*అలసిన వానిని ఊరడించు మాటలు*
🍞🍞🍞🍞🍞🍞🍞🍞🍞
*సహోదరుడు భక్త సింగ్ గారి పరిచర్య నుండి సేకరించిన*
*అనుదిన ధ్యానములు*
🍇🍇🍇🍇🍇🍇🍇🍇🍇
*🌷🌷మార్చి 9🌷🌷*
*“మనుష్యులను నమ్ముకొనుట కంటె యెహోవాను ఆశ్రయించుట మేలు. రాజులను నమ్ముకొనుట కంటె యెహోవాను ఆశ్రయించుట మేలు” (కీర్తనలు 118 :8,9)*
దేవుడు దావీదుకిచ్చిన రెండవ రాయిని చూచెదము. కెయిలా లోని ప్రజలు ఫిలిష్తీయుల చేత అణచబడుచుండిరి . రాజైన సౌలు వారికి సహాయము చేయలేకపోయెను గాని దావీదు వెళ్లి వారిని విడిపించెను. తాను కెయిలా ప్రజలకు చేసిన సహాయమును బట్టి వారు తనకు కృతజ్ఞులై యుందురని, సౌలు చేతిలోనుండి తనను విడిపించుటకు కూడా తమ ప్రాణములు తెగించుదురని దావీదు తలంచి యుండవచ్చును. అయినప్పటికీ అతడు దేవుని యెద్ద విచారణ చేసెను. “ కెయిలా జనులు నన్ను, నా జనులను సౌలు చేతికి అప్పగించుదురా? అని దావీదు మనవి చేయగా యెహోవా - వారు నిన్ను అప్పగించుదురని సెలవిచ్చెను” (1 సమూ 23:12). ఈ ప్రత్యక్షత దావీదుకు మిక్కిలి నిరుత్సాహమును కలిగించి యుండవచ్చును గాని దీని ద్వారా అతడు ఏ మానవుని యందు నమ్మకముంచరాదను పాఠమును నేర్చుకొనెను. ఈ పాఠమును నేర్చుకొనుటకే దేవుడతనిని కెయిలా కు తీసికొనివచ్చెను.
నీవు అధికముగా ప్రేమించి, సహాయపడిన, నీకు సన్నిహితుడైన స్నేహితుడు నీ విషయములో తప్పిపోవు దినము నీ జీవితములో కూడా రావచ్చును. అప్పుడు నీవు, నేను ఇంతగా ప్రేమించిన వ్యక్తి ఏ విధముగా శత్రువుగా మారెనని ఆశ్చర్యపడవచ్చును. నీవు ఆశ్చర్యపడకుము. నీ పూర్తి నమ్మకమును జీవముగల దేవుని యందు మాత్రమే ఉంచవలెనని దేవుడు నీకు బోధించుచున్నాడు. ఆయన తన నమ్మకత్వమును నీ యెడల ఋజువు పరచును.
“కెయిలా” అను పదమునకు “కోట” లేక “స్తంభము” అని అర్ధము. దేవుడు దావీదుతో ఏ మానవ ఆధారమును తనకు స్తంభముగా, కోటగా కలిగి యుండకూడదని చెప్పుచున్నాడు. దేవుని గూర్చి మాత్రమే అతడీ లాగు చెప్పవలెను, “యెహోవా నా శైలము, నా కోట.. నా ఉన్నత దుర్గము” ( కీర్తనలు 18 :2). *నీవు విజయవంతమైన జీవితమును జీవించగోరిన యెడల నీవు జీవముగల దేవుని యందు నమ్మకము ఉంచవలెను. చాల మంది కన్నులు వారి స్నేహితులపై, బంధువులపై నుండును. కొంత మంది కన్నులు అమెరికా సహాయముపై నుండును. ఇది ఎంత విచారకరము! ఈ కారణమును బట్టియే వారి జీవితములు ఆత్మీయముగా గొడ్డు బారిన స్థితిలో నుండును.* ఆ విధముగా దేవుడు దావీదు కిచ్చిన రెండవ రాయి తాను ఏ మానవుని యందు నమ్మిక ఉంచరాదని, దేవుని మీద మాత్రమే ఆధారపడ వలెనని తెలియ జేయుచున్నది.
Please share
🙏🏼Praise the LORD.🙏🏼
#📝అనుదిన వాక్యము #⛪దేవుని వాక్యము ✝