ShareChat
click to see wallet page
search
#Educational Updates #ప్రస్తుత వార్తలు మరియు తాజా వార్తలు🗞️🪐🔍 #📰ప్లాష్ అప్‌డేట్స్ #📰జాతీయం/అంతర్జాతీయం #▶️ తెలుగు వాట్సాప్ స్టేటస్ *_గుర్రంగూడ ఇక రిజర్వ్ ఫారెస్ట్_*
Educational Updates - గుర్రంగూడ ఇక రిజర్వ్ ఫారెస్ట్ ం సుప్రీంకోర్టులో అటవీ శాఖకు దక్కిన విజయం o త్వరలో హైదరాబాద్ సిటీకి మరో గ్రీన్ లంగ్ స్పేస్ హైదరాబాద్ , వెలుగు : రంగారెడ్డి జిల్లా హయత్ నగర్ మండలంలోని అటవీ భూములకు ఎట్టకేలకు మహ ర్దశ వచ్చింది . ఆక్రమణదారుల కబంద హస్తాల్లో చిక్కుకున్న గుర్రంగూడ అటవీ ప్రాంతానికి పూర్తి స్థాయి రక్షణ లభించనుంది . ఆమంగల్ డివిజన్ పరిధిలోని ఈ అటవీ భూమిని ' రిజర్వ్ ఫారెస్ట్ ' గా గుర్తిస్తూ తెలంగాణ ప్రభుత్వం చరిత్రాత్మక నిర్ణయం తీసుకుంది . మొత్తం 424 ఎకరాల 31 గుంటల భూమిని రిజర్వ్ ఫారెస్ట్ హోదాలోకి మారుస్తూ పర్యావరణ , అటవీ , సైన్స్ అండ్ టెక్నాలజీ శాఖ శుక్రవారం జీఓ జారీ చేసింది . తెలంగాణ ఫారెస్ట్ చట్టం -1967 లోని సెక్షన్ 15 ప్రకారం ఈ ఉత్తర్వులు ఇచ్చింది . గుర్రం గూడ అటవీ భూమికి సంబంధించి దశాబ్దాలుగా న్యాయపోరాటం సాగుతోంది . ముఖ్యంగా సాహెబ్నగర్ కలాన్ గ్రామంలోని సర్వే నంబర్ 201 / 1 లో ఉన్న 102 ఎకరాల భూమిపై ప్రైవేటు వ్యక్తులతో వివాదం నడిచింది . సాహెబ్ నగ ర్ కలాన్ కేసుగా ప్రసిద్ధి చెందిన ఈ వ్యవహారంలో అటవీ శాఖ అధికారులు పక్కా ఆధారాలతో కోర్టులో పోరాటం చేశారు . చివరకు సుప్రీంకోర్టు అటవీ శాఖ వాదనతో ఏకీభవిస్తూ తీర్పు ఇచ్చింది . దీంతో ఆ భూములపై ప్రభుత్వ హక్కులు ఖరారయ్యాయి . అటవీ భూములను ఆక్రమణల నుంచి కాపాడటంలో ఈ తీర్పు కీలక మలుపుగా నిలిచింది . నగరం చెంతన మరో పచ్చని వనం 424 ఎకరాలపై సర్కారు ఉత్తర్వులు GURRAMGUDA RF అటవీ సంరక్షణకు ప్రాధాన్యం : పీసీసీఎఫ్ డాక్టర్ సువర్ణ రిజర్వ్ ఫారెస్ట్ హోదా లభించడంపై అటవీ దళాల ముఖ్య సంరక్షణాధికారి ( పీసీసీఎఫ్ ) డాక్టర్ సి.సువర్ణ స్పందించారు . ఈ నిర్ణయంతో అటవీ భూములకు చట్టపరమైన రక్షణ లభిస్తుందని ఆమె తెలిపారు . ప్రభుత్వ మద్దతు , అధికారుల కృషితోనే ఈ భూములను కాపాడుకోగలిగామని చెప్పారు . ఇకపై ఇక్కడ ఆక్రమణలకు తావు ఉండదని , సీఎం ఆదేశాల మేరకు అటవీ భూముల పరిరక్షణకు కఠిన చర్యలు తీసుకుంటున్నామని పేర్కొన్నారు . హైదరాబాద్ చుట్టూ ఉన్న ఇలాంటి అటవీ ప్రాంతాలను అర్బన్ పార్కులుగా మార్చి పచ్చదనాన్ని పెంచుతామన్నారు . హైదరాబాద్ నగరం కాంక్రీట్ జంగిల్గా మారు తున్న తరుణంలో గుర్రంగూడ అటవీ ప్రాంతాన్ని ప్రభుత్వం ఒక భారీ అర్బన్ ఫారెస్ట్ పార్క్ అభివృ ద్ధిచే చేయాలని నిర్ణయించింది . 424 ఎకరాల భూమి నగర ప్రజలకు ఒక అద్భుతమైన గ్రీన్ లంగ్ స్పేస్ లా మారనుంది . ప్రకృతి ప్రేమికులు , పర్యావరణ ప్రియులు , కుటుంబాలతో కలిసి సేదతీరేందుకు వీలుగా ఇక్కడ సౌకర్యాలు కల్పించనున్నారు . పర్యావ రణంపై అవగాహన కల్పించే కేంద్రంగా కూడా దీనిని తీర్చిదిద్దనున్నారు . - ShareChat