ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6BdNdzG?d=n&ui=v64j8rk&e1=cമന്ത്രകോടി :പാർട്ട്‌ -4💚🌺 ഭാമേ .......ഭാമേ ....... വീടെത്തി ....... ചിന്തകളിൽ മുഴുകി ചെറുമയക്കത്തിലേക്ക് വീണവളെ നന്ദൻ തട്ടിവിളിച്ചു . ഭാമ ഞെട്ടിയുണർന്നു...... വീടെത്തി...... തന്നെ കണ്ണ്മിഴിച്ച് നോക്കിയിരിക്കുന്നവളോടായി അവൻ പറഞ്ഞു . ശേഷം നന്ദൻ ഡോർ തുറന്ന് പുറത്തേക്കിറങ്ങി . പിന്നാലെ തന്നെ ഭാമയുമിറങ്ങി മനോഹരമായൊരു തറവാട് വീട് . ഒരുപാട് വലുതല്ല എന്നലൊട്ട് ചെറുതുമല്ല . ഉമ്മറക്കോലായിൽ കുറച്ച് അയൽക്കാരും ബന്ധുക്കളുമെല്ലാം നിൽക്കുന്നുണ്ട് . എല്ലാവരും തന്നെയും നന്ദനെയും കണ്ണെടുക്കാതെ നോക്കുകയാണ് . നന്ദൻ അകത്തേക്ക് കയറാൻ പടിക്കെട്ടിനു മുന്നിലേക്ക്‌ വന്നു നിന്നതും താനും അവനെ അനുഗമിച്ച് പിന്നാലെ വന്നു നിന്നു. അപ്പോഴേക്കും ഉമ്മറത്ത് കൂട്ടം കൂടി നിന്നവരെയൊക്കെ വകഞ്ഞു മാറ്റി ഇരുവരെയും സ്വീകരിക്കുവാൻ നിലവിളക്കുമായി അമ്മ പുറത്തേക്കിറങ്ങി വന്നു . രണ്ടുപേരെയും ആരതി ഉഴിഞ്ഞു ...... ശേഷം ഭാമയുടെ മുന്നിലേക്ക്‌ നീങ്ങി നിന്ന് നിറഞ്ഞ മനസ്സോടെ ദേവകിയമ്മ അവളുടെ കൈകളിലേക്ക് നിലവിളക്കു നൽകി ...... വലതുകാൽ വച്ച് അകത്തേക്ക് കയറി വാ മോളെ ...... അവൾക്കായ് വഴിമാറികൊടുത്തുകൊണ്ട് അവർ പറഞ്ഞു . ഉടുത്തിരുന്ന സാരിയൊന്ന് ചെറുതായ് ഉയർത്തിപ്പിടിച്ച് അവൾ അകത്തേക്ക് കയറി അയൽക്കാരും ബന്ധുക്കളുമെല്ലാം അവർക്ക് പിന്നാലെ അകത്തേക്ക് ചെന്നു . നന്ദൻ അകത്തേക്ക് കയറിയതും നേരെ അവന്റെ റൂമിലേക്ക്‌ പോയിക്കളഞ്ഞു . നിലവിളക്ക് വയ്ക്കാനായി ദേവകിയമ്മ അവൾക്ക് പൂജാമുറി കാണിച്ചു കൊടുത്തു . അതിന് മുന്നിൽ ഒരു നിമിഷം ഒന്ന് കൈകൂപ്പി നിന്നു. ശേഷം പുറത്തേക്കു വന്ന ഭാമയ്ക്ക് വേഷം മാറാനായി നന്ദന്റെ മുറി കാണിച്ചു കൊടുക്കാൻ തന്റെ അനിയത്തിയുടെ മകളായ പാറുവിനെ ഏൽപ്പിച്ചു . എന്തുണ്ടെങ്കിലും അമ്മയോട് പറഞ്ഞാൽ മതിയെന്ന നിർദ്ദേശവും നൽകി ദേവകിയമ്മ തിരക്കിലേക്ക് തിരിഞ്ഞു . ഭാമയേയും കൊണ്ട് പാറു നന്ദന്റെ മുറിയിലേക്ക് എത്തിയപ്പോൾ നന്ദൻ റൂമിന് ഒരു വശത്തായി കാണുന്ന ജനാലയിലെ താഴെയുള്ള ചെറു ഭിത്തിയിൽ കൈഊന്നി പുറത്തേക്കു നോക്കി നിൽക്കുകയായിരുന്നു . പാദസ്വരത്തിന്റെ നേരിയ കിലുക്കം കേട്ടതുകൊണ്ടാകാം നന്ദൻ മെല്ലെ തലചരിച്ചു നോക്കി . വാതിൽ കഴിഞ്ഞു കുറച്ച് അകത്തേക്ക് കയറി നിൽക്കുന്ന ഭാമയെ കണ്ടതും നന്ദൻ മുഴുവനായും തിരിഞ്ഞ് നിന്ന് അവളെ നോക്കി . പെട്ടന്നായിരുന്നു പുറത്ത് നിന്നും കൈയിൽ ഒരു കവറുമായി ഭാമയ്ക്ക് പിന്നാലെ പാറു കയറി വന്നത് . ഏട്ടാ ഏട്ടത്തിക്ക് ഡ്രെസ്സ് മാറ്റാണായിരുന്നു മുറിയിൽ നന്ദനെ കണ്ടതും പാറു പറഞ്ഞു . അത് കേട്ടതും അവൻ പെട്ടന്ന് തന്നെ അവരെക്കടന്ന് പുറത്തേക്കിറങ്ങിക്കൊടുത്തു ഇരുവരും അകത്തേക്ക് കയറി മുറി കുറ്റിയിട്ടു . പാറു കവറുകൾ ഓരോന്നായി കട്ടിലിലേക്ക് എടുത്തു വച്ചു . മുറിയിലേക്ക് കയറിയതും ഭാമ ആ റൂമാകെ ഒന്ന് വീക്ഷിക്കുകയായിരുന്നു . അടുക്കും ചിട്ടയുമുള്ള മനോഹരമായൊരു മുറി . ചുവരോട് ചേർന്നൊരു കട്ടിൽ അതിൽ വൃത്തിയായി വെള്ളവിരിപ്പ് വിരിച്ചിട്ടുണ്ട് . റൂമിന്റെ ഒരു വശത്തായി ഒരു തടിയലമാര അതിനിടത് വശം ബാത്‌റും . കുറച്ച് മാറി ഇരുവാതിലുള്ള ജനൽ അവിടെ നിന്നു നോക്കിട്ടാൽ തൊടിയിൽ പടർന്ന് പന്തലിച്ചു നിൽക്കുന്ന മൂവാണ്ടൻ മാവും മറ്റ് മരങ്ങളും കാണാം ...... ജനാലക്കൊരുവശം ഒരു ചെറിയ മേശയും കസേരയുമാണ് . അതിന് മുകളിൽ കുറച്ച് ബുക്കും പുസ്തകങ്ങളും ടാഗ് കെട്ടിയ അൻസർ ഷീറ്റുകളും അടുക്കി വച്ചിട്ടുണ്ട് .കൂടാതെ ഒരു ടേബിൾ ലൈറ്റും അതിനടുത്തു ഒരു റേഡിയോയും മേശ ചേർത്തിട്ട് ഇരിക്കുന്ന ചുവരില് തൊട്ടുമുകളിലായി രണ്ടുവരിയുള്ള ഷെൽഫ് അതിൽ കുറേ പുസ്തകങ്ങൾ അതായിരുന്നു നന്ദന്റെ മുറി ...... വല്ലാത്തൊരു കൗതുകത്തോടെ ആ മുറി നോക്കിക്കണ്ട ഭാമയെ രണ്ടു തവണ പാറു വിളിച്ചതും ഭാമ പെട്ടന്ന് തിരിഞ്ഞു നോക്കി . ഏട്ടത്തിക്കുള്ള കുറച്ച് ഡ്രെസ്സ് അലമാരയിൽ ഉണ്ടെന്ന് ദേവുമ്മ പറഞ്ഞിരുന്നു . അതിൽ നിന്ന് അടിവസ്ത്രങ്ങളും ടൗവ്വലും എടുക്കാം . ഇപ്പോ കുളിച്ചിട്ട് ഇടാനായി ദേവുമ്മ എന്റെ കൈയിൽ തന്നുവിട്ടതാ ഈ കവറിൽ . ഇതിൽ ഏതേലും ഇപ്പോ ഇടാം . കട്ടിലിൽ വച്ച കവർ കൈയിൽ എടുത്തുകൊണ്ട് അവൾ പറഞ്ഞു . നോക്കിയേ ഇതിൽ ഏതു വേണമെന്ന് ..... കവറിനകത്തു നിന്നും ഒരു സാരിയും ചുരിതാറും അവൾ പുറത്തേക്കെടുത്തു . പച്ചയും വൈലറ്റും ചേർന്ന ഒരു സാരിയും ഓറഞ്ച് കളറിൽ ഒരു അനാർക്കലി ചുരിതാറും . അവൾ രണ്ടും നോക്കിയതിനു ശേഷം സാരിയുടെ കവർ കൈയിലേക്ക് വാങ്ങി ഇതു മതി അവൾ അതിലേക്കു നോക്കി പറഞ്ഞു . ഹ്മ്മ്മ് ...... എനിക്ക് തോന്നി ചേച്ചി സാരിയെ പറയുള്ളൂന്ന് . ഒരു പുഞ്ചിരിയോടെ ഭാമയെ നോക്കി പാറു പറഞ്ഞതും ഭാമയും പുഞ്ചിരിച്ചു . ശേഷം പാറു മുല്ലപ്പൂക്കളുടെ കെട്ട് അവളുടെ തലയിൽ നിന്ന് അഴിക്കാൻ തുടങ്ങി . എല്ലാം ഊരി വച്ചപ്പോഴേക്കും വല്ലാത്തൊരു ആശ്വാസം തോന്നി ഭാമയ്ക്ക് . ഇനി ഏടത്തി ഫ്രഷ് ആയി വാ ഞാൻ എവിടെ ഇരിക്കാം . ഒരു ടൗവൽ കൂടെ അവൾക്ക് നൽകികൊണ്ട് പാറു പറഞ്ഞു . ഹ്മ്മ്മ് ..... ഭാമ ഒരു മൂളലോടെ അവളിൽ നിന്ന് പാവാടയും ബ്ലൗസും വാങ്ങി . സാരി ഇറങ്ങിയിട്ട് ഉടുക്കാം ഏട്ടത്തി . ബാത്‌റൂമിൽ വച്ച് ഉടുത്ത് മുഴുവൻ നനയ്ക്കണ്ട . ഭാമ തലയാട്ടിക്കൊണ്ട് ബാത്റൂമിലേക്ക് നടന്നു . ശേഷം അരമണിക്കൂറിൽ അവൾ പുറത്തേക്കിറങ്ങി. അപ്പോഴേക്കും കട്ടിലിലിരുന്ന് ഫോൺ നോക്കിയിരുന്ന പാറുവും എഴുന്നേറ്റു . ഞാനൊന്നു മുഖം കഴുകിയിട്ടു വരാം . ഏട്ടത്തി സാരി ഉടുക്കാൻ തുടങ്ങിക്കോ . അവൾ അതും പറഞ്ഞു ബാത്റൂമിലേക്കു നടന്നു .... പാറു മുഖം കഴുകി പുറത്തിറങ്ങുമ്പോൾ ഭാമ സാരി പകുതിയും ഉടുത്തിരുന്നു . കുറച്ച് നിമിഷങ്ങൾ കൊണ്ട് തന്നെ അവൾ നന്നായി സാരിയുടുത്ത് കഴിഞ്ഞിരുന്നു . മുടി കുളിർപ്പിന്നൽ തെറ്റിയിട്ടു കണ്ണാടിയിലേക്ക് നോക്കി . പ്രതേകിച് ചമയങ്ങളൊന്നുമില്ല പൊട്ട് ഇളകിപോയിട്ടില്ല സിന്ദൂരം നെറ്റിമേൽക്കുറച്ചു പടർന്ന് കിടപ്പുണ്ട് രാവിലെ കണ്ണിലെഴുതിയ കരി നേരിയ രീതിയിലുണ്ട് . അത് മാത്രം മതിയായിരുന്നു ആ വിടർന്ന കണ്ണിന്റെ ഭംഗിയറിയാൻ . കഴുത്തിൽ താലിമാലയുടെ തിളക്കം നന്നായി എടുത്തു കാണാം അവൾ പാറുവിനു നേരെ തിരിഞ്ഞു ആഹാ അടിപൊളി സുന്ദരിയായിട്ടുണ്ട് . പാറു അടിമുടി നോക്കി പറഞ്ഞു ഭാമ ഒന്ന് ചിരിച്ചു . ശേഷം പാറു അവളുടെ കൈയിലിരുന്ന മുല്ല മാല ഭാമയുടെ മുടിയിലേക്ക് വച്ചുകൊടുത്തു ഇനി താഴേക്കു പോകാം . പാറു അവളെയും വിളിച്ചു പുറത്തേക്കിറങ്ങി . അപ്പോഴേക്കും നന്ദൻ കോണിപ്പടികൾ കയറി മുകളിലേക്കു വരികയായിരുന്നു .പാറു മുന്നേ നടന്ന് കോണിപ്പടികളിറങ്ങി . പിന്നിലായി ഇറങ്ങി വന്ന ഭാമയെ കണ്ടതും അവനൊന്നു നിന്നു. ഒരു നിമിഷം അറിയാതെ അവളിലേക്ക്‌ കണ്ണ് പാഞ്ഞു . ഏട്ടാ പെട്ടന്ന് ഫ്രഷായി താഴേക്കു വരണേ എട്ടനുള്ള ഷർട്ട് കട്ടിലിൽ വച്ചിട്ടുണ്ട് . താഴേക്കിറങ്ങി തിരിഞ്ഞുനിന്ന് പാറു വിളിച്ചു പറഞ്ഞതും അവൻ നോട്ടം പിൻവലിച്ചു . ശേഷം മുകളിലേക്ക് കയറി പ്പോയി . അത് കണ്ടതും ഭാമയ്ക്ക് മനസ്സിൽ ഇപ്പോഴുള്ള ഭാരത്തിനു മുകളിൽ വീണ്ടുമൊരു ഭാരം എടുത്ത് വയ്ക്കപ്പെട്ടതു പോലെ തോന്നി . ✨️✨️ കല്യാണത്തിനു വരാൻ കഴിയാത്ത കുറച്ച് അയൽക്കാരും ബന്ധുക്കളും വൈകിട്ട് വന്നു തുടങ്ങിയിരുന്നു . നന്ദനും ഫ്രഷ് ആയി താഴേക്കു വന്നതോടെ രണ്ടു പേർക്ക് ചുറ്റും പരിചയക്കാർ വളഞ്ഞു . ദേവകി ടീച്ചറും അവരുടെ പിന്നാലെ തന്നെയായിരുന്നു .... മഹിയുടെ കാര്യം എല്ലാവരും തിരക്കിയിരുന്നു ..... ഒരു ഒഴുക്കൻ മട്ടിൽ ദേവകി ടീച്ചർ അത് കൈകാര്യം ചെയ്തുവിട്ടു . എന്നിട്ടും ചിലർ അതിനെ ക്കുറിച്ച് ചികയുന്നുണ്ടായിരുന്നു . ദേവകിയമ്മ അതിനത്ര ചെവികൊടുത്തതുമില്ല . രാത്രി ഒൻപതു മണിയായി എല്ലാവരും പോയപ്പോ . പാറുവും അച്ഛനും അമ്മയും ഒഴിച്ച് ബാക്കി വീട്ടിൽ നിന്ന ബന്ധുക്കളും പോയിരുന്നു . ഭാമയ്ക്കും നന്ദനും അത്രയും നേരത്തേ ക്ഷീണം പ്രകടമായിരുന്നു . നന്ദൻ റൂമിലേക്ക്‌ പോയതും പാറു ഭാമയെയും കൂട്ടി അടുക്കളയിലേക്കു നടന്നു . അപ്പോഴേക്കും ദേവകിയമ്മ പാല് ചൂടാക്കി ഗ്ലാസ്സിലേക്കു പകർത്തുകയായിരുന്നു . അവളെ കണ്ടതും ദേവകിയമ്മ അവൾക്കടുത്തേക്കു വന്നു . ക്ഷീണിച്ചോ ..... അവളെ ചേർത്ത് നിർത്തിക്കൊണ്ട് അവർ ചോദിച്ചു ..... കുറച്ച് .....