ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6MMBZZ6?d=n&ui=v 🎫🎫🎫🎫🎫🎫🎫🎫 "എന്താണ് പേരെന്നാണ് പറഞ്ഞത്..." എസ് ഐ ശിവകുമാർ ആശാലതയുടെ കണ്ണുകളിലേക്ക് സൂക്ഷിച്ച് നോക്കി കൊണ്ട് ചോദിച്ചു. "ആശാലത.." അവൾ മറുപടി കൊടുത്തു. "ആശാലത എവിടെ നിന്നാണ് ഇങ്ങോട്ട് വന്നത്.." "ആവണീശ്വരം.." "അത് കുറച്ച് ദൂരെയല്ലേ... മയ്യനാട് നിന്നുംഅമ്പത്തഞ്ചു കിലോമീറ്ററോളം ദൂരെയാണല്ലോ ആശാലത ഇപ്പറഞ്ഞ സ്ഥലം..." "അതേ സാർ.." ആശാലത താൻ കൊല്ലത്ത്‌ വാട്ടർ അതോർറ്റിയിൽ ജോലി ചെയ്കയാണെന്നും, തന്റെ സഹോദരൻ കുന്നിക്കോട് പോലീസ് സ്റ്റേഷനിലെ പോലീസ് ഓഫീസർ ആണെന്നും കൂടി അവൾ അയാൾക്ക് മുമ്പിൽ വെളിപ്പെടുത്തി. "ഓ... ആശാലത ഒറ്റയ്ക്കാണോ മരണവീട്ടിലേക്ക് വന്നത്... അതായത് വീട്ടിൽ നിന്ന് മറ്റാരും ഈ ചടങ്ങിൽ പങ്കെടുക്കാൻ വന്നില്ലേ..." "സാറിന്റെ ചോദ്യം എനിയ്ക്ക് മനസിലായി... വിൻസന്റും ഞാനും തമ്മിലുള്ള ബന്ധം എന്തെന്നല്ലേ സാർ ഈ ചോദ്യത്തിലൂടെ ഉദേശിച്ചത്... സാർ കരുതും പോലെ തന്നെ വിൻസന്റുo, ഞാനും വിവാഹം കഴിയ്ക്കാൻ തീറ്റുമാനിച്ചിരുന്നവർ ആണ്... ഒരാഴ്ചയ്ക്കുള്ളിൽ ഞങ്ങളുടെ രെജിസ്റ്റർ മാര്യേജ് നടക്കേണ്ടതും ആയിരുന്നു... പക്‌ഷേ..." "നിങ്ങളെയാണോ വിൻസന്റ് വിവാഹം ചെയ്യാനിരുന്നത്. അത് മറ്റൊരു പെൺകുട്ടിയെ ആണെന്നാണല്ലോ എനിയ്ക്ക് കിട്ടിയ വിവരം..." "ചതി പറ്റിയത് എനിയ്ക്കാണോ അതോ വിൻസന്റിനാണോ എന്നൊന്നും എനിയ്ക്ക് അറിയില്ല സാർ... ഞാനിവിടെ എത്തും വരെ വിൻസന്റ് എന്നേ കബളിപ്പിയ്ക്കുകയായിരുന്നു എന്നാണ് ഞാൻ ധരിച്ചിരുന്നത്.. എന്നാൽ ഇപ്പോൾ... വിൻസന്റ് കൊല്ലപ്പെട്ട വാഹനത്തിന്റെ ഡ്രൈവർ അത് വിൻസന്റിന്റെ ഭാര്യയാകാൻ പോകുന്ന പെൺകുട്ടിയുടെ ബന്ധു നൽകിയ കൊട്ടേഷൻ ആണ് ഇതെന്ന് എങ്ങിനെ അറിയും സാർ... വിൻസന്റ് വിവാഹം കഴിയ്ക്കാൻ പോകുന്ന പെൺകുട്ടിയുടെ ആദ്യ ഭർത്താവാണ് ഇത് അയാളെ കൊണ്ട് ചെയ്യിപ്പിച്ചിട്ടുള്ളതെങ്കിൽ അയാൾ ആ ഡ്രൈവറോട് തന്റെ ചരിത്രമെല്ലാം വെളിപ്പെടുത്താൻ സാധ്യതയുണ്ടോ. അങ്ങനെ ഒരു മണ്ടത്തരം ആരെങ്കിലും ചെയ്യുമോ സാർ.." "ചെയ്തു കൂടാ എന്നില്ല ആശാലതാ.. കാരണം ഇത് മനഃപൂർവമല്ലാത്തഒരപകട മരണത്തിനപ്പുറം കരുതി കൂട്ടിയുള്ള ഒരു കൊലപാതകത്തിലേക്കാണ് വിരൽ ചൂണ്ടുന്നതെങ്കിൽ ആ ഡ്രൈവറെ കാശോ മറ്റെന്തെങ്കിലുമോ നൽകി സ്വാധീനിച്ചിട്ടുള്ള വ്യക്തിയ്ക്ക് ഇത് വഴി തിരിച്ച് വിടേണ്ടത് ഒരാവശ്യമല്ലേ... എന്തായാലും ഡ്രൈവറെ കസ്റ്റഡിയിൽ കിട്ടാതെ എന്തെങ്കിലുമൊരു നിഗമനത്തിലെത്താൻ നമുക്ക് സാധ്യമല്ല.. അതിരിയ്ക്കട്ടെ.. വിൻസന്റ് മറ്റൊരു പെൺകുട്ടിയെ കല്യാണം കഴിയ്ക്കാൻ പോകയാണെന്ന് ആശാലത ആര് പറഞ്ഞാണ് അറിയുന്നത്.. വിൻസന്റ് അതിനേ കുറിച്ചെന്തെങ്കിലും സൂചനകൾ ആശാലതയ്ക്ക് തന്നിരുന്നോ..."@ "ഇല്ല സാർ... വിൻസന്റിന് ഒരു അപകടമുണ്ടായി എന്ന് മാത്രമേ എനിയ്ക്ക് അറിയുമായിരുന്നുള്ളൂ. വിൻസന്റ് മരണപ്പെട്ട വിവരം പോലും ഞാൻ ഈ നാട്ടിൽ വരുമ്പോഴാണ് അറിയുന്നത്.." "ആശാലതയോട് ആ വിവരം അറിയിയ്ക്കുന്നത് ആശാലതയ്ക്ക് പരിചയമുള്ള ആരെങ്കിലും ആയിരുന്നോ... അല്ലെങ്കിൽ വിൻസന്റിന്റെബന്ധുക്കളോ മറ്റോ..." "ഞാൻ അവിടെ ജങ്ഷനിൽ വച്ച് ആരിൽ നിന്നോ വിൻസന്റിന്റെ വിവാഹം ആണെന്ന് മാത്രമാണ് അറിഞ്ഞത്. അത് കൂടുതൽ വിശദമായി ഞാൻ അറിയുന്നത് വിൻസന്റിന്റെ വീട്ടിൽ വച്ചാണ്..അവിടെ അടുത്തെങ്ങോ ഉള്ള ഏതോ ഒരു സ്ത്രീയിൽ നിന്ന്.." "ആശാലത വിൻസന്റിന്റെ വിവാഹമാണെന്ന് അറിഞ്ഞത് ഏതോ ഒരു അപരിചിതനിൽ നിന്ന്.. അത് ചിലപ്പോൾ വിൻസന്റിന്റെ ഏതെങ്കിലും സുഹൃത്ത്‌ ആയിക്കൂടെ. അയാൾ പറഞ്ഞത് വിൻസന്റ് ആശാലതയെ കല്യാണം കഴിയ്ക്കാൻ പോകുന്ന കാര്യമാണെങ്കിലോ... സുഹൃത്തുമായി അയാൾ ചിലപ്പോൾ അക്കാര്യം പങ്ക് വച്ചിട്ടുണ്ടാകാം." "അപ്പോൾ ആ സ്ത്രീ പറഞ്ഞതോ സാർ... അവിടെ, വിൻസന്റിന്റെ മരണാനന്തര ചടങ്ങിൽ പങ്കെടുക്കാൻ ആ വീട്ടിൽ കൂടിയിട്ടുള്ളവരുടെ സംസാരം കേട്ടിട്ടാണ് മറ്റൊരു സ്ത്രീ വന്ന് എന്നോട് സംസാരിച്ചു കൊണ്ടിരുന്നവരോട് പറയുന്നത് ഈ മരണത്തിൽ അവർക്കെല്ലാം സംശയം ഉണ്ടെന്ന്.ആ സംശയം വിൻസന്റ് കല്യാണം കഴിയ്ക്കാനിരിയ്ക്കുന്ന പെൺകുട്ടിയുടെ ആദ്യ ഭർത്താവിലേക്കാണ് വിരൽ ചൂണ്ടുന്നതെന്നും അവർ സംശയിക്കുന്നു..." "വിൻസന്റ് കല്യാണം കഴിയ്ക്കാനിരിയ്ക്കുന്ന പെൺകുട്ടി.." എസ്സ് ഐ ശിവകുമാർ പിറുപിറുത്തു. അയാളുടെ നെറ്റിയിൽ വീണ ചുളിവുകൾ പൊടുന്നനെ മാഞ്ഞു പോയി. "വിൻസന്റോ വിൻസന്റിന്റെ ബന്ധുക്കളോ ആരും ആശാലതയോട് സംസാരിച്ചിട്ടില്ല വിൻസന്റ് ആശാലതയെ അല്ലാതെ മറ്റൊരു പെൺകുട്ടിയെയാണ് കല്യാണം കഴിയ്ക്കാൻ പോകുന്നതെന്ന്.. ശരിയല്ലേ..." "അതേ സാർ.." "എവിടെ നിന്നോ കേട്ടത്.. ആരൊക്കെയോ പറഞ്ഞത്.. ആശാലത അതെല്ലാം കണ്ണും പൂട്ടി വിശ്വസിച്ചു കളഞ്ഞു..ആശാലതവിദ്യാഭ്യാസമുള്ള പെൺകുട്ടിയല്ലേ.. എന്തെങ്കിലുമൊക്കെ തെളിവുകൾ ഇല്ലാതെ ആരുടെയെങ്കിലുമൊക്കെ സംസാരം വെറുതെ എടുത്തു മനസ്സിൽ ഇട്ടോണ്ട് നടക്കുന്നതിൽ എന്തർത്ഥമാണ്ഉള്ളത്." തനിയ്ക്ക് തെറ്റ് പറ്റിപ്പോയോ എന്ന സംശയത്തോടെ ആശാലത അയാളെ ഒരു നോട്ടം നോക്കി... "ഇങ്ങനെ ആരെങ്കിലും പറയുന്നത് കേട്ട് സംശയിക്കത്തക്ക ഒരു ബന്ധമായിരുന്നോ ആശാലതയ്ക്ക് വിൻസന്റിനോട് ഉണ്ടായിരുന്നത്..." ആ പോലീസ് ഓഫീസർ തിരക്കി ആശാലത കണ്മുമ്പിൽ ഇരുന്നു കണ്ണീർ തുടയ്ക്കുന്നത് കണ്ടപ്പോൾ ആ ചെറുപ്പക്കാരന് അവളോട് സഹതാപം തോന്നി. "ആശാലത പൊക്കോളൂ.. ഇതൊരു അപകടമരണമല്ലെങ്കിൽ ഞാനിതിന്റെ കാരണം കണ്ടെത്തി, ഇതിനു പിന്നിലുള്ളവരെ നിയമത്തിനു മുൻപിൽ കൊണ്ട് വരുന്നതായിരിയ്ക്കും. എന്തിനും ഏതിനും ആ ഡ്രൈവറേ കസ്റ്റഡിയിൽ കിട്ടിയേ മതിയാകൂ.. അതുവരെ ആശാലത കാത്തിരിയ്ക്കേണ്ടി വരും.'' അയാൾ പറഞ്ഞു നിർത്തുമ്പോൾ ആശാലതയുടെ കൺകോണിൽ പ്രതീക്ഷയുടെ ഒരു ആശാ നാളം തെളിഞ്ഞിട്ടുണ്ടായിരുന്നു. ആ പോലീസ് ഓഫീസർ ആശാലതയുടെ നമ്പർ വാങ്ങിച്ച ശേഷം തന്റെ നമ്പർ ആശാലതയ്ക്ക് കൈമാറി. എന്തെങ്കിലും വിവരം ആരിൽ നിന്നെങ്കിലും കിട്ടിയാൽ അപ്പോൾ തന്നെ തന്നെ അറിയിയ്ക്കണമെന്നും അയാൾ അവളോട് നിർദേശിച്ചു. ആശാലത പോലീസ് സ്റ്റേഷനിൽ നിന്നിറങ്ങി