#🙏 ഭക്തി Status #🙋‍♀️ എൻ്റെ സ്റ്റാറ്റസുകൾ #💑 സ്നേഹം #വാടാമലരുകൾ #❤ സ്നേഹം മാത്രം 🤗 ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 20* *വിശ്വകർമ്മാവ് കോടി സൂര്യപ്രഭയുള്ള ചൂഡാമണി മുടിയിൽ ചൂടാൻ നല്കി. പിന്നീട് നാനാ രത്നങ്ങൾ പതിച്ച കുണ്ഡലങ്ങൾ കാതിലണിയാനും വളകൾ തോൾവളകൾ മുതലായവയും ആഭരണങ്ങളായി കൊടുത്തു. കാലുകളിലണിയാൻ ശബ്ദിക്കുന്ന, സൂര്യനെപ്പോലെ തിളങ്ങുന്ന പൊൻചിലമ്പുകൾ ബ്രഹ്മാവ് കൊടുത്തു. കഴുത്തിലണിയാൻ തിളങ്ങുന്ന രത്നമാലയും മോതിരങ്ങളും വാടാത്തതും അതിദിവ്യവുമായ താമരമാലയും ശിവൻ കൊടുത്തു. ഇതെല്ലാം കണ്ട ഹിമവാനാകട്ടെ തൻ്റെ ഗുഹകളിൽ പാർക്കുന്ന നല്ല ലക്ഷണമൊത്ത സിംഹത്തെ ദേവിക്ക് വാഹനമായി കൊടുത്തു. അങ്ങനെ സർവാഭരണവിഭൂഷിതയായ് സ്വർണവർണ്ണമുള്ള സിംഹത്തിൻ്റെ പുറത്ത് ദേവി ആസനസ്തയായി. അപ്പോൾ മഹാവിഷ്ണു തൻ്റെ സുദർശനചക്രം ദേവിക്ക് നല്കി, പരമേശ്വരൻ ത്രിശൂലവും ഇന്ദ്രൻ വജ്രായുധവും, ബ്രഹ്മാവ് ഗംഗാജലം നിറച്ച കമണ്ഠലവും വരുണൻ പാശവും വാളും പരിശയും കൊടുത്തു.* *വിശ്വകർമ്മാവ് തൻ്റെ മൂർച്ചയുള്ള മഴുവും, അമൃത് നിറച്ച രത്നപാത്രം ദേവിക്ക് കുബേരൻ നല്കി. നിങ്ങളെ ഭയത്തിൽ നിന്ന് മോചിപ്പിച്ച് ദേവി നിങ്ങളുടെ ആഗ്രഹങ്ങളെല്ലാം സാധിപ്പിച്ച് തരും, വിഷ്ണു പറഞ്ഞു. എല്ലാ ചൈതന്യങ്ങളും ഉൾക്കൊണ്ട് എല്ലാ കൈകളിലും നാനാ വിധത്തിലുള്ളവർ നല്കപ്പെട്ട ആയുധങ്ങളുമായി സിംഹത്തിന്റെ പുറത്തിരിക്കുന്ന ദേവിയെ ദേവന്മാർ സ്തുതിച്ചുകൊണ്ട് പരമേശ്വരി ഞങ്ങളെ മഹിഷാസുരനിൽന്നും രക്ഷിക്കണെ എന്ന അപേക്ഷിച്ചു.* *ദേവി പറഞ്ഞു: ദേവന്മാരെ, കഠിന വരം ലഭിച്ചതിന്റെ അഹങ്കാരത്താൽ മഹിഷൻ്റെ ബുദ്ധി മന്ദിച്ചിരിക്കുന്നു. സൃഷ്ടി സ്ഥിതി സംഹാരങ്ങൾ നടത്തുന്ന ബ്രഹ്മാവിഷ്ണുമഹേശ്വരന്മാർ പോലും മഹിഷാസുരനെ എങ്ങനെ വധിക്കാം എന്ന് ചിന്തിച്ച് ദുഃഖിക്കുന്നു. അവർ കൊടുത്ത വരം കൊണ്ടാണ് മഹിഷാസുരൻ ഇത്രയും അഹങ്കരിക്കുന്നെന്ന് പറഞ്ഞ് ദേവി മന്ദഹസിച്ചു, ശേഷം അതി ഭീകരമായി അട്ടഹസിച്ചു. അത് കേട്ട് കടലും മലയും ഭൂമിയും വിറച്ചു. യുദ്ധത്തിനൊരുങ്ങിയ അസുരപടയേയും മഹിഷാസുരനേയും കണ്ട ദേവി തൻ്റെ നിശ്വാസവായുവിൽ നിന്നും അനേകായിരം ഭൂതഗണങ്ങളെ ഉണ്ടാക്കി. അവർ യുദ്ധം തുടങ്ങി അസുര സൈന്യത്തെ ഒന്നാകെ നശിപ്പിച്ചു കഴിഞ്ഞപ്പോൾ മഹിഷാസുരനും ദേവിയും തമ്മിൽ യുദ്ധം തുടങ്ങി. മഹിഷാസുരനെ ദേവി തൻ്റെ ഘട്ഗം കൊണ്ട് വധിച്ചു. ദേവന്മാർ ആരവത്തോടെ പൂഷ്ഠവൃഷ്ടി നടത്തി.* *തുടരും......* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*