മുറ്റത്തെ തേന്മാവിൻ കൊമ്പിൽ അച്ഛൻ കെട്ടിയ കളിയൂഞ്ഞാലിൽ ആടിക്കൊണ്ടിരിക്കുക ആയിരുന്നു കൃതിക. മോളേ കൃതി ഇങ്ങ് വന്നേ.. അമ്മ സാവത്രിയുടെ വിളി കേട്ട് കൃതി ഉമ്മറത്തേക്ക് ചെന്നു. ന്താ അമ്മേ...? നീ വേഗം ചെന്ന് ഒരുങ്ങ്.. എന്തിന്..? നിന്നെ ഇന്ന് ഒരു കൂട്ടര് പെണ്ണു കാണാൻ വരുന്നുണ്ട്. ചെക്കൻ അമേരിക്കയിൽ വലിയ ബിസിനസ് ‌മാനാ... അതും പറഞ്ഞ് സാവത്രി അകത്തേക്ക് പോയി. കൃതി തോർത്തെടുത്ത് washroom ഇലേക്ക് നടന്നു. പോകുന്ന വഴിക്ക് അവൾ എന്തൊക്കെയോ പിറു പിറുക്കുന്നുണ്ടായി രുന്നു. കുളി ഒക്കെ കഴിഞ്ഞ് കൃതിക നേരെ കണ്ണാടിയുടെ മുമ്പിൽ ചെന്ന് നിന്നു. അമ്മ ഉടുക്കാൻ കൊടുത്ത സാരി കയ്യിൽ പിടിച്ച് അവൾ കണ്ണാടിയിൽ കാണുന്ന അവളുടെ പ്രതിബിംബത്തിലേക്ക് തന്നെ കുറച്ചു നേരം നോക്കി നിന്നു, താഴെ നിന്ന് കൂവി വിളിക്കുന്ന സാവത്രിയുടെ ശബ്ദം കേട്ട് കൃതി ദൃതിയിൽ ഒരുങ്ങി കോണിപ്പടികൾ ഇറങ്ങി താഴേക്ക് ചെന്നു, പെട്ടന്ന് ആരോ ഫോൺ ചെവിയിൽ വച്ച് അതിലൂടെ പാസ് ചെയ്ത് പോയത് കണ്ട് കൃതി പേടിചു, അവൾ പോയതാരാണെന്ന് ശ്രദ്ധിക്കാതെ മുമ്പോട്ട് തന്നെ നടന്നു. ഹെയ്.. കൃതികാ... കൃതി പരിചയമില്ലാത്ത ഒരു പുരുഷ ശബ്ദം കേട്ട് തിരിഞ്ഞു നോക്കി, അയാൾ അവളെ നിറ പുഞ്ചിരിയോടെ നോക്കി നിൽക്കുകയായിരുന്നു. കറുത്ത കട്ടിയുള്ള മീശ, കട്ടത്താടി, വെള്ള ഷർട്ടും, വെള്ള മുണ്ടും, ചിരിക്കുമ്പോൾ രോമങ്ങൾക്കിടയിലൂടെ നുണക്കുഴികൾ തെളിഞ്ഞു കാണുന്നുണ്ട്, അയാളുടെ ആ മനം മയക്കുന്ന ചിരി അവളുടെ ഹൃദയത്തിൽ എവിടെയോ തുളഞ്ഞു കയറി. അയാൾ അവളെയും അവൾ അയാളെയും പുഞ്ചിരിയോടെ നോക്കി നിന്നു. കൃതീ......... മോളേ... കൃതീ........ പോരാളിയുടെ അലാറം അടിക്കുന്ന ശബ്ദം കേട്ടാണ് കൃതി ഉറക്കത്തിൽ നിന്നും ഉണരുന്നത്, ഇത്രയും നേരം കണ്ടതെല്ലാം വെറും സ്വപ്നമായിരുന്നു എന്ന് ഓർത്തതും അവൾക്ക് ചിരി വന്നു. ഈ അമ്മയെ കൊണ്ട്, അടിപൊളി ഒരു സ്വപ്നം കാണുവായിരുന്നു.. നശിപ്പിച്ചു എന്നാലും ആരായിരിക്കും അയാള്, ഇനി അയാൾ ആയിരിക്കോ എന്നെ... എയ്യ്..... ഇത് just ഒരു dream മാത്രം ആണ് കൃതി.. കൃതി മുമ്പിൽ ഉള്ള കണ്ണാടിയിൽ നോക്കി ഒന്ന് ചിരിച്ച് മുഖം അമർത്തി തുടച്ച് തോർത്തെടുത്ത് ബാത്‌റൂമിലേക്ക് പോയി. [ഞാൻ കൃതിക, കൃതിക ബാലചന്ദ്രൻ, ഇഷ്ടമുള്ളവർ എന്നെ കൃതി എന്ന് വിളിക്കും, ഇഷ്ടമുള്ളവർ മാത്രം.. അച്ഛൻ ബാലചന്ദ്രൻ, sorry aduacate ബാലചന്ദ്രൻ. അമ്മ സാവത്രി ബാലചന്ദ്രൻ, house wife ആണ്. ഏട്ടൻ കൃപേഷ് ബാലചന്ദ്രൻ. പുള്ളിക്കാരൻ ഡോക്ടർ ആണ് അതും ബാംഗ്ലൂർ, വല്ലപ്പോഴും ലീവിന് വരും, അന്ന് ഇവിടെ വലിയ ആഘോഷമായിരിക്കും. ഞാൻ B ED കഴിഞ്ഞു ഇപ്പോൾ pg ചെയ്യുകയാണ്. ഇന്ന് എന്റെ friend ന്റെ ചേച്ചിയുടെ കല്യാണമാണ്. ഞങ്ങടെ അയൽക്കാരി കൂടി ആണ് അവർ. അങ്ങോട്ട് പോകാനാണ് അമ്മയുടെ alarm ഇത്ര നേരത്തെ അടിക്കുന്നത്...] ഈ പെണ്ണിത് എവിടെയാ എന്റെ കൃഷ്ണാ... ഈ തല തെറിച്ചവൾ കാരണം എവിടെയും നേരത്തെ എത്താൻ പറ്റില്ലല്ലോ.... കൃതീ...... എടി കൃതീ..... വന്നു ഞാൻ.. എന്താ സാവത്രിയമ്മേ ഇത്, പെൺകുട്ടികൾക്ക് ഒരുങ്ങാൻ കുറച്ചു സമയം കൊടുക്ക്, മുതുക്കികളെ പോലെ ആണോ അവർക്ക് ഒരുങ്ങണ്ടേ... കൃതി ഷോൾ കഴുത്തിൽ ഇട്ടു കൊണ്ട് കളിയോടെ പറഞ്ഞു, സാവത്രിക്ക അത് കേട്ട് ചിരി വന്നു. മതി നിന്റെ പ്രസംഗം, മുഹൂർത്തം തീരുന്നതിന് മുമ്പ് ഇറങ്ങാൻ നോക്ക്.. പെണ്ണാണത്രേ പെണ്ണ് എനിക്ക് അതിൽ ചെറിയ സംശയം ഒക്കെ ഉണ്ട്. സാവത്രി അതും പറഞ്ഞ് ചിരിച്ച് കൊണ്ട് പുറത്തേക്ക് ഇറങ്ങി, പിന്നാലെ ചിണുങ്ങി കൊണ്ട് കൃതിയും. കല്ല്യാണം ഓഡിറ്റോറിയതിൽ വച്ചാണ്, കൃതിയും, അമ്മയും welcome drink ഒക്കെ കുടിച്ച് set ആയി ഇരിക്കുമ്പോൾ ആണ് അങ്ങോട്ട് സാവത്രിയുടെ കൂട്ടുകാരികൾ വരുന്നത്. അവർ വരുന്നത് കണ്ടപ്പോഴേ കൃതി അവിടെ നിന്ന് തടി തപ്പി, കല്ല്യാണം ഒന്നും ആയില്ലേ, ജോലി ആയില്ലേ, കുട്ടികൾ ആയില്ലേ ഇങ്ങനെ ഉള്ള സ്ഥിരം diologue ആയിരിക്കും, അവൾക്കത് കേൾക്കുന്നതേ ഇഷ്ടമല്ല, അവൾ നേരെ മുകളിലേക്ക് നടന്നു, കുറച്ച് നടന്നതും ഒരു മസിലനെ തട്ടി താഴെ വീഴാൻ പോയി, അവൾ വീഴുന്നതിന് മുമ്പേ അയാൾ കൈകളിൽ അവളെ സുരക്ഷിതമായി പിടിച്ചിരുന്നു. so... sorry... ഞാ... ഞാൻ കണ്ടില്ല, അതും പറഞ്ഞ് അവൾ അയാളെ തല ഉയർത്തി നോക്കി, അയാളെ കണ്ട അവൾ ശരിക്കും shock ആയി, കാരണം, ഇന്ന് അവൾ കണ്ട സ്വപ്നത്തിലെ ഹീറോ ആയിരുന്നു അത്, പെട്ടന്ന് കൃതിയുടെ ശരീരത്തിൽ ഒരു വൈദ്യുതി കടന്ന് പോയത് പോലെ തോന്നി. അവൾ ഒന്ന് അനങ്ങാൻ പോലും കഴിയാതെ അവിടെ തന്നെ നിന്നു. അവൻ ചുറ്റും ഒന്ന് നോക്കി അവളെ നേരെ നിർത്തി ഒന്നും മിണ്ടാതെ അവിടെ നിന്ന് പോയി, അവൾ നോക്കുമ്പോൾ ചുറ്റുമുള്ള അമ്മായിമാരും, മാമമ്മാരും അവളെ തന്നെ നോക്കുന്നുണ്ട്. അപ്പോ അതാണ് പുള്ളിക്കാരൻ സ്ഥലം വിട്ടത് എന്ന് അവൾ മനസ്സിൽ ഓർത്തു, ഭാഗ്യത്തിന് സാവത്രി കണ്ടില്ല, അവൾ വേഗം മുകളിലേക്ക് കയറി പോയി. സ്റ്റേജിൽ താലി കെട്ട് നടക്കുമ്പോൾ കൃതിയുടെ ഹൃദയത്തിൽ, പ്രണയം പെരുമ്പറ കൊട്ടുകയായിരുന്നു. രാത്രി ഉറങ്ങാൻ കിടക്കുമ്പോൾ പോലും, അവളുടെ ശരീരത്തിൽ നിന്ന് അവന്റെ ചൂട് വിട്ട് മാറിയിരുന്നില്ല. അവന്റെ ഡ്രെസ്സിൽ നിന്നും പടർന്ന സ്പ്രേയുടെ മണം അവളുടെ ഡ്രെസ്സിലേക്ക് ചെറുതായി പടർന്നിരുന്നു, അത് കൊണ്ട് ആ ഡ്രെസ്സ് പോലും അലക്കാതെ നെഞ്ചോട് ചേർത്ത് പിടിച്ചു കിടക്കുകയായിരുന്നു അന്ന് രാത്രി മുഴുവൻ. പിറ്റേന്ന് ഉറക്കം ഉണരുന്ന കൃതി കാണുന്നത് വീട് മൊത്തം paint അടിക്കുന്ന പത്തു പതിനഞ്ചോളം ജോലിക്കാരെയാണ്. ഹെ.... അച്ഛനിതെന്തു പറ്റി വട്ടായോ.. 2 മാസം മുമ്പല്ലേ paint അടിച്ച് ഇട്ടത്. അവൾ അതും പറഞ്ഞ് കുളിക്കാൻ പോയി, കുളി കഴിഞ്ഞ് താഴേക്ക് ഇറങ്ങുമ്പോൾ അമ്മായിയും, husband ഉം, അവരുടെ മക്കളും, മരുമക്കളും, പേരക്കുട്ടികളും, വല്യച്ചനും, വല്യമ്മയും, അവരുടെ മക്കളും, മരുമക്കളും, പേരക്കുട്ടികളും, ചെറിയച്ചനും, ചെറിയമ്മയും അവരുടെ മക്കളും, മാമനും മാമിയും, അവരുടെ മക്കളും, മരുമക്കളും, പേരമാക്കളും, എന്തിനേറെ ബാംഗ്ലൂർ കിടക്കുന്ന അവളുടെ ഏട്ടൻ വരെ വീട്ടിൽ എത്തിയിട്ടുണ്ട്, എല്ലാവരും നല്ല സന്തോഷത്തിൽ ആണ്, അവരെല്ലാം അവളെ നോക്കി ചിരിക്കുന്നുണ്ട്. കാര്യം എന്താണെന്ന് ചോദിക്കണം എന്നുണ്ട് എങ്ങനെ ചോദിക്കും സ്വന്തം വീട്ടിൽ നടക്കുന്നത് മറ്റൊരാളോട് ചോദിക്കാൻ പറ്റുമോ എന്ന നാണക്കേട് കൊണ്ട് മിണ്ടാതെ ഇരിക്കുകയായിരുന്നു അവൾ. അമ്മയോട് ചോദിക്കാം എന്ന് കരുതി അടുക്കളയിലേക്ക് ചെന്നപ്പോൾ മുത്തശ്ശിയും അമ്മയും അവിടെ പായസം ഉണ്ടാക്കികൊണ്ടിരിക്കുക ആയിരുന്നു. അവൾ പിന്നോട്ട് തന്നെ നടന്നു.. മോളേ.. കൃതീ...... അച്ഛന്റെ നീട്ടിയുള്ള വിളി കേട്ട് കൃതി അച്ഛന്റെ മുറിയിലേക്ക് ഓടി.. എന്താ അച്ഛാ...... മോള് ഇന്ന് കോളേജിൽ പോകണ്ടാട്ടോ.. അതെന്താ അച്ഛാ..... ഇന്ന് നിന്നെ ഒരു കൂട്ടര് കാണാൻ വരുന്നുണ്ട്, അമേരിക്കയിൽ വലിയ ബിസിനസ്‌ മാനാ... അച്ഛൻ അത് പറഞ്ഞപ്പോൾ അവൾ അവളുടെ dream നെ കുറിച്ച് ഓർത്തു. ഏ.... ഇത് തന്നല്ലേ അമ്മ സ്വപ്നത്തിൽ എന്നോട് പറഞ്ഞത്.. കൃതീ..... നീ എന്താ ആലോചിക്കുന്നത്. ഞാൻ പറഞ്ഞത് കേട്ടില്ലേ..? കേട്ടു അച്ഛാ.... പക്ഷെ..... മോള് പേടിക്കണ്ടാട്ടോ, അവര് കാണാൻ വരുന്നേ ഒള്ളൂ, ഇന്നലെ നിന്നെ ഓഡിറ്റോറിയത്തിൽ വച്ചു ചെക്കൻ കണ്ടുത്രേ, അതാ ഇത്ര പെട്ടന്ന്... മ്മ്മ്.... അവൾ അതിന് മൂളുക മാത്രം ചെയ്ത് അവിടെ നിന്ന് റൂമിലേക്ക് പോയി. എന്തായി ബാലു അവൾ സമ്മതിച്ചോ...? അവൾ പ്രത്യേകിച്ച് ഒന്നും പറഞ്ഞില്ല സവത്രി.... ബാലു അതും പറഞ്ഞ് പുറത്തേക്ക് പോയി, കൃതി വാതിൽ കുറ്റിയിട്ട് എന്തോ ചിന്തയിൽ മുഴുകിയിരിക്കുക ആയിരുന്നു. കല്ല്യാണം ഒക്കെ ok, പക്ഷെ...... ആ സ്വപ്നം കണ്ടില്ലായിരുന്നെങ്കിൽ ആരെ വേണേലും കല്ല്യാണം കഴിക്കാമായിരുന്നു. ഇതിപ്പോ... സ്വപ്നം മാത്രാണോ നേരിട്ട് കാണുകയും ചെയ്തില്ലേ.... ഒരു മുൻ പരിചയം പോലും ഇല്ലാത്ത അയാളെ കുറിച്ചോർത്ത് അറിയാതെ അവളുടെ കണ്ണുകൾ നിറഞ്ഞൊഴുകി, കുറച്ചു സമയം കഴിഞ്ഞ് ആരോ ഡോർ വന്ന് മുട്ടിയപ്പോൾ ആണ് കൃതി ചിന്തയിൽ നിന്ന് ഉണരുന്നത്. കൃതി കണ്ണുകൾ അമർത്തി തുടച്ച് ഡോർ തുറന്നു. വന്നത് കൃപേഷ് ആയിരുന്നു. ഓ..... ഏട്ടനായിരുന്നോ... അതേല്ലോ... മ്മ്മ്...... അല്ല..... എന്താണ് മോളേ നീ വല്ലാതെ ക്ഷീണിച്ചല്ലോ, എന്തുപറ്റി നിനക്ക്. അതിന് അവൾ കൃപയെ ദഹിപ്പിച്ചൊന്ന് നോക്കി ബെഡിൽ പോയി ഇരുന്നു. ഹാ.... പറ പെണ്ണെ എന്താ പ്രശ്നം..? ദേ... ഏട്ടാ... കളിക്കല്ലേ... കുടുംബക്കാർ മൊത്തം എന്റെ പെണ്ണു കാണൽ അറിഞ്ഞ് വീട്ടിൽ എത്തി, ഏട്ടൻ അടക്കം, എന്നിട്ട് ഞാൻ അറിയുന്നതോ നേരം വെളുക്കുമ്പോ.. ഒരു പെണ്ണുകാണാലിനൊക്കെ എന്തിനാ കുടുംബക്കാരെ മൊത്തം അറിയിക്കണേ കല്ല്യാണം പറഞ്ഞാ പോരേ.... അതും പറഞ്ഞ് കൃതി മുഖം തിരിച്ചിരിക്കുന്നു. നിനക്കൊരു surprise തന്നതല്ലേ.. ഇതോ.. ഇതാണോ surprise.. പിന്നേ.... നീ എന്തായാലും ആരേം പ്രേമിക്കില്ല, വീട്ടുകാരോട് ചെക്കനെ കണ്ടെത്താൻ പറഞ്ഞിട്ടല്ലേ... അത്..... ഏട്ടാ.... ഞാൻ... അത് കേട്ട് കൃതിയുടെ കണ്ണുകൾ നിറഞ്ഞു. എന്താ മോളേ... നീ ആരെയെങ്കിലും പ്രേമിക്കുന്നുണ്ടോ...? എന്താ പെട്ടന്ന് കണ്ണ് കലങ്ങിയത്..? എയ്യ്.... ഞാനോ... പ്രേമിക്കാനോ ഇല്ല ഏട്ടാ... അത് എന്തോ പ്രാണി കയറിയതാ.. അതും പറഞ്ഞ് കൃതി വേഗം ബാത്രൂമിലേക്ക് കയറി, കൃപേഷും അത് വിശ്വസിച്ച് താഴേക്ക് പോയി. ബാത്‌റൂമിൽ ഇരുന്ന് പൊട്ടി പൊട്ടി കരയുകയാണ് കൃതി, അവളുടെ ഹൃദയത്തിൽ എന്തോ ഒരു വിങ്ങൽ, സ്വപ്നത്തിൽ കണ്ട ആളെ നേരിൽ കണ്ടപ്പോൾ തോന്നിയ ഇഷ്ടമാണോ ആ വിങ്ങലിനു കാരണം, പേരറിയില്ലെങ്കിലും, ഊരറിയില്ലെങ്കിലും ആ മനുഷ്യനോട് അവൾക്ക് അടങ്ങാത്ത പ്രണയം തോന്നാൻ തുടങ്ങിയിരുന്നു. എല്ലാവരും break fast കഴിക്കാൻ ഇരുന്നെങ്കിലും. കൃതിയെ മാത്രം കണ്ടില്ല. മോളെവിടെ അവളെ വിളിക്ക് സവത്രീ.... കൃതിയുടെ മാമൻ പറയുന്നത് കേട്ട് സാവത്രി അവളെ വിളിക്കാൻ മുകളിലേക്ക് പോയി. മോളേ.... കൃതീ.... കൃതീ...... സാവത്രി അവളുടെ റൂമിന് പുറത്ത് നിന്ന് വാതിൽ ശക്തമായി കൊട്ടി കൊണ്ടിരുന്നു. പെട്ടന്ന് വാതിൽ തുറന്ന് കൃതി പുറത്തേക്ക് വന്നു. എനിക്ക് വിശക്കുന്നു, കഴിക്കാൻ എന്തെങ്കിലും ഉണ്ടോ..? ഉണ്ട്, നിന്നെ കഴിക്കാൻ വിളിക്കാൻ വന്നത് തന്നെയാ ഞാൻ വാ.. കൃതി സാവത്രിയുടെ കൂടെ താഴേക്ക് ചെന്ന് ഭക്ഷണം കഴിച്ചു, കഴിച്ച് കഴിഞ്ഞ് അവൾ കസിൻസിനോട് സംസാരിച്ചിരുന്നു, ആ നേരത്താണ് സാവതി അങ്ങോട്ട് ഓടി വരുന്നത്. മോളേ... കൃതീ.... നീ വേഗം പോയി ഒരുങ് അവരിങ്ങെത്തി, അത് കേട്ട് കൃതി പതിയെ മുകളിലേക്ക് നടന്നു. കൂടെ കസിൻസും അവളെ ഒരുക്കാൻ പോയി, അത്യാവശ്യം മേക്കപ്പ് ഒക്കെ ഇട്ട് അവർ അവളെ ഒരുക്കി താഴേക്ക് കൊണ്ട് വന്നു, കുടിക്കാനുള്ള വെള്ളം നേരത്തെ അമ്മയും വല്യമ്മയും കൊണ്ടുപോയി കൊടുത്തത് കൊണ്ട് കൃതിക്ക് പെണ്ണുകാണൽ എന്ന ചടങ്ങ് മാത്രം നിർവഹിച്ചാൽ മതിയായിരുന്നു. അവൾ പേടിച്ചു പേടിച്ചു ഹാളിലേക്ക് നടന്നു. അവളെ കാത്ത് ചിരിക്കുന്ന ഒരുപാട് മുഖങ്ങൾ അവിടെ ഉണ്ടായിരുന്നു. രണ്ട് മൂന്ന് പയ്യന്മാർ ഇരിക്കുന്നുണ്ട്, ഇതിൽ ആരായിരിക്കും എന്റെ തലയിൽ ആകാൻ പോകുന്നത്..? കൃതി മനസ്സിൽ പറഞ്ഞ് ഓരോരുത്തരെ ആയി വീക്ഷിച്ചു. എന്താ മോൾടെ പേര്...? കൃതി... അല്ല