#🌙 ബറാഅത്ത് നോമ്പ് ✨ #💓 ജീവിത പാഠങ്ങള്‍ #🕋 ഇസ്ലാമിക് സ്റ്റാറ്റസ് 🟢 #🕌 ഇസ്ലാമിക് ഭക്തിഗാനങ്ങൾ #🕋 ഇസ്ലാമിക് സ്റ്റാറ്റസ് പണ്ട് ബറാത്ത് ആയിക്കഴിഞ്ഞാൽ പിന്നെ കാത്തിരിപ്പാണ്..റമദാൻ നോമ്പിന് വേണ്ടിയുള്ള കാത്തിരിപ്പ്. ഓല വീട് ആയിരുന്നപ്പോൾ കുട്ടിക്കാലത്ത് നോമ്പിന് ഒരുപാട് സന്തോഷം ആയിരിക്കും കാരണം പണ്ടൊക്കെ ഇറച്ചിയും പത്തിരിയും തിന്നാൻ നോമ്പും പെരുന്നാളും വരണം..ബറാത്ത് കഴിഞ്ഞാൽ ഉമ്മ നോമ്പിനുള്ള ഒരുക്കങ്ങൾ തുടങ്ങും വിറകെല്ലാം വെയിലത്ത് ഉണക്കി അടക്കി എടുത്തു വെക്കും ഒരു മാസത്തിനുള്ള പച്ചരി ഉണക്കി മില്ലിൽ പോയി പൊടിച്ചു കൊണ്ടുവരും മില്ലിൽ പോകുന്ന ചുമതല കുട്ടികൾക്കാണ് ഒരു മാസത്തിനുള്ള അരിപ്പൊടി കാണുമ്പോൾ വളരെയധികം സന്തോഷമാണ് കാരണം കൂടുതലും ദിവസങ്ങളും പത്തിരി ആകുമല്ലോ എന്ന് സന്തോഷം..നോമ്പിന്റെ സമയമായി കഴിഞ്ഞാൽ അയൽവക്കത്ത് പേർഷ്യക്കാർ ഉണ്ടാകും എല്ലാ കൊല്ലവും നോമ്പായി കഴിഞ്ഞാൽ ഇവരെപ്പോലുള്ളവർ പൈസ തന്ന് സഹായിക്കും അതുകൊണ്ട് ചില ദിവസങ്ങളിൽ ഒക്കെ ഇറച്ചി വാങ്ങിക്കും..നോമ്പിന്റെ കാര്യം പിന്നെ പറയാം ബറാഅത്തിന്റെ കാര്യം പറയുകയാണെങ്കിൽ സ്കൂൾ വിട്ട് വീട് എത്താറാകുമ്പോൾ ഞങ്ങളുടെ ഓല വീടിൻറെ കൈക്കോലിന്റെ മുകളിലൂടെ പുക പോകുമ്പോൾ സന്തോഷംകൊണ്ട് തണുപ്പ് അരിച്ചു കയറും വീടെത്തും തോറും എണ്ണപ്പലഹാരത്തിന്റെ മണം മൂക്കിലേക്ക് ആഞ്ഞടിക്കും.. കുളിയും നിസ്കാരവും ഓത്തും കഴിഞ്ഞാൽ മനസ്സ് ഒന്ന് ശുദ്ധിയാകും അപ്പോൾ തന്നെ ഒരു സന്തോഷമാണ്..പിന്നെ ലളിതമായ ബറാഅത്തിന്റെ പലഹാരം എല്ലാവരും കൂടെ ഇരുന്ന് സന്തോഷത്തിൽ കഴിക്കും..മഗ്‌രിബ് നിസ്കാരം കഴിഞ്ഞാൽ ഇറച്ചിയും പത്തിരിയും അത് കുറെ മാസങ്ങൾക്ക് ശേഷം ആണ് തിന്നാൻ പോകുന്നത് എന്നതിന്റെ സന്തോഷം പറഞ്ഞറിയിക്കാൻ പറ്റാത്തതാണ്.. ഇനി പുണ്യ റമളാന് വേണ്ടിയുള്ള കാത്തിരിപ്പാണ്... റമളാനിലേക്ക് നീ ഞങ്ങളെ എത്തിക്കണമേ...🤲🤲