അവൾ മറുപടി പറഞ്ഞു . ശേഷം ദേവകിയമ്മ തിരിഞ്ഞു നിന്ന് നിറച്ച് വച്ച പാൽ ഗ്ലാസ്‌ അവൾക്ക് നൽകി ഇപ്പോ ഇതൊരു ഒരു ചടങ്ങായി കണ്ടാൽ മതി . ആദ്യം രണ്ടുപേരും സംസാരിക്കണം . രണ്ടുപേർക്കും ജീവിതത്തിലേക്ക് കടക്കാൻ സമയം വേണം ........ നന്ദൻ പണ്ടുമുതലേ ഒരു ഉൾവലിഞ്ഞ പ്രകൃതമാണ് . പക്ഷേ പാവവുമാണ് ...... ആർക്കും ഒരു ദോഷം പ്രവർത്തിക്കില്ല . നിന്നെപ്പോലെ ....... സ്നേഹിക്കുന്നവർക്കുവേണ്ടി എന്തുവന്നാലും കൂടെ നിൽക്കും . ബാക്കിയെല്ലാം നാളെ സംസാരിക്കാം ചെല്ല് അവർ ഒരു ചെറു ചിരിയോടെ അവളെ പാറുവിനൊപ്പം അയച്ചു . മുറിയുടെ വാതിൽക്കൽ വരെ വന്നതിനു ശേഷം ഗുഡ് നൈറ്റ്‌ പറഞ്ഞ് പാറുവും പോയിരുന്നു . നന്ദൻ അകത്തുണ്ടാകും . ആ ഓർമ്മയിൽ ഭാമയിൽ വല്ലാത്തൊരു പരിഭ്രമം നിറഞ്ഞു . അവൾ മെല്ലെ വാതിൽ തുറന്നു . വാതിൽ തുറക്കുന്ന ശബ്ദം കേട്ടിട്ടാകാണം ജനാലവഴി പുറത്തേക്കു നോക്കി നിന്ന നന്ദൻ തിരിഞ്ഞു നോക്കി . മുന്നിൽ പാൽഗ്ലാസ്സുമായി നിൽക്കുകയാണ് ഭാമ . അകത്തേക്ക് കയറാതെ അവിടെത്തന്നെ നിൽക്കുകയാണവൾ . ഭാമ അകത്തേക്ക് വരൂ ....... താൻ വിളിക്കാതെ അവൾ അകത്തേക്ക് കയറില്ലെന്നു തോന്നിയതും അവൻ തിരിഞ്ഞു നിന്ന് അവളെ വിളിച്ചു . അത് കേട്ടതുമവൾ പതിയെ അകത്തേക്ക് കയറി വന്നു ..... ശേഷം പാൽ ഗ്ലാസ്‌ അവൾ മേശമേൽ വച്ച് നന്ദന് നേരെ തിരിഞ്ഞു. ഭാമ ഇരിക്ക് ...... ഞാനിപ്പോ വരാം . അവളത് കേട്ട് ഒന്ന് മൂളിയതും അവൻ അവളെ കടന്ന് ബാത്റൂമിലേക്കു പോയി... ഭാമ അവനെക്കാത്തെന്നോണം മെല്ലെ കട്ടിലിന്റെ അരികിലേക്ക് ഇരുന്നു . തുടരും .💚🌺 ലൈക് ചെയ്ത് അഭിപ്രായങ്ങൾ എഴുതണേ ...... കണ്ണൂർകാരൻ ❤️❤️❤️❤️ #📙 നോവൽ #📚 ട്വിസ്റ്റ് കഥകൾ #📔 കഥ #✍ തുടർക്കഥ #💞 പ്രണയകഥകൾ