രുദ്രദൃഷ്ടി: ഭാഗം 3 പാതാളത്തിലെ ശവക്കോട്ടയിൽ രുദ്രാവതിയുടെ ചൈതന്യം രക്തരക്ഷസ്സ് ആവാഹിക്കാൻ തുടങ്ങിയതോടെ പ്രപഞ്ചത്തിന്റെ താളം തെറ്റി… ഇന്ദ്രജിത്ത് രുധിരനുമായുള്ള പോരാട്ടം പൂർത്തിയാക്കി ശവക്കോട്ടയുടെ വാതിലിലെത്തുമ്പോഴേക്കും സമയം അതിക്രമിച്ചിരുന്നു….. രക്തരക്ഷസ്സിന്റെ അധിനിവേശം ഭൂമിയിൽ തുടങ്ങി……. വാരണാസിയിലെ ഗംഗാതടം രക്തവർണ്ണമായി മാറി. ആകാശം കീറിമുറിച്ചുകൊണ്ട് അഗ്നിഗോളങ്ങൾ ഭൂമിയിൽ പതിച്ചു…. രക്തരക്ഷസ്സിന്റെ അസുരസേന ഭൂമിയിലെ പുണ്യകേന്ദ്രങ്ങൾ ഓരോന്നായി തകർക്കാൻ തുടങ്ങി…. അതുമാത്രമല്ല, രക്തരക്ഷസ്സ് തന്റെ മാന്ത്രികശക്തി ഉപയോഗിച്ച് ദേവലോകത്തിന്റെ വാതിലുകൾ തകർത്തു. അമരാവതിയിൽ കറുത്ത പുക പടർന്നു. ദേവന്മാരുടെ ആയുധങ്ങൾ പോലും ആ അസുരശക്തിക്ക് മുന്നിൽ നിഷ്പ്രഭമായി…. "രുദ്രാവതിയുടെ ദേവചൈതന്യം എന്റെ കയ്യിലാണ്! ഇനി കാലഭൈരവന് പോലും എന്നെ തടയാനാവില്ല!" രക്തരക്ഷസ്സ് ദേവലോകത്തെ സിംഹാസനത്തിൽ ചവിട്ടി നിന്നുകൊണ്ട് അലറി….. താൻ സ്നേഹിച്ചവളെയും താൻ ജീവിക്കുന്ന ലോകത്തെയും തകർക്കുന്നത് കണ്ട ഇന്ദ്രജിത്തിന്റെ ഉള്ളിലെ സങ്കടം മാഞ്ഞു, പകരം അവിടെ ഉദിച്ചത് 'രുദ്രഭാവം' ആയിരുന്നു….. അവൻ കണ്ണുകളടച്ച് കാലഭൈരവനെ വിളിച്ചു. "മഹാദേവാ... ഇത് നിന്റെ ദാസനായ എനിക്ക് ഉള്ള പരീക്ഷണമെങ്കിൽ, എനിക്ക് നിന്റെ സംഹാരരുദ്രന്റെ ശക്തി നൽകുക!"... പെട്ടെന്ന് ഇന്ദ്രജിത്തിന്റെ ശരീരം വളരാൻ തുടങ്ങി. അവന്റെ ചർമ്മം കറുത്ത നിറമായി മാറി. തലയിൽ ജടകൾ ഉയർന്നു. കയ്യിൽ കാലഭൈരവന്റെ നീലജ്വാലകൾ പടരുന്ന ശൂലം പ്രത്യക്ഷപ്പെട്ടു. അവൻ പാതാളത്തിൽ നിന്ന് ഒരൊറ്റ കുതിപ്പിന് ദേവലോകത്തിന്റെ അതിർത്തിയിലെത്തി…. ഇതേ സമയം രക്തരക്ഷസ്സിന്റെ മാന്ത്രിക വലയത്തിനുള്ളിൽ രുദ്രാവതി ബോധരഹിതയായി കിടക്കുന്നുണ്ടായിരുന്നു... അവളുടെ ശരീരം വിളറി വെളുത്തിരുന്നു… "ഇന്ദ്രജിത്ത്..." മൃതപ്രായമായ അവളുടെ ചുണ്ടുകൾ അവന്റെ പേര് മന്ത്രിച്ചു. അവളെ ആ അവസ്ഥയിൽ കണ്ടപ്പോൾ ഇന്ദ്രജിത്തിന്റെ നെഞ്ച് പിടഞ്ഞു. പ്രണയം അവനെ ദുർബലനാക്കാൻ ശ്രമിച്ചെങ്കിലും, കാലഭൈരവന്റെ അനുഗ്രഹം അവനെ വീണ്ടും ഉണർത്തി. ദേവലോകത്ത് അവനും രക്തരക്ഷസ്സും തമ്മിലുള്ള മഹായുദ്ധം ആരംഭിച്ചു…. രക്തരക്ഷസ്സ് തന്റെ മായ ഉപയോഗിച്ച് മരിച്ചുപോയ ഇന്ദ്രജിത്തിന്റെ പൂർവ്വികരുടെ ആത്മാക്കളെ അവനെതിരെ തിരിച്ചു. അവർ ഇന്ദ്രജിത്തിനെ വളഞ്ഞുനിന്ന് കരയാനും ശാപവാക്കുകൾ ചൊരിയാനും തുടങ്ങി…. "ഇന്ദ്രജിത്ത്, നീ കാരണമാണ് ഞങ്ങൾ നരകിക്കുന്നത്!" ആ ശബ്ദങ്ങൾ അവന്റെ ചെവികളിൽ തുളച്ചുകയറി…. പക്ഷേ, ഇന്ദ്രജിത്ത് തന്റെ ഇടതുകണ്ണ് തുറന്നു. ആ കണ്ണിന്റെ തീക്ഷ്ണതയിൽ മായക്കാഴ്ചകൾ കരിഞ്ഞുപോയി. അവൻ രക്തരക്ഷസ്സിന്റെ മുന്നിലെത്തി തന്റെ ശൂലം ഉയർത്തി….. "നീ ഭൂമിയെയും ദേവലോകത്തെയും മോഹിച്ചു... പക്ഷേ നീ മറന്നുപോയത് ഒന്നുമാത്രം, കാലം എന്നത് ഭൈരവനാണ്. ആ കാലം നിനക്ക് നിശ്ചയിച്ച സമയം അവസാനിച്ചിരിക്കുന്നു!"... ഇന്ദ്രജിത്ത് രക്തരക്ഷസ്സിനെ ആക്രമിക്കാൻ ഒരുങ്ങിയപ്പോൾ, രക്തരക്ഷസ്സ് ചിരിച്ചു…. അവൻ രുദ്രാവതിയുടെ ഹൃദയത്തിന് നേരെ ഒരു കറുത്ത മന്ത്രവാൾ ചൂണ്ടി… "ഒരു അടി മുന്നോട്ട് വെച്ചാൽ ഇവളുടെ പ്രാണൻ പോകും. നീ ലോകത്തെ രക്ഷിക്കുമോ അതോ നിന്റെ പ്രണയിനിയെ രക്ഷിക്കുമോ?".... ഇന്ദ്രജിത്ത് പകച്ചുനിന്നു. ഒരു വശത്ത് ഭൂമിയുടെയും ദേവലോകത്തിന്റെയും നിലനിൽപ്പ്, മറുവശത്ത് തന്റെ ജീവന്റെ ജീവനായ രുദ്രാവതി….. തുടരും….. ✍️സന്തോഷ്‌ ശശി….. #📙 നോവൽ #💞 പ്രണയകഥകൾ #📔 കഥ #✍ തുടർക്കഥ #കഥ,ത്രില്ലെർ,ഹൊറർ