മക്കയില് ഒരു സ്ത്രീ ഉണ്ടായിരുന്നു. രീഥ ബിന്ത് സഅദ് എന്നായിരുന്നു ആ സ്ത്രീയുടെ പേര്. രാവിലെ മുതല് അവര് നൂല് നൂല്ക്കും. നല്ല ശക്തിയും ഉറപ്പുമുള്ള രീതിയിലായിരുന്നു അവര് നൂല് നൂറ്റിരുന്നത്. എന്നാല് വൈകുന്നേരമായാല് ഓരോ ഇഴകളായി അവര് അത് അഴിച്ചു കളയുകയും ചെയ്യും. ചെയ്തതു മുഴുവന് നിമിഷനേരം കൊണ്ട് ഉടച്ചുകളയുമെന്നര്ത്ഥം.
✍🏼ആ സ്ത്രീകഥാപാത്രത്തെ സൂചിപ്പിച്ചുകൊണ്ട് ഖുര്ആന് പറയുന്നു: “വളരെ ബലത്തില് നൂല് നൂറ്റശേഷം സ്വയം പല ഇഴകളായി അഴിച്ചുകളഞ്ഞ സ്ത്രീയെപോലെ നിങ്ങളാവരുത്.”
(അന്നഹ്ല് – 92)
വിശ്വാസിയുടെ മനസ്സില് സന്തോഷത്തിന്റെ വേലിയേറ്റം സൃഷ്ടിച്ചു കടന്നുവന്ന റമളാന് കടന്നുപോവുന്ന ഈ വേളയില് ഈ ചരിത്രകഥക്ക് ഏറെ പ്രസക്തിയുണ്ട്...
*💫എത്ര സന്തോഷത്തോടെയാണ്...*
എത്ര സന്തോഷത്തോടെയാണ് നാം റമളാനെ എതിരേറ്റത്. നമ്മുടെ മനസ്സും ശരീരവും ശുദ്ധമാക്കി റമളാനിലൂടെ നാം സഞ്ചരിച്ചു. നിസ്കാരങ്ങള് കൃത്യസമയത്ത് പള്ളികളിൽ പോയി ജമാഅത്തായി നിസ്കരിച്ചു. ഖുര്ആന് ഓതി. സക്കാത്തും സ്വദഖയും നല്കി. അല്ലാഹുﷻവിനോട് കൂടുതല് അടുത്തു. മറ്റുള്ളവനെക്കുറിച്ച് ഇഷ്ടമില്ലാത്തതും ഇല്ലാത്തതും പറയുന്നത് നിറുത്തി. ഒരു മാസംകൊണ്ട് ജീവിതത്തിന്റെ നിഖില മേഖലകളിലും മാറ്റം വരുത്തി...
ശവ്വാല് പിറ കാണുന്നതോടെ നാം ഈദ് ആഘോഷത്തിലേക്ക് നീങ്ങാനിരിക്കുകയാണ്. സക്കാത്ത് അല്-ഫിത്ര് നല്കി പെരുന്നാള് നിസ്കാരം കൂടി കഴിയുന്നതോടെ നാം ഇതുവരെ നേടിയെടുത്ത ഈ മതകീയ ഊര്ജ്ജം ഇനി ഊര്ന്നൊലിക്കാന് തുടങ്ങും. അടുത്ത ഒരു വര്ഷത്തേക്കായി സംഭരിച്ച ഈ ദൈവിക ഊര്ജ്ജം നാം നിലനിറുത്താന് നമുക്ക് സാധിക്കാറുണ്ടോ..?
#🕌പുണ്യ റമളാൻ സ്റ്റാറ്റസുകൾ ☪️