ചില സംഗീതങ്ങൾ തിമിർത്ത് പെയ്തൊഴിയുന്ന മഴപോലെ… 🌧️ വന്നു പെട്ടെന്ന് മനസ്സിനെ തൊടും, ഒരു നിമിഷത്തെ മധുരമാക്കും, പിന്നെ മേഘം പോലെ മാറിപ്പോകും. 🎶 ഗാനത്തിന് പലപ്പോഴും സംഗീതത്തിന്റെ ചിറകുകൾ ഉണ്ട്. വരികൾ ലളിതമായാലും, അർത്ഥം അത്ര ആഴമില്ലാത്തതായാലും, സംഗീതം അതിനെ അലങ്കരിക്കും. പക്ഷേ കവിത— അത് മറ്റൊരു വഴിയിലാണ് സഞ്ചരിക്കുന്നത്. അവിടെ പുറത്തുള്ള സംഗീതം കുറവാണ്, പക്ഷേ വാക്കുകളുടെ ഇടയിൽ അർത്ഥത്തിന്റെ നിശ്ശബ്ദ സംഗീതം ഒളിഞ്ഞിരിക്കുന്നു. 🌙 കവിതയുടെ വരികൾ മനസ്സിന്റെ വാതിൽ തട്ടുന്നത് മാത്രം അല്ല, അവ പതുക്കെ അകത്ത് കയറി അർത്ഥത്തിന്റെ പാളികളിലേക്ക് മനസ്സിനെ കൂട്ടിക്കൊണ്ടുപോകും. ഒരു ഗാനം ചെവിയിൽ ജനിക്കും; പക്ഷേ ഒരു കവിത മനസ്സിന്റെ ആഴത്തിൽ ജനിക്കും. അതുകൊണ്ടാകാം— ഒരു ഗാനം നമ്മെ ഒരു നിമിഷം സന്തോഷിപ്പിക്കുന്നത്, പക്ഷേ ഒരു കവിത വർഷങ്ങൾക്കിപ്പുറവും ഒരു വരിയായി മനസ്സിൽ മുഴങ്ങുന്നത്. മനസ്സിൽ തങ്ങി നിൽക്കുന്ന കവിതാ ശകലങ്ങളെ പോലെ… പലപ്പോഴും മനോഹരം എന്ന് തോന്നുന്ന ഗാനം ജനിച്ചത് ഒരു കവിതയിൽ നിന്നാകാം കാലം കടന്നാലും മായാതെ നിൽക്കുന്ന ചില ഓർമ്മകളെ പോലെ. ✨ ✍🏻ജൗഹറ #📋 കവിതകള്‍ #📝 ഞാൻ എഴുതിയ വരികൾ