ദേവോദയം🧡💛 Part-41 തേജസിന്റെ കണ്ണുകൾ ഇടയ്ക്ക് ഇടയ്ക്ക് പല്ലവിയിൽ പാളി വീണു കൊണ്ടിരുന്നു എങ്കിലും അവളത് അറിഞ്ഞില്ല... പക്ഷെ അവൻ നോക്കുന്നത് ദേവ് കാണുന്നുണ്ട്.. അത് കൂടുതൽ തേജസിനെ അപകടത്തിലേക്ക് നയിക്കുമെന്ന് ദേവിന് മനസ്സിലായി.. അവളുടെ ഭാഗത്ത് നിന്ന് ഒരു ഒഴിവാക്കൽ ഉണ്ടായാൽ അതവനെ തകർത്തിയേക്കും എന്നവന് തോന്നി.... അങ്ങനെ അവിടെ എത്തിയതും അഞ്ചാളും മൂന്ന് വഴിയ്ക്ക് പിരിഞ്ഞു... ക്ലാസ്സ്‌ ഒക്കെ എന്നത്തേയും പോലെ പോയി... പല്ലവിയ്‌ക്ക് പക്ഷെ ഇത്ര നാള് ലീവ് ആയത് കൊണ്ട് എഴുതാനും പഠിക്കാനും ഒക്കെ കൂടുതൽ ഉണ്ട്... വൈകുന്നേരം അഞ്ചാളും ഒരുമിച്ചു തന്നെ തിരിച്ചു വന്നു... രുദ്ര വീട്ടിലേക്ക് വിളിച്ചപ്പോൾ തേജസ്‌ പോകാൻ തയാറായില്ല... ദേവിന് പോണമെന്നു ഉണ്ടെങ്കിലും അവൻ തേജസിനെ സപ്പോർട്ട് ചെയ്തു പിന്നൊരിക്കൽ വരാമെന്നു പറഞ്ഞു... 🌜🌛🌜🌛🌜🌛🌜🌛🌜🌛 ദിവസങ്ങൾ പോയി മറഞ്ഞു... അങ്ങനെ അടുത്ത ഞായറാഴ്ച.. അതായത് പല്ലവിയുടെ പിറന്നാൾ... 🌸 രാവിലെ തന്നെ അവൾ എണീറ്റു കുളിച്ചു ഒരുങ്ങി അമ്പലത്തിൽ പോകാൻ... അടുത്ത് തന്നെയുള്ള അമ്പലം ആയതിനാൽ അവൾ നടന്നു പോകാമെന്നു കരുതി.. കാല് നല്ല രീതിയ്ക്ക് തന്നെ ഭേദമായി... രുദ്ര കൂടെ പോകുന്നുണ്ട്.. ഒരു കടുംപച്ച നിറത്തിലുള്ള ഹാഫ്സാരി ആണവളുടെ വേഷം... മുടി രണ്ട് സൈഡിൽ നിന്നും കുറച്ചു എടുത്ത് ക്ലിപ്പ് ചെയ്തിട്ടു... കണ്ണുകൾ വലുതായി തന്നെ കറുപ്പിച്ചു എഴുതി... ഒരു കുഞ്ഞു കറുത്ത പൊട്ട്... ചുവപ്പ് ലോക്കറ്റ് വരുന്ന ഒരു മാല..അതിന്റെ തന്നെ കമ്മലും... ഒരു ഗോൾഡൻ നിറത്തിലുള്ള വളയും.... അവൻ ആണെങ്കിൽ റെഡ് ഷർട്ടും അതെ കര വരുന്ന മുണ്ടും.... അവൻ തലേ ദിവസം തന്നെ ദേവിനെയും തേജസിനെയും എല്ലാം പറഞ്ഞു ഏർപ്പാടാക്കിയിരുന്നു.. അതായത് ഉച്ചയ്ക്ക് വീട്ടിൽ ഒരു സദ്യ... വൈകിട്ട് അവന്മാർ അവളെയും കൂട്ടി പുറത്തു പോകും...വീട്ടിൽ വെച്ചു കേക്ക് കട്ടിങ്..... ഇതിൽ അമ്പലത്തിൽ പോകുന്ന കാര്യം മാത്രേ അവൾക്ക് അറിയൂ.. ബാക്കി ഇവർ പ്ലാൻ ചെയ്തതിനെ കുറിച്ചു അവൾ അറിഞ്ഞിട്ടില്ല... അമ്മ സദ്യയുടെ കാര്യം ഏറ്റത് കൊണ്ട് അവർക്ക് വല്യ ടെൻഷൻ ഒന്നും ആവേണ്ടി വന്നില്ല.... അമ്പലത്തിൽ എത്തി അകത്തു കയറി പ്രതിഷ്ഠയിലേക്ക് മിഴികൾ നട്ട് അങ്ങനെ നിൽക്കുമ്പോൾ അവളുടെ മനസ്സ് ഒരായിരം ആഗ്രഹങ്ങൾ പ്രാർത്ഥനയുടെ രൂപത്തിൽ വിളിച്ചു പറയുന്നുണ്ടായിരുന്നു.... അവൾ 8 ആമത്തെ വയസ്സ് മുതൽ പഠിക്കുന്ന ഇൻസ്‌ട്രമെന്റ് ആണ് ഗിറ്റാർ... ഒരു ഗിറ്റാറിസ്റ്റ് ആവുന്നതിനു ഒപ്പം തന്നെ ഒരു നേഴ്സ് കൂടി ആവണമെന്നാണ് അവൾക്ക്.... അതോടൊപ്പം സന്തോഷത്തോടെ തന്റെ കുടുംബത്തോടൊപ്പം ഇഷ്ട്ടപ്പെട്ട ആളുടെ ഒപ്പം സന്തോഷകരമായ ജീവിതം.... ഇത്രയൊക്കെ ആ നടയിലേക്ക് നോക്കി മനസ്സിൽ പ്രാർത്ഥിക്കുമ്പോൾ കണ്ണുകൾ കലങ്ങി... പ്രാർത്ഥിച്ചു തിരിഞ്ഞു അവളെ നോക്കിയ രുദ്ര കണ്ടത് പ്രാർത്ഥനയിൽ മുഴുകി നിൽക്കുന്ന പല്ലവിയെ ആണ്.... പിന്നെ രണ്ടാളും പ്രദക്ഷിണമൊക്കെ വെച്ച ശേഷം അമ്പലത്തിനു പുറത്തേക്ക് പോയി... തിരിച്ചുള്ള യാത്രയിൽ രണ്ടാൾക്കും ഒരു പ്രേത്യേക ഉന്മേഷം ഒക്കെ തോന്നിയിരുന്നു... തിരിച്ചു വീട്ടിൽ എത്തിയപ്പോൾ ആണ് അമ്മ സദ്യ ഉണ്ടാക്കുന്നുണ്ട് എന്നവൾ അറിഞ്ഞത്... അവൾക്ക് ഒരുപാട് സന്തോഷം തോന്നി... അച്ഛനും വീട്ടിലുണ്ട്... എങ്കിലും ആഗ്രഹിക്കുന്ന ആരുടെയോ ബർത്ത്ഡേ വിഷ് കിട്ടാത്തതിന്റെ ദുഃഖം അവളെ വേട്ടയാടി.... അവൾ റൂമിൽ പോയി ഡ്രസ്സ് ഒക്കെ ചേഞ്ച്‌ ചെയ്തു വന്നു....വീട്ടിൽ ഇടുന്ന ഒരു സാധാരണ വേഷം.... "ഏട്ടാ...സദ്യയ്ക്ക് നമ്മൾ മാത്രേ ഉണ്ടാവു??" അവൾ ഫോണിൽ നോക്കി ഹാളിൽ ഇരിക്കുന്ന രുദ്രയെ നോക്കി ചോദിച്ചു.. "അല്ല... ദേവും തേജസും ദക്ഷും വരും... ചിലപ്പോൾ ദത്തേട്ടനും...." അവൻ പറഞ്ഞത് കേട്ട് അവളുടെ മുഖം പ്രകാശിച്ചു... "എന്ന ഞാൻ അടുക്കളയിൽ പോയി അമ്മയെ ഹെല്പ് ചെയ്യട്ടെ...." സന്തോഷത്തോടെ ആണവൾ അത് പറഞ്ഞിട്ട് അടുക്കളയിലേക്ക് ഓടിയത്.... രുദ്ര ഇവൾക്ക് ഇതെന്ത് പറ്റി എന്ന ഭാവത്തിൽ അവൾ പോകുന്നത് നോക്കി ഇരുന്നു.... 🌜🌛🌜🌛🌜🌛🌜🌛🌜🌛 "എടാ.. നീ റെഡി ആയോ??" ദേവ് ഫോണിലൂടെ ചോദിച്ചു.. "എടാ.. ഞാൻ വരണോ? എനിക്ക് വല്ല തലവേദനയോ പനിയോ മറ്റോ ആണെന്ന് നീ ചെന്നു പറ...." തേജസ്‌ പറഞ്ഞത് കേട്ട് ദേവിന് ചെറിയ ദേഷ്യം വന്നു.... "എടാ.. നീയല്ലേ സാധാരണ അവളുടെ ബര്ത്ഡേയ്ക്ക് മുന്നിട്ട് നിൽക്കുന്നത്.. ഇതിപ്പോ എന്ത്‌ പറ്റി?? മര്യാദക്ക് വന്നോ.." "എടാ.. ഞാൻ എങ്ങനെ??" "തേജു.. എനിക്കൊന്നും കേൾക്കണ്ട... നീ വരണം.. നീ വരും...! നീ അവളോടുള്ള സ്നേഹം മറന്നു വല്യ ത്യാഗം ഒന്നും ചെയ്യാൻ ഞാൻ എന്തായാലും പറയില്ല... പക്ഷെ ഇന്നത്തെ ദിവസം.. ദയവ് ചെയ്തു അവളെ വിഷമിപ്പിക്കരുത്... നീയില്ലാതെ ഞാൻ മാത്രം ചെന്നു കയറിയാൽ അവൾക്ക് വിഷമം ആവും... അതിന് ഇനി നീയെന്തൊക്കെ മുടക്ക് ന്യായങ്ങൾ പറഞ്ഞാലും...." "എടാ.. ദേവ... ഞാൻ " "എടാ.. ഞാൻ പറയുന്നത് നീ അങ്ങോട്ടൊന്നു കേൾക്ക്.... കഴിഞ്ഞ കുറച്ചു വർഷങ്ങൾ ആയി നമ്മൾ പരസ്പരം എല്ലാവരും സർപ്രൈസുകൾ കൊടുത്തുമൊക്കെ ആഘോഷിക്കാറില്ലേ?ഈ ദിവസവും അതുപോലെ കടന്നു പോകും.. അത്രേ ഉള്ളു... നീ അവളുടെ മുന്നിൽ വന്നു എന്ന് വെച്ച് പ്രേത്യേകിച്ചു ഒന്നും തന്നെ സംഭവിക്കാൻ പോകുന്നില്ല... എല്ലാം പഴയത് പോലെ തന്നെയാ...." "എടാ.. എന്നാലും... മനസ്സിൽ അങ്ങനെ ഒരു ഇഷ്ട്ടം ഉള്ളപ്പോൾ... ഞാൻ ചെയ്യുന്നത് തെറ്റല്ലേ ??" "ആണെങ്കിലും അല്ലെങ്കിലും നീ വന്നേ പറ്റു... വരില്ല എന്ന് തന്നെ ആണെങ്കിൽ ഞാൻ ഇന്ന് ചെന്ന് പല്ലവിയോട് അല്ല... രുദ്രയോട് എല്ലാം പറയും....." "വേ.. വേണ്ട... ഞാൻ വരാം...." "മ്മ്..." തേജസ്‌ പെട്ടെന്ന് ചാടി കേറി പറഞ്ഞതും ഒന്ന് മൂളിയിട്ട് ദേവ് കാൾ കട്ട്‌ ചെയ്തു.... 🌜🌛🌜🌛🌜🌛🌜🌛🌜🌛 "നിന്റെ മുഖം എന്താ തേജു വല്ലാതെ? എന്ത്‌ പറ്റി??" രുദ്രയുടെ അച്ഛൻ ആണത് ചോദിച്ചത്... മുഖം വല്ലാതെ ഇരിക്കുന്ന തേജസിനെ കണ്ടതും അച്ഛനും അമ്മയും പരസ്പരം നോക്കി.... "ഇവനെന്ത് പറ്റിടാ?" രുദ്ര ദേവിനെ നോക്കി ചോദിച്ചു.. "അ.. അത്... പ്രേത്യേകിച്ചു ഒന്നുല്ലടാ... അവനെന്തോ ചെറിയ പനി പോലെ...." "ഹോസ്പിറ്റലിൽ പോയില്ലേ ഏട്ട?" ആ ചോദ്യം വന്ന ദിശയിലേക്ക് അവരെല്ലാം നോക്കി... പല്ലവി ആണ്.... സ്റ്റെപ് ഇറങ്ങി താഴേക്ക് ഇറങ്ങി വരുന്നവളെ തേജസ്‌ അറിയാതെ നോക്കി ഇരുന്നു പോയി... പുറത്ത് പോകേണ്ടത് കൊണ്ട് ഡ്രസ്സ്‌ ഒക്കെ ചെയ്ത് റെഡി ആയാണ് വരവ്... ഒരു റെഡ് കുർത്തി ആണവളുടെ വേഷം... മുടി അഴിച്ച് ഇട്ടിരിക്കുന്നു... ഒരു കുഞ്ഞി പൊട്ട് മാത്രം.... വേറെ ചമയങ്ങൾ ഒന്നും തന്നെയില്ല... "ഏട്ടാ.. ചോദിച്ചത് കേട്ടില്ലേ??" അവൻ കണ്ണുകൾ ചിമ്മാൻ പോലും മറന്നു അവളിൽ മിഴികൾ പാകി നിന്നപ്പോൾ അവൾ വീണ്ടും ചോദിച്ചു... "ഏഹ്... ആ.. ആഹ്... കേട്ട്.." "എന്നിട്ട് എന്താ നീ ഒന്നും പറയാത്തെ?" രുദ്ര ആണത് ചോദിച്ചത്... "ഞ.. ഞാൻ പോയില്ല.. ഹോസ്പിറ്റലിൽ പോയില്ല..." അത്രമാത്രമേ അവനു പറയാൻ കഴിഞ്ഞുള്ളു.... ഇവനിത് എന്ത്‌ പറ്റി എന്ന ഭാവത്തിൽ രുദ്രയും പല്ലവിയും പരസ്പരം നോക്കി.. അപ്പോഴാണ് ദത്തനും ദക്ഷും വന്നത്.. പിന്നെ എല്ലാരും കൂടെ കേക്കും കട്ട്‌ ചെയ്തിട്ട് ഒരുമിച്ചിരുന്നു ഫുഡ്‌ കഴിച്ചു.... 🌜🌛🌜🌛🌜🌛🌜🌛🌜🌛 വൈകുന്നേരം ഏകദേശം 4 മണി കഴിഞ്ഞപ്പോൾ അവർ പുറത്ത് പോകാൻ ഇറങ്ങി.. ദത്തൻ ആണ് ഡ്രൈവ് ചെയ്തത്.. കോ- ഡ്രൈവിംഗ് സീറ്റിൽ ദക്ഷ്... പുറകിൽ ദേവ്, തേജസ്‌ & രുദ്ര.. പല്ലവി... ആദ്യം ബീച്ചിലേക്ക്  ആണവർ പോയത്... അവിടെ വെച്ചു സൂര്യൻ അസ്തമിക്കുന്നത് അവർ നോക്കി നിന്നു.... "തേജസേട്ടാ... എന്റെ ഫോട്ടോ എടുത്തു തരോ?" പല്ലവി അടുത്തേക്ക് വന്നു പുഞ്ചിരിയോടെ അവനോട് അത് ചോദിച്ചതും എന്ത്‌ മറുപടി നൽകണമെന്ന ആലോചനയിൽ അവൻ നിന്നു.... അടുത്ത് നിന്ന ദേവിനെ നോക്കിയപ്പോൾ എടുത്തു കൊടുക്ക് എന്ന് ആംഗ്യം കാട്ടി അവൻ.... "അ.. ആഹ്.." തേജസ്‌ പോക്കറ്റിൽ നിന്ന് ഫോൺ എടുത്തു...ശേഷം അവൾക്ക് ഫോട്ടോസ് എടുത്തു കൊടുക്കാൻ തുടങ്ങി.. അവൾ നല്ല രീതിയ്ക്ക് പോസ് ചെയ്തു നിന്നു... ഫോട്ടോ പിന്നെ എല്ലാരും കൂടെ നിന്ന് എടുക്കാൻ തുടങ്ങി... അതെല്ലാം കഴിഞ്ഞു അവർ ഒരു ഹോട്ടലിൽ ചെന്നു ഫുഡ്‌ ഒക്കെ കഴിച്ചിട്ടു നേരെ വിട്ടു മൂവി തിയേറ്ററിലേക്ക്.... ആ മൂവി കാണുന്ന സമയവും എന്ത്‌ കൊണ്ടോ തേജസിന്റെ മനസ്സ് അസ്വസ്ഥമായിരുന്നു.... അവനു എങ്ങനെ എങ്കിലും വീട്ടിൽ പോയാൽ മതിയെന്ന് തോന്നി....കാരണം അവന്റെ തൊട്ടടുത്ത സീറ്റിൽ പല്ലവി ആണ് ഇരിക്കുന്നത്... തേജസിനും ദേവിനും നടുവിൽ ആണവൾ ഇരിക്കുന്നത്.... സിനിമ ഒക്കെ കഴിഞ്ഞു രാത്രി 10:30 കഴിഞ്ഞു അവർ തിരിച്ചു യാത്ര തിരിച്ചപ്പോൾ..... പല്ലവിയെയും രുദ്രയെയും വീട്ടിൽ ആക്കി അവർ നേരെ ദേവിന്റെ വീട്ടിലേക്ക് പോയി.. തേജസ്‌ ഇന്ന് അവിടെ ആണ്.... 🌜🌛🌜🌛🌜🌛🌜🌛🌜🌛 "ഏട്ടാ.. തേജസേട്ടനു എന്തെങ്കിലും വിഷമം ഉണ്ടോ??" പല്ലവി വീടിന്റെ മെയിൻ ഡോർ കഴിഞ്ഞു അകത്തേക്ക് കയറിയതും രുദ്രയോട് ചോദിച്ചു... "ഏഹ്... ആഹ് അറിയില്ല... എനിക്കും എന്തൊക്കെയോ സ്പെല്ലിങ് മിസ്റ്റേക്ക് പോലെ തോന്നി....അവനു എന്തെങ്കിലും പറ്റിയിട്ടുണ്ട് എങ്കിൽ തന്നെ ദേവിന് അത് അറിയാമായിരിക്കും... അവനോടും ഞാൻ ചോദിച്ചു എങ്കിലും അവനും പ്രേത്യേകിച്ചു ഒന്നും വിട്ടു പറയുന്നില്ല...." "ഞാൻ.. ഞാനൊന്ന് ചോദിച്ചു നോക്കിയാലോ?" "നോക്ക്... എന്തെങ്കിലും പറയോന്ന് അറിയില്ല..." അങ്ങനെ നാളെ തന്നെ അവനോടു സംസാരിക്കാൻ പല്ലവി തീരുമാനമെടുത്തു...! തുടരും.. 🌜❤️🌛 ❤️🙂 #💞 നിനക്കായ് #📙 നോവൽ #💞 പ്രണയകഥകൾ