ആയിരുന്നു. അത് നേരെ പോകുന്നത് നമ്മൾ വന്ന ഗോൾഡൻ ബ്രിഡ്ജും പുതിയ ബ്രിഡ്ജും നിൽക്കുന്നിടത്തു നിന്നും അല്പം മാറി വേറെയൊരു ബ്രിഡ്ജ് ആയ സർദാർ ബ്രിഡ്ജിലൂടെ പോകും. അപ്പോൾ സിറ്റി ടച്ച്‌ ചെയ്യില്ല. ഞാൻ പോകുമ്പോൾ അങ്ങനെയാണ് പോകാറ് "….രുദ്രൻ പറഞ്ഞു… "അപ്പോൾ ഇത് നാഷണൽ ഹൈവേ അല്ലെ…" ഗൗരി.. "ഇതും നാഷണൽ ഹൈവേ തന്നെ. ഇത് എൻ എച് 64. ദണ്ടിയിൽ നിന്നും അഹ്‌മദാബാദ് വരെ പോകുന്നത്. ബറൂച് സിറ്റിക്കുള്ളിലേക്ക് പോകാൻ ഈ ഹൈവേയാണ്. ഗോൾഡൻ ബ്രിഡ്ജിലൂടെ പാസ്സ് ചെയ്യുന്നതും ഈ ഹൈവേയാണ്. തന്നെ ഗോൾഡൻ ബ്രിഡ്ജ് കാണിക്കാമെന്നു വച്ചു പ്ലാൻ ഒന്നു മാറ്റിയതാ"…. (രുദ്രൻ ) ഗൗരിയവനെ ഒന്നുകൂടി കെട്ടിപ്പിടിച്ചു… "ആ ബ്രിഡ്ജ് കാണിച്ചു തന്നതിനാണോ ഇത്രയ്ക്ക് ആഞ്ഞുള്ള കെട്ടിപിടിത്തം…" രുദ്രൻ ചിരിച്ചു കൊണ്ട് ചോദിച്ചു.. "അതെ… എന്തേ ഇഷ്ടപ്പെട്ടില്ലേ…" ഗൗരിയൊന്നു ചൊടിച്ചു... "ഇങ്ങനെയാണെങ്കിൽ നന്ദുമോളിനിയും പിടിക്കേണ്ടി വരും "… രുദ്രൻ ചിരി വിടാതെ തന്നെ മറുപടി നൽകി. "എന്നിട്ട് വേറെ വല്ലവളും വന്നാണല്ലോ ഇതുവരെ കെട്ടിപ്പിടിച്ചോണ്ടിരുന്നത്…ഒന്നു പോടാ കലിപ്പാ "…. ഗൗരി രുദ്രനിട്ട് പതിയെ ഒരു കൊട്ട് കൊടുത്തു…. ബറൂച് കോളേജ് റോഡിലൂടെ പോയ രുദ്രന്റെ ബൈക്ക് അൽപനേരം കൊണ്ട് ഒരു സർക്കിളിലെത്തി വലത്തോട്ട് തിരിഞ്ഞു… ഗൗരിയാ സർക്കിളിന്റെ പേര് വായിച്ചു എ ബി സി സർക്കിൾ… എബിസി സർക്കിൾ വലത്തോട്ട് ചുറ്റിയവരുടെ ബൈക്ക് ബറൂച് ബൈപാസ് റോഡിലൂടെ മുന്നോട്ട് പോയിക്കൊണ്ടിരുന്നു. ഇടയ്ക്ക് ഒന്നു രണ്ട് സിഗ്നലുകളിൽ അവർ പെട്ടു… അല്പനേരം കൊണ്ട് ബൈക്ക് ഗോൾഡൻ ക്വാഡ്രിലേറ്ററിലേക്ക് ചെന്ന് ചേരുന്ന നർമ്മദ ചൗക്ക്ഡി എത്തി….. അവിടെ നിന്നും ബൈക്ക് ഇടത്തോട്ട് തിരിഞ്ഞു എൻ എച് 48 ലോട്ട് കയറി മുന്നോട്ട് നീങ്ങി… സമയം പത്തു മണി കഴിഞ്ഞിരുന്നു. കുഴപ്പമില്ലാത്ത ചൂട് ഉണ്ട്. ഇനി ചിലപ്പോൾ കൂടിയേക്കും. മഹാരാഷ്ട്രയിൽ നിന്നും വരുമ്പോൾ പശ്ചിമഘട്ടം തന്ന ആ മനോഹാരിയും കുളിർമ്മയും ഒന്നും ഇനിയങ്ങോട്ട് ഇല്ല. ഒരു വരണ്ട കാറ്റ് ആണ് മിക്കപ്പോഴും. ഇടയ്ക്ക് വണ്ടി നിർത്തിച്ചു