നീലക്കുറിഞ്ഞിക്കാട്ടിലെ നീലക്കുറുക്കൻ (102) "ഹായ്... ചന്ദ്രനിൽ നിന്നും ഞാൻ റോബോട്ട്സൺ സ്പീക്കിങ്ങ്...അടുത്തിടെയായി കേരളത്തിൽ നിന്നും ചന്ദ്രനിലേക്ക് കുടിയേറി പാർത്ത സിനിമാക്കാരൻ അല്പം പ്രശ്നക്കാരൻ എന്നാണ് തോന്നുന്നത്... സിനിമാ ഷൂട്ടിങ്ങിന് എന്നും പറഞ്ഞ് വന്ന അദ്ദേഹം ഇപ്പോൾ ചന്ദ്രനിൽ ഫിലിം സിററി സ്ഥാപിക്കാൻ പോകുന്നു എന്നാണ് ഇപ്പോൾ കിട്ടിയ വാർത്ത. ചന്ദ്രനിൽ മുഴുവൻ അദ്ദേഹം ആധിപത്യം സ്ഥാപിച്ചെന്നും, ഇനി ചന്ദ്രനിൽ സിനിമാ ഷൂട്ടിങ്ങിൻ്റെ പൂക്കാലവും, വസന്തോത്സവവുമായിരിക്കുമെന്നാണ് ഇപ്പോൾ പറയുന്നത്. ഫിലിം സിററിയുടെ നിർമ്മാണം പൂർത്തിയായാലുടനെ ലോകത്തിലെ സിനിമാക്കാർക്കും ഫിലിം സിററി വാടകയ്ക്ക് കൊടുക്കുമെന്നും പറയപ്പെടുന്നു. ചന്ദ്രൻ സിനിമാ ഷൂട്ടിങ്ങിന് ഭൂമിയേക്കാൾ മനോഹരവും, ചെലവ് വളരെ കുറവുമാണെന്ന് അറിയാൽ വളരെ വൈകിപ്പോയെന്നും ഞങ്ങൾ നടത്തിയ അഭിമുഖത്തിൽ അദ്ദേഹം വെളിപ്പെടുത്തി. ചൈനീസ് ഭാഷയിൽ സംസാരിച്ച അദ്ദേഹം മറുനാടൻ ഭാഷകൾ പഠിക്കാൻ മലയാളികളും, മലയാളി റോബോട്ടുകളും പിശുക്കന്മാരാണെന്നാണ് അദ്ദേഹത്തിൻ്റെ പരിഹാസം. ചന്ദ്രനിലെ നിലനില്പിന് വേണ്ടി ഡ്യൂപ്ലിക്കേറ്റുകാരായ ചൈനക്കാരെ ആശ്രയിക്കാതെ സ്വയം പര്യാപ്തരാകണമെന്നും അദ്ദേഹം ആഹ്വാനം ചെയ്തു. അതിന് എല്ലാവിധ സഹായ സഹകരണങ്ങളും അദ്ദേഹം വാഗ്ദാനം ചെയ്തു..." (തുടരും) #📙 നോവൽ #📔 കഥ #📖 കുട്ടി കഥകൾ #🍔 രുചി #🍲 ഇന്നത്തെ രുചി