#breking मुख्यमंत्री देवेंद्र फडणवीस आणि केंद्रीय मंत्री नितीन गडकरी यांची ज्येष्ठ नेते व माजी मंत्री स्व. दत्ता मेघे यांच्या श्रद्धांजली सभेमध्ये उपस्थिती.
यावेळी राज्यमंत्री डॉ. पंकज भोयर, नागपूरच्या महापौर नीता ठाकरे, आमदार समीर मेघे व इतर मान्यवर उपस्थित होते.
🔸 मुख्यमंत्री देवेंद्र फडणवीस एवं केंद्रीय मंत्री नितिन गडकरी इनकी वरिष्ठ नेता एवं पूर्व मंत्री स्व. दत्ता मेघे इनकी श्रद्धांजलि सभा में उपस्थिति।
इस मौके पर राज्य मंत्री डॉ. पंकज भोयर, नागपुर की महापौर नीता ठाकरे, विधायक समीर मेघे एवं अन्य मान्यवर उपस्थित थे।
लोकनेते माजी मंत्री स्व. दत्ता मेघे यांना भावपूर्ण श्रद्धांजली!
मुख्यमंत्री देवेंद्र फडणवीस आणि केंद्रीय मंत्री नितीन गडकरी यांनी आज नागपूर येथे ज्येष्ठ नेते व माजी मंत्री स्व. दत्ता मेघे यांच्या श्रद्धांजली सभेमध्ये उपस्थिती दर्शवली. यावेळी मुख्यमंत्री फडणवीस यांनी स्व. दत्ता मेघे यांच्या आठवणींना उजाळा दिला.
मुख्यमंत्री देवेंद्र फडणवीस म्हणाले, स्व. दत्ता मेघे हे अत्यंत गरिबीतून पुढे येऊन स्वतःच्या कर्तृत्वावर उभे राहिलेले नेतृत्व होते. शिक्षण घेत असताना वर्तमानपत्रे टाकण्याचे काम करत त्यांनी स्वतःचा मार्ग तयार केला. युवा नेते म्हणून विविध आंदोलनांच्या माध्यमातून त्यांनी आपली ठळक ओळख निर्माण केली आणि त्यातून त्यांचा व्यापक राजकीय प्रवास सुरू झाला. आमदार, खासदार, मंत्री अशा विविध पदांवर ते राहिले असे मुख्यमंत्री फडणवीस म्हणाले.
स्व. दत्ता मेघे यांच्या कार्याचा अनेकांच्या जीवनावर सकारात्मक परिणाम झाला असून त्यांच्या स्पर्शाने अनेकांचे आयुष्य बदलले, शिक्षण क्षेत्रात त्यांनी उल्लेखनीय कार्य केले. त्यांनी शिक्षणाकडे सेवाभावाने पाहिले. आरोग्य, शिक्षण आणि सहकार या क्षेत्रांमध्ये गुणवत्तापूर्ण विस्तार करण्यासाठी सातत्याने प्रयत्न केले, असे मुख्यमंत्री फडणवीस म्हणाले.
स्व. दत्ता मेघे यांच्या कार्याला साजेसे स्मारक वर्धा आणि नागपूर येथे उभारण्याबाबत सर्व नेतेमंडळी आणि मेघे कुटुंबाशी चर्चा करून लवकर निर्णय घेतला जाईल. हे स्मारक पुढील पिढ्यांसाठी प्रेरणादायी ठरेल, असेही मुख्यमंत्री फडणवीस यांनी सांगितले.