ഗൗരി തന്റെ ജാക്കറ്റ് അഴിച്ചു പിടിച്ചു…. വിശാലമായ ആറുവരിപ്പാതയായ ഗോൾഡൻ ക്വാഡ്രിലേറ്ററിന്റെ ഭാഗമായ എൻ എച് 48 ലൂടെ രുദ്രന്റെ ബൈക്ക് പോയിക്കൊണ്ടിരുന്നു. വിശാലമായ ആ പാതയിലൂടെയുള്ള ആ യാത്ര ഗൗരിയിൽ ഒരുപാട് സന്തോഷവും കൗതുകവുമുണർത്തി…. ഒരു നാൽപ്പത് മിനിറ്റോളമെടുത്ത് അവരുടെ വണ്ടി ബറൂച് - വഡോദര ടോൾ പ്ലാസ കടന്നു ഇനിയങ്ങോട്ട് വഡോദര ജില്ലയാണ്… "ഈ റൂട്ടിൽ നമുക്ക് കാണാൻ പറ്റിയ ടൂറിസ്റ്റ് സ്പോട്സ് ഒന്നുമില്ലേ ദേവേട്ടാ "…. ഹൈവേ കാഴ്ചകൾ തന്നെയായപ്പോൾ ഗൗരി രുദ്രനോട് ചോദിച്ചു… "കാണാൻ ഹൈവേയുടെ അടുത്തായിട്ട് അങ്ങനെ ഒന്നുമില്ല. ഒക്കേ ദൂരെയാ. നമ്മൾ ഇപ്പോൾ കടന്നു പോകാൻ പോകുന്ന കർജാൻ എന്ന സ്ഥലത്ത് നിന്നും കുറെ ദൂരെയായി കർജാൻ ഡാമുണ്ട്. പിന്നെ സർവാനി വെള്ളച്ചാട്ടം പിന്നെ നമ്മൾ പോകുന്ന വഴിയിൽ നിന്നും കുറച്ചു അകത്തേക്ക് പോയാൽ അക്വാബ്ലൂ വാട്ടർ പാർക്കുണ്ട്. പക്ഷെ നമുക്ക് ബൈക്കിൽ പോകുമ്പോൾ വാട്ടർ പാർക്ക്‌ പോകുന്നത് ബുദ്ധിമുട്ടാകും "….രുദ്രൻ പറഞ്ഞു നിർത്തി. "എന്താ നിനക്ക് വാട്ടർ പാർക്ക്‌ പോകണമെന്നുണ്ടോ "…. രുദ്രൻ ഗൗരിയോട് ചോദിച്ചു. "വേണ്ട ദേവേട്ടാ…. ഈ ഹൈവേയുടെ തൊട്ടടുത്തു എന്തെങ്കിലും കാണാൻ ഉണ്ടെങ്കിൽ മതി "….( ഗൗരി ) വൈകാതെ അവർ കർജാൻ എത്തി. ടൌൺ കുറച്ചു അകത്തേക്ക് പോകണം. ഇനി ഇവിടെ നിന്നും ഒരു മണിക്കൂറോളം ദൂരമുണ്ട് വഡോദരയിലേക്ക്…. "ദേവേട്ടാ… നമ്മൾ വഡോദര സിറ്റിക്കുള്ളിൽ കയറുമോ ഇപ്പോൾ ബറൂച് കയറിയ പോലെ"… ( ഗൗരി ) "ഇല്ല…. സിറ്റിയുടെ പുറത്തു കൂടെയാണ് പോകുന്നത്. അകത്തോട്ടു അതായത് സിറ്റിയുടെ പ്രധാനഭാഗത്തു കയറില്ല. ബറൂച് കയറേണ്ടി വന്നത് ഗോൾഡൻ ബ്രിഡ്ജ് വഴി വന്നത് കൊണ്ടാണ് "…. രുദ്രൻ മറുപടി നൽകി… (കേരളത്തിനു പുറത്തു പുതിയ ഹൈവേകൾ ഒന്നും പ്രധാനനഗരങ്ങളുടെ ഉള്ളിലേക്ക് കടക്കാതെയാണ് പോകുക. ) അത്യാവശ്യം വേഗത്തിൽ ആയിരുന്നു. ആറുവരിപ്പാതയായത് കൊണ്ട് ഇടക്കിടക്ക് ബൈക്ക് തൊട്ട് ഹെവി കണ്ടെയ്നർ ട്രക്കുകൾ വരെ പോകുന്നുണ്ട് ഹൈവേയിലൂടെ എന്നാലും വിശാലമായതു കൊണ്ട് ബ്ലോക്ക്‌ ഉണ്ടാവില്ല. തിരക്ക് അങ്ങനെ അറിയുകയുമില്ല…. ഇടയ്ക്ക് ചില പാടങ്ങൾക്കും ഇടയ്ക്കു വരണ്ട പ്രദേശങ്ങളിലൂടെയും പോകുന്ന ഹൈവേയിലൂടെ രുദ്രന്റെ ബൈക്ക് പറന്നു കൊണ്ടിരുന്നു. ഇടയ്ക്ക് ചില ഹെവി ട്രക്കുകളെയൊക്കെ അവൻ ചേസ് ചെയ്ത് ഓവർടേക്ക് ചെയ്തു കൊണ്ടിരുന്നു. ഗൗരിയിൽ അതൊക്കെയൊരു പ്രത്യേക ത്രില്ലുണർത്തി. അവളുടെയുള്ളിൽ സന്തോഷം നിറഞ്ഞു കുമിഞ്ഞു ആ വേളകളിൽ…. അവളുടെ വികാര പ്രകടനങ്ങൾ രുദ്രൻ ഇടയ്ക്ക് ഗ്ലാസ്സിലൂടെ നോക്കിക്കാണുന്നുണ്ടായിരുന്നു. അവനതെല്ലാം കണ്ടു ഉള്ളിൽ ചിരിയൂറി… മുൻപ് പോകുമ്പോഴൊക്കെ ബൈക്കിങ്ങനെ പറത്തിപ്പോകുമ്പോൾ മിക്കപ്പോഴും ഒരു നിർവികാരമനോഭാവമായിരുന്നു. എന്നാലിപ്പോൾ അത് ത്രില്ലടിപ്പിക്കുന്നു. എല്ലാറ്റിനും കാരണം ഇവൾ കൂടെയുള്ളത്. ജീവിതത്തിൽ താനെപ്പോഴും ആഗ്രഹിച്ചത് ഈ സാമീപ്യമല്ലേ. ഇപ്പോൾ ഒരിക്കലും പ്രതീക്ഷിക്കാതെ തന്റെയാഗ്രഹം നടക്കുന്നു…. രുദ്രൻ മനസ്സിൽ ചിന്തിച്ചു കൊണ്ട് ഒന്നു മന്ദഹസിച്ചു… "ദേവേട്ടാ… ഇനി എവിടെയാ നമ്മൾ വണ്ടി നിർത്തുന്നത് "… ഗൗരി രുദ്രനോട്‌ ചോദിച്ചു… "അതെ… ഇനി അവിടെയെത്തിയിട്ട് നിർത്താനാണ് ഉദ്ദേശിക്കുന്നത്. എന്തെങ്കിലും ഒന്നു കഴിക്കുകയും വേണം. എന്തേ ഇപ്പോൾ എവിടെയെങ്കിലും നിർത്തണോ "…. ( രുദ്രൻ ) വേണ്ട... ഒന്നു അറിയാനായി ചോദിച്ചതാ.... ഏകദേശം ഒരു മണിക്കൂറിന്റെയടുത്ത് ബൈക്ക് യാത്ര മുന്നോട്ട് പോയപ്പോൾ സിറ്റിയുടെ ഭാഗങ്ങൾ ഒക്കെ കാണാൻ തുടങ്ങി. തർസാലി റോഡ് ജംഗ്ഷനും കടന്നു കുറച്ചു മുന്നോട്ട് പോയപ്പോൾ ഒരു ഫ്ലൈ ഓവർ എത്താറായപ്പോൾ രുദ്രൻ ഒരു സർവീസ് റോഡിലേക്ക് ബൈക്കിറക്കി. സർവീസ് റോഡിലൂടെ കുറച്ചു കൂടി മുന്നോട്ട് പോയപ്പോൾ ഒരു ജംഗ്ഷനിൽ നിന്നും ഫ്രീ ലെഫ്റ്റ് എടുത്തു ഉള്ളിലോട്ടു പോയി….. കുറച്ചു മുന്നോട്ട് പോയൊരു യൂ ടേൺ എടുത്തു എതിരെ വരുന്ന റോഡിലേക്ക് കയറി മുന്നോട്ട് വന്നപ്പോൾ ഒരു ദാബയിലെത്തി. ആ ദാബയിലേക്ക് കയറ്റിയവൻ തന്റെ ബൈക്ക്… ദാബയിലിറങ്ങിയ ഗൗരിയൊന്നു ചുറ്റും നോക്കിയപ്പോൾ ആദ്യം ഫ്രീ ലെഫ്റ്റെടുത്ത ജംഗ്ഷനിൽ തന്നെയാണ് ദാബ. പക്ഷെ എതിർവശത്തായത് കൊണ്ട് ഉള്ളിലോട്ടു കയറി യൂ ടേൺ എടുത്താലേ ദാബയിലേക്ക് എത്താൻ കഴിയൂ… "ആ ജംഗ്ഷനിൽ തൊട്ടടുത്തുള്ള ഈ ദാബയിലെത്താൻ ഇത്രയും ചുറ്റേണ്ടി വന്നല്ലേ ദേവേട്ടാ "…. ഗൗരിയൊരു ചിരിയോടെ രുദ്രനോട് തിരക്കി… "ഹ ഹ… ഹൈവേ റൈഡ് നടത്തുമ്പോൾ ചിലപ്പോൾ അങ്ങനെയാണ്. തൊട്ടടുത്തു കാണുന്നിടത്തേക്ക് എത്താൻ ചിലപ്പോൾ ഒന്നു രണ്ട് കിലോമീറ്ററോളം ചുറ്റേണ്ട അവസ്ഥ "… രുദ്രൻ മറുപടി നൽകി… ദാബയിലേക്ക് കയറിയ അവർ കയ്യും മുഖവും ഒക്കെ കഴുകി കഴിക്കാനിരുന്നു… "ദേവേട്ടാ… വഡോദര ചരിത്രപ്രധാനമുള്ള സ്ഥലമല്ലേ "…. ഗൗരി "അതെ…. പണ്ട് ഒരു നാട്ടു രാജ്യമായിരുന്നു. മറാത്ത സാമ്രാജ്യത്തിന്റെ ഭാഗമായിരുന്നു. മറാത്ത ഛത്രപതി ഷാഹു ബോസ്ലെ മുഗളന്മാരിൽ നിന്നും ബറോഡ പിടിച്ചെടുത്ത തങ്ങളുടെ ജനറൽ പിലാജി റാവു ഗെയ്ക്വാദിനു സമ്മാനിക്കുകയായിരുന്നു. അന്ന് തൊട്ട് പിന്നെ ഇന്ത്യക്ക് സ്വാതന്ത്ര്യം കിട്ടി ഇന്ത്യൻ യൂണിയനിൽ ലയിക്കുന്നത് വരെ ഗെയ്ഖ്വാദ് രാജവംശത്തിന്റെ ഭരണത്തിലായിരുന്നു "….. രുദ്രൻ വിവരിച്ചു… "വേറെയെന്തൊക്കെയാ വഡോദരയുടെ പ്രത്യേകത "…. ഗൗരിയുടെ ചോദ്യത്തിൽ ആകാംക്ഷ നിറഞ്ഞു നിന്നു…. "തൃശ്ശൂരിനെ നമ്മൾ കേരളത്തിന്റെ സാസ്ക്കാരിക തലസ്ഥാനം എന്ന് പറയുന്നത് പോലെ ഗുജറാത്തിന്റെ സാംസ്കാരിക തലസ്ഥാനം വഡോദരയാണ് "…. രുദ്രൻ മറുപടി നൽകി.. അപ്പോഴേക്കും ഓർഡർ എടുക്കാൻ ആള് വന്നപ്പോൾ രുദ്രൻ ഭക്ഷണം ഓർഡർ ചെയ്തു… "ദേവേട്ടാ…. ബറോഡ എന്നല്ലേ ഈ നഗരത്തിന്റെ പേര്. പിന്നെ ഈ വഡോദര എന്ന ഈ പേരെങ്ങനെ ഉണ്ടായി "… (ഗൗരി) "സംസ്‌കൃതത്തിൽ വട എന്ന് പറഞ്ഞാൽ ആൽമരം എന്നർത്ഥം. ആൽമരങ്ങൾ നിറഞ്ഞ സ്ഥലം എന്ന അർത്ഥത്തിൽ ആണ് ഈ സ്ഥലത്തിന് വഡോദര എന്ന പേര് വന്നതെന്നാണ് ഐതിഹ്യം. പിന്നെ ബറോഡ എന്ന പേര് പാശ്ചാത്യർ സമ്മാനിച്ചതാണ്….." രുദ്രൻ പറഞ്ഞു നിർത്തിയപ്പോഴേക്കും ഭക്ഷണം വന്നു. അവരത് കഴിച്ചു തുടങ്ങി. ഗൗരിയുടെ സംശയങ്ങൾ തീരുന്നുണ്ടായിരുന്നില്ല. രുദ്രനവൾക് ഒരു വാത്സല്യത്തോടെ ദുരീകരണം നടത്തിക്കൊണ്ടുമിരുന്നു…. 