*📖നേർവായന* എപ്പിസോഡ് : 1344 ഇന്നത്തെ വിഷയം: നോമ്പ് : സുപ്രധാനമായ പത്ത് കാര്യങ്ങൾ ▪️ ഭാഗം - 03 ➖➖➖➖➖➖➖➖➖ 🔲എന്നാൽ, ഒരാൾ പതിവായി എടുക്കുന്ന സുന്നത്തു നോമ്പ് (ഉദാഹരണത്തിന് തിങ്കളാഴ്ച) ശഅ്ബാൻ മുപ്പതിന് വന്നാൽ അയാൾക്ക് അത് നോൽക്കാവുന്നതാണ്. പക്ഷേ, റമദാനിന് വേണ്ടിയുള്ള മുൻകരുതൽ എന്ന നിലയ്ക്ക് ആവരുത് എന്ന് മാത്രം. മൂന്നാം വിഷയം: രോഗിയുടെയും നോമ്പെടുക്കാൻ കഴിയാത്തവരുടെയും വിധി (حكم العاجز والمريض) നോമ്പെടുക്കാൻ കഴിയാത്തവർ രണ്ട് തരത്തിലുണ്ട്: 1. നോമ്പെടുക്കാൻ സാധിക്കാത്തവർ (العاجز): ▪️ ബുദ്ധിക്ക് തകരാറുള്ളവർ (മജ്നൂൻ): ഇവർക്ക് നോമ്പ് നിർബന്ധമില്ല. ഇവർക്കോ ഇവരുടെ രക്ഷിതാക്കൾക്കോ ഇതിൽ യാതൊരു ബാധ്യതയുമില്ല. കാരണം അവർക്ക് മതപരമായ കൽപ്പളുകൾ (തക്ലീഫ്) ബാധകമല്ല. ▪️ ബുദ്ധിയുണ്ട്, പക്ഷേ പ്രായാധിക്യം കൊണ്ടോ മറ്റോ നോമ്പെടുക്കാൻ ശാരീരിക ശേഷിയില്ലാത്തവർ: ഇവർ നോമ്പിന് പകരം ഓരോ ദിവസത്തിനും ഭക്ഷണം നൽകണം (ഫിദ്യ). ഇവർക്ക് വേണ്ടി മറ്റാരെങ്കിലും ഭക്ഷണം നൽകിയാലും മതിയാകും. ➖➖➖➖➖➖➖➖ Join Our WhatsApp Group: https://qr1.be/4M9V ➖➖➖➖➖➖➖➖ അല്ലാഹുവിൻ്റെ വചനം: وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينَ അതല്ല, (ഞെരുങ്ങിക്കൊണ്ട് മാത്രം) അതിന്നു സാധിക്കുന്നവര്‍ (പകരം) ഒരു പാവപ്പെട്ടവന്നുള്ള ഭക്ഷണം പ്രായശ്ചിത്തമായി നല്‍കേണ്ടതാണ്‌. [അൽ-ബഖറ: 184] قَالَ ابْنُ عَبَّاسٍ : …… هُوَ الشَّيْخُ الْكَبِيرُ وَالْمَرْأَةُ الْكَبِيرَةُ لاَ يَسْتَطِيعَانِ أَنْ يَصُومَا، فَلْيُطْعِمَانِ مَكَانَ كُلِّ يَوْمٍ مِسْكِينًا‏.‏ ഇബ്‌നു അബ്ബാസ് (رَضِيَ ٱللّٰهُ عَنْهُ) പറഞ്ഞു: നോമ്പെടുക്കാൻ സാധിക്കാത്ത വൃദ്ധനും വൃദ്ധയുമാണത്. അവർ ഓരോ ദിവസത്തിനും പകരം ഓരോ അഗതിക്ക് ഭക്ഷണം നൽകണം. [ബുഖാരി: 4505] ഭക്ഷണം നൽകുന്ന രീതി രണ്ട് വിധത്തിലാവാം: 1. ഓരോ ദിവസത്തിനും ഏകദേശം ഒന്നര കിലോ അരി (അര സ്വാഅ്) വീതം അഗതിക്ക് നൽകുക. 2. അല്ലെങ്കിൽ നോമ്പ് നഷ്ടപ്പെട്ട ദിവസങ്ങളുടെ എണ്ണത്തിനനുസരിച്ച് അഗതികളെ വിളിച്ചുവരുത്തി വയറുനിറയെ ഭക്ഷണം (സദ്യ) നൽകുക. ➖➖➖➖➖➖➖➖ Like and Follow Our Facebook page: https://www.facebook.com/WisdomMediaChannel/ ➖➖➖➖➖➖➖➖ ഇത് ഓരോ ദിവസവും വെവ്വേറെയോ, അല്ലെങ്കിൽ മാസാവസാനമോ, മാസത്തിൻ്റെ ഇടയിലോ എല്ലാം കൂടി ഒന്നിച്ചോ നൽകാവുന്നതാണ്. 2. രോഗി (المريض): ഇവർക്ക് മൂന്ന് അവസ്ഥകളാണുള്ളത്. 1. നിസ്സാര രോഗം: ചെറിയ മുറിവോ, ചെറിയ ജലദോഷമോ പോലെ നോമ്പിന് പ്രയാസമില്ലാത്ത രോഗമാണെങ്കിൽ നോമ്പ് ഒഴിവാക്കാൻ പാടില്ല. അയാൾ നോമ്പ് നിർബന്ധമായും എടുക്കണം. 2. നോമ്പ് പ്രയാസമുണ്ടാക്കുന്ന രോഗം: നോമ്പെടുക്കുന്നത് രോഗം മൂർച്ഛിക്കാനോ രോഗശമനം വൈകാനോ കാരണമാകുമെന്ന് ഡോക്ടർ പറയുകയോ അനുഭവത്തിലൂടെ ബോധ്യപ്പെടുകയോ ചെയ്താൽ അയാൾ നോമ്പ് ഒഴിവാക്കണം. സ്വന്തം ശരീരത്തെ സംരക്ഷിക്കൽ നിർബന്ധമാണ്. അല്ലാഹു നൽകിയ ഇളവുകൾ സ്വീകരിക്കുന്നതാണ് അവന് ഇഷ്ടം. 3. കഷ്ടപ്പെട്ട് നോൽക്കാൻ കഴിയുന്ന രോഗം: പ്രയാസമുണ്ടെങ്കിലും നോമ്പെടുക്കാൻ സാധിക്കുമെങ്കിൽ നോമ്പെടുക്കലോ ഒഴിവാക്കലോ അനുവദനീയമാണ്. ➖➖➖➖➖➖➖ Like and Follow Our Instagram Page: https://www.instagram .com/wisdom_media_channel/ ➖➖➖➖➖➖➖➖ നോമ്പ് വീണ്ടെടുക്കൽ (ഖളാഅ്): രോഗം രണ്ട് തരത്തിലുണ്ട്: 1. മാറുമെന്ന് പ്രതീക്ഷയില്ലാത്ത രോഗം (Chronic Illness): ഡോക്ടർമാർ കൈയ്യൊഴിഞ്ഞ, ഭേദമാകാൻ സാധ്യതയില്ലാത്ത രോഗമുള്ളവർക്ക് നോമ്പ് ഖളാഅ് വീട്ടേണ്ടതില്ല. കാരണം അവർക്ക് ഒരുകാലത്തും അതിന് സാധിക്കില്ല. ഇവർ പ്രായാധിക്യം വന്നവരെ പോലെ ഓരോ ദിവസത്തിനും ഫിദ്യ (ഭക്ഷണം) നൽകണം. 2. മാറുമെന്ന് പ്രതീക്ഷയുള്ള രോഗം: രോഗം ഭേദമായ ശേഷം അവർ നോമ്പ് ഖളാഅ് വീട്ടണം. ഇവർക്ക് പകരം ഭക്ഷണം നൽകിയാൽ മതിയാകില്ല. അടുത്ത റമദാൻ ആയാലും ശരി, രോഗം മാറിയ ശേഷം നോമ്പ് നോൽക്കണം. ➖➖➖➖➖➖➖➖➖ Source: Kanzul uloom #peaceradio #WisdomIslam #harisbinsaleem