കൃതിക... അത് പറഞ്ഞ് കൊണ്ട് ചോദിച്ചതാരാണെന്ന് അവൾ നോക്കി, കണ്ടത് ഒരു വയസ്സനാണ്. അയ്യേ... ഈ മുത്തശ്ശനാണോ എന്നെ കാണാൻ വന്നേ... ഇപ്പോ നീട്ടി തരാം എന്റെ കഴുത്ത്... അവൾ മനസ്സിൽ പിറു പിറുത്തു. നല്ല പേര്... അല്ല... അവനെവിടെ അവനെ വിളിക്ക് ഭവാനി... ആ ഇപ്പോ വിളിക്കാം... കാളീ..... കാളിദാസാ... അത് കേട്ട് കൃതിക്ക് ഒരു സമാധാനം ആയി. ഹാവൂ... അപ്പോ ഈ മുത്തശ്ശനല്ല വേറെ ആളുണ്ടല്ലേ.... അവൾ മനസ്സിൽ പറഞ്ഞു ചിരിച്ചു. കാളീ.... ദാ വന്നമ്മേ... ആ പൌരുഷം നിറഞ്ഞ ശബ്ദത്തിനു‌ടമ ആരാണെന്നറിയാൻ കൃതി ഒന്ന് തിരിഞ്ഞു നോക്കി. അയാളെ കണ്ട അവൾ കണ്ണും തള്ളി തിരിഞ്ഞു നിന്നു പോയി. ദാ വന്നമ്മേ... ആ പൌരുഷം നിറഞ്ഞ ശബ്ദത്തിനുടമ ആരാണെന്നറിയാൻ കൃതി ഒന്ന് തിരിഞ്ഞു നോക്കി. അവനെ കണ്ട അവൾ കണ്ണും തള്ളി തിരിഞ്ഞു നിന്നു പോയി. ഏ... ഇത്... അയാൾ അല്ലേ.. സ്വപ്നത്തിൽ കണ്ട ആ.... ആൾ, അവൾക്കത് വിശ്വസിക്കാൻ കഴിഞ്ഞില്ല. വെള്ള മുണ്ടും, ഷർട്ടും ഇട്ട് വരുന്ന ആ താടിക്കാരനോട് ആർക്കായാലും ഒരു ഇഷ്ടമൊക്കെ തോനിപ്പോകും. അവൻ നേരെ കൃതിയുടെ അടുത്ത് ചെന്ന് നിന്നു. മോളേ... ഇതാണ് എന്റെ മോൻ, കാളി എന്ന കാളിദാസൻ. ഭവാനി കൃതിയുടെ അടുത്ത് ചെന്ന് കൊണ്ട് പറഞ്ഞു. അതിന് അവൾ ഒരുന്നും പറയാതെ അവനെ തന്നെ നോക്കി സിദ്ധു, അവനും അവളെ നോക്കുന്നുണ്ടായിരുന്നു. അത് കണ്ട് അവൾക്ക് നാണവും, ചിരിയുമൊക്കെ വന്നു. ഇന്നലെ മോളെ ഓടിടോറിയത്തിൽ വച്ച് കണ്ടപ്പോഴേ അവന് ഇഷ്ടമായി അപ്പോ പിന്നെ വൈകിപ്പിക്കേണ്ടെന്ന് ഞാനും കരുതി. അതും പറഞ്ഞ് ഭവാനി കൃതിയുടെ കയ്യിൽ പിടിച്ചു. അവൾ അന്നേരം കാളിയെ നോക്കുമ്പോൾ അവൻ തല കുനിച്ചു നിൽക്കുകയായിരുന്നു. മുഖത്തൊരു കള്ള ചിരിയും ഉണ്ട്. അവൾ അവർ രണ്ട് പേരും തമ്മിൽ കൂട്ടി ഇടിച്ചതും, അവൻ പിടിച്ചതും, കണ്ണും, കണ്ണും നോക്കി നിന്നതുമൊക്കെ ഓർത്തു, അത് ഓർത്തെടുത്ത അവൾക്ക് വല്ലാതെ നാണം വന്നു. എന്നാ പിന്നെ അധികം വൈകിപ്പിക്കണ്ട, നിശ്ചയം നമുക്ക് പെട്ടന്ന് നടത്തണം. കാളിയുടെ മുത്തശ്ശൻ അഭിപ്രായം പറഞ്ഞപ്പോൾ എല്ലാവരും ശരി വച്ചു, ബാലു കൃതിയെ നോക്കുമ്പോൾ അവൾ കാളിയെ തന്നെ നോക്കി നിൽക്കുകയാണ്. എല്ലാവരും അങ്ങനെ ഓരോന്ന് സംസാരിക്കുന്നതിനിടക്ക് ബാലു കൃതിയെ രഹസ്യമായി വിളിച് വിവാഹത്തിന് സമ്മതമാണോ എന്ന് തിരക്കി, അവൾക്കും എതിരഭിപ്രായം ഇല്ലെന്ന് കണ്ട് ബാലു ഈ വിവാഹം ഉറപ്പിച്ചു, പെണ്ണും, ചെക്കനും സംസരിക്കുന്നത് ഇപ്പോൾ ഓരു ചടങ്ങായത് കൊണ്ട് കൃതിയും, കാളിയും അതിന് നിർബന്ധിതരായി. കൃതിക ഇപ്പോ pg ചെയ്യുവാണല്ലേ..? അതെ.. അവളുടെ നാണത്തിലുള്ള നിൽപ്പ് കണ്ട് അവനും ചിരി വന്നു. കൃതികക്ക് ഈ നാണം ഒട്ടും ചേരുന്നില്ല കേട്ടോ.... അതിന് അവൾ ഒന്ന് ചിരിക്കുക മാത്രം ചെയ്തു. കൃതികക്ക് എന്നോടൊന്നും ചോദിക്കാൻ ഇല്ലേ...? അത്.... എനിക്കൊന്നും അറിയില്ല.. its ok ഞാൻ ചുമ്മാ ചോദിച്ചൂന്നെ ഒള്ളൂ.. മ്മ്മ്...... അങ്ങനെ അവരുടെ സംസാരം നീണ്ടു, അപ്പോൾ ആണ് അങ്ങോട്ട് കൃപേഷ് വരുന്നത്. ഹെലോ... മതി മതി, ഇപ്പോഴേ ഇങ്ങനെ സംസാരിച്ചാൽ കല്യാണം കഴിഞ്ഞാൽ ഒന്നും ഉണ്ടാവില്ല സംസാരിക്കാൻ. കൃപേഷിന്റെ ശബ്ദം കേട്ട് കൃതിയും, കാളിയും തിരിഞ്ഞു നോക്കി. കൃതിക്ക് അവനെ കണ്ട് നാണം വന്നു. ഹെയ്... ഇല്ല കൃപേഷ് അപ്പോഴാണ് ശരിക്കും സംസാരിക്കാൻ ഉണ്ടാവുക. കാളി അതും പറഞ്ഞു ചിരിച്ചു കൊണ്ട് അവിടെ നിന്ന് ഹാളിലേക്ക് പോയി, പിന്നാലെ കൃതിയും, കൃപയും, ഹാളിൽ എത്തിയപ്പോൾ വീട്ടുകാർ നിശ്ചയം എളുപ്പത്തിൽ നടത്താനുള്ള ചർച്ചയിൽ ആയിരുന്നു. എന്റെ മകൻ, അതായത് കാളിയുടെ അച്ഛൻ, അവന് 5 വയസായപ്പോൾ തന്നെ മരണപ്പെട്ടു. അവന് അമ്മ മാത്രേ ഒള്ളൂ, അവന്റെ കാര്യങ്ങൾ പറയാനും ചെയ്യാനും ആണായിട്ടുള്ളത് ഞാനും, എന്റെ മകളുടെ ഭർത്താവും, പിന്നെ ഭവാനിയുടെ ആങ്ങളയുമാണ്. കാളി ആദ്യമായിട്ടാ ഒരു പെൺകുട്ടിയെ കല്യാണം കഴിക്കണം എന്ന് പറഞ്ഞ് ഇങ്ങോട്ട് വരുന്നത്, അപ്പോ പിന്നെ ഞങ്ങൾ ഒന്നും ആലോചിക്കാൻ നിന്നില്ല. അവന്റെ ഇഷ്ടം പോലെ നടക്കട്ടെ എന്ന് കരുതി. ആ കുട്ടിക്കും ഇഷ്ടമായ സ്ഥിതിക്ക് നമുക്ക് നിശ്ചയവും കല്യാണവുമൊക്കെ പെട്ടന്ന് നടത്തണം. മുത്തശ്ശൻ പറഞ്ഞു നിർത്തിയപ്പോൾ ബാലു സമ്മതമെന്നോണം തലയാട്ടി. കുടുംബക്കാർക്കും ഈ ബന്ധം ഒത്തിരി ഇഷ്ടപ്പെട്ടിരുന്നു, ബാക്കി വിവരങ്ങൾ എല്ലാം ഫോണിലൂടെ സംസാരിക്കാം എന്ന് പറഞ്ഞ് കാളിയുടെ വീട്ടുകാർ തിരിച്ചു പോയി, അവർ പോയി കഴിഞ്ഞ് കൃതി കാളിയെ തന്നെ സ്വപ്നം കണ്ട് കിടക്കുക