🌸🌸🌸🌸🌸🌸🌸🌸🌸🌸🌸🌸🌸🌸🌸 ഭക്ഷണം കഴിച്ചിറങ്ങിയ രുദ്രനും ഗൗരിയും ബൈക്കിന്റെ അടുത്ത് വന്നു നോക്കുമ്പോൾ ബൈക്കിന്റെ പുറകിലെ ടയറിന്റെ കാറ്റൊഴിഞ്ഞു കിടക്കുന്നത് കണ്ടു. ഭാഗ്യത്തിന് ആ കോമ്പൗണ്ടിൽ തന്നെയൊരു ടയർ പഞ്ചർ ഷോപ്പുമുണ്ട്. രുദ്രൻ വണ്ടി അങ്ങോട്ട് ഉരുട്ടി. വണ്ടി അവിടെ കൊടുത്ത് രുദ്രൻ ചുറ്റുമൊന്നു നോക്കിയപ്പോൾ കുറച്ചാപ്പുറത്തായി ഒരിരിപ്പിടം കണ്ടു. രുദ്രൻ ഗൗരിയെയും കൊണ്ട് അങ്ങോട്ട് പോയി…. ഇരിപ്പിടത്തിനു അടുത്തെത്തിയ രുദ്രൻ ചുറ്റുമൊന്നു നോക്കി. ആരുമില്ലെന്നു കണ്ട രുദ്രൻ പൊടുന്നനെ ഗൗരിയെ വലിച്ചു തന്റെ ദേഹത്തോട് ചേർത്ത് നിർത്തി. അവളുടെ ചെവിയുടെ ഭാഗത്തു കൈത്തലം വച്ചു രണ്ട് കവിളിലും അമർത്തി ചുംബിച്ചു. ഗൗരിയുടെ കവിളിണകൾ ചുവന്നു തുടുത്തു. അവളുടെ വ്രീള നിറഞ്ഞ മുഖത്തൊരു മന്ദഹാസം വിരിഞ്ഞു…. "എന്താ എന്റെ ദേവേട്ടന് പെട്ടെന്നൊരാവേശം"…. ഗൗരിയുടെ മുഖത്തൊരു കള്ളച്ചിരി പ്രകടമായി… "സന്തോഷം കൊണ്ടാണ് നന്ദു…. നിനക്കറിയുമോ ഈ റൂട്ടിലൂടെ വണ്ടി ഓടിക്കുമ്പോൾ എനിക്ക് ആസ്വദിച്ചു ഓടിക്കാൻ കഴിയാറില്ല… ആദ്യമായിട്ടാണ് ഇത്രയ്ക്കും ആസ്വദിച്ചു ഈ ഹൈവേയിലൂടെ ഞാൻ ബൈക്ക് ഓടിക്കുന്നത് "…. രുദ്രനത് പറയുമ്പോൾ അവന്റെ മിഴികളിൽ അവളോടുള്ള അടങ്ങാത്ത പ്രണയം ഗൗരി തിരിച്ചറിഞ്ഞു… അവന്റെ മിഴികൾ നീരണിഞ്ഞു….. "ദേവേട്ടാ… എന്റെ ദേവേട്ടനൊരുപാട് കരഞ്ഞതല്ലേ. മതി ഇനി കരയുന്നത്. ദേവേട്ടന്റെ നന്ദുവിനത് സഹിക്കാൻ കഴിയില്ല"….ഗൗരിയവന്റെ കവിളിൽ കൈത്തലങ്ങൾ ചേർത്തു പറയുമ്പോഴേക്കും അവളുടെ മിഴികളും നീരണിഞ്ഞു… "സന്തോഷം കൊണ്ടാണ് നന്ദു…. അല്ലാ എന്നോട് കരയരുതെന്ന് പറഞ്ഞിട്ട് നീ കരയുകയാണോ"….രുദ്രനൊന്നു ചിരിച്ചു കൊണ്ട് ചോദിച്ചു… "ഞാൻ കാരണം എന്റെ ദേവേട്ടനൊരുപാട് കരയേണ്ടി വന്നല്ലോ എന്നോർക്കുമ്പോൾ…" ഒരു പൊട്ടിക്കരച്ചിലോടെ ഗൗരിയവന്റെ നെഞ്ചിലേക്ക് ചാഞ്ഞു… രുദ്രനവളെ കെട്ടിപ്പിടിച്ചുക്കഴിഞ്ഞിരുന്നു അപ്പോഴേക്കും….. "സാരമില്ലെടോ… ദൈവം നമ്മളെയവസാനം ഇവിടെ വരെയെത്തിച്ചില്ലേ "… ഗൗരിയെ രുദ്രൻ തന്റെ നെഞ്ചിൽ നിന്നും വേർപെടുത്തി കൊണ്ട് പറഞ്ഞു… ഗൗരിയവനെ നോക്കിയൊന്നു പുഞ്ചിരിച്ചു. ആനന്ദക്കണ്ണീരോടെയുള്ള പുഞ്ചിരി…. രുദ്രൻ ഗൗരിയെയും കൊണ്ട് ടയർ ഷോപ്പിനടുത്തേക്ക് പോയി. അപ്പോഴേക്കും അവരുടെ വണ്ടിയുടെ പണി കഴിഞ്ഞിരുന്നു… ബൈക്ക് സ്റ്റാർട്ട്‌ ചെയ്തു രുദ്രനും ഗൗരിയും കൂടി ദാബയുടെ കോമ്പൗണ്ട് വീട്ടിറങ്ങി… 🌸🌸🌸🌸🌸🌸🌸🌸🌸🌸🌸🌸🌸🌸🌸 ദാബയിൽ നിന്നുമിറങ്ങിയ രുദ്രന്റെ ബൈക്ക് അല്പസമയങ്ങൾക്കകം പ്രധാനഹൈവേയിലേക്ക് കയറി മുന്നോട്ട് പോയിക്കൊണ്ടിരുന്നു… സമയം പന്ത്രണ്ട് മണിയോടടുത്തിരുന്നു അപ്പോഴേക്കും. അത്യാവശ്യത്തിന് ഉച്ചവെയിലും ഉണ്ട്…. ഇരുപത് മിനിറ്റോളം കഴിഞ്ഞ് രുദ്രനും ഗൗരിയും കൂടി ഒരു നദിയ്ക്ക് മുകളിലെത്തി…. "ദേവേട്ടാ… ഇതേതാ നദി "….. ( ഗൗരി ) "ഇത് മാഹി നദി… ഇത് കഴിഞ്ഞു വസാഡ് ടോൾ പ്ലാസ. അതോടെ വഡോദര ജില്ല കഴിഞ്ഞു ആനന്ദ് ജില്ലയിലോട്ട് കടക്കും. ആനന്ദിൽ നിന്നും എഴുപത്തേഴ് കിലോമീറ്ററോളം പോയാൽ നമ്മുടെ ഇന്നത്തെ ലക്ഷ്യസ്ഥാനമായ അഹ്‌മദാബാദ് നഗരം "…. രുദ്രൻ മറുപടി നൽകി… "ആനന്ദ്…. ശ്രീ വർഗീസ് കുര്യൻ സാറിനോടും, ധവളവിപ്ലവത്തോടും ഒക്കെ ചേർത്തു പറയുന്ന സ്ഥലമല്ലേ "….. ( ഗൗരി ) "അതെ… നമ്മൾ മലയാളികൾ ഒരിക്കലും മറക്കാൻ പാടില്ലാത്ത പേരാണ് വർഗീസ് കുര്യൻ സാറിന്റെയും ആനന്ദിന്റെയും. സാറിനു മിൽക്ക് മാൻ ഓഫ് ഇന്ത്യ എന്ന നാമം സമ്മാനിച്ച സ്ഥലമാണ് ആനന്ധും പിന്നെ അമുലും "….(രുദ്രൻ ) "കൂടുതൽ ഡീറ്റൈൽസ് ഞാൻ ആനന്ദ് എത്തിയിട്ട് പറഞ്ഞു തരാം. അവിടെയെത്തി എന്തെങ്കിലും കുടിച്ചു പറയുമ്പോഴല്ലേ ഒരു ത്രില്ല്… അത് പോരെടോ "…. രുദ്രൻ ഒന്നു ചിരിച്ചുകൊണ്ട് ഗൗരിയോട് ചോദിച്ചു… "ഹ ഹ….അത് മതി… എന്തായാലും ദേവേട്ടൻ എനിക്കത് പറഞ്ഞു തരുമെന്നുറപ്പാണ്. അതിന് ആനന്ദ് എത്തിയിട്ടാണെങ്കിൽ അങ്ങനെ "…. ഗൗരിയൊന്നു ചിരിച്ചു… അപ്പോഴേക്കും ബൈക്ക് വസാഡ് ടോൾ പ്ലാസ കടന്നു കഴിഞ്ഞിരുന്നു. രുദ്രന്റെ ബൈക്ക് ഗോൾഡൻ ക്വാഡ്രിലേറ്ററിലൂടെ അഹ്‌മദാബാദ് ലക്ഷ്യമാക്കി നീങ്ങിക്കൊണ്ടിരുന്നു… 🌸🌸🌸🌸🌸🌸🌸🌸🌸🌸🌸🌸🌸🌸🌸 വസാഡ് ടോൾ പ്ലാസയിൽ നിന്നും രുദ്രനും ഗൗരിയും ഇപ്പോൾ അരമണിക്കൂറോളം ഹൈവേയിലൂടെ ഓടി ആനന്ദ് എത്താറായിരിക്കുന്നു. കുറച്ചു ദൂരം കൂടി ഓടിക്കഴിഞ്ഞപ്പോൾ രുദ്രൻ ആനന്ദ് ടൗണിലോട്ട് പോകുന്ന ഭലേജ് റോഡിനു മുകളിലൂടെ പോകുന്ന ഫ്ലൈ ഓവർ തുടങ്ങുന്നതിനു മുൻപ് കുറച്ചു ദൂരം പുറകിൽ എത്തിയപ്പോൾ ഒരു ലസ്സി സെന്ററിന് അടുത്തേക്ക് ബൈക്ക് കയറ്റി…. ലസ്സി സെന്ററിൽ കയറി രുദ്രൻ ഗുജറാത്തി ചാസ്സിന് ഓഡർ കൊടുത്തു. അവരിരുവരും ഇരിപ്പിടങ്ങളിൽ ഓർഡർ ചെയ്തതും കാത്തിരുന്നു….. "ദേവേട്ടാ….അമുൽ പ്ലാന്റ് കാണാൻ പറ്റുമോ നമ്മൾ പോകുന്ന വഴിക്കു "…. ഗൗരി രുദ്രനോട് ചോദിച്ചു…. "ഇല്ല… നമ്മൾ ഇപ്പോൾ കടന്നു വന്ന ജംഗ്ഷനിലൂടെ ഉള്ളിലേക്ക് പോകണം. വരുമ്പോൾ പറ്റുമെങ്കിൽ നമുക്കൊന്ന് നോക്കാം "…. രുദ്രൻ ഒരു മന്ദഹാസത്തോടെ മറുപടി നൽകി… "പോകണമെന്നൊന്നുമില്ല… ചോദിച്ചെന്നെ ഉള്ളൂ. ഇങ്ങനെയൊരു ബൈക്ക് റൈഡ് നടത്തുമ്പോൾ ഉണ്ടാകുന്ന പരിമിതികൾ എനിക്ക് മനസ്സിലാവും ദേവേട്ടാ…. ദേവേട്ടന്റെ കൂടെയുള്ള ഈ റൈഡ് പകരുന്ന സന്തോഷമാണ് എനിക്ക് പ്രധാനം"…..ഗൗരിയുടെ മറുപടി. അപ്പോഴേക്കും അവർ ഓർഡർ ചെയ്തതും എത്തി ടേബിളിൽ. കളിമണ്ണു കൊണ്ടുണ്ടാക്കിയ കയ്യിൽ കൊള്ളാവുന്ന ചെറിയൊരു കലത്തിൽ കൊണ്ടുവന്നതിലേക്ക് ഗൗരിയൊന്നു നോക്കി. സംഭാരം പോലെ തോന്നി ഗൗരിയ്ക്കത്… അവളെടുത്ത് ഒന്നു രുചിച്ചു നോക്കി… പുതിനയിലയൊക്കെയിട്ട ചെറിയൊരു എരിവോട് കൂടിയ കട്ടിയുള്ള മോര്. കൂട്ടത്തിൽ ഇഞ്ചിയുടെയും ഒക്കെ സ്വാദ് നാവിൽ പടരുന്നു… "ദേവേട്ടാ… ഇത് മോര് അല്ലെ"… ( ഗൗരി ) "ചാസ് എന്ന് പറഞ്ഞാൽ മോര് തന്നെയാണ്. ഓരോ സ്റ്റേറ്റിലും അതിൽ ഇടുന്ന സാധനങ്ങൾക്ക് വ്യത്യാസം ഉണ്ടാകും. ഗുജറാത്തിൽ വന്നാൽ ഗുജറാത്തി ചാസ് ഒന്നു രുചിച്ചു നോക്കേണ്ടതാണ്. പിന്നെ ചൂടത്തു യാത്ര പോകുമ്പോൾ അകം തണുത്തിരിക്കാനും ഇതൊക്കെ കുടിക്കുന്നതാണ് നല്ലത് "…... രുദ്രൻ മറുപടി നൽകി.. "ഇനി അമൂലിനെ പറ്റി പറ "…. ഗൗരി രുദ്രനോട് ആവശ്യപ്പെട്ടു…. "ഞാൻ ചുരുക്കിപ്പറയാം "….രുദ്രൻ പറഞ്ഞു തുടങ്ങി…. "ഒരു കാലത്ത് ഇവിടെ ആനന്ദിലും ചുറ്റവട്ടത്തുള്ള പ്രദേശങ്ങളിലെയും ക്ഷീരകർഷകർ നേരിടുന്ന പ്രശ്നമായിരുന്നു അധികം വരുന്ന പാൽ. ആ അധികം വരുന്ന പാൽ സംഭരിക്കാൻ ഒരു സൗകര്യം ഇല്ലാത്തത് ബുദ്ധിമുട്ട് ഉണ്ടാക്കിയവർക്ക്. കൂടാതെ ഡീലേഴ്‌സ് കൊടുക്കുന്ന