#😇My Status #నేటి నా స్టేటస్ #ఎమ్.సత్యనారాయణ సిద్ధాంతి జయంతి శీర్షిక;"సాహిత్య తరంగిణి" తెలుగు నేలమీద పుట్టానని తెలుగు ద్వారానే సముచితమైన జ్ఞానాన్ని పొందగలిగానని తృప్తి పడుతున్నానన్న తెలుగు భాషాభిమాని ఆయన....!! ఆంధ్ర జాతి హితం కోసం ఆంధ్రాభిమానం పెంపొందించుకోవడం కోసం సాహిత్య సృష్టి చేశానని సగర్వంగా ప్రకటించిన అచ్చమైన ఆంధ్ర కవి ఆయన....!! విలువలతో కూడిన సాహిత్య జననానికి ఉపక్రమించి జగాన్ని, జనాన్ని , జాతిని మేల్కొల్పిన జాత్యాభిమాని ఆయన....!! స్వర్ణయుగంగా తన కాలాన్ని, సాహిత్యాన్ని తెలుగుభాషా సరస్వతికి సమర్పించిన పండిత కవి ఆయన...!! నన్నయ్య మార్గాన్నే నడిచి .... తెలుగు భాషను దేవి స్వరూపమైన భాషగా ఆరాధించిన రాష్ట్రాభిమాని ఆయన.!! సాహిత్య చరిత్రను ధిషణతో సుసంపన్నంచేసి‌... రాచ బాటలోనే శబ్ద విన్యాస కౌశలీ మధురిమలను వెతికిన "సాహిత్య తరంగిణి"ఆయన.....!! రస సిద్ధమైన మహాకవులు అమరులనే భర్తృహరి వాక్యాలు నూరుపాళ్లు వర్తించే "అమరకవి "ఆయన....!! "ఆంధ్రీమయమూర్తిగా".. . తనువెల్లా తెలుగుదనం నిండిన ... ఆయన అందించిన స్ఫూర్తి.... ఈతరానికి ఆదర్శం కావాలి తెలుగు భాష పట్ల మక్కువ పెరగాలి.!! ( కవిప్రభువు "మధునాపంతుల సత్యనారాయణ శాస్త్రి"గారి జయంతి సందర్భంగా..)