ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/60Dmwqx?d=n&ui=v64j8rk&e1=cമന്ത്രകോടി :പാർട്ട്‌ -8🌺💚 ഭക്ഷണം കഴിച്ച ശേഷം നന്ദൻ പുറത്തേക്ക് പോയിരുന്നു...... ഭാമ വീട്ടിലേക്ക് കൊണ്ട് പോകാനുള്ളവ എടുത്ത് വയ്ക്കുന്ന തിരക്കിലായിരുന്നു പിന്നീട്... അവളുടെ രണ്ടു ജോഡി വസ്ത്രങ്ങൾ അവളെടുത്ത് വച്ചു... നന്ദന്റെത് എടുക്കാണോ വേണ്ടയോ എന്നുള്ള സംശയത്തിൽ നിൽക്കുമ്പോഴായിരുന്നു നന്ദൻ മുറിയിലേക്ക് കയറി വന്നത്.... 🦋🦋🦋🦋🦋🦋🦋🦋🦋 പാക് ചെയ്ത് കഴിഞ്ഞോ??? അവനൊരു ചോദ്യത്തോടെ അകത്തേക്ക് വന്നു...... എന്റേതെല്ലാം എടുത്തു വച്ചു. നന്ദേട്ടൻന്റെത്?.... അവൾ പകുതിക്ക് നിർത്തി അവന്റെ മുഖത്തേക്ക് നോക്കി എന്റേത്ഞാനെടുത്തുവയ്ക്കാം അവൻ അലമാരയ്ക്കടുത്തേക്ക് നടന്നുകൊണ്ട് പറഞ്ഞു. ശേഷം മടക്കി വച്ചതിൽ നിന്നും അവന്റെ രണ്ട് ജോഡി വസ്ത്രങ്ങളെടുത്ത് അവൾ പാക് ചെയ്ത് വച്ചിരുന്ന ബാഗിലേക്ക് വച്ചു........ താനിനി ഒരുങ്ങിക്കോ.... നിന്ന് സമയം കളയണ്ട..... ഉച്ചയോടെ ഇറങ്ങാം....അവൻ അതും പറഞ്ഞ് പുറത്തേക്കിറങ്ങി.... ❤️❤️❤️❤️❤️❤️❤️❤️❤️ ഇരുവരും വരുന്നത് നേരത്തേ വിളിച്ചു പറഞ്ഞിരുന്നു........ ശാരദയ്ക്ക് വലിയ താല്പര്യമില്ലെങ്കിലും വേണുവിന്റെ സ്വഭാവം അറിയാവുന്നത് കൊണ്ട് മര്യാദഭാവിച്ച് അവർക്ക് വേണ്ടിയുള്ള ഒരുക്കങ്ങളോരോന്നും ചെയ്ത് വച്ചു. ഉച്ചയോടെ നന്ദനും ഭാമായും അവളുടെ വീട്ടിലേക്ക് എത്തി. കാറിലായിരുന്നു ഇരുവരും വന്നത് വേണു ഉമ്മറത്ത് തന്നെ ഉണ്ടായിരുന്നു. ഭാമ വളരെ സന്തോഷത്തോടെയായിരുന്നു ഇറങ്ങിയത്...... ഉമ്മറത്തേക്ക് കയറിയതും വേണു അവളെ ചേർത്ത് പിടിച്ചു.... ശേഷം ഇരുവരെയും നിറഞ്ഞ മനസ്സോടെ അയാൾ സ്വീകരിച്ചു. അകത്തേക്ക് കയറുമ്പോൾ ശാരദ അടുക്കളയിൽ നിന്ന് ഇറങ്ങി വരുന്നുണ്ടായിരുന്നു........ തന്നെ കണ്ടപ്പോൾ മുഖം വലിയ തെളിച്ച മില്ലെങ്കിലും നന്ദനും അപ്പയും ഉള്ളത് കൊണ്ട് ഒന്ന് ചിരിച്ചു കാട്ടി....... നേരത്തേ ഇറങ്ങിയോ നന്ദാ...... തന്നെ അവഗണിച്ച് നന്ദനോട് മാത്രം അവർ കുശലം ചോദിച്ചു അതേ.....