വിലയും കുറവായിരുന്നു. അങ്ങനെയാണ് ഇവിടെയൊരു സഹകരണസംഘം ഉണ്ടാകുന്നത്. സംഘത്തിനും പ്രധാനപ്രശ്നം പാല് കേടാക്കാതെ വയ്ക്കാനും വേറെ ഉത്പന്നങ്ങൾ ആക്കി മാറ്റാനും സൗകര്യമില്ലാത്തത്. ശ്രീ വർഗീസ് കുര്യൻ സാർ അദ്ദേഹത്തിന്റെ ബാച്ച്മേറ്റ് ആയ ദലായയുടെ കൂടെ പാല് പാൽപ്പൊടികളും സ്കിംഡ് മിൽക്കും ഉണ്ടാക്കുന്ന രീതിയിവിടെ ഇന്ത്യയിൽ തന്നെ ആദ്യമായിട്ട് എന്ന് പറയാം ആവിഷ്കരിച്ചു. അതായിരുന്നു ധവളവിപ്ലവത്തിന്റെ തുടക്കം ആ പ്ലാന്റ് ആണ് അമുൽ. പിന്നെ പാല് ശേഖരിക്കുന്നത് ഇവിടുന്നു കൂടാതെ ഗുജറാത്തിന്റെ മറ്റുള്ള ഭാഗങ്ങളിലും പാല് ശേഖരിക്കാനുള്ള സൊസൈറ്റികൾ സ്ഥാപിക്കപ്പെട്ടു. അമുലും നാൾക്ക് നാൾ വളർന്നു…." "തല്ക്കാലം ഇത്രയും അറിഞ്ഞാൽ പോരെ എന്റെ നന്ദുമോൾക്ക്… എല്ലാമറിഞ്ഞിട്ട് നാളെ എക്സാമിന് പോകാനൊന്നും ഇല്ലല്ലോ"…..രുദ്രൻ ഗൗരിയെ കളിയാക്കിച്ചിരിച്ചു…. "ഈൗ … പോടാ കലിപ്പാ….അറിവുണ്ടെങ്കിൽ അത് മറ്റുള്ളവർക്ക് പറഞ്ഞു കൊടുത്തെന്നു വച്ചു ഒന്നും നഷ്ടപ്പെടില്ല… പിന്നെ ഇതൊക്കെ ഗൂഗിൾ സായിപ്പിനോട് ചോദിച്ചാലും കിട്ടിയേക്കും പക്ഷെ ദേവേട്ടൻ പറഞ്ഞു തരുന്നത് കേൾക്കുമ്പോൾ ഉള്ള സുഖം കിട്ടില്ല" …. ഗൗരി മറുപടി പറഞ്ഞു…. "എടൊ… എല്ലാ സംശയങ്ങൾക്കും മറുപടി തരാൻ ഞാൻ ഒരു സർവവിജ്ഞാനകോശമൊന്നുമല്ല "…. രുദ്രൻ ചിരി വിടാതെ പറഞ്ഞു… "അറിയാവുന്നത് പറഞ്ഞു തന്നേച്ചാൽ മതി….കേട്ടോടാ ഭരണീ "… ഗൗരി ചൊടിച്ചു കൊണ്ട് പറഞ്ഞു… ചാസ് കുടിച്ചു കൊണ്ട് രുദ്രൻ അതൊക്കെ ആസ്വദിച്ചു കൊണ്ടിരുന്നു…. "അപ്പോൾ ദേവേട്ടന്റെ നന്ദുമോൾ കുടിച്ചു കഴിഞ്ഞെങ്കിൽ എഴുന്നേറ്റെ… നമുക്ക് സുൽത്താൻ അഹ്‌മദ്‌ ഷാ ഉണ്ടാക്കിയ നഗരത്തിലോട്ട് യാത്ര തുടരാം "…. രുദ്രൻ ഗൗരിയെ നോക്കി പറഞ്ഞു…. ഗൗരിയതും കേട്ട് കണ്ണു മിഴിച്ചെഴുന്നേറ്റു… "എടൊ….അഹ്‌മദാബാദിലോട്ട് പോകാമെന്നു…."😜 അത് കേട്ട ഗൗരിയവനെ നോക്കി ചിരിച്ചു… നിമിഷങ്ങൾക്കകം അവർ അവിടെനിന്നും ഇറങ്ങി … (തുടരും) റിവ്യൂ ഇടാൻ മറക്കല്ലേ.... 🙂 കണ്ണൂർകാരൻ ❤️❤️❤️❤️ #📙 നോവൽ #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