"പ്ഭാ നിര്‍ത്തടോ...." കരണ്‍ പറഞ്ഞു തീര്‍ക്കും മുന്നേ ആരതി അലറി : "പാവം .. ങ്ഹും .. ക്രാാാ .. ത്ഫൂൂൂ..." അശ്വിനിയെ നോക്കി അവള്‍ ആട്ടി. ആരതി കൈ വിട്ടു തുടങ്ങിയിരിക്കുന്നു . അവളുടെ ഉഗ്ര രൂപിണീ ഭാവം കണ്ട് ജഗന്നാഥന്‍ തൊണ്ടയിലെ വെള്ളമിറക്കി . "മോ .. മോളേ .. ആ .. ആരതി..." വിറവലോടെയും ഞെട്ടലോടെയും അശ്വിനി വിളിച്ചു. "മോളോ ?? ആരുടെ മോള് ?? എന്തു മോള് ?? വിളിക്കരുത് എന്നെ അങ്ങനെ..." അശ്വിനിയെ നോക്കി കലിതുള്ളി ആരതി അറിയാതെ മുന്നോട്ട് വന്നു നിന്നു : "ശരിയാണ്... താന്‍ പറഞ്ഞതൊക്കെ വളരെ ശരിയാണ്.. പക്ഷേ ആ ശരികളില്‍ എവിടെയൊക്കെയോ അല്‍പ്പം തെറ്റുകളുണ്ട്.... അസൂയ ആയിരുന്നു എനിക്ക് എന്‍റെ ചേച്ചിയോട് . ആ അസൂയ എന്‍റെയുള്ളില്‍ വൈരാഗ്യമായത് എന്നു മുതലാണെന്ന് നിനക്കറിയോ ?? നീയെന്‍റെ ചേച്ചിയല്ലായെന്ന് അറിഞ്ഞ ആ നിമിഷം മുതല്‍..." "മോളേ .. ആരതീ .." തൊണ്ടയിടറി അശ്വിനി വിളിച്ചു. "ഈ തറവാട്ടിലെ എല്ലാവര്‍ക്കും അച്ചുവിനെ മതി . എന്തുകാര്യത്തിലായാലും അച്ചൂ അച്ചൂ അച്ചൂ .. കേട്ട് കേട്ട് മടുത്തു ഞാന്‍ .. സ്വന്തം അച്ഛന് പോലും പ്രിയപ്പെട്ടവള്‍ അച്ചുവാണ് .. ഈ ഞാന്‍ വെറും കറിവേപ്പില .. എനിക്കെന്തേലും സാധിക്കണമെങ്കിലും മറ്റും അച്ചുവിനോട് ചോദിച്ചിട്ട് ചെയ്യാന്‍ വല്ല്യച്ഛനും സ്വന്തം അച്ഛനും പറയും .. അതെന്തിനാ ഞാന്‍ ഇവളോട് ചോദിക്കുന്നേ ??!! കുഞ്ഞു നാളിലെ ഈ പല്ലവി ഞാന്‍ വളര്‍ന്ന് പ്രായ പൂര്‍ത്തിയായിട്ടും അങ്ങനെ തന്നെ .. പോട്ടേ, എന്‍റെ ചേച്ചിയല്ലേയെന്ന് സ്വന്തം മനസ്സിനോട് പറഞ്ഞ് ഞാന്‍ സമാധാനിച്ചു . അങ്ങനെയിരിക്കേയാണ് എനിക്ക് അത് കിട്ടുന്നത് . വല്ല്യച്ഛന്‍റെ മുറി ഒതുക്കുന്നതിനിടയില്‍ ഒരു ഫോട്ടോ എനിക്കു കിട്ടി . വല്ല്യച്ഛനും വല്ല്യമ്മയും ഇവളും നില്‍ക്കുന്ന ഫോട്ടോ . ഇവള്‍ വല്ല്യമ്മയുടെ എളിയിലും ഇവര്‍ക്ക് പുറകിലായി ഞാന്‍ ഇതുവരെ കാണാത്ത രണ്ടു വ്യക്തികളും !! ഇത് ആരായിരിക്കും എന്ന് എന്‍റെ മനസ്സിനെ അലട്ടാന്‍ തുടങ്ങി . പതിയെ എന്‍റെ രീതിയില്‍ ഞാനും അന്വേഷണം നടത്തി . പക്ഷേ നിരാശയായിരുന്നു ഫലം .. അങ്ങനെ ഒരിക്കല്‍ അച്ഛനും വലിയച്ഛനും കൂടിയുള്ള സംഭാഷണം ഞാൻ കേള്‍ക്കാനിടയായി .." *************** "രവീന്ദ്രാ അശ്വിനിയുടെ കാര്യത്തില്‍ പ്രത്യുപകരാം ചെയ്യാന്‍ ഒരു അവസരം എനിക്ക് വന്നിരിക്കുകയാണ് ." "എന്താണ് ഏട്ടാ ??" "എടാ അവളെ ഞങ്ങള്‍ ദത്തെടുത്തതാണല്ലോ ?? അന്ന് ആ അനാഥാലയത്തിലെ നടത്തിപ്പുകാര്‍ക്ക് ഞാന്‍ ഒരു വാക്ക് കൊടുത്തിരുന്നു . എന്തു വേണമെങ്കിലും ആവശ്യപ്പെട്ടോളാന്‍ . ഇന്നവര്‍ ഒരു കാര്യം എന്നോട് ആവശ്യപ്പെട്ടിരിക്കുകയാണ് .." "എന്ത് കാര്യമാണ് ഏട്ടാ ??" "എടാ ഏകദേശം അമ്പതോളം വരുന്ന അനാഥാലയങ്ങള്‍ക്ക് കുറച്ചധികം രൂപ സങ്കടപ്പിച്ചു കൊടുക്കണമെന്നാണ് അവരുടെ ആവശ്യം .." "നമ്മളത് ചെയ്തു കൊടുത്തില്ലെങ്കിലും പ്രശ്നമൊന്നും ഉണ്ടാവില്ലല്ലോ ഏട്ടാ . പിന്നെയെന്താ ??! എന്തേലും ചില്ലറ കൊടുത്ത് അവരെ ഒഴിവാക്കുന്നതല്ലേ നല്ലത് ??" "ഏയ് അത് നെറികേടാണ് രവീ. അശ്വിനിക്ക് പകരമായി നമ്മള്‍ അവര്‍ക്ക് എന്തു കൊടുത്താലും അതൊക്കെ കുറഞ്ഞു പോകത്തേയുള്ളൂ . ഇത് നമ്മള്‍ ചെയ്തില്ലേലും ഒരു കുഴപ്പവും അവരുടെ ഭാഗത്തു നിന്നും ഉണ്ടാവില്ല . പക്ഷേ ഇത് ചെയ്യാതിരിക്കാന്‍ പറ്റില്ല . അവര്‍ ആകെ ആവശ്യപ്പെട്ടത് ഈയൊരു ചെറിയ കാര്യമാണ് . അത് അവര്‍ക്ക് ചെയ്തു കൊടുക്കുകയല്ലേ വേണ്ടത് . അതും നല്ലയൊരു കാര്യത്തിനാവുമ്പോള്‍ .." "ഉം .. അപ്പോൾ എന്താ ഏട്ടന്‍ ചെയ്യാന്‍ പോകുന്നത് ??" "കുറച്ചധികം സംസ്ഥാനങ്ങളിലൊക്കെ ഒന്നു പോകണം . മാത്രമല്ല വിദേശത്തു നിന്നും ഈ ഫണ്ടിലേക്ക് ആര്‍ക്കെങ്കിലും താല്‍പ്പര്യമുണ്ടോ എന്നൊക്കെ അറിയണം . ചില പദ്ധതികളൊക്കെ എന്‍റെ മനസ്സിലുണ്ട് . ഫണ്ട് തരപ്പെട്ടു വരികയാണെങ്കില്‍ അശ്വിനിയുടെ അക്കൌണ്ടിലേക്കും അതിന്‍റെ നോമിനിയായി നിന്നെ ചേര്‍ക്കാനുമാണ് ഞാനുദ്ധേശിക്കുന്നത് ." "എന്നെയോ?! എന്തിനാ ഏട്ടാ വെറുതേ അതൊക്കെ ?!" "ഏയ്, നീ തന്നെ നോമിനിയായി നിന്നാല്‍ മതി . എന്തോ അതാണ് ശരിയെന്ന് എനിക്ക് തോന്നുന്നു .." "ഉം .. തീരുമാനിച്ചുറപ്പിച്ചു കഴിഞ്ഞാല്‍ പിന്നെ എന്തു പറഞ്ഞാലും ഏട്ടന്‍ പിന്മാറില്ലല്ലോ .. ഏട്ടന്‍റെ ഇഷ്ടം പോലെ എല്ലാം നടക്കട്ടെ .." അനിയന്‍ രവീന്ദ്രന്‍റെ മറുപടി കേട്ട രാമേന്ദ്രന്‍ മന്ദഹാസത്തോടെ അയാളുടെ തോളില്‍ കൈ വെക്കുമ്പോള്‍ ഒളിഞ്ഞു നിന്ന് ഇതെല്ലാം കേട്ട് ഞെട്ടി നില്‍ക്കുകയാണ് ആരതി..!! *************** "അങ്ങനെയാണ് എനിക്ക് ഇവളോട് തീര്‍ത്താല്‍ തീരാത്ത ദേഷ്യം ഉദിച്ചു പൊങ്ങിയത് . ഏതോ നാട്ടില്‍ ആരുടെയോ മകളായ ഒരുത്തിയെയാണ് ഇത്രയും നാള്‍ ചേച്ചിയെന്ന് ഞാന്‍ വിളിച്ചതെന്നോര്‍ത്തപ്പോള്‍ എനിക്ക് എന്നോടു തന്നെ പുച്ഛം തോന്നി . ഇക്കണ്ട സ്വത്തുക്കളൊക്കെ ആരുമല്ലാത്ത ഇവളിലൂടെയാണ് ഞങ്ങള്‍ അനുഭവിക്കേണ്ടതെന്ന് ഓര്‍ത്തപ്പോള്‍ എന്നെ സ്വയം വെട്ടി കീറുന്നതു പോലെ എനിക്കു തോന്നി .. പാടില്ല . അത് പാടില്ല . പയ്യെ പയ്യെ എന്‍റെ സമനിലകള്‍ തെറ്റാന്‍ തുടങ്ങി . ഏതു വിധേനയും അശ്വിനിയെ കൊല്ലണമെന്ന് ഞാന്‍ ഉറപ്പിച്ചു . അത് ഒറ്റയടിക്കാവരുത്, ഇഞ്ചിഞ്ചായി തന്നെ അതു ചെയ്യണം .. പക്ഷേ എങ്ങനെ?! അതിന് എനിക്കൊരു സഹായിയെ ആവശ്യമായിരുന്നു .. അങ്ങനെയിരിക്കേയാണ് ആര്‍പി മാളില്‍ വെച്ച് അവിചാരിതമായി ഒരാളെ ഞാന്‍ പരിചയപ്പെടുന്നത് ." "ആരെ ?!" കരണ്‍ കൈ കെട്ടി നിന്ന് ചോദിച്ചു .. ങ്ഹും...!! പുച്ഛത്തോടെ ആരതി കരണിനെ ഒന്നു ആക്കി . "നീ ഈ പുച്ഛിച്ചതിന്‍റെ അര്‍ത്ഥം എനിക്ക് മനസ്സിലായി . ആര്‍പി മാളില്‍ വെച്ച് നീ അവിചാരിതമായി കണ്ടു മുട്ടിയ ആ ആളെയും ഞാന്‍ പൊക്കിയിട്ടുണ്ട് ആരതി കുട്ടി..." കരണിനെ നോക്കി ആരതി നെറ്റി ചുളിച്ചതും മുറ്റത്ത് ഒരു പോലീസ് ജീപ്പ് വന്നു നിന്നു .. എസ്ഐ രാംദാസ് ജീപ്പില്‍ നിന്നിറങ്ങി രണ്ടു പേരെ ബലമായി പിടിച്ചിറക്കി . അതിലൊന്ന് സാജനും മറ്റൊന്ന് ബാര്‍ ഡാന്‍സര്‍ ജിനിയും ആയിരുന്നു . ഇരുവരുടേയും കൈകള്‍ പിന്നിലേക്ക് ബന്ദിച്ചിരുന്നു . രാംദാസ് ഇരുവരേയും മുന്നോട്ട് നടത്തിച്ചു . "എന്താടാ ഇത്രയും താമസിച്ചത് ??" രാംദാസിനെ നോക്കി കരണ്‍ ചോദിച്ചു . "സോറി അളിയാ, പോലീസ് ഏമാന്മാരുടെയൊക്കെ കണ്ണു വെട്ടിച്ച് ഇങ്ങോട്ടെത്തെണ്ടേ .. വൈകിയപ്പോള്‍ നീ അല്‍പ്പം നീട്ടിയിട്ടുണ്ടായിരിക്കും അല്ലേ .." "ഉം .. നീട്ടി .. പക്ഷേ കൃത്യ സമയത്തു തന്നെയാ നീ എത്തിയത് . അതുകൊണ്ട് നല്ലൊരു ഇംപാക്ട് കിട്ടി..." കരൺ ഒന്നു ചിരിച്ചു പറഞ്ഞു. രാംദാസ് അകത്തേക്ക് കയറിയതും മസൂദ് ഗണ്‍ പോയിന്‍റില്‍ നിര്‍ത്തിയിരിക്കുന്ന ജഗന്നാഥനെ കാണാനിടയായി : "അല്ലാ ഇത് കമ്മിഷണര്‍ സാറല്ലേ .. ബ്ഹ്...!!" ജഗനെ നോക്കി രാംദാസ് വാ പൊത്തി കളിയാക്കി ചിരിച്ചു. "ഞാന്‍ അപ്പോഴേ പറഞ്ഞതല്ലേ സാറേ, സാറിന്‍റെ എതിരാളി മുറ്റന്‍ സാധനമാണെന്ന് . അപ്പോൾ സാറ് കേട്ടില്ല . എന്നിട്ടിപ്പോൾ എന്തായി ?! വടി വിഴുങ്ങിയ പോലെ ഗണ്‍ പോയിന്‍റില്‍ നില്‍ക്കേണ്ടി വന്നില്ലേ..??" "ഹ അത് വിട് രാംദാസ്.." കരണ്‍ പറഞ്ഞു. "എന്തായി കരണ്‍ നമ്മുടെ ആ പൊന്നുമോളെ നീ പൊക്കിയോ ??" രാംദാസ് ചോദിച്ചു . "പിന്നല്ല.. ദേ നില്‍ക്കണ് ആ മോള്.." കരൺ ആരതിയെ ചൂണ്ടിയതും അവള്‍ കൊല്ലാന്‍ പാകത്തില്‍ രാംദാസിനെ നോക്കി ദഹിപ്പിക്കുകയായിരുന്നു . "ഓക്കെ ഓക്കെ, യു കണ്‍ടിന്യൂ കരണ്‍.. ഞാന്‍ എല്ലാം കണ്ട് അവിടെ ഇരുന്നോളാം ." അടുത്തു കണ്ട കസേരയില്‍ രാംദാസ് ഇരിപ്പുറപ്പിച്ചു. കരണ്‍ തുടര്‍ന്നു : "അപ്പോള്‍ ആരതി പറഞ്ഞ ആ വ്യക്തി ആരാണെന്നായിരിക്കും എല്ലാവരും ആകാംക്ഷയോടെ നോക്കി നില്‍ക്കുന്നത്.. അതാരാ, ഈ നില്‍ക്കുന്ന ജിനിയാണ് ആര്‍പി മാളില്‍ വച്ച് ആരതി അവിചാരിതമായി കണ്ടു മുട്ടിയ ആ ഒരാള്‍ .." കരണ്‍ ജിനിക്കരികിലായി ചെന്നു : "പറയൂ ജിനി, ശേഷം എന്തു സംഭവിച്ചു...??" കരണിന്‍റെ ചോദ്യം കേട്ടതും ജിനി നിന്നു പരുങ്ങി. "പറയടീ...!!" കരണ്‍ അലറിയതും "പറയാം .. ഞാന്‍ പറയാം .." പരിഭ്രമത്തോടെ ജിനി ആ സംഭവം വിവരിക്കാന്‍ തുടങ്ങി : "മേലേടത്ത് തറവാട്ടിലെ ഒരു പണച്ചാക്കാണ് ആരതിയെന്ന് എനിക്ക് നേരത്തേ അറിയാമായിരുന്നു . ആര്‍പി മാളില്‍ വെച്ച് യാദൃശ്ചികമായി ഞാന്‍ ആരതിയുമായി കൂട്ടി മുട്ടുകയും തുടര്‍ന്ന് അല്‍പ്പ നേരത്തേക്ക് ഞങ്ങള്‍ സൗഹൃദ സംഭാഷണങ്ങളും നടത്തി .. പിന്നീട് പല തവണ ഞങ്ങള്‍ പലയിടങ്ങളിലായി വീണ്ടും കാണുകയും മുബൈല്‍ നമ്പര്‍ കൈ മാറുകയുമൊക്കെ ചെയ്തു . എന്തോ ആരതിയുടെ മനസ്സ് അവളെ വല്ലാതെ അലട്ടുന്നതായി എനിക്കു തോന്നി .. അതേ കുറിച്ച് ഞാന്‍ ആരതിയോട് ചോദിച്ചപ്പോള്‍ കുറച്ചു നാളുകളായി താനൊരു സങ്കടത്തിലാണെന്ന് അവള്‍ പറഞ്ഞു . ശേഷം ആ സങ്കടം എന്താണെന്നും ആരതി വിവരിച്ചു പറഞ്ഞു .. ആരതിയെ ഇപ്പോ സഹായിച്ചാല്‍ ഭീമമായ തുക എനിക്ക് കിട്ടുമെന്ന് ഞാന്‍ കണക്കു കൂട്ടി .. ഒടുവില്‍ ഞാന്‍ അവളോട് ചോദിച്ചു .." "എന്ത് ??" "നിന്‍റെ ചേച്ചിയെ കൊല്ലാന്‍ ഞാന്‍ സഹായിക്കട്ടേ എന്ന്.." ഉം .. കരണ്‍ മൂളി. "അതിനവള്‍ സന്തോഷത്തോടെ അനുവാദം മൂളി .. അശ്വിനിയെ കൊന്നാല്‍ പിന്നെ സ്വത്തു വകകള്‍ ആരതിയുടേയും ചേട്ടന്‍ ആദിത്യന്‍റേയും കൈകളില്‍ ആയിരിക്കുമെന്നും അങ്ങനെ സംഭവിച്ചാല്‍ കമ്പനിയിലെ വലിയ പൊസിഷനും എനിക്ക് വാഗ്ദാനവും ചെയ്തു .. ശേഷം ഞാന്‍ ഒരു പ്ലാന്‍ ആരതിക്ക് വിവരിച്ചു കൊടുത്തു . പക്ഷേ ആ പ്ലാന്‍ ആരതി നിരസിക്കുകയാണുണ്ടായത് . പകരം ആരതി ആരതിയുടെ പ്ലാന്‍ വിശദീകരിച്ചു . ആ പ്ലാനില്‍ ആരതിക്ക് ചില സഹായങ്ങള്‍ ചെയ്തു തരുമോ എന്ന ചോദ്യത്തിന് അതെ എന്ന മറുപടിയായിരുന്നു ഞാന്‍ കൊടുത്തത്..." അത്രയും പറഞ്ഞ് ജിനി തല താഴ്ത്തി നിന്നു. കരണ്‍ തുടര്‍ന്നു : "ആരതിയുടെ പ്ലാന്‍ അനുസരിച്ച് ആദ്യപടി തന്‍റെ കൂടപ്പിറപ്പായ ആദിത്യനെ തന്‍റെയൊപ്പം നിര്‍ത്തുക എന്നതായിരുന്നു . ഇതേ വൈരാക്യം മനസ്സിലുള്ള ആദിത്യന്‍ അശ്വിനി ഒരു ദത്തുപുത്രിയാണെന്നറിയുന്നതോടെ തന്‍റെ അനിയത്തിക്കൊപ്പം തന്നെ നില്‍ക്കുന്നു .. ഈ ഫണ്ട് സംരംഭം പൂര്‍ണ്ണമായും തച്ചുടക്കാന്‍ ആരതി പ്ലാന്‍ ചെയ്യുന്നു. ജിനിയിലൂടെ സാജനെ പരിചയപ്പെടുകയും സാജനിലൂടെ ശ്യാമിനേയും ആരതി അറിയുന്നു. തന്‍റെ അനിയത്തി ഇതിന് പുറകില്‍ ഉണ്ടെന്നുള്ളത് ആരും അറിയാതിരിക്കാന്‍ ആരതിയുടെ പ്ലാനുകള്‍ അനുസരിച്ച് ഓരോ വ്യക്തികള്‍ക്ക് മുന്നിലും ഓരോ സിറ്റുവേഷന് മുന്നിലും ചെന്നു നിന്നത് ആദിത്യനായിരുന്നു . ശ്യാമിനടുത്ത് ചെന്ന് ആദിത്യന്‍ അശ്വിനിയെ വകവരുത്താനായി കൊട്ടേഷന്‍ കൊടുക്കുന്നു . പക്ഷേ ഏതാനും നാളുകള്‍ കഴിഞ്ഞപ്പോഴായിരുന്നു ഇരുവരേയും ഞെട്ടിച്ചു കൊണ്ടുള്ള ശ്യാമിന്‍റെ മനം മാറ്റം .. അത് ആദിത്യനും ആരതിക്കും ഷോക്കായിരുന്നു . പക്ഷേ പ്ലാനുകളില്‍ നിന്നും ഇരുവരും പിന്‍വാങ്ങിയില്ല . പിന്നീടെപ്പെഴോ മക്കളുടെ ഈ മാറ്റം ശ്രദ്ധിക്കപ്പെടുന്ന രവീന്ദ്രന്‍ ആ സത്യമറിഞ്ഞ് ഞെട്ടുന്നു . തന്‍റെ രണ്ട് മക്കളും അശ്വിനിയെ വകവരുത്താന്‍ നടക്കുന്നു എന്നു മനസ്സിലാക്കിയ രവീന്ദ്രന്‍ അവരെ പിന്തിരിപ്പിക്കാന്‍ ശ്രമിക്കുന്നു . പക്ഷേ അവര്‍ പിന്തിരിയാന്‍ ഒരുക്കമല്ല . ഇത് ചെയ്യാനായില്ലെങ്കിലോ മറ്റൊരാള്‍ ഇതറിയുകയോ ഉണ്ടായാല്‍ തങ്ങള്‍ രണ്ടു പേരും ആത്മഹത്യ ചെയ്യുമെന്നും പറഞ്ഞതോടെ എന്തു ചെയ്യണമെന്ന് രവീന്ദ്രന് ഒരെത്തും പിടിയും കിട്ടുന്നുണ്ടായിരുന്നില്ല .. സത്യം തന്‍റെ ഏട്ടനെ അറിയിക്കണമെന്ന് അയാള്‍ മനസ്സു കൊണ്ട് ആഗ്രഹിച്ചു . അപ്പോഴേക്കും മക്കള്‍ രണ്ടും മറ്റു പല പ്ലാനിങിലായിരുന്നു . ശ്യാം ഈ ദൗത്യത്തില്‍ നിന്നും പിന്മാറിയതോടെ ഈ സത്യങ്ങള്‍ രാമേന്ദ്രനും അശ്വിനിയും ശ്യാമിലൂടെ അറിയുമെന്ന് ആരതി കണക്ക് കൂട്ടി . അതുകൊണ്ട് അശ്വിനിയെ മാത്രമല്ല ശ്യാമിനേയും രാമേന്ദ്രനേയും വക വരുത്താന്‍ ഇരുവരും തീരുമാനിക്കുന്നതിനിടയിലാണ് അടുത്ത ട്വിസ്റ്റ്.... " ???!!! ((തുടരും))🔥 കണ്ണൂർകാരൻ ❤️❤️❤️❤️❤️ #📙 നോവൽ #📔 കഥ #✍ തുടർക്കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