നേരത്തേ ഇറങ്ങി....... നന്ദൻ അവരെ നോക്കി മറുപടി പറഞ്ഞു. മോളെ നന്ദനെ റൂമിലേക്ക്‌ കൂട്ടിക്കോ...... വേഷം മാറിവന്നിട്ട് ഭക്ഷണം കഴിക്കാം.... നിങ്ങൾക്ക് വേണ്ടിയാ കാത്തിരുന്നേ..... വേണു അത് പറഞ്ഞതും ഭാമ നന്ദനെയും കൊണ്ട് തന്റെ മുറിയിലേക്ക് നടന്നു ഹാളിന്റെ ഇടതു വശത്തെ മുറിക്ക് മുന്നിലേക്ക്‌ വന്ന് അത് തുറന്ന് അകത്തേക്ക് കയറി....... ഉള്ളിലേക്ക് കയറിയതും ഭാമ മുറിയിലെ ലൈറ്റ് ഓൺ ചെയ്തു. വെട്ടം തെളിഞ്ഞതും താൻ ആദ്യമായി കാണുന്ന ഭാമയുടെ മുറി നന്ദൻ ആകമാനമൊന്നു നോക്കി. കാണാൻ ചെറിയൊരു മുറി...... ഒരു ചെറിയ കട്ടിലും അലമാരയും, ചെറിയ മേശയും കസേരയും അതിൽ കുറച്ച് ബുക്കും പുസ്തകങ്ങളും അടുക്കി വച്ചിരിക്കുന്നു.....അത്രമാത്രമായിരുന്നു ആ മുറിയിലുണ്ടായിരുന്നത്.....എല്ലാം അടുക്കും ചിട്ടയോടും സൂക്ഷിച്ചിരിക്കുന്നു.... തന്റെ മുറിയിലേക്ക് എത്തിയപ്പോ ഭാമയുടെ ജീവൻ കിട്ടിയതുപോലൊരു തോന്നൽ അവൾ കൈയ്യിലിരുന്ന ബാഗ് കട്ടിലിലേക്ക് വച്ച് തിരിഞ്ഞ് അവനെ നോക്കി..... നന്ദേട്ടൻ ഡ്രെസ്സ് മാറ്റിക്കോ....... ഞാനിപ്പോ വരാം..... അതിന് മറുപടിയായി അവനൊന്ന് മൂളിയതും അവൾ പുറത്തേക്കിറങ്ങി. അടുക്കളയിലേക്ക് പോകാൻ തുടങ്ങുമ്പോഴാണ് അകത്തേക്ക് കയറി വരുന്ന കാവ്യയെ കാണുന്നത്..... ആഹാ ചേച്ചി വന്നോ...... അവൾ ഓടിവന്ന് ഭാമയെ കെട്ടിപ്പിടിച്ചു...... ഞാൻ ഇപ്പോ വന്നേഉള്ളൂ നീ എവിടെ യായിരുന്നു...... ജംഗ്ഷനിലെ കഫെ വരെ പോയതാ ചേച്ചി...... കുറച്ച് പ്രിന്റ് എടുക്കാൻ ഉണ്ടായിരുന്നു..... ആഹ്ഹ്ഹ്...... നന്ദേട്ടൻ എവിടെപ്പോയി...... ഡ്രെസ്സ് മാറുകയാ......... ആഹ്..... എങ്ങനെയാ ചേച്ചി പാവമാണോ? ചേച്ചിയോട് ദേഷ്യം എന്തേലും കാണിക്കുന്നുണ്ടോ? ഇല്ലെടി നന്ദേട്ടൻ പാവമാ....... അപ്പോ ഇഷ്ടാണോ ചേച്ചിയെ...... ഇഷ്ടപ്പെടാനൊന്നും ആയിട്ടില്ലെടി..... ഞങ്ങളൊന്നു സംസാരിച്ചതേയുള്ളു...... ആഹാ മോള് വേഷം മാറീലെ..... തൊടിയിൽ നിന്ന് വെട്ടിയ വാഴയിലകളുമായി കയറി വന്ന വേണു ചോദിച്ചു? ആഹ്ഹ് മാറ്റാൻ പോവ്വാ അപ്പാ...... ഞാൻ കാവ്യയെ കണ്ടപ്പോ വിശേഷം പറയാൻ നിന്നതാ ..... അതൊക്കെ പിന്നെയാകാം...... അമ്മയോട് ഭക്ഷണം വിളമ്പാൻ പറയ് അയാൾ ഇലകൾ കാവ്യയുടെ കൈയിൽ നൽകിയ ശേഷം അകത്തേക്ക് നടന്നു...... 🦋🦋🦋🦋🦋🦋🦋🦋🦋🦋🦋 മെറിൻ............ നമുക്കിതൊക്കെ ഒന്ന് മാറിയ ശേഷം എന്റെ നാട്ടിലേക്ക് പോയാലോ? തന്റെ നെഞ്ചിൽ ചേർന്ന് കിടക്കുന്നവളോടായി അവൻ ചോദിച്ചു...... ഇപ്പോഴെയോ??? കുറച്ച് നാള് കൂടി കഴിയട്ടെ മഹി.......... ഇപ്പോഴെ പോയാ ശെരിയാകില്ല..... അതെന്താ ശെരിയാകാത്തേ...... അവനൊരു ചോദ്യത്തോടെ അവളെ നോക്കി അത്.....ഞാനന്ന് മഹിയോട് പറഞ്ഞ കാര്യം ഓർമ്മയില്ലേ....... കാശിന് കുറച്ച് ആവശ്യം വന്നപ്പോ എന്റെ ഫ്രണ്ട്‌ വഴി ഡ്രെക്സ് കൈമാറാൻ മീഡിയേറ്ററായി നിന്നെന്ന്..... അതിന്???? അത് അന്നത്തോടെ നിർത്തിയില്ലേ നീ പിന്നെന്താ..... നിർത്തി....... ബട്ട്‌ ..... കഴിഞ്ഞ ദിവസം അവർ വിളിച്ചിരുന്നു....... എന്തിന്? ഒരിക്കൽ കൂടി മീടിയേറ്റർ ആയി നിൽക്കണമെന്ന് പറയാൻ ............... അതൊന്നും പറ്റില്ലെന്ന് പറ...... ഒരിക്കൽ നീ അങ്ങനെ ചെയ്തു...... അതും എന്നോട് പോലും ചോദിക്കാതെ..... ഇനി നീ ആവർത്തിക്കില്ല...അതിലേക്കു പോകില്ലയെന്ന് പറഞ്ഞത് കൊണ്ട് മാത്രമാണ് ഞാൻ ക്ഷമിച്ചത്...... പണത്തിന് നമുക്കിപ്പോ ഒരു ബുദ്ധിമുട്ടുമില്ല അത്യാവശ്യത്തിനുള്ളത് എന്റെ കൈയിലുണ്ട്.... ഇത്രയും നാൾ ജോലി ചെയ്തതിന്റെ നല്ലൊരു ഭാഗവും സേവിങ്സായി അക്കൗണ്ടിൽ ഉണ്ട്..... അതുകൊണ്ട് ആവശ്യമില്ലാതെ ഒരു പ്രശ്നത്തിലേക്കും ചെന്ന് ചാടരുത്..... ഡ്രെക്സ് മാഫിയയിലൊക്കെ ചെന്ന് പെട്ടാൽ പിന്നെ ഒരിക്കലും രക്ഷപ്പെടാൻ പറ്റിയെന്നു വരില്ല.... മഹി ഞാൻ അങ്ങനൊന്നും...... അവൻ കൈയുയർത്തി