*૬૦+માટે* *તું નકામું થાકવાનું બંધ કર,* *ઘર બરફનું બાંધવાનું બંધ કર !* *શું થયું, કેમ થશે ને ક્યારે થશે ?* *આમ ઝીણું કાંતવાનું બંધ કર !* *મોતને હશે ગરજ તો આવશે,* *એ દિશામાં તાકવાનું બંધ કર !* *હસ્તરેખા પણ પસીનાથી ચમકશે,* *તું પ્રારબ્ધને કોસવાનું બંધ કર !* પ્રિય પ્રભુને નમ્ર અરજી… એવી ખુમારીથી જીવ્યા છીએ કે.. કોઈના પર ડીપેન્ડન્ટ રહેવાનું નહીં જ ફાવે...... પોતાના શ્વાસ છોડીને ઉધારના શ્વાસ નહિ ફાવે અને એટલે જ કદાચ.. વેન્ટીલેટર ઉપર રહેવું પણ અમને નહીં ફાવે..... શરીરમાં પાંચ જગ્યાએ નળીઓ ભરાવેલી હોય અને ખાટલા પર પાથરેલી કોઈ જૂની, કરચલીઓ વાળી ચાદરની જેમ પડ્યા હોઈએ ત્યારે નહિ મારતો.. પણ, મંદિરમાં સાંજ ટાણે દીવો કર્યો હોય અને કોઈ સુગંધી પવનની એક થપાટ સાથે એ દીવો ઠરે, એવી રીતે અમને ઠારજે હોં કે... *હે ઈશ્વર, અમે પૂરેપૂરા જીવતા હોઈએ ને* *ત્યારે જ મારજે..* પાનખર આવવાની રાહ જોઈને,. ડાળી ઉપર લટકી રહેલા શ્વાસ અમારાથી નહિ જોવાય ...... જેમની સાથે આખી જિંદગી વિતાવી છે, એ બધા લોકોને કેવી રીતે કહી શકશું ગૂડબાય ?? તું મૃત્યુને દર્પણ સામે ઉભી રહી તૈયાર થતી પત્નીઓની જેમ મોકલતો નહિ..કે *એ ‘આવું છું..આવું છું’* *કહીને ક્યાંય સુધી રાહ જોવડાવે.....* તું મૃત્યુને ઘરમાં રહેલા કોઈ વડીલના આશીર્વાદની જેમ મોકલજે કે, *ખબર પણ ન પડે અને વરસી જાય.* તેં જીવતર નામની ઘાત આપી છે, તો એ ઘાતમાંથી પણ તું જ ઉગારજે.. હે ઈશ્વર... અમે પૂરેપૂરા જીવતા હોઈએ ને, ત્યારે જ અમને મારજે, તારે દુવાઓ નથી જોઈતી ? જીવ બચ્યા કરતા જીવ ગયાની, તને વધારે દુવાઓ લાગશે. કોઈપણ જાતની નોટીસ વગર, આમ અચાનક તારા ઘરે આવીએ ! તો સાચું કહી દે ઈશ્વર શું તને એમ ફાવશે ? સુખની યાદીમાં નામ ન રાખે તો કાંઈ નહિ.. યમરાજની યાદી વખતે તો અમને સંભારજે... *_હે ઈશ્વર.._* *_અમે પૂરેપૂરા જીવતા હોઈએ ને,_* *_ત્યારે જ અમને મારજે..._* અજ્ઞાત 🍃🍂 #💫राशि के अनुसार भविष्यवाणी