ആയിരുന്നു. പെട്ടന്ന് ആരോ വാതിൽ മുട്ടുന്ന ശബ്ദം കേട്ട് കൃതി ചെന്നു ഡോർ തുറന്നു, വന്നത് ബാലു ആയിരുന്നു. ആ... അച്ഛാ... മോളേ കൃതീ... അച്ചന് മോളോട് ഒരു.... കാര്യം ചോദിക്കാൻ ഉണ്ട്.. എന്താ അച്ഛാ...? നിനക്ക് ശരിക്കും ഈ വിവാഹത്തിന് ഇഷ്ടമല്ലേ...? കാളിയെ നിനക്ക് ഇഷ്ടമായില്ലേ...? അതെ അച്ഛാ ഇഷ്ടമായി, എനിക്ക് ഈ വിവാഹത്തിന് പൂർണ്ണ സമ്മതമാണ്.. ബാലുവിന് അത് കേട്ടപ്പോൾ ആണ് സമാധാനം ആയത്. ഹാവൂ.... ഇപ്പോഴാ അച്ചന് ആശ്വാസം ആകുന്നത്. അച്ഛൻ പോയി നിശ്ചയത്തിനുള്ള ഒരുക്കങ്ങൾ ഒക്കെ ചെയ്യട്ടെ.. ഹ്മ്മ്... ശരിയച്ചാ... ബാലു പോയി കഴിഞ്ഞ് കൃതി അവളുടെ നെഞ്ചിൽ കൈ വെച്ചു നോക്കി, അത് ദൃതിയിൽ മിടിക്കുന്നുണ്ടായിരുന്നു. കാളി... ആ പേര് കേൾക്കുമ്പോൾ തന്നെ നെഞ്ചിനകത്ത് ഒരു മിന്നൽ ഏറ്റ പോലെ ആണ്. ഇഷ്ടമാണച്ചാ എനിക്ക് അയാളെ ഒരുപാടൊരുപാട് ഇഷ്ടമാണ്.. അതും പറഞ്ഞവൾ ബെഡിലേക്ക് കമഴ്ന്ന് കിടക്കുന്നു. കാളി വീട്ടിൽ എത്തിയ ഉടനെ അടച്ചിട്ടിരുന്ന ഒരു മുറിയിലേക്ക് പൊട്ടി കരഞ്ഞു കൊണ്ട് ഓടി ചെന്നു. അവൻ ചുമരിൽ തൂക്കി ഇട്ടിരിക്കുന്ന ഒരു പെൺകുട്ടിയുടെ ഫോട്ടോയുടെ മുമ്പിൽ മുട്ട് കുത്തി ഇരുന്നു. ശ്രീ..... എന്നോട് ക്ഷമിക്കടോ... നിന്നോട് പറഞ്ഞ വാക്ക് എനിക്ക് പാലിക്കാൻ കഴിഞ്ഞില്ല, എനിക്ക് വേണ്ടത് നിന്റെ നീതിയാണ്. അതിന് ഞാൻ ഏതറ്റം വരെയും പോകും. നിന്റെ കൊലയാളികളെ കണ്ടു പിടിച്ച് കൊന്നിട്ടല്ലാതെ എനിക്കിനിയൊരു വിശ്രമമില്ല, അതിനുള്ളൊരു കച്ചിത്തുരുമ്പാ എനിക്കിപ്പോ കിട്ടിയിരിക്കുന്നത്. കാളി കൃതിയെ മനസ്സിൽ ഓർത്തുകൊണ്ട് പറഞ്ഞു. അവന്റെ കണ്ണിൽ പകയുടെ തീ ആളി കത്തുന്നുണ്ടായിരുന്നു. ദിവസങ്ങൾ കടന്നു പോയി, നിശ്ചയ ദിവസം കടന്നു വന്നു. വീട്ടുകാരും, ബന്ധുക്കളും ക്ഷണം സ്വീകരിച്ച് കൃതിയുടെ വീട്ടിൽ എത്തി, അല്പ സമയത്തിന് ശേഷം കാളിയും വീട്ടുകാരും അങ്ങോട്ട് വന്നു. ചടങ്ങുകൾ ഒക്കെ കഴിഞ്ഞ് എല്ലാവരും ഫോട്ടോ എടുക്കാനും, ഭക്ഷണം കഴിക്കാനും തിരിഞ്ഞു. കാളിയും, കൃതിയും സ്റ്റേജിലെ കസേരയിൽ തന്നെ ഇരുന്ന് സംസാരിക്കുകയാണ്. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/49974/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