തടഞ്ഞു..... ഇനി ഈ യൊരു സംസാരം നമുക്കിടയിൽ ഉണ്ടാകരുത്. അവനൊരു താക്കീതോടെ പറഞ്ഞു..... ശേഷം ബെഡിൽ നിന്നും എഴുന്നേറ്റ് ഫ്ലാറ്റിലെ ബാൽക്കണിയിലേക്ക് ചെന്നു നിന്ന് ഒരു സിഗററ്റ് എടുത്ത് അതിലേക്ക് തീകൊളുത്തി. മഹിയുടെ ദേഷ്യം എത്ര നീളുമെന്ന് അറിയാവുന്നുള്ളത് കൊണ്ട് തന്നെ മെറിൻ ബെഡിൽ നിന്നും എഴുന്നേറ്റ് അനുനയത്തിനായി അവന്റെഎടുത്തേക്ക് നടന്നു...... 🦋🦋🦋🦋🦋🦋🦋🦋🦋🦋🦋🦋🦋 കാവ്യയ്ക്ക് ക്ലാസ്സുണ്ടായിരുന്നതിനാൽ അവളൊഴികെയെല്ലാവരും ഒരുമിച്ചിരുന്നാണ് ആഹാരം കഴിച്ചത്...... ഊണിന് ശേഷം ഭാമ തന്റെ മുറിയിൽ വന്നൊന്നു മയങ്ങിയെങ്കിലും നന്ദൻ ഫോൺ നോക്കി സിറ്റൗട്ടിൽ തന്നെയിരുന്നു.... കുറച്ച് നേരം കഴിഞ്ഞതും വേണുവും അവനരികിൽ വന്നിരുന്നു...... കല്യാണത്തിന്റെ കാര്യത്തിൽ തുടങ്ങി...... ലോകകാര്യങ്ങൾ വരെ ഇരുവരും സംസാരിച്ചിരുന്നു.... വൈകുന്നേരമായതും ഇരുവരും തൊടിയിലേക്കിറങ്ങി...... തന്റെ വിയർപ്പുകൊണ്ട് സമ്പാദിച്ചതും കാരണവന്മാർ വഴി കൈമാറിക്കിട്ടിയതു മെല്ലാം അയാൾ അവന് കാണിച്ചു കൊടുത്തു....... പിന്നീട് അരമണിക്കൂറോളം തൊടിയിൽ ചുറ്റിയതിനു ശേഷമാണ് ഇരുവരും വീട്ടിലേക്ക് എത്തിയത് അപ്പോഴേക്കും ചായകുടിക്കാനുള്ള സമയമായിരുന്നു. വീടിനുമ്മറത്തേക്ക് വന്നപ്പോൾ കുളിച്ച് തലയിൽ തോർത്തും ചുറ്റി നിൽക്കുന്ന ഭാമയെയാണ് കാണുന്നത്... നന്ദേട്ടന്.... ചായ? വേണോ വേണ്ടയോ എന്നുള്ള ചോദ്യത്തോടെ അവളവനെ നോക്കി....... ഞാനൊന്നു കുളിച്ചിട്ട് വരട്ടെടോ..... അകത്തേക്ക് കയറിക്കൊണ്ടവൻ പറഞ്ഞു. തന്റെ മുറിയിൽ ബാത്‌റൂമില്ലല്ലോ ഇല്ല......ഇവിടെ കുളിമുറി പുറത്താ.....അടുക്കളയുടെ അടുത്ത്..... ഞാൻ കാണിച്ചു തരാം.... നന്ദേട്ടൻ മാറാനുള്ളത് എടുത്ത് വാ.... ഹ്മ്മ്മ്...... അവൻ റൂമിലേക്ക്‌ നടന്നു...... ഡ്രെസ്സ് എടുത്ത് അടുക്കളയിലൂടെ പുറത്തേക്കിറങ്ങിയതും ഭാമയവിടെ നിൽപ്പുണ്ടായിരുന്നു. ഇവിടെയാണോ എല്ലാവരും കുളിക്കുന്നത്? അവനൊരു