సెక్సు- సమ్మతి
మగవాళ్లకి ఐదు సెకండ్లలో నిటారుగా లేస్తుంది, ఆడవాళ్ళకి ఐదు నిమిషాలన్నా పడుతుంది లూబ్రికేట్ అవడానికి, ఈలోపు ర్యాపిడో ఆప్ లోలా గాభరా పడితే ఊరికే రాపిడే తప్ప రసజ్ఞత ఉండదు.
ఆడవాళ్ళు సమ్మతి ఇవ్వాలి. అదివ్వాలంటే వాళ్ళు సురక్షంగా ఉన్నామన్న భావన కలగాలి, ఆ కలిగాక నువ్వు కబుర్లు చెప్పాలి, కౌగిలించుకోవాలి ఇలా ఎన్నో చేస్తే వాళ్ళు సిద్ధం అవుతారు. అపుడు గానీ సుఖసంసారం జరగదు.
ఇవన్నీ చేసే ఓపిక, నైపుణ్యం లేనివాడు నేను పెళ్లాడాను కాబట్టి పడుకోవాలి అంటాడు. ఇవన్నీ అధిపత్య ధోరణికి ఆనవాళ్లు. ఇందులో ప్రేమ లేదు. యజమాని, నౌకరు సంబంధమే.
హిందూ వివాహ చట్టం ప్రకారం ఇద్దరూ లైంగిక క్రియలో పాల్గొంటామని సమ్మతి తెలిపినట్లే. అంతమాత్రాన అది ఎప్పడు బడితే అప్పుడు కాదు. అదే వివాహచట్టం క్రూరత్వాన్ని కూడా వివరించింది. నువ్వు రతి చెయ్యటం నా హక్కు అని కొట్టి, తిట్టి, బలవంతంగా సెక్సు చెయ్యటం క్రూరత్వం కిందకి వస్తుంది. చట్టం సమ్మతినిచ్చినా లైంగిక క్రియ అనేది ప్రేమతో కూడుకున్నది. ఆమె అనుమతి తీసుకోవడం, ఆమె సిద్ధంగా ఉన్నప్పుడు ముందుకెళ్లడం ఆమెకి, ఆమెతో ఉన్న బంధానికి గౌరవం ఇచ్చినట్లు. అప్పుడు ఇద్దరికీ ఆనందం. హిందూ వివాహ చట్టంలో సప్తపది పూర్తయితేనే వివాహం అయినట్లు. సప్తపది అంటే కలిసి నడవటం అంతే కానీ నువ్వు ముందు వెళ్తూ ఆమెని ఈడ్చుకెళ్లటం కాదు.
అలాగే సరైన కారణం లేకుండా భర్తకి సెక్సుకి నిరాకరించడం కూడా క్రూరత్వం కిందికే వస్తుంది. అది వివాహరద్దుకి చట్టం ఆమోదించిన ఒక కారణం. అలాగే సెక్సు చెయ్యమని బలవంతం చెయ్యటం, అజమాయిషీ చెయ్యటం, కొట్టడం, క్రూరత్వం చూపడం, ఎదుటివారు ఇబ్బందిని గుర్తించకపోవడం ఇవన్నీ సైకోపతిక్ వ్యక్తిత్వానికి సూచనలు. ఇది కూడా వివాహరద్దుకి ఒక కారణంగా చూపుతోంది చట్టం.
మగవాళ్ళు కూడా ఈ సాఫ్ట్ స్కిల్స్ (పడకగదిలో స్త్రీతో ప్రవర్తించే తీరు) నేర్చుకోలేకపోవడానికి కారణం సినిమాల్లో చూపకపోవడం, ఎక్కడా నేర్పకపోవడం అలాగే వాళ్ళు ఎక్కువగా చూసే పోర్నోగ్రాఫిక్ వీడియోలలో సరాసరి అంగచూషణ (బ్లోజాబ్) తో మొదలవడం లాంటివన్నీ కారణాలు.
మగవాళ్ళ మరియు ఆడవాళ్ళ లైంగిక వ్యవస్థలు ( సెక్సువల్ సిస్టమ్స్) చాలా వైవిధ్యమైనవి. మగవారి ఉద్రేకం ఎక్కువగా చూపు వలన ( ఆడవారిని నగ్నంగా చూడటం) అయితే, ఆడవాళ్ళకి స్పర్శ, మాటలు వలన ఎక్కువ వస్తుంది. మగవారి ఎరోటిక్ జోన్ ఎక్కువగా పెనిస్ ఇంకా దానిచుట్టూ ఉంటే, ఆడవారిలో ఒక్క యోని (వజైనా)మాత్రమే కాకుండా దేహంలో రకరకాల చోట్ల ఉంటుంది. మగవాళ్ళు త్వరగా ఉద్రేకానికి గురయ్యి, త్వరగా క్లైమాక్సుకి చేరి, త్వరగా అలసిపోతారు. ఆడవాళ్లు మెల్లిగా ఉద్రేకానికి గురయ్యి, మెల్లిగా క్లైమాక్సుకి చేరి, మెల్లిగా చల్లబడతారు. అలాగే సెక్సు అయ్యాక మగవాళ్ళు ఒంటరితనం కోరుకుంటే, ఆడవాళ్లు దగ్గరితనం కోరుకుంటారు. మగవాళ్ళు ఆర్గాజం వలన తృప్తి పొందితే, ఆడవాళ్ళు మొత్తం ప్రాసెస్ వలన తృప్తి పొందుతారు. కాబట్టి ఇద్దరి సిస్టమ్స్ లో చాలా మిస్మ్యాచ్ ఉంది. అది తెలుసుకోవడం ముఖ్యం.
ఇటువంటి ప్రాథమిక విషయాలు తెలియని వాళ్ళు ఆడవాళ్ళని సెక్సులో పాల్గొనమని ఇబ్బంది పెడుతూ ఉంటారు. వాళ్ళు భయానికో, కేవలం మగవారి మీద ఉన్న ప్రేమకో ఒప్పుకుంటారు తప్పితే పూర్తిగా సంసిద్ధం అయ్యి కాదు.
పెళ్లి చేసుకుని సెక్సు చెయ్యడం అనేది ఇద్దరూ ఆనందించడానికి అంతేకానీ కేవలం ఎవరో ఒకరికోరిక తీర్చుకోవడానికి కాదు. అటువంటి భావన ఉన్నవాళ్ళు ఒక తోలుబొమ్మ కొనుక్కుని మంచం మీద పడుకోవడం ఉత్తమం. బొమ్మని ఏం చేసుకున్నా ఫరవాలేదు.
అసలైన మగతనం ఆడవారి మనసు దోచుకోవడంలో ఉంది కానీ, వారి మానం దోచుకోవడంలో కాదు.
#సేకరణ#పోస్ట్ #⛳భారతీయ సంస్కృతి #👫బెస్ట్ కపుల్ స్టేటస్🥰 #💝మాంగళ్య బంధం