യിട്ട് പിന്നെ ഓഫീസിൽ പോയി ആർക്കും തന്റെ കല്യാണത്തിന്റെ ക്ഷണക്കത്ത്‌ നൽകാൻ നിന്നില്ല.. അവരാരും അറിയണ്ട തന്റെ കഴുത്തിൽ ഒരു കുരുക്ക് മുറുകാൻ പോകുന്ന കാര്യം.. താലിയല്ല തന്റെ കഴുത്തിൽ വീഴാൻ പോകുന്നത്.. അത് കാല പാശമാണ്... തന്റെ ജീവിതത്തിനു മേൽ ഒരു കാലൻ വീശിയെറിയുന്ന കുരുക്ക്... ആശാലത മയ്യനാട് നിന്നും ഒരു പ്രൈവറ്റ് ബസിൽ കയറി ചിന്നക്കടയിൽ ഇറങ്ങിയ ശേഷം അവിടെ നിന്നും നടന്ന് പുനലൂർ ഭാഗത്തേയ്ക്കുള്ള ബസ്സ്‌ നിർത്തുന്ന ഇടത്തേയ്ക്ക് പോന്നു. ♦️ ആശാലത തിരികെ പോരാനായി പുനലൂർ ബസിൽ ഇരിയ്ക്കുമ്പോൾ വണ്ടി എഴുകോൺ എത്തിയ നേരം അവളുടെ മൊബൈലിലേക്ക് അശോകന്റെ കോൾ വന്നു. "നീ കൊല്ലത്താണോ ആശേ.. ഇങ്ങോട്ട് തിരികെ വരുന്നില്ലേ നീ.." അവൻ തിരക്കി. "നിനക്ക് ഒരു ഗസ്റ്റ് ഉണ്ട് മോളേ. അതാ ഞാൻ നിന്നെ വിളിച്ചത്.നീ പെട്ടന്ന് ഇങ്ങോട്ട് വാ ." ആശാലത യാത്ര ചെയ്യുകയാണെന്ന് ഫോണിലൂടെകാറ്റിന്റെ ഇരമ്പം കേൾക്കവേ അശോകന് മനസിലായി. അവളിൽ മനസ്സിന്റെ കോണിൽ എവിടെയോ തന്നോട് ഒരു പരിഭവം ശേഷിയ്ക്കുന്നുണ്ട്. അതാണ്‌ ഈ മൗനത്തിന്റെ അർത്ഥം. "ആശേ.. നീ കേൾക്കുന്നില്ലേ..." അവൻ വീണ്ടും തിരക്കി. "ഞാൻ ഇപ്പോൾ എത്തും അശോകേട്ടാ.."അത്രയും പറഞ്ഞ ശേഷം ആശാലത കോൾ കട്ട് ചെയ്തു. തന്നെ കാണാൻ വന്ന അതിഥി ആരെന്നോ, എവിടെ നിന്ന് വന്നെന്നോ ഒന്നും ചോദിയ്ക്കാനുള്ള മാനസികാവസ്ഥയിൽ ആയിരുന്നില്ല അവൾ. കുന്നിക്കോട് ബസ് ഇറങ്ങിയ ഉടൻ തന്നെ അവൾക്ക് അവിടെ നിന്നും ഒരു പത്തനാപുരം ബസ് കിട്ടി. അതിൽ പത്തു മിനിറ്റ് നേരത്തെ യാത്രക്കൊണ്ട് ആവണീശ്വരം എത്തി. അവിടെ നിന്നും ഒരു ഓട്ടോ വിളിച്ച് ആശാലത വീട്ടിൽ എത്തുമ്പോൾ പകുതി മുറ്റത്തേയ്ക്കും പകുതി ഗേറ്റിന് വെളിയിലുമായി ഒരു കാർ കിടപ്പുണ്ട്. വീടിന്റെ പണി നടക്കുന്നതിനാൽ കാർ അവിടെ നിർത്തിയിട്ട ശേഷം അതിഥികൾ ആശാലത വരുന്നതും കാത്ത്‌ ഇരിയ്ക്കുകയാണ്. രതീഷിന്റെ അമ്മ രുഗ്മിണിയുടെ അനുജത്തിരോഹിണിയും മകളുമാണ് ആശാലതയെ സന്ദർശിയ്ക്കാനായി എത്തിയത്. രോഹിണി ഓസ്‌ട്രേലിയയിൽ നഴ്‌സ് ആയി ജോലിചെയ്യുകയാണ്. ഒരാഴ്ചത്തെ അവധിയ്ക്ക് നാട്ടിൽ വന്ന രോഹിണിയ്ക്ക് ജ്യേഷ്ടത്തിയുടെ മകന്റെ കല്യാണം കൂടാൻ നിൽക്കാതെ മറ്റന്നാൾ തിരിച്ച് പോകേണ്ടതുണ്ട് എന്നതുകൊണ്ട് ആശാലതയെ നേരത്തെ ഒന്ന് കണ്ടിട്ട് പോകാൻ വന്നതാണ് അവർ. രോഹിണിയ്ക്ക് ആശാലതയെ നന്നായി ബോധിച്ചു. "എന്തായാലും രതീഷിന്റെ കാത്തിരിപ്പ് വെറുതെയായില്ല. കേട്ടോ ചേച്ചീ.." രോഹിണി സഹോദരിയെ നോക്കി പറഞ്ഞു. "കല്യാണം കഴിഞ്ഞാലുടൻ രണ്ട് പേരും കൂടി ആദ്യം വരേണ്ടത് ഞങ്ങളുടെ അടുത്തേക്കാണേ.. ഇപ്പോഴേ ബുക്ക് ചെയ്തേക്കുവാ അത്. കേട്ടോ മോളേ.." രോഹിണി വാത്സല്യത്തോടെ ആശാലതയുടെ തലയിൽ തഴുകിക്കൊണ്ട് പറഞ്ഞു. രോഹിണിയുടെ മകൾ റിനിയ്ക്ക് ആശാലതയുടെ മുഖത്ത്‌ നിന്നും കണ്ണെടുക്കാനേ തോന്നിയില്ല.അവൾ ഇത്രയ്ക്കും ശാലീനമായ ഒരു മുഖം ആദ്യമായി കാണുകയാണെന്ന് തോന്നും അവളുടെ നോട്ടം കണ്ടാൽ. കുറച്ച് നേരം ആശാലതയുമായി സംസാരിച്ചിരുന്ന ശേഷം അവർ മടങ്ങിപ്പോയി. അവരെ യാത്രയയച്ചിട്ട് അശോകൻ അടുക്കളയിലേക്ക് വരുമ്പോൾ അവിടെ അമ്മയും വൃന്ദയും അല്ലാതെ ആശാലതയെ കാണാനില്ല. "അവളെവിടെ ആശ.. വിളിയ്ക്ക് അവളെ." അശോകൻ ഭാര്യയോട് നിർദേശിച്ചു. "അവളിങ്ങോട്ട് വന്നതെല്ലാ ഉള്ളോ അശോകേട്ടാ.അവളൊന്നു ഫ്രഷ് ആയിട്ടിങ്ങോട്ട് തന്നെ വരുമല്ലോ.." അശോകൻ കുറച്ച് സമയം കാത്തിട്ടും ആശാലതയെ കാണാഞ്ഞ് അവൻ അവളുടെ റൂമിലേക്ക് ചെന്നു. ആശാലത തന്റെ ബെഡിൽ ശരീരത്തിന് ഇരുവശത്തേയ്ക്കും കൈകൾ കുത്തി ഇരിയ്ക്കുകയാണ്. 'നിന്നെ കാത്ത്‌ ഒരഥിതി വന്നിട്ടുണ്ടെന്ന് പറഞ്ഞത് കേട്ടിട്ടെങ്കിലും നിനക്ക് നേരത്തെ വരാൻ തോന്നിയില്ലല്ലോ ആശേ. എത്ര നേരമായി അവരിവിടെ ഇരുന്നു മുഷിയുന്നെന്ന് നിനക്ക് അറിയോ. " അവൻ അങ്ങോട്ട് കയറി വന്ന പാടേ പറഞ്ഞു. ആശാലത ഇരുന്നിടത്ത്‌ നിന്നെണീറ്റ് മേശയുടെ അടുത്തേയ്ക്ക് മാറി നിന്നു. "ഞാൻ ബസിൽ ആയിരുന്നല്ലോ അശോകേട്ടാ. ഞാൻ പറഞ്ഞില്ലേ..." "അവരൊക്കെ രാവിലെ എത്തിയതാടീ ഇവിടെ. നീ ഇപ്പൊ വരും, ഇപ്പോവരുംഎന്ന് പറഞ്ഞു അമ്മ അവരെ ഒരു വിധത്തിൽ തടഞ്ഞു നിർത്തിക്കൊണ്ടിരുന്നതാ.." "അതിനെന്താ.. ഞാനിങ്ങ് വന്നില്ലേ. നിങ്ങളാരും പേടിച്ച പോലെ ഞാൻ കൊല്ലത്ത്‌ പോയിട്ട് തിരിച്ച് വരാതിരുന്നതൊന്നും ഇല്ലല്ലോ... പോരെ.. അല്ല.. അതിനാര് പേടിക്കുന്നു അല്ലേ അശോകേട്ടാ.. അങ്ങനെ പേടിയ്ക്കേണ്ട എന്തെങ്കിലും കാര്യമുണ്ടായിരുന്നെങ്കിൽ ഈ വീട്ടിൽ നിന്നിറങ്ങാൻ നിങ്ങളാരും എന്നേ സമ്മതിയ്ക്കില്ലായിരുന്നല്ലോ. അല്ലേ.തടസങ്ങളെല്ലാം ഒഴിവാക്കിയിട്ട് എന്നേ തുറന്ന് ആകാശത്തിന്റെ അനന്ത വിശാലതയിലേക്ക് മേയാൻ വിട്ടു... ഇത് ആരുടെ ബുദ്ധിയായിരുന്നു അശോകേട്ടാ.. അശോകേട്ടന്റെയോ അതോ അയാളുടെയോ..." ആശാലതയുടെ മുഖത്ത്‌ ഒരു വെറും നിർവികാരതയാണ് അശോകന് കാണാൻ കഴിഞ്ഞത്. "നീയെന്താ മോളേ ഇങ്ങനെയൊക്കെ സംസാരിയ്ക്കുന്നത്...ഞാൻ എനിയ്ക്ക് മുമ്പിലെ എന്ത് തടസ്സം ഒഴിവാക്കിയെന്നാ നീ പറയുന്നത്..." "വെറുതേ എന്റെ മുമ്പിൽ അഭിനയിയ്ക്കല്ലേ അശോകേട്ടാ... അശോകേട്ടന് എന്റെ മുമ്പിൽ ഇങ്ങനെ അഭിനയിയ്ക്കാൻ മാത്രമേ കഴിയൂ.. ആ അഭിനയം ഞാൻ മനസിലാക്കുന്നുണ്ടെന്ന് കൂടി അശോകേട്ടൻ തിരിച്ചറിഞ്ഞാൽ കൊള്ളാം..ചിലപ്പോൾ വൃന്ദേട്ടത്തി യുടെയും അമ്മയുടെയും മുൻപിലും അശോകേട്ടന് അഭിനയിയ്ക്കാൻ കഴിഞ്ഞെന്നിരിയ്ക്കും. പക്‌ഷേ എല്ലാവർക്കും അതീതമായി ഇവിടൊരു നിയമമുണ്ട് അശോകേട്ടാ.. നമ്മളെ നയിയ്ക്കുന്ന ഒരു നിയമ വ്യവസ്ഥയുണ്ട്. അശോകേട്ടന് അതാരും പറഞ്ഞു തരേണ്ടല്ലോ.... വിൻസന്റിന്റെ മരണത്തിൽ നിങ്ങൾ രണ്ട് പേരിൽ ആരുടെയെങ്കിലും ഒരാളുടെ കയ്യുണ്ടെന്ന് ഞാൻ അറിയരുത്.. അറിഞ്ഞാൽ..." ആശാലത സഹോദരന്റെ കണ്ണുകളിലേക്ക് ഒന്ന് തറപ്പിച്ചു നോക്കിയ ശേഷം അയാൾക്ക് മുമ്പിലൂടെ പുറത്തേയ്ക്ക് നടന്നു പോയി. കണ്ണുകൾക്ക് മുമ്പിൽ നിന്നും ആശാലത നടന്നു മറയും വരെ അശോകൻ അവളെ തന്നെ നോക്കി നിന്നു. (തുടരും) കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #✍ തുടർക്കഥ #💞 പ്രണയകഥകൾ #📙 നോവൽ #📔 കഥ