ചോദ്യത്തോടെ അവളെ നോക്കി....... ഏയ്യ് അല്ല..... എല്ലാവരുടെ മുറിയിലും അറ്റാച്ഡ് ബാത്‌റൂമുണ്ട്.... എന്റെ മുറിയിൽ മാത്രം ഇല്ല..... ഞാൻ മാത്രമാ ഇതുപയോഗിക്കുന്നത്.... അവളൊരു ചെറു ചിരിയോടെ പറഞ്ഞു..... ഒന്ന് മൂളിക്കേട്ടു കൊണ്ടവൻ അകത്തേക്ക് കയറി. ഞാൻ അടുക്കളയിൽ തന്നെ ഉണ്ട് കേട്ടോ. അവൻ ഡോർ അടയ്ക്കുന്നതിന് മുന്നേ പറഞ്ഞുകൊണ്ട് അവൾ തിരിഞ്ഞു ...... 🌼🌼🌼 ഉച്ചയ്ക്ക് ഊണ് കഴിഞ്ഞതിന് ശേഷം അമ്മായിയെ ഈ പരിസരത്ത് കണ്ടിട്ടില്ല...... അടുക്കളയിലാകമാനം അത് കാണാനുമുണ്ട്..... ഞാൻ ചെയ്യട്ടെയെന്ന് കരുതി മനപ്പൂർവം വരാത്തതാണെന്ന് അവൾക്കറിയാം...... പണ്ടുമുതലേ ഇതുതന്നെയാണ് സ്വഭാവം.... അതുകൊണ്ട് കൂടുതൽ അലോചിക്കാതെ പതിയെ ഒരറ്റത്തു നിന്ന് ഒതുക്കി തുടങ്ങി.... കുറച്ച് നേരം കഴിഞ്ഞതും വേണു എന്തോ കാര്യത്തിനായി ഭാമയെ വിളിച്ചതും അവൾ അച്ഛനടുത്തേക്ക് ചെന്നു. 🦋🦋🦋🦋🦋🦋🦋 നവ്യ ക്ലാസ്സ്‌ കഴിഞ്ഞു വന്നതും അമ്മയെ തിരക്കിയവൾ അടുക്കളയിലേക്ക് വന്നു..... ഭാമ വന്നത് നേരത്തേ അറിഞ്ഞിരുന്നു..... അവളുടെ കാര്യത്തിൽ വല്യ താല്പര്യമില്ലാത്തതു കൊണ്ട് അതിനെക്കുറിച്ച് അധികം ചോദിക്കാൻ പോയില്ല...... അമ്മയെ തിരക്കി നടന്ന് കാണാതെ അടുക്കളയിൽ നിന്ന് പോകാൻ തിരിയുമ്പോഴായിരുന്നു നന്ദൻ കുളികഴിഞ്ഞ് അകത്തേക്ക് കയറി വന്നത്...... ഒരു മൂളിപ്പാട്ടും പാടി തോളിൽ കിടന്ന ടൗവൽ കൊണ്ട് തലയുടെ ഒരുവശം തോർത്തിക്കൊണ്ട് കയറി വരുന്നവനെ കണ്ടതും ഒരു നിമിഷമവൾ കണ്ണെടുക്കാതെ നോക്കിപ്പോയി....... പേശികളുറഞ്ഞ് വല്ലത്തൊരു പൗരുഷത്തോടെ കാണുന്ന അവന്റെ വിരിഞ്ഞ നെഞ്ചും....... തലതോർത്തുമ്പോൾ ഉരുണ്ടുയരുന്ന കൈയിലെ മസിലും ദേഹമാകെ പറ്റിപ്പിടിച്ചിരിക്കുന്ന വെള്ളത്തുള്ളികളും, ഒരുനിമിഷമവളുടെ ഹൃദയമിടിപ്പിനെ തെറ്റിച്ചു..... തുടരും. 🌺💚 ലൈക് ചെയ്ത് അഭിപ്രായങ്ങൾ എഴുതണേ....... കണ്ണൂർകാരൻ ❤️❤️❤️❤️ #✍ തുടർക്കഥ #💞 പ്രണയകഥകൾ #📔 കഥ #📙 